Sahidic Bible Citation1257
Shenoute, Canon 8 previous | next
Citation Text
… ⲟⲛⲧⲱⲥ ⲕⲛⲁⲧⲁⲛϩⲉⲧ⳿ ⲟⲩⲥϩⲓⲙⲉ ⲛ̄ϩⲁⲓⲧⲉⲣⲁ· ⲉⲡⲉⲥⲟⲩϫⲁⲓ̈· ⲛ̄ϩⲟⲩⲟ̂ ⲉϩⲁϩ ⲛ̄ⲣⲱⲙⲉ ⲛ̄ⲧⲉⲓ̈ⲙⲓⲛⲉ· ϩⲉⲛϩⲟⲟⲩⲧ· ⲙⲛ̄ ϩⲉⲛϩⲓⲟⲙⲉ· ϩⲉⲛϣⲏⲣⲉ ⲙⲛ̄ ϩⲉⲛϣⲉⲉⲣⲉ· ⲉⲩⲟⲩⲏϩ ⲙⲛ̄ ⲛⲉⲩⲉⲣⲏⲩ· ⲏ̄ ⲟⲩⲡⲟⲣⲛⲏ ⲁⲛ ⲧⲉ ϩⲣⲁⲁⲃ· ⲁⲩⲱ ⲁⲥⲣ̄ⲟⲩϩⲏⲧ ⲛ̄ⲟⲩⲱⲧ ⲙⲛ̄ ⲛ̄ⲕⲁⲧⲁⲥⲕⲟⲛⲟⲥ· ⲁⲩⲱ ⲁⲥⲉⲓⲙⲉ ϫⲉ ⲉⲩϣⲁϫⲉ ⲛⲙ̄ⲙⲁⲥ ⲛ̄ⲁϣ ⲛ̄ϩⲉ· ⲧⲁⲓ̈ ⲧⲉ ⲑⲉ ⲛ̄ⲧⲁⲥⲟⲩ ϫⲁⲓ̈ ⲛ̄ⲧⲟⲥ ⲙⲛ̄ ⲡⲉⲥⲉⲓⲱⲧ· ⲙⲛ̄ ⲧⲉⲥⲙⲁⲁⲩ· ⲙⲛ ⲡⲉⲥⲏⲓ̈ ⲧⲏⲣϥ︦· ⲉⲡϣⲟⲣϣⲣ̄ ⲛ̄ϩⲓⲉⲣⲓⲭⲱ⳿ ⲛ̄ⲑⲉ ⲛ̄ⲧⲁⲡϫⲟⲉⲓⲥ ⲡⲛⲟⲩⲧⲉ ϣⲁⲁⲣ⳿ ⲉⲛⲉⲧⲟⲩⲏϩ ⲛ̄ϩⲏⲧⲥ̄· …
Biblical Reference
Josh.2.8; Josh.6.22-Josh.6.25; Heb.11.31
Josh.2.8 ⲁⲥϣⲱⲡⲉ ⲇⲉ ⲛ̄ⲧⲉⲣⲟⲩⲉⲓ ⲉⲃⲟⲗ ⲛ̄ϭⲓ ⲛⲉⲧⲡⲏⲧ ⲛ̄ⲥⲱⲟⲩ ⲛ̄ⲧⲟⲟⲩ ⲇⲉ ϩⲱⲱⲟⲩ ⲉⲙⲡⲁⲧⲟⲩⲛ̄ⲕⲟⲧ︤ⲕ︥ ϩⲣⲁⲁⲃ ⲁⲥⲃⲱⲕ ⲛⲁⲩ ⲉϩⲣⲁⲓ̈ ⲉϫ︤ⲛ︥ ⲧϫⲉⲛⲉⲡⲱⲣ.
Josh.6.22 ⲁⲩⲱ ⲡϩⲣϣⲓⲣⲉ ⲥⲛⲁⲩ ⲉⲛⲧⲁⲩⲙⲉϣⲧⲡⲕⲁϩ ⲡⲉϫⲉ ⲓ̈ⲏⲥⲟⲩⲥ ⲛⲁⲩ ϫⲉⲃⲱⲕ ⲉϩⲟⲩⲛ ⲉⲡⲏⲓ ⲛⲧⲉⲥϩⲓⲙⲉ ⲛⲧⲉⲧⲛⲛⲧⲥ ⲉⲃⲟⲗ ⲙⲡⲙⲁ ⲉⲧⲙⲙⲁⲩ ⲙ︤ⲛ︥ ⲛⲉⲧϣⲟⲟⲡ ⲛⲁⲥ.
Josh.6.23 ⲁⲩⲱ ⲡϩⲣϣⲏⲣⲉ ⲥⲛⲁⲩ ⲉⲛⲧⲁⲩⲙⲉϣⲧⲧⲡⲟⲗⲓⲥ ⲁⲩⲃⲱⲕ ⲉϩⲟⲩⲛ ⲉⲡⲏⲓ ⲛⲧⲉⲥϩⲓⲙⲉ ⲁⲩⲉⲓⲛⲉ ⲉⲃⲟⲗ ⲛϩⲣⲁⲁⲃ ⲧⲡⲟⲣⲛⲏ ⲁⲩⲱ ⲡⲉⲥⲓⲉⲱⲧ ⲙ︤ⲛ︥ ⲧⲉⲥⲙⲁⲁⲩ ⲙ︤ⲛ︥ ⲛⲉⲥⲥⲛⲏⲩ ⲙ︤ⲛ︥ ⲧⲉⲥⲣⲁⲓⲧⲉ ⲧⲏⲣ︤ⲥ︥ ⲙ︤ⲛ︥ ⲛⲕⲁ ⲛⲓⲙ ⲉⲧϣⲟⲟⲡ ⲛⲁⲥ ⲁⲩⲧⲁϩⲟⲥ ⲉⲣⲁⲧⲥ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣⲉⲙⲃⲟⲗⲏ ⲙⲡⲓ̈ⲥⲣⲁⲏⲗ.
Josh.6.24 ⲁⲩⲱ ⲧⲡⲟⲗⲓⲥ ⲁⲩϣⲱϥⲉ ϩ︤ⲛ︥ ⲟⲩⲕⲣⲱⲙ ⲙ︤ⲛ︥ ⲛⲉⲧⲛ̄ϩⲏⲧ︤ⲥ︥ ⲧⲏⲣⲟⲩ ϣⲁⲧⲛ ⲡϩⲁⲧ ⲙ︤ⲛ︥ ⲡⲛⲟⲩⲃ ⲁⲩⲱ ϩⲟⲙⲛⲧ ⲛⲓⲙ ϩⲓ ⲃⲉⲛⲓⲡⲉ ⲛⲓⲙ ⲁⲩⲧⲁⲁⲩ ⲉⲧⲣⲉⲩⲉⲛⲧⲟⲩ ⲉϩⲟⲩⲛ ⲉⲡⲁϩⲟ ⲙⲡϫⲟⲉⲓⲥ.
Josh.6.25 ⲁⲩⲱ ϩⲣⲁⲁⲃ ⲧⲡⲟⲣⲛⲏ ⲙ︤ⲛ︥ ⲡⲉⲥⲏⲓ ⲧⲏⲣ︤ϥ︥ ⲙ︤ⲛ︥ ⲡⲉⲥⲉⲓⲱⲧ ⲁⲓ̈ⲏⲥⲟⲩⲥ ⲧⲁⲛϩⲟⲟⲩ ⲁⲩⲱ ⲁϥⲧⲣⲉⲩⲟⲩⲟϩ ϩ︤ⲙ︥ ⲡⲓ̈ⲥⲣⲁⲏⲗ ϣⲁϩⲣⲁⲓ̈ ⲉⲡⲟⲟⲩ ⲛϩⲟⲟⲩ ⲁⲩⲱ ⲉⲃⲟⲗ ϫⲉ ϩⲣⲁⲁⲃ ⲁⲥϩⲱⲡ ⲛⲉⲛⲧⲁⲩⲙⲉϣⲧ ϩⲓⲉⲣⲓⲭⲱ.
Heb.11.31 ϩⲛ ⲟⲩⲡⲓⲥⲧⲓⲥ ϩⲣⲁⲁⲃ ⲧⲡⲟⲣⲛⲏ ⲙⲡⲥϩⲉ ⲉⲃⲟⲗ ⲙⲛ ⲛⲉⲛⲧⲁⲩⲣⲁⲧⲛⲁϩⲧⲉ ⲉⲁⲥϣⲱⲡ ⲉⲣⲟⲥ ⲛⲛϫⲱⲣ ϩⲛ ⲟⲩⲉⲓⲣⲏⲛⲏ.
Josh.6.22 ⲁⲩⲱ ⲡϩⲣϣⲓⲣⲉ ⲥⲛⲁⲩ ⲉⲛⲧⲁⲩⲙⲉϣⲧⲡⲕⲁϩ ⲡⲉϫⲉ ⲓ̈ⲏⲥⲟⲩⲥ ⲛⲁⲩ ϫⲉⲃⲱⲕ ⲉϩⲟⲩⲛ ⲉⲡⲏⲓ ⲛⲧⲉⲥϩⲓⲙⲉ ⲛⲧⲉⲧⲛⲛⲧⲥ ⲉⲃⲟⲗ ⲙⲡⲙⲁ ⲉⲧⲙⲙⲁⲩ ⲙ︤ⲛ︥ ⲛⲉⲧϣⲟⲟⲡ ⲛⲁⲥ.
Josh.6.23 ⲁⲩⲱ ⲡϩⲣϣⲏⲣⲉ ⲥⲛⲁⲩ ⲉⲛⲧⲁⲩⲙⲉϣⲧⲧⲡⲟⲗⲓⲥ ⲁⲩⲃⲱⲕ ⲉϩⲟⲩⲛ ⲉⲡⲏⲓ ⲛⲧⲉⲥϩⲓⲙⲉ ⲁⲩⲉⲓⲛⲉ ⲉⲃⲟⲗ ⲛϩⲣⲁⲁⲃ ⲧⲡⲟⲣⲛⲏ ⲁⲩⲱ ⲡⲉⲥⲓⲉⲱⲧ ⲙ︤ⲛ︥ ⲧⲉⲥⲙⲁⲁⲩ ⲙ︤ⲛ︥ ⲛⲉⲥⲥⲛⲏⲩ ⲙ︤ⲛ︥ ⲧⲉⲥⲣⲁⲓⲧⲉ ⲧⲏⲣ︤ⲥ︥ ⲙ︤ⲛ︥ ⲛⲕⲁ ⲛⲓⲙ ⲉⲧϣⲟⲟⲡ ⲛⲁⲥ ⲁⲩⲧⲁϩⲟⲥ ⲉⲣⲁⲧⲥ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣⲉⲙⲃⲟⲗⲏ ⲙⲡⲓ̈ⲥⲣⲁⲏⲗ.
Josh.6.24 ⲁⲩⲱ ⲧⲡⲟⲗⲓⲥ ⲁⲩϣⲱϥⲉ ϩ︤ⲛ︥ ⲟⲩⲕⲣⲱⲙ ⲙ︤ⲛ︥ ⲛⲉⲧⲛ̄ϩⲏⲧ︤ⲥ︥ ⲧⲏⲣⲟⲩ ϣⲁⲧⲛ ⲡϩⲁⲧ ⲙ︤ⲛ︥ ⲡⲛⲟⲩⲃ ⲁⲩⲱ ϩⲟⲙⲛⲧ ⲛⲓⲙ ϩⲓ ⲃⲉⲛⲓⲡⲉ ⲛⲓⲙ ⲁⲩⲧⲁⲁⲩ ⲉⲧⲣⲉⲩⲉⲛⲧⲟⲩ ⲉϩⲟⲩⲛ ⲉⲡⲁϩⲟ ⲙⲡϫⲟⲉⲓⲥ.
Josh.6.25 ⲁⲩⲱ ϩⲣⲁⲁⲃ ⲧⲡⲟⲣⲛⲏ ⲙ︤ⲛ︥ ⲡⲉⲥⲏⲓ ⲧⲏⲣ︤ϥ︥ ⲙ︤ⲛ︥ ⲡⲉⲥⲉⲓⲱⲧ ⲁⲓ̈ⲏⲥⲟⲩⲥ ⲧⲁⲛϩⲟⲟⲩ ⲁⲩⲱ ⲁϥⲧⲣⲉⲩⲟⲩⲟϩ ϩ︤ⲙ︥ ⲡⲓ̈ⲥⲣⲁⲏⲗ ϣⲁϩⲣⲁⲓ̈ ⲉⲡⲟⲟⲩ ⲛϩⲟⲟⲩ ⲁⲩⲱ ⲉⲃⲟⲗ ϫⲉ ϩⲣⲁⲁⲃ ⲁⲥϩⲱⲡ ⲛⲉⲛⲧⲁⲩⲙⲉϣⲧ ϩⲓⲉⲣⲓⲭⲱ.
Heb.11.31 ϩⲛ ⲟⲩⲡⲓⲥⲧⲓⲥ ϩⲣⲁⲁⲃ ⲧⲡⲟⲣⲛⲏ ⲙⲡⲥϩⲉ ⲉⲃⲟⲗ ⲙⲛ ⲛⲉⲛⲧⲁⲩⲣⲁⲧⲛⲁϩⲧⲉ ⲉⲁⲥϣⲱⲡ ⲉⲣⲟⲥ ⲛⲛϫⲱⲣ ϩⲛ ⲟⲩⲉⲓⲣⲏⲛⲏ.
Type
Allusion
Edition
Boud’hors, Anne. Le Canon 8 de Chénouté. Introduction, Édition Critique. Vol. 1. 2 vols. Le Caire, 2013, 286:15-48