Sahidic Bible Citation1970
Anon, Homiletica previous | next
Citation Text
… ⲁⲩⲱ ⲧⲙⲏⲧⲉ ⲙⲡⲉⲑⲣⲟⲛⲟⲥ ⲁⲓⲛⲁⲩ ⲉϥⲧⲟⲟⲩ ⲛⲍⲱⲟⲛ ⲉⲩⲙⲏϩ ⲉⲃⲁⲗ ϩⲓ ⲑⲏ ⲁⲩⲱ ϩⲓ ⲡⲁϩⲟⲩ ⲙⲙⲟⲟⲩ. ⲡϣⲟⲣⲡ ⲛⲍⲱⲟⲛⲧ ⲉϥⲉⲓⲛⲉ ⲛⲟⲩⲙⲟⲩⲓ. ⲡⲙⲉϩⲥⲛⲁⲩ ⲛⲍⲱⲟⲛ ⲉϥⲉⲓⲛⲉ ⲛⲟⲩⲙⲁⲥⲉ. ⲡⲙⲉϩϣⲟⲙⲛⲧ ⲛⲍⲱⲟⲛ ⲉϥⲉⲓⲛⲉ ⲛⲟⲩϩⲟ ⲛⲣⲱⲙⲉ. ⲡⲙⲉϩϥⲧⲟⲟⲩ ⲛⲍⲱⲟⲛ ⲉϥⲉⲓⲛⲉ ⲛⲟⲩϩⲟ ⲛⲁⲉⲧⲟⲥ ⲉϥϩⲏⲗ ⲉⲃⲟⲗ . ⲉⲣⲉ ⲥⲟⲟⲩ ⲛⲧⲉⲛϩ ⲙⲡⲟⲩⲁ ⲡⲟⲩⲁ ⲙⲙⲟⲟⲩ ⲉⲩⲁϣⲕⲁⲕ ⲉⲃⲟⲗ ⲙⲡⲉϩⲟⲟⲩ ⲙⲛ ⲧⲉⲩϣⲏ ϫⲉ ⲕⲟⲩⲁⲁⲃ ⲕⲟⲩⲁⲁⲃ ⲕⲟⲩⲁⲁⲃ ⲡϫⲟⲉⲓⲥ ⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ ⲡⲉⲧϣⲟⲟⲡ ⲡⲉⲧⲛⲁϥϣⲟⲟⲡ ⲡⲉⲧⲛⲏⲩ. ϩⲟⲧⲁⲛ ⲅⲁⲣ ⲉⲣϣⲁ(ⲛ) ⲛⲉⲍⲱⲟⲛ ϯ ⲙⲡⲉⲟⲟⲩ ⲙⲛ ⲡⲧⲁⲓⲟ ⲙⲛ ⲧⲉⲩⲭⲁⲣⲓⲥⲧⲓⲁ ⲙⲡⲉⲧϩⲙⲟⲟⲥ ⲉϫⲙ ⲡⲉϥⲑⲣⲟⲛⲟⲥ ⲡⲉⲧⲟⲛϩ ⲛϣⲁ ⲛⲓⲉⲛⲉϩ . ϣⲁⲩⲡⲁϩⲧⲟⲩ ⲉϫⲙ ⲡⲉⲩϩⲟ ⲛϭⲓ ⲡϫⲟⲩⲧⲁϥⲧⲉ ⲙⲡⲣⲉⲥⲃⲩⲧⲉⲣⲟⲥ ⲙⲛ ⲡⲉϥⲧⲟⲟⲩ ⲛⲍⲱⲟⲛ ⲛⲥⲉⲟⲩⲱϣⲧ …
Biblical Reference
Rev.4.6-Rev.4.10
Rev.4.7 ⲡϣⲟⲣⲡ ⲛ̄ⲍⲱⲟⲛ ⲉϥⲉⲓⲛⲉ ⲛ̄ⲟⲩⲙⲟⲩⲓ̈ ⲡⲙⲉϩⲥⲛⲁⲩ ⲛ̄ⲍⲱⲟⲛ ⲉϥⲉⲓⲛⲉ ⲛ̄ⲟⲩⲙⲁⲥⲉ ⲡⲙⲉϩϣⲟⲙ︤ⲛ︦ⲧ︥ ⲛ̄ⲍⲱⲟⲛ ⲉϥⲟ ⲛ̄ϩⲟ ⲛ̄ⲣⲱⲙⲉ ⲡⲙⲉϩϥⲧⲟⲟⲩⲉ ⲛ̄ⲍⲱⲟⲛ ⲉϥⲉⲓⲛⲉ ⲛ̄ⲟⲩⲁⲉⲧⲟⲥ ⲉϥϩⲏⲗ.
Rev.4.8 ⲁⲩⲱ ⲡⲉϥⲧⲟⲟⲩ ⲛ̄ⲍⲱⲟⲛ ⲛⲉⲧⲉⲡⲟⲩⲁ ⲡⲟⲩⲁ ⲙ̄ⲙⲟⲟⲩ ⲥⲟⲟⲩ ⲛ̄ⲧ︤ⲛ︦ϩ︥ ϫⲓⲛ ⲛⲉⲩⲉⲓⲃ ⲙ̄ⲡⲉⲩⲕⲱⲧⲉ ⲉⲩⲙⲉϩ ⲛ̄ⲃⲁⲗ ⲙ̄ⲡⲉⲩϩⲟⲩⲛ ⲁⲩⲱ ⲙⲉⲩⲕⲁⲧⲟⲟⲧⲟⲩ ⲉⲃⲟⲗ ⲙ̄ⲡⲉϩⲟⲟⲩ ⲙ︤ⲛ︥ ⲧⲉⲩϣⲏ ⲉⲩϫⲱ ⲙ̄ⲙⲟⲥ ϫⲉ ϥⲟⲩⲁⲁⲃ ϥⲟⲩⲁⲁⲃ ϥⲟⲩⲁⲁⲃ ⲡϫⲟⲉⲓⲥ ⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ ⲡⲉⲧϣⲟⲟⲡ ⲁⲩⲱ ⲡⲉⲧⲉⲛⲉϥϣⲟⲟⲡ ⲁⲩⲱ ⲛⲉⲧⲛⲏⲩ.
Rev.4.9 ⲁⲩⲱ ⲉⲣϣⲁⲛⲛ̄ⲍⲱⲟⲛ ϯ ⲙ̄ⲡⲉⲟⲟⲩ ⲙ︤ⲛ︥ ⲡⲧⲁⲉⲓⲟ ⲙ︤ⲛ︥ ⲧⲉⲩⲭⲁⲣⲓⲥϯⲁ ⲙ̄ⲡⲉⲧϩⲙⲟⲟⲥ ϩⲓϫ︤ⲙ︥ ⲡⲉⲑⲣⲟⲛⲟⲥ ⲉⲧⲟⲛ︤ϩ︥ ϣⲁ ⲛⲓⲉⲛⲉϩ.
Rev.4.10 ϣⲁⲩⲡⲁϩⲧⲟⲩ ⲛ̄ϭⲓ ⲡϫⲟⲩⲧⲁϥⲧⲉ ⲙ̄ⲡⲣⲉⲥⲃⲩⲧⲉⲣⲟⲥ ⲙ̄ⲡⲉⲙⲧⲟ ⲉⲃⲟⲗ ⲙ̄ⲡⲉⲧϩⲙⲟⲟⲥ ϩⲓ ⲡⲉⲑⲣⲟⲛⲟⲥ ⲛ̄ⲥⲉⲟⲩⲱϣ︤ⲧ︥ ⲙ̄ⲡⲉⲧⲟⲛ︤ϩ︥ ϣⲁ ⲛⲓⲉⲛⲉϩ ⲛ̄ⲉⲛⲉϩ ⲁⲩⲱ ⲛ̄ⲥⲉⲛⲟⲩϫ ⲛ̄ⲛⲉⲩⲕⲗⲟⲙ ⲙ̄ⲡⲉⲙⲧⲟ ⲉⲃⲟⲗ ⲙ̄ⲡⲉⲧϩⲙⲟⲟⲥ ϩⲓ ⲡⲉⲑⲣⲟⲛⲟⲥ ⲉⲩϫⲱ ⲙ̄ⲙⲟⲥ.
Edition
Depuydt, Leo. Homiletica from the Pierpont Morgan Library. CSCO 524. Leuven, 1991, 524 39 :9-23