Dan.3.1 […]
Dan.3.2 […]
Dan.3.3 […]
Dan.3.4 […]
Dan.3.5 […]
Dan.3.6 […]
Dan.3.7 […]
Dan.3.8 […]
Dan.3.9 […]
Dan.3.10 […]
Dan.3.11 […]
Dan.3.12 […]
Dan.3.13 […]
Dan.3.14 […]
Dan.3.15 […]
Dan.3.16 […]
Dan.3.17 […]
Dan.3.18 […]
Dan.3.19 […]
Dan.3.20 […]
Dan.3.21 ⲧⲟⲧⲉ ⲛ̄ⲣⲱⲙⲉ ⲉⲧⲙ̄ⲙⲁⲩ ⲁⲩⲙⲟⲣⲟⲩ ⲉⲣⲉⲛⲉⲩϩⲟⲓ̈ⲧⲉ ϩⲓⲱⲟⲩ ⲙ︤ⲛ︥ ⲛⲉⲩⲕⲗⲁϥ︤ⲧ︥ ⲙ︤ⲛ︥ ⲛⲉⲧⲙⲏⲣ ⲉⲛⲉⲩⲟⲩⲉⲣⲏⲧⲉ ⲁⲩⲛⲟϫⲟⲩ ⲉⲧⲙⲏⲧⲉ ⲛ̄ⲧⲉϩⲣⲱ ⲛ̄ⲥⲁⲧⲉ ⲉⲧⲙⲟⲩϩ.
Dan.3.22 ⲉⲃⲟⲗ ϫⲉ ⲛ︤ϥ︥ϭ︤ⲙ︥ϭⲟⲙ ⲛ̄ϭⲓ ⲡϣⲁϫⲉ ⲙ̄ⲡⲣ̄ⲣⲟ ⲧⲉϩⲣⲱ ⲇⲉ ⲁⲩⲧ︤ⲙ︥ϩoⲥ ⲉⲙⲁⲧⲉ.
Dan.3.23 ⲁⲩⲱ ⲡⲉⲓ̈ϣⲟⲙ︤ⲛ︦ⲧ︥ ⲥⲉⲇⲣⲁⲕ ⲙⲓⲥⲁⲕ ⲁⲃⲇⲉⲛⲁⲅⲱ ⲁⲩϩⲉ ⲉⲧⲙⲏⲧⲉ ⲛ̄ⲧⲉϩⲣⲱ ⲉⲧⲙⲟⲩϩ ⲉⲩⲙⲏⲣ.
Dan.3.24 ⲁⲩⲱ ⲛⲉⲩⲙⲟⲟϣⲉ ⲛ̄ⲧⲙⲏⲧⲉ ⲙ̄ⲡϣⲁϩ ⲉⲩϩⲱⲥ ⲉⲡⲛⲟⲩⲧⲉ ⲁⲩⲱ ⲉⲩϯⲉⲟⲟⲩ ⲙ̄ⲡϫⲟⲉⲓⲥ.
Dan.3.25 ⲁⲁⲍⲁⲣⲓⲁⲥ ⲇⲉ ⲁϩⲉⲣⲁⲧ︤ϥ︥ ⲙ̄ⲙⲁⲩ ⲁϥϣⲗⲏⲗ ⲛ̄ⲧⲉⲓ̈ϩⲉ ⲁⲩⲱ ⲁϥⲟⲩⲱⲛ ⲛ̄ⲣⲱϥ ϩ︤ⲛ︥ ⲧⲙⲏⲧⲉ ⲙ̄ⲡⲕⲱϩ︤ⲧ︥ ⲉϥϫⲱ ⲙ̄ⲙⲟⲥ ϫⲉ.
Dan.3.26 ⲕⲥⲙⲁⲙⲁⲁⲧ ⲡϫⲟⲉⲓⲥ ⲡⲛⲟⲩⲧⲉ ⲛ̄ⲛⲉⲛⲉⲓⲟⲧⲉ ⲕⲥⲙⲁⲙⲁⲁⲧ ⲁⲩⲱ ⲡⲉⲕⲣⲁⲛ ϩⲁⲉⲟⲟⲩ ϣⲁ ⲛⲓⲉⲛⲉϩ.
Dan.3.27 ϫⲉ ⲛ̄ⲧ︤ⲕ︥ ⲟⲩⲇⲓⲕⲁⲓⲟⲥ ⲉϩⲣⲁⲓ̈ ⲉϫ︤ⲛ︥ ϩⲱⲃ ⲛⲓⲙ ⲛ̄ⲧⲁⲕⲁⲁⲩ ⲁⲩⲱ ⲛⲉⲕϩⲃⲏⲩⲉ ⲧⲏⲣⲟⲩ ϩⲉⲛⲙⲉ ⲛⲉ ⲁⲩⲱ ⲛⲉⲕϩⲓⲟⲟⲩⲉ ⲧⲏⲣⲟⲩ ⲥⲉⲥⲟⲩⲧⲱⲛ ⲁⲩⲱ ⲛⲉⲕϩⲁⲡ ⲧⲏⲣⲟⲩ ϩⲉⲛⲙⲉ ⲛⲉ.
Dan.3.28 ⲁⲩⲱ ⲛ̄ϩⲁⲡ ⲙ̄ⲙⲉ ⲛⲉ ⲛ̄ⲧⲁⲕⲁⲁⲩ ⲕⲁⲧⲁ ϩⲱⲃ ⲛⲓⲙ ⲛ̄ⲧⲁⲕⲛ̄ⲧⲟⲩ ⲉϩⲣⲁⲓ̈ ⲉϫⲱⲛ ⲁⲩⲱ ⲉϩⲣⲁⲓ̈ ⲉϫ︤ⲛ︥ ⲑⲓⲉⲣⲟⲩⲥⲁⲗⲏⲙ ⲧⲡⲟⲗⲓⲥ ⲉⲧⲟⲩⲁⲁⲃ ⲛ̄ⲛⲉⲛⲉⲓⲟⲧⲉ ϫⲉ ϩⲣⲁⲓ̈ ϩ︤ⲛ︥ ⲟⲩⲙⲉ ⲙ︤ⲛ︥ ⲟⲩϩⲁⲡ ⲁⲕⲉⲓⲛⲉ ⲛ̄ⲛⲁⲓ̈ ⲧⲏⲣⲟⲩ ⲉⲧⲃⲉ ⲛⲉⲛⲛⲟⲃⲉ.
Dan.3.29 ϫⲉ ⲁⲛⲣ̄ⲛⲟⲃⲉ ⲁⲩⲱ ⲁⲛⲁⲛⲟⲙⲉⲓ ⲁⲛⲥⲁϩⲱⲛ ⲉⲃⲟⲗ ⲙ̄ⲙⲟⲕ ⲁⲛⲣ̄ⲛⲟⲃⲉ ϩ︤ⲛ︥ ϩⲱⲃ ⲛⲓⲙ.
Dan.3.30 ⲁⲩⲱ ⲙ̄ⲡⲉⲛⲥⲱⲧ︤ⲙ︥ ⲛ̄ⲛⲉⲕⲉⲛⲧⲟⲗⲏ ⲟⲩⲇⲉ ⲙ̄ⲡⲉⲛϩⲁⲣⲉϩ ⲉⲣⲟⲟⲩ ⲟⲩⲇⲉ ⲙ̄ⲡⲉⲛⲁⲁⲩ ⲕⲁⲧⲁ ⲑⲉ ⲛ̄ⲧⲁⲕϩⲱⲛ ⲉⲧⲟⲟⲧ︤ⲛ︥ ϫⲉⲕⲁⲥ ⲉⲣⲉⲡⲡⲉⲧⲛⲁⲛⲟⲩϥ ϣⲱⲡⲉ ⲙ̄ⲙⲟⲛ.
Dan.3.31 ⲁⲩⲱ ϩⲱⲃ ⲛⲓⲙ ⲛ̄ⲧⲁⲕⲛ̄ⲧⲟⲩ ⲉϩⲣⲁⲓ̈ ⲉϫⲱⲛ ⲙ︤ⲛ︥ ϩⲱⲃ ⲛⲓⲙ ⲛ̄ⲧⲁⲕⲁⲁⲩ ⲛⲁⲛ ⲛ̄ⲧⲁⲕⲁⲁⲩ ⲉϩⲣⲁⲓ̈ ϩ︤ⲛ︥ ⲟⲩϩⲁⲡ ⲙ̄ⲙⲉ.
Dan.3.32 ⲁⲕⲧⲁⲁⲛ ⲉϩⲣⲁⲓ̈ ⲉⲧⲟⲟⲧⲟⲩ ⲛ̄ϩⲉⲛⲁⲛⲟⲙⲟⲥ ⲛ̄ϫⲁϫⲉ ⲛ̄ⲁⲡⲟⲥⲧⲁⲧⲏⲥ ⲁⲩⲱ ⲛ̄ⲟⲩⲣ̄ⲣⲟ ⲛ̄ⲣⲉϥϫⲓⲛ̄ϭⲟⲛⲥ ⲁⲩⲱ ⲙ̄ⲡⲟⲛⲏⲣⲟⲥ ⲡⲁⲣⲁ ⲡⲕⲁϩ ⲧⲏⲣ︤ϥ︥.
Dan.3.33 ⲧⲉⲛⲟⲩ ϭⲉ ⲛ̄ⲥⲧⲟ ⲛⲁⲛ ⲁⲛ ⲉⲩⲱⲛ ⲛ̄ⲣⲱⲛ ϫⲉ ⲁⲩϣⲓⲡⲉ ⲙ︤ⲛ︥ ⲟⲩⲛⲟϭⲛⲉϭ ϣⲱⲡⲉ ⲛ̄ⲛⲉⲕϩ︤ⲙ︥ϩⲁⲗ ⲙ︤ⲛ︥ ⲛⲉⲧϣ︤ⲙ︥ϣⲉ ⲛⲁⲕ.
Dan.3.34 ⲙ̄ⲡ︤ⲣ︥ⲧⲁⲁⲛ ϣⲁⲃⲟⲗ ⲉⲧⲃⲉ ⲡⲉⲕⲣⲁⲛ ⲁⲩⲱ ⲙ̄ⲡ︤ⲣ︥ϫⲱⲱⲣⲉ ⲉⲃⲟⲗ ⲛ̄ⲧⲉⲕⲇⲓⲁⲑⲏⲕⲏ.
Dan.3.35 ⲁⲩⲱ ⲙ̄ⲡ︤ⲣ︥ⲥⲁϩⲉⲡⲉⲕⲛⲁ ⲉⲃⲟⲗ ⲙ̄ⲙⲟⲛ ⲉⲧⲃⲉ ⲁⲃⲣⲁϩⲁⲙ ⲡⲉⲕⲙⲉⲣⲓⲧ ⲙ︤ⲛ︥ ⲓⲥⲁⲁⲕ ⲡⲉⲕϩ︤ⲙ︥ϩⲁⲗ ⲙ︤ⲛ︥ ⲡⲓⲥⲣⲁⲏⲗ ⲡⲉⲕⲡⲉⲧⲟⲩⲁⲁⲃ.
Dan.3.36 ⲛⲁⲓ̈ ⲛ̄ⲧⲁⲕϣⲁϫⲉ ⲛ̄ⲑⲉ ⲛ̄ⲛ̄ⲥⲓⲟⲩ ⲛ̄ⲧⲡⲉ ⲁⲩⲱ ⲛ̄ⲑⲉ ⲙ̄ⲡϣⲱ ⲉⲧϩⲓϫ︤ⲙ︥ ⲡⲉⲕⲣⲟ ⲛ̄ⲑⲁⲗⲁⲥⲥⲁ.
Dan.3.37 ϫⲉ‍ ⲁⲛⲥⲃⲟⲕ ⲡϫⲟⲉⲓⲥ ⲡⲁⲣⲁ ⲛ̄ϩⲉⲑⲛⲟⲥ ⲧⲏⲣⲟⲩ ⲁⲩⲱ ⲧ︤ⲛ︥ⲑ︤ⲃ︥ⲃⲓⲏⲩ ϩⲣⲁⲓ̈ ϩ︤ⲙ︥ ⲡⲕⲁϩ ⲧⲏⲣ︤ϥ︥ ⲙ̄ⲡⲟⲟⲩ ⲉⲧⲃⲉ ⲛⲉⲛⲛⲟⲃⲉ.
Dan.3.38 ⲁⲩⲱ ⲙ̄ⲙ︤ⲛ︥ⲟⲩⲟⲛ ϩ︤ⲙ︥ ⲡⲉⲓ̈ⲟⲩⲟⲉⲓϣ ⲛ̄ϭⲓ ⲟⲩⲁⲣⲭⲱⲛ ⲙ︤ⲛ︥ ⲟⲩⲡⲣⲟⲫⲏⲧⲏⲥ ⲙ︤ⲛ︥ ⲟⲩϩⲏⲅⲟⲩⲙⲉⲛⲟⲥ ⲟⲩⲇⲉ ϭⲗⲓⲗ ⲟⲩⲇⲉ ⲑⲩⲥⲓⲁ ⲟⲩⲇⲉ ⲡⲣⲟⲥⲫⲟⲣⲁ ⲟⲩⲇⲉ ϣⲟⲩϩⲏⲛⲉ ⲟⲩⲇⲉ ⲙⲁ ⲛ̄ⲧⲁⲗⲟ ⲉϩⲣⲁⲓ̈ ⲙ̄ⲡⲉⲕⲙ̄ⲧⲟ ⲉⲃⲟⲗ ⲉⲧⲣⲉⲛϭⲓⲛⲉ ⲛⲟⲩⲛⲁ.
Dan.3.39 ⲁⲗⲗⲁ ϩⲣⲁⲓ̈ ϩ︤ⲛ︥ ⲟⲩⲯⲩⲭⲏ ⲉⲥⲧ︤ⲛ︥ⲛⲏⲩ ⲙ︤ⲛ︥ ⲟⲩⲡⲛⲉⲩⲙⲁ ⲉϥⲑ︤ⲃ︥ⲃⲓⲏⲩ ⲉⲕⲉϣⲁⲡⲉⲛ ⲉϩⲟⲩⲛ.
Dan.3.40 ⲛ̄ⲑⲉ ⲛ̄ⲟⲩⲧⲁⲗⲟ ⲛ̄ⲟⲉⲓⲗⲉ ϩⲓ ⲙⲁⲥⲉ ⲁⲩⲱ ⲛ̄ⲑⲉ ⲛ̄ϩⲉⲛⲧⲃⲁ ⲛ̄ϩⲓⲉⲓⲃ ⲉⲩⲕⲓⲱⲟⲩ ⲧⲁⲓ̈ ⲧⲉ ⲑⲉ ⲙⲁⲣⲉⲥϣⲱⲡⲉ ⲛ̄ϭⲓ ⲧ︤ⲛ︥ⲑⲩⲥⲓⲁ ⲙ̄ⲡⲉⲕⲙ̄ⲧⲟ ⲉⲃⲟⲗ ⲛ̄ⲧⲉⲛϣ︤ⲙ︥ϣⲉ ⲛⲁⲕ ϫⲉ ⲙ︤ⲛ︥ϣⲓⲡⲉ ϣⲟⲟⲡ ⲛ̄ⲛⲉⲧⲛⲁϩⲧⲉ ⲉⲣⲟⲕ.
Dan.3.41 ⲧⲉⲛⲟⲩ ⲇⲉ ⲧ︤ⲛ︥ⲟⲩⲁϩⲛ ⲛ̄ⲥⲱⲕ ϩ︤ⲙ︥ ⲡⲉⲛϩⲏⲧ ⲧⲏⲣ︤ϥ︥ ⲛ̄ⲧ︤ⲛ︥ⲣ̄ϩⲟⲧⲉ ⲉϩⲏⲧ︤ⲕ︥ ϩ︤ⲙ︥ ⲡⲉⲛϩⲏⲧ ⲧⲏⲣ︤ϥ︥ ⲁⲩⲱ ⲧ︤ⲛ︥ϣⲓⲛⲉ ⲛ̄ⲥⲁ ⲡⲉⲕϩⲟ.
Dan.3.42 ⲙ̄ⲡ︤ⲣ︥ϯϣⲓⲡⲉ ⲛⲁⲛ ⲁⲗⲗⲁ ⲁⲣⲓⲣⲉ ⲛ︤ⲙ︥ⲙⲁⲛ ⲕⲁⲧⲁ ⲧⲉⲕⲙ︤ⲛ︦ⲧ︥ϩⲁⲕ ⲁⲩⲱ ⲕⲁⲧⲁ ⲡⲁϣⲁⲓ̈ ⲙ̄ⲡⲉⲕⲛⲁ.
Dan.3.43 ⲙⲁⲧⲟⲩϫⲟⲛ ⲕⲁⲧⲁ ⲛⲉⲕϣⲡⲏⲣⲉ ⲁⲩⲱ ⲛ︤ⲅ︥ϯⲉⲟⲟⲩ ⲙ̄ⲡⲉⲕⲣⲁⲛ ⲡϫⲟⲉⲓⲥ.
Dan.3.44 ⲁⲩⲱ ⲛ̄ⲥⲉϫⲓϣⲓⲡⲉ ⲉⲃⲟⲗ ⲛ̄ϭⲓ ⲛⲉⲧⲣ̄ⲃⲟⲟⲛⲉ ⲛ̄ⲛⲉⲕϩ︤ⲙ︥ϩⲁⲗ ⲁⲩⲱ ⲙⲁⲣⲟⲩϫⲓϣⲓⲡⲉ ⲉⲃⲟⲗ ϩⲁ ⲧⲉⲩϭⲟⲙ ⲧⲏⲣ︤ⲥ︥ ⲛ︤ⲥ︥ⲟⲩⲱϣ︤ϥ︥ ⲛ̄ϭⲓ ⲧⲉⲩⲛⲟⲙⲧⲉ.
Dan.3.45 ⲁⲩⲱ ⲙⲁⲣⲟⲩⲉⲓⲙⲉ ϫⲉ ⲛ̄ⲧⲟⲕ ⲡⲉ ⲡϫⲟⲉⲓⲥ ⲡⲛⲟⲩⲧⲉ ⲙⲁⲩⲁⲁϥ ⲉϩⲣⲁⲓ̈ ⲉϫ︤ⲛ︥ ⲧⲟⲓⲕⲟⲩⲙⲉⲛⲏ ⲧⲏⲣ︤ⲥ︥.
Dan.3.46 ⲛ̄ϩⲏⲡⲉⲣⲏⲧⲏⲥ ⲇⲉ ⲙ̄ⲡⲣ̄ⲣⲟ ⲛ̄ⲧⲁⲩⲛⲁϫⲟⲩ ⲙ̄ⲡⲟⲩⲕⲁ ⲧⲟⲟⲧⲟⲩ ⲉⲃⲟⲗ ⲉⲩⲧⲱⲕ ⲉⲧⲉϩⲣⲱ ⲛ̄ⲟⲩⲙⲁϩⲉ ⲙ︤ⲛ︥ ⲟⲩⲗⲁⲙϫⲁⲧ︤ⲡ︥ ⲟⲩⲥⲁⲁⲥⲉ ⲙ︤ⲛ︥ ⲟⲩϭⲗⲱ.
Dan.3.47 ⲡϣⲁϩ ⲁϥϫⲓⲥⲉ ⲉϩⲣⲁⲓ̈ ⲉϫ︤ⲛ︥ ⲧⲉϩⲣⲱ ⲉⲛⲁⲙⲉⲯⲓⲥ ⲙ̄ⲙⲁϩⲉ.
Dan.3.48 ⲁϥⲉⲓ ⲉⲃⲟⲗ ⲁϥⲣⲱⲕ︤ϩ︥ ⲛ̄ⲛⲉⲭⲁⲗⲇⲁⲓⲟⲥ ⲛⲁⲓ̈ ⲛ̄ⲧⲁϥϩⲉ ⲉⲣⲟⲟⲩ ϩ︤ⲙ︥ ⲡⲕⲱⲧⲉ ⲛ̄ⲧⲉϩⲣⲱ.
Dan.3.49 ⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲁϥⲉⲓ ⲙ︤ⲛ︥ ⲁⲍⲁⲣⲓⲁⲥ ⲉϩⲣⲁⲓ̈ ⲉⲧⲉϩⲣⲱ ⲁϥⲡⲱϣ ⲙ̄ⲡϣⲁϩ ⲛ̄ⲕⲱϩ︤ⲧ︥ ⲉⲃⲟⲗ ϩ︤ⲛ︥ ⲧⲉϩⲣⲱ.
Dan.3.50 ⲁϥⲧⲣⲉⲧⲉⲙⲏⲧⲉ ⲛ̄ⲧⲉϩⲣⲱ ϣⲱⲡⲉ ⲛ̄ⲑⲉ ⲛ̄ⲟⲩⲡⲛⲉⲩⲙⲁ ⲛ̄ⲉⲓⲱⲧⲉ ⲉϥⲥⲱⲕ ⲁⲩⲱ ⲙ̄ⲡⲉϥϫⲱϩ ⲗⲁⲁⲩ ⲉⲣⲟⲟⲩ ⲛ̄ϭⲓ ⲡⲕⲱϩ︤ⲧ︥ ⲟⲩⲇⲉ ⲙ̄ⲡⲉϥⲗⲏⲡⲉⲓ ⲙ̄ⲙⲟⲟⲩ ⲟⲩⲇⲉ ⲙ̄ⲡⲉϥⲉⲛⲱⲭⲗⲓ ⲛⲁⲩ.
Dan.3.51 ⲧⲟⲧⲉ ⲡϣⲟⲙ︤ⲛ︦ⲧ︥ ⲛ̄ⲑⲉ ⲉⲃⲟⲗ ϩ︤ⲛ︥ ⲟⲩⲧⲁⲡⲣⲟ ⲛ̄ⲟⲩⲱⲧ ⲁⲩϩⲱⲥ ⲁⲩϯⲉⲟⲟⲩ ⲁⲩⲥⲙⲟⲩ ⲉⲡⲛⲟⲩⲧⲉ ⲉϩⲣⲁⲓ̈ ϩ︤ⲛ︥ ⲧⲉϩⲣⲱ ⲉⲩϫⲱ ⲙ̄ⲙⲟⲥ ϫⲉ.
Dan.3.52 ⲕⲥⲙⲁⲙⲁⲁⲧ ⲡϫⲟⲉⲓⲥ ⲡⲛⲟⲩⲧⲉ ⲛ̄ⲛⲉⲛⲉⲓⲟⲧⲉ ⲕⲥⲙⲁⲙⲁⲁⲧ ⲁⲩⲱ ⲕϫⲁⲥⲉ ϣⲁ ⲛⲓⲉⲛⲉϩ ⲁⲩⲱ ϥⲥⲙⲁⲙⲁⲁⲧ ⲛ̄ϭⲓ ⲡⲣⲁⲛ ⲙ̄ⲡⲉⲕⲉⲟⲟⲩ ⲉⲧⲟⲩⲁⲁⲃ ϥⲥⲙⲁⲙⲁⲁⲧ ⲁⲩⲱ ϥϫⲁⲥⲉ ϣⲁ ⲛⲓⲉⲛⲉϩ ⲧⲏⲣⲟⲩ.
Dan.3.53 ⲕⲥⲙⲁⲙⲁⲁⲧ ϩⲣⲁⲓ̈ ϩ︤ⲙ︥ ⲡⲉⲣⲡⲉ ⲙ̄ⲡⲉⲕⲉⲟⲟⲩ ⲉⲧⲟⲩⲁⲁⲃ ⲕⲥⲙⲁⲙⲁⲁⲧ ⲁⲩⲱ ⲕϩⲁⲉⲟⲟⲩ ϣⲁ ⲛⲓⲉⲛⲉϩ.
Dan.3.54 ⲕⲥⲙⲁⲙⲁⲁⲧ ⲡⲉⲧϭⲱϣ︤ⲧ︥ ⲉϩⲣⲁⲓ̈ ⲉϫ︤ⲛ︥ ⲛ̄ⲛⲟⲩⲛ ⲉⲧϩⲙⲟⲟⲥ ⲉϩⲣⲁⲓ̈ ⲉϫ︤ⲛ︥ ⲛⲉⲭⲉⲣⲟⲩⲃⲓⲛ ⲕⲥⲙⲁⲙⲁⲁⲧ ⲁⲩⲱ ⲕϫⲟⲥⲉ ϣⲁ ⲛⲓⲉⲛⲉϩ.
Dan.3.55 ⲕⲥⲙⲁⲙⲁⲁⲧ ⲉϩⲣⲁⲓ̈ ⲉϫ︤ⲙ︥ ⲡⲉⲑⲣⲟⲛⲟⲥ ⲛ̄ⲧⲉⲕⲙ︤ⲛ︦ⲧ︥ⲉⲣⲟ ⲕⲥⲙⲁⲙⲁⲁⲧ ⲁⲩⲱ ⲕϫⲟⲥⲉ ϣⲁ ⲛⲓⲉⲛⲉϩ.
Dan.3.56 ⲕⲥⲙⲁⲙⲁⲁⲧ ϩⲣⲁⲓ̈ ϩ︤ⲙ︥ ⲡⲉⲥⲧⲉⲣⲉⲱⲙⲁ ⲛ̄ⲧⲡⲉ ⲕⲥⲙⲁⲙⲁⲁⲧ ⲁⲩⲱ ⲕⲧⲁⲓⲏⲩ ϣⲁ ⲛⲓⲉⲛⲉϩ.
Dan.3.57 ⲛⲉϩⲃⲏⲩⲉ ⲧⲏⲣⲟⲩ ⲙ̄ⲡϫⲟⲉⲓⲥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.58 ⲙ̄ⲡⲏⲩⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.59 ⲛ̄ⲁⲅⲅⲉⲗⲟⲥ ⲙ̄ⲡϫⲟⲉⲓⲥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.60 ⲙ̄ⲙⲟⲟⲩ ⲧⲏⲣⲟⲩ ⲉⲧϩⲓϫ︤ⲛ︥ⲧⲡⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.61 ⲛ̄ϭⲟⲙ ⲧⲏⲣⲟⲩ ⲙ̄ⲡϫⲟⲉⲓⲥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.62 ⲡⲣⲏ ⲙ︤ⲛ︥ ⲡⲟⲟϩ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.63 ⲛ̄ⲥⲓⲟⲩ ⲛ̄ⲧⲡⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.64 ⲛ̄ⲙⲟⲟⲩ ⲛ̄ϩⲱⲟⲩ ⲧⲏⲣⲟⲩ ⲙ︤ⲛ︥ ⲛ̄ⲉⲓⲱⲧⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ ⲛ̄ϭⲏⲡⲉ ⲙ︤ⲛ︥ ⲛ̄ⲛⲓϥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.65 ⲛⲉⲡⲛⲉⲩⲙⲁ ⲧⲏⲣⲟⲩ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.66 ⲡⲕⲱϩⲧ ⲙ︤ⲛ︥ ⲡⲕⲁⲩⲙⲁ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.67 ⲡⲁⲣⲟϣ ⲙ︤ⲛ︥ ⲡⲕⲁⲩⲙⲁ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.68 ⲛ̄ⲉⲓⲱⲧⲉ ⲙ︤ⲛ︥ ⲛ̄ⲛⲓϥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.69 ⲛⲉⲩϣⲟⲟⲩⲉ ⲙ︤ⲛ︥ ⲛⲉϩⲟⲟⲩ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.70 ⲡⲟⲩⲟⲉⲓⲛ ⲙ︤ⲛ︥ ⲡⲕⲁⲕⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.71 ⲡϫⲁϥ ⲙ︤ⲛ︥ ⲡⲉⲭⲓⲱⲛ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.72 ⲡⲉⲡⲁⲭⲛⲏ ⲙ︤ⲛ︥ ⲡⲉⲭⲓⲱⲛ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.73 ⲛ̄ⲉⲃⲣⲏϭⲉ ⲙ︤ⲛ︥ ⲛⲉⲕⲗⲟⲟⲗⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.74 ⲙⲁⲣⲉⲡⲕⲁϩ ⲥⲙⲟⲩ ⲉⲡϫⲟⲉⲓⲥ ⲙⲁⲣⲉϥ ⲥⲙⲟⲩ ⲉⲣⲟϥ ⲛ︤ϥ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.75 ⲛ̄ⲧⲟⲟⲩ ⲙ︤ⲛ︥ ⲛ̄ⲥⲓⲃ︤ⲧ︥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.76 ⲛⲁⲓ̈ ⲧⲏⲣⲟⲩ ⲉⲧⲣⲏⲧ ϩⲓϫ︤ⲙ︥ ⲡⲕⲁϩ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.77 ⲛ̄ⲡⲏⲅⲏ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.78 ⲛⲉⲑⲁⲗⲁⲥⲥⲁ ⲙ︤ⲛ︥ ⲛ̄ⲉⲓⲉⲣⲱⲟⲩ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.79 ⲛ̄ⲕⲏⲧⲟⲥ ⲙ︤ⲛ︥ ⲛⲉⲧⲕⲓⲙ ⲧⲏⲣⲟⲩ ϩ︤ⲛ︥︥ ⲙ̄ⲙⲟⲟⲩ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲉⲣⲟϥ ϣⲁ ⲛⲓⲉⲛⲉϩ.
Dan.3.80 ⲛ̄ϩⲁⲗⲁⲧⲉ ⲧⲏⲣⲟⲩ ⲛ̄ⲧⲡⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.81 ⲛ̄ⲑⲏⲣⲓⲟⲛ ⲧⲏⲣⲟⲩ ⲙ︤ⲛ︥ ⲛ̄ⲧ︤ⲃ︥ⲛⲏⲩⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.82 ⲛ̄ϣⲏⲣⲉ ⲛ̄ⲛ̄ⲣⲱⲙⲉ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.83 ⲡⲓⲥⲣⲁⲏⲗ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.84 ⲛ̄ⲟⲩⲏⲏⲃ ⲧⲏⲣⲟⲩ ⲙ̄ⲡϫⲟⲉⲓⲥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.85 ⲛ̄ϩ︤ⲙ︥ϩⲁⲗ ⲧⲏⲣⲟⲩ ⲙ̄ⲡϫⲟⲉⲓⲥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.86 ⲛⲉⲡⲛⲉⲩⲙⲁ ⲙ︤ⲛ︥ ⲛⲉⲯⲩⲭⲏ ⲛ̄ⲛ̄ⲇⲓⲕⲁⲓⲟⲥ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.87 ⲛⲉⲧⲟⲩⲁⲁⲃ ⲙ︤ⲛ︥ ⲛⲉⲧⲑ︤ⲃ︥ⲃⲓⲏⲩ ϩ︤ⲙ︥ ⲡⲉⲩϩⲏⲧ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.88 ⲁⲛⲁⲛⲓⲁⲥ ⲁⲍⲁⲣⲓⲁⲥ ⲙⲓⲥⲁⲏⲗ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲉⲣⲟϥ ⲛ̄ⲧⲉⲧ︤ⲛ︥ϫⲓⲥⲉ ⲙ̄ⲙⲟϥ ϣⲁ ⲛⲓⲉⲛⲉϩ.
Dan.3.89 […]
Dan.3.90 […]
Dan.3.91 […]
Dan.3.92 […]
Dan.3.93 […]
Dan.3.94 […]
Dan.3.95 […]
Dan.3.96 […]
Dan.3.97 […]
Dan.3.98 […]
Dan.3.99 […]
Dan.3.100 […]