Exod.25.4 […]
Exod.25.5 […]
Num.4.6 ⲛ̄ⲥⲉⲧⲁⲗⲟ ⲉϩⲣⲁⲓ̈ ⲉϫⲱϥ ⲛ̄ⲟⲩϩ︤ⲃ︥ⲥⲱ ⲛ̄ϣⲁⲁⲣ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉⲛⲟⲩϫⲉ ⲉϫⲱϥ ⲛ̄ⲛ̄ⲟⲩϩⲟⲓ̈ⲧⲉ ⲛ̄ϩⲩⲁⲕⲓⲛⲑⲓⲛⲟⲛ ⲧⲏⲣ︤ϥ︥ ⲛ̄ⲧⲡⲉ ⲙ̄ⲙⲟϥ ⲁⲩⲱ ⲛ̄ⲥⲉⲛⲟⲩϫⲉ ⲉϩⲟⲩⲛ ⲉⲣⲟⲥ ⲛ̄ⲛⲉⲥⲟⲩⲁϩ.
Num.4.7 ⲁⲩⲱ ⲧⲉⲧⲣⲁⲡⲉⲍⲁ ⲉⲧⲕⲏ ⲉϩⲣⲁⲓ̈ ⲉⲩⲉⲛⲟⲩϫⲉ ⲉϫⲱⲥ ⲛ̄ⲟⲩϩⲟⲓ̈ⲧⲉ ⲛ̄ϫⲏϭⲉ ⲧⲏⲣ︤ϥ︥ ⲙ︤ⲛ︥ ⲛⲉϩⲛⲁⲁⲩ ⲛ̄ⲉⲓⲁⲧⲟⲟⲧⲟⲩ ⲙ︤ⲛ︥ ⲛ̄ϫⲏⲏⲥ ⲙ︤ⲛ︥ ⲛ̄ⲟⲩⲟⲧ︤ϩ︥ ⲙ︤ⲛ︥ ⲛⲉϩⲛⲁⲁⲩ ⲛ̄ⲟⲩⲱⲧ︤ⲛ︥ ⲉⲃⲟⲗ ϩⲣⲁⲓ̈ ⲛ̄ϩⲏⲧⲟⲩ ⲁⲩⲱ ⲛ̄ⲟⲉⲓⲕ ⲛⲁⲓ̈ ⲉⲧⲟⲩⲕⲱ ⲙ̄ⲙⲟⲟⲩ ⲉϩⲣⲁⲓ̈ ⲛ̄ⲛⲁⲩ ⲛⲓⲙ ⲛ̄ⲥⲉϣⲱⲡⲉ ⲉϩⲣⲁⲓ̈ ⲉϫⲱⲥ.
Num.4.8 ⲛ̄ⲥⲉⲛⲟⲩϫⲉ ⲉϩⲣⲁⲓ̈ ⲉϫⲱⲥ ⲛ̄ⲟⲩϩⲟⲓ̈ⲧⲉ ⲛ̄ⲕⲟⲕⲕⲟⲥ ⲛ̄ⲥⲉϩⲱⲃ︤ⲥ︥ ⲙ̄ⲙⲟⲥ ⲛ̄ⲛ̄ⲟⲩϩ︤ⲃ︥ⲥⲱ ⲛ̄ϣⲁⲁⲣ ⲛ̄ϩⲩⲁⲕⲓⲛⲑⲓⲛⲟⲛ.
Num.4.9 ⲁⲩⲱ ⲉⲩⲉϫⲓ ⲛ̄ⲟⲩϩⲟⲓ̈ⲧⲉ ⲛ̄ϩⲩⲁⲕⲓⲛⲑⲩⲛⲟⲛ ⲛ̄ⲥⲉϩⲱⲃ︤ⲥ︥ ⲛ̄ⲧⲗⲩⲭⲛⲓⲁ ⲉⲧⲣ̄ⲟⲩⲟⲉⲓⲛ ⲙ︤ⲛ︥ ⲛⲉⲥϩⲏⲃ︤ⲥ︥ ⲙ︤ⲛ︥ ⲛⲉⲥⲁϫⲱ ⲙ︤ⲛ︥ ⲛⲉⲥϫⲟⲗϩ︤ⲥ︥ ⲙ︤ⲛ︥ ⲛⲉⲥⲁⲛⲅⲏⲛ ⲛ̄ϯⲛⲉϩ ⲛⲁⲓ̈ ⲉⲧⲟⲩϣ︤ⲙ︥ϣⲉ ⲛⲁⲓ̈ ϩⲣⲁⲓ̈ ⲛ̄ϩⲏⲧⲟⲩ.
Num.4.10 ⲁⲩⲱ ⲛ̄ⲥⲉϭⲱⲱⲗⲉ ⲙ̄ⲙⲟⲥ ⲙ︤ⲛ︥ ⲛⲉⲥⲕⲉⲩⲏ ⲧⲏⲣⲟⲩ ϩ︤ⲛ︥ ⲟⲩϩⲏⲃ︤ⲥ︥ ⲛ̄ϣⲁⲁⲣ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉⲧⲁⲗⲟ ⲙ̄ⲙⲟⲥ ⲉϩⲣⲁⲓ̈ ⲉϫ︤ⲛ︥ ⲛ̄ⲟⲩⲁϩ.
Num.4.11 ⲁⲩⲱ ⲡⲉⲑⲩⲥⲓⲁⲥⲧⲏⲣⲓⲟⲛ ⲛ̄ⲛⲟⲩⲃ ⲉⲩⲉϩⲱⲃ︤ⲥ︥ ⲉⲃⲟⲗ ⲉϫⲱϥ ⲛ̄ⲟⲩϩⲟⲓ̈ⲧⲉ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉϭⲱⲱⲗⲉ ⲙ̄ⲙⲟϥ ⲛ̄ⲟⲩϩⲱⲃ︤ⲥ︥ ⲛ̄ϣⲁⲁⲣ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉⲛⲟⲩϫⲉ ⲉϩⲟⲩⲛ ⲉⲣⲟϥ ⲛ̄ⲛⲉϥⲟⲩⲁϩ.
Num.4.12 ⲁⲩⲱ ⲉⲩⲉϫⲓ ⲛ̄ⲛⲉⲥⲕⲉⲩⲏ ⲧⲏⲣⲟⲩ ⲛ̄ϣ︤ⲙ︥ϣⲉ ⲛⲁⲓ̈ ⲉⲧⲟⲩϣ︤ⲙ︥ϣⲉ ⲛ̄ϩⲏⲧⲟⲩ ϩⲣⲁⲓ̈ ϩ︤ⲛ︥ ⲛⲉⲧⲟⲩⲁⲁⲃ ⲛ̄ⲥⲉⲛⲟⲩϫⲉ ⲙ̄ⲙⲟⲟⲩ ⲉϩⲣⲁⲓ̈ ⲉⲩϩⲟⲓ̈ⲧⲉ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉⲧⲁⲗⲟϥ ⲉϩⲣⲁⲓ̈ ⲉϫ︤ⲛ︥ ⲛ̄ⲟⲩⲁϩ.
Num.4.13 ⲁⲩⲱ ⲡⲃⲱϩ︤ⲛ︥ ⲉϥⲉⲕⲁⲁϥ ⲉϩⲣⲁⲓ̈ ϩⲓϫ︤ⲙ︥ ⲡⲉⲑⲩⲥⲓⲁⲥⲧⲏⲣⲓⲟⲛ ⲛ̄ⲥⲉϩⲱⲃ︤ⲥ︥ ⲉϩⲣⲁⲓ̈ ⲉϫⲱϥ ⲛ̄ⲛ̄ⲟⲩϩⲟⲓ̈ⲧⲉ ⲛ̄ϫⲏϭⲉ ⲧⲏⲣ︤ϥ︥.
Num.4.14 ⲛ̄ⲥⲉⲕⲱ ⲉϩⲣⲁⲓ̈ ⲉϫⲱϥ ⲛ̄ⲛⲉϥⲥⲕⲉⲩⲏ ⲧⲏⲣⲟⲩ ⲛⲁⲓ̈ ⲉⲧⲟⲩϣ︤ⲙ︥ϣⲉ ⲛ̄ϩⲏⲧⲟⲩ ⲉϩⲣⲁⲓ̈ ⲉϫⲱϥ ⲁⲩⲱ ⲛ̄ϣⲟⲩⲣⲏ ⲙ︤ⲛ︥ ⲛⲉⲕⲣⲁⲩⲣⲁ ⲙ︤ⲛ︥ ⲛⲉⲫⲓⲁⲗⲏ ⲁⲩⲱ ⲡⲃⲱϩ︤ⲛ︥ ⲙ︤ⲛ︥ ⲛⲉⲥⲕⲉⲩⲏ ⲧⲏⲣⲟⲩ ⲙ̄ⲡⲉⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲉⲩⲉⲛⲟⲩϫⲉ ⲉϩⲣⲁⲓ̈ ⲉϫⲱϥ ⲛ̄ⲟⲩϩⲱⲃ︤ⲥ︥ ⲛ̄ϣⲁⲁⲣ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉⲛⲟⲩϫⲉ ⲉϩⲟⲩⲛ ⲉⲣⲟϥ ⲛ̄ⲛⲉϥⲟⲩⲁϩ ⲁⲩⲱ ⲉⲩⲉϫⲓ ⲛ̄ⲟⲩϩⲟⲓ̈ⲧⲉ ⲛ̄ϫⲏϭⲉ ⲛ̄ⲥⲉϩⲱⲃ︤ⲥ︥ ⲙ̄ⲡⲗⲟⲩⲧⲏⲣ ⲙ︤ⲛ︥ ⲧⲉϥⲃⲁⲥⲓⲥ ⲛ̄ⲥⲉⲛⲟⲩϫⲉ ⲙ̄ⲙⲟⲟⲩ ⲉϩⲣⲁⲓ̈ ⲉⲩϩⲱⲃ︤ⲥ︥ ⲛ̄ϣⲁⲁⲣ ⲛ̄ϩⲩⲁⲕⲓⲛⲑⲓⲛⲟⲛ ⲛ̄ⲥⲉⲧⲁⲗⲟ ⲙ̄ⲙⲟϥ ⲉϩⲣⲁⲓ̈ ⲉϫ︤ⲛ︥ ⲛ̄ⲟⲩⲁϩ.