Sahidic Bible Citation227
Pachomius, Instruction Concerning a Spiteful Monk previous | next
Citation Text
… ⲁϥⲥⲱⲧⲙ̄ ⲁϥⲑⲃ̄ⲃⲓ̈ⲟϥ ⲁⲩⲉⲛⲧϥ̄ ⲉⲩⲕⲗⲏⲣⲟⲛⲟⲙⲓⲁ ϣⲁⲛⲧⲟⲩⲡⲏⲣⲁⲍⲉ ⲙ̄ⲙⲟϥ ⲉⲧⲃⲉ ⲓ̈ⲥⲁⲁⲕ ⲁϥⲣ̄ϫⲱⲱⲣⲉ ϩⲙ̄ ⲡⲡⲓⲣⲁⲥⲙⲟⲥ ⲁϥⲧⲁⲗⲉⲓ̈ⲥⲁⲁⲕ ⲉϩⲣⲁⲓ̈ ⲛ̄ⲑⲩⲥⲓⲁ ⲙ̄ⲡⲛⲟⲩⲧⲉ ϩⲙ̄ ⲡⲁⲓ̈ ⲁⲡⲛⲟⲩⲧⲉ ⲙⲟⲩⲧⲉ ⲉⲣⲟϥ ϫⲉ ⲡⲁϣⲃⲏⲣ …
Biblical Reference
Gen.22.1-Gen.22.24; Jas.2.23
Gen.22.1 ⲁⲥϣⲱⲡⲉ ⲇⲉ ⲙ︤ⲛ︥ⲛ̄ⲥⲁ ⲛⲉⲓ̈ϣⲁϫⲉ ⲁⲡⲛⲟⲩⲧⲉ ⲡⲉⲓⲣⲁⲍⲉ ⲛ̄ⲁⲃⲣⲁϩⲁⲙ ⲡⲉϫⲁϥ ϫⲉ ⲁⲃⲣⲁϩⲁⲙ ⲁⲃⲣⲁϩⲁⲙ ⲛ̄ⲧⲟϥ ⲇⲉ ⲡⲉϫⲁϥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ.
Gen.22.2 ⲡⲉϫⲁϥ ϫⲉ ϫⲓ ⲙ̄ⲡⲉⲕϣⲏⲣⲉ ⲡⲉⲕⲙⲉⲣⲓⲧ ⲡⲉⲛⲧⲁⲕⲟⲩⲁϣ︤ϥ︥ ⲓ̈ⲥⲁⲁⲕ ⲛ︤ⲅ︥ⲃⲱⲕ ⲉϩⲣⲁⲓ̈ ⲉⲛⲕⲁϩ ⲛⲁⲓ̈ ⲉⲧϫⲟⲥⲉ ⲛ︤ⲅ︥ⲧⲁⲗⲟϥ ⲉϩⲣⲁⲓ̈ ⲙ̄ⲙⲁⲩ ⲛ̄ⲟⲩⲧⲁⲗⲟ ⲉϫ︤ⲛ︥ ⲟⲩⲁ ⲛ̄ⲛ̄ⲧⲟⲟⲩ ⲉϯⲛⲁϫⲟⲟϥ ⲉⲣⲟⲕ.
Gen.22.3 ⲁⲁⲃⲣⲁϩⲁⲙ ⲇⲉ ⲧⲱⲟⲩⲛ ⲉϩⲧⲟⲟⲩⲉ ⲁϥϩⲱⲕ ⲛ̄ⲧⲉϥⲉⲓⲱ ⲁϥϫⲓ ⲇⲉ ⲛ︤ⲙ︥ⲙⲁϥ ⲛ̄ϩ︤ⲙ︥ϩⲁⲗ ⲥⲛⲁⲩ ⲁⲩⲱ ⲓ̈ⲥⲁⲁⲕ ⲡⲉϥϣⲏⲣⲉ ⲁϥⲡⲱϩ ⲛ̄ⲛ̄ϣⲉ ⲉⲡⲧⲁⲗⲟ ⲁϥⲧⲱⲟⲩⲛ ⲁϥⲃⲱⲕ ⲁϥⲉⲓ ⲉϩⲣⲁⲓ̈ ⲉϫ︤ⲙ︥ ⲡⲙⲁ ⲉⲛⲧⲁⲡⲛⲟⲩⲧⲉ ϫⲟⲟϥ ⲁⲩⲱ ⲡⲙⲉϩϣⲟⲙ︤ⲛ︦ⲧ︥ ⲛ̄ϩⲟⲟⲩ.
Gen.22.4 ⲁⲁⲃⲣⲁϩⲁⲙ ϥⲓ ⲛ̄ⲛ̄ⲃⲁⲗ ⲉϩⲣⲁⲓ̈ ⲁϥⲛⲁⲩ ⲉⲡⲙⲁ ⲙ̄ⲡⲟⲩⲉ.
Gen.22.5 ⲡⲉϫⲉⲁⲃⲣⲁϩⲁⲙ ⲛ̄ⲛⲉϥϩ︤ⲙ︥ϩⲁⲗ ϫⲉ ϩⲙⲟⲟⲥ ⲙ̄ⲡⲉⲓ̈ⲙⲁ ⲙ︤ⲛ︥ ⲧⲉⲱ ⲁⲛⲟⲕ ⲇⲉ ⲙ︤ⲛ︥ ⲡϣⲏⲣⲉ ϣⲏⲙ ⲛ̄ⲛⲁⲡⲱϩ ϣⲁ ⲡⲉⲓ̈ⲙⲁ ⲛ̄ⲧ︤ⲛ︥ⲟⲩⲱϣ︤ⲧ︥ ⲛ̄ⲧ︤ⲛ︥ⲕⲧⲟⲛ ϣⲁⲣⲱⲧ︤ⲛ︥.
Gen.22.6 ⲁⲁⲃⲣⲁϩⲁⲙ ϥⲓ ⲛ̄ⲛ̄ϣⲉ ⲙ̄ⲡⲧⲁⲗⲟ ⲁϥⲧⲁⲗⲟ ⲙ̄ⲙⲟⲟⲩ ⲉϫ︤ⲛ︥ ⲓ̈ⲥⲁⲁⲕ ⲡⲉϥϣⲏⲣⲉ ⲁϥϥⲓ ⲇⲉ ⲟⲛ ⲙ̄ⲡⲕⲱϩ︤ⲧ︥ ⲙ︤ⲛ︥ ⲧϭⲟⲣⲧⲉ ϩ︤ⲛ︥ ⲧⲉϥϭⲓϫ ⲁⲩⲙⲟⲟϣⲉ ϩⲓ ⲟⲩⲥⲟⲡ ⲙ̄ⲡⲉⲥⲛⲁⲩ.
Gen.22.7 ⲓ̈ⲥⲁⲁⲕ ⲇⲉ ⲡⲉϫⲁϥ ⲙ̄ⲡⲉϥⲉⲓⲱⲧ ϫⲉ ⲉⲓⲥ ⲡⲕⲱϩ︤ⲧ︥ ⲙ︤ⲛ︥ ⲛ̄ϣⲉ ⲉϥⲧⲱⲛ ⲡⲉⲥⲟⲟⲩ ⲉⲡⲧⲁⲗⲟ.
Gen.22.8 ⲡⲉϫⲁϥ ⲛⲁϥ ⲛ̄ϭⲓ ⲁⲃⲣⲁϩⲁⲙ ϫⲉ ⲡⲛⲟⲩⲧⲉ ⲛⲁⲛⲁⲩ ⲛⲁϥ ⲉⲟⲩⲉⲥⲟⲟⲩ ⲉⲡⲧⲁⲗⲟ ⲡⲁϣⲏⲣⲉ ⲛ̄ⲧⲉⲣⲟⲩⲙⲟⲟϣⲉ ϩⲓ ⲟⲩⲥⲟⲡ ⲙ̄ⲡⲉⲥⲛⲁⲩ.
Gen.22.9 ⲁⲩⲉⲓ ⲉϫ︤ⲙ︥ ⲡⲙⲁ ⲁⲁⲃⲣⲁϩⲁⲙ ⲇⲉ ⲁϥⲕⲱⲧ ⲛ̄ⲟⲩⲑⲩⲥⲓⲁⲥⲧⲏⲣⲓⲟⲛ ⲙ̄ⲡϫⲟⲉⲓⲥ ⲁϥⲧⲁⲗⲉⲛ̄ϣⲉ ⲉϩⲣⲁⲓ̈ ⲉϫⲱϥ ⲁϥⲥⲱⲛ︤ϩ︥ ⲛ̄ⲓ̈ⲥⲁⲁⲕ ⲡⲉϥϣⲏⲣⲉ ⲁϥⲧⲁⲗⲟϥ ⲙ̄ⲡⲉⲑⲩⲥⲓⲁⲥⲧⲏⲣⲓⲟⲛ ⲙ̄ⲡⲉⲧⲡⲉ ⲛ̄ⲛ̄ϣⲉ.
Gen.22.10 ⲁⲩⲱ ⲁⲁⲃⲣⲁϩⲁⲙ ⲁϥⲥⲟⲟⲩⲧ︤ⲛ︥ ⲛ̄ⲧⲉϥϭⲓϫ ⲉⲃⲟⲗ ⲁϥϫⲓ ⲛ̄ⲧϭⲟⲣⲧⲉ ϫⲉ ϥⲛⲁⲕⲟⲛ︤ⲥ︥ ⲛ̄ⲓ̈ⲥⲁⲁⲕ ⲡⲉϥϣⲏⲣⲉ.
Gen.22.11 ⲁⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲙⲟⲩⲧⲉ ⲉⲣⲟϥ ⲉⲃⲟⲗ ϩ︤ⲛ︥ ⲧⲡⲉ ⲉϥϫⲱ ⲙ̄ⲙⲟⲥ ϫⲉ ⲁⲃⲣⲁϩⲁⲙ ⲁⲃⲣⲁϩⲁⲙ ⲡⲉϫⲁϥ ϫⲉ ⲉⲓⲥ ϩⲏⲏⲧⲉ ϯⲙ̄ⲡⲉⲓ̈ⲙⲁ.
Gen.22.12 ⲡⲉϫⲉⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲛⲁϥ ϫⲉ ⲙ̄ⲡ︤ⲣ︥ⲉⲓⲛⲉ ⲛ̄ⲧⲉⲕϭⲓϫ ⲉϫ︤ⲙ︥ ⲡϣⲏⲣⲉ ϣⲏⲙ ⲟⲩⲇⲉ ⲙ̄ⲡ︤ⲣ︥ⲣ̄ⲡⲉⲑⲟⲟⲩ ⲛⲁϥ ⲁⲓ̈ⲉⲓⲙⲉ ⲅⲁⲣ ϫⲉ ⲉⲕⲙⲉ ⲙ̄ⲙⲟⲓ̈ ⲁⲩⲱ ⲉⲕⲣ̄ϩⲟⲧⲉ ϩⲏⲧ︤ϥ︥ ⲙ̄ⲡⲛⲟⲩⲧⲉ ⲁⲩⲱ ⲙ̄ⲡⲉⲕϯⲥⲟ ⲉⲡⲉⲕϣⲏⲣⲉ ⲙ̄ⲙⲉⲣⲓⲧ ⲉⲧⲃⲏⲏⲧ.
Gen.22.13 ⲁⲃⲣⲁϩⲁⲙ ⲇⲉ ⲁϥϥⲓ ⲛ̄ⲛⲉϥⲃⲁⲗ ⲉϩⲣⲁⲓ̈ ⲁϥⲛⲁⲩ ⲁⲩⲱ ⲉⲓⲥ ⲟⲩⲟⲓ̈ⲗⲉ ⲛⲉϥⲙⲏⲣ ⲉⲛⲉϥⲧⲁⲡ ϩⲁ ⲟⲩϣⲏⲛ ϫⲉ ⲥⲁⲃⲉⲕ ⲁⲁⲃⲣⲁϩⲁⲙ ⲟⲛ ⲃⲱⲕ ⲁϥϫⲓ ⲙ̄ⲡⲟⲓ̈ⲗⲉ ⲁϥⲧⲁⲗⲟϥ ⲉϩⲣⲁⲓ̈ ⲛ̄ⲟⲩⲧⲁⲗⲟ ⲉⲡⲙⲁ ⲛ̄ⲓ̈ⲥⲁⲁⲕ ⲡⲉϥϣⲏⲣⲉ.
Gen.22.14 ⲁⲁⲃⲣⲁϩⲁⲙ ⲙⲟⲩⲧⲉ ⲉⲡⲣⲁⲛ ⲙ̄ⲡⲙⲁ ⲉⲧⲙ̄ⲙⲁⲩ ϫⲉ ⲡϫⲟⲉⲓⲥ ⲡⲉⲛⲧⲁϥⲛⲁⲩ ϫⲉ ⲉⲩⲉϫⲟⲟⲥ ⲙ̄ⲡⲟⲟⲩ ϫⲉ ⲁⲡϫⲟⲉⲓⲥ ⲟⲩⲱⲛ︤ϩ︥ ⲉⲃⲟⲗ ϩ︤ⲙ︥ ⲡⲉⲓ̈ⲧⲟⲟⲩ.
Gen.22.15 ⲁⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲙⲟⲩⲧⲉ ⲉⲁⲃⲣⲁϩⲁⲙ ⲙ̄ⲡⲙⲉϩⲥⲉⲡⲥⲛⲁⲩ ⲉⲃⲟⲗ ϩ︤ⲛ︥ ⲧⲡⲉ ⲉϥϫⲱ ⲙ̄ⲙⲟⲥ ϫⲉ.
Gen.22.16 ϩ︤ⲛ︥ ⲟⲩⲱⲣ︤ⲕ︥ ⲁⲓ̈ⲱⲣ︤ⲕ︥ ⲙⲙⲟⲓ̈ ⲙ̄ⲙⲓⲛ ⲙ̄ⲙⲟⲓ̈ ⲡⲉϫⲉⲡϫⲟⲉⲓⲥ ⲉⲃⲟⲗ ϫⲉ ⲁⲕⲉⲓⲣⲉ ⲙ̄ⲡⲉⲓ̈ϣⲁϫⲉ ⲙ̄ⲡⲉⲕϯⲥⲟ ⲉⲡⲉⲕϣⲏⲣⲉ ⲡⲉⲕⲙⲉⲣⲓⲧ ⲉⲧⲃⲏⲏⲧ.
Gen.22.17 ⲧⲉⲛⲟⲩ ϭⲉ ϩ︤ⲛ︥ ⲟⲩⲥⲙⲟⲩ ϯⲛⲁⲥⲙⲟⲩ ⲉⲣⲟⲕ ϩ︤ⲛ︥ ⲟⲩⲁϣⲁⲓ̈ ϯⲛⲁⲕⲁϣⲁⲓ̈ ⲉⲙⲁⲧⲉ ⲁⲩⲱ ϯⲛⲁⲧⲁϣⲟ ⲙ̄ⲡⲉⲕⲥⲡⲉⲣⲙⲁ ⲛ̄ⲑⲉ ⲛ̄ⲛ̄ⲥⲓⲟⲩ ⲛ̄ⲧⲡⲉ ⲁⲩⲱ ⲛ̄ⲑⲉ ⲙ̄ⲡϣⲱ ⲉⲧϩⲁⲧ︤ⲛ︥ⲑⲁⲗⲁⲥⲥⲁ ϯⲛⲁⲧⲣⲉⲡⲉⲕⲥⲡⲉⲣⲙⲁ ⲕⲗⲏⲣⲟⲛⲟⲙⲉⲓ ⲛ̄ⲙ̄ⲡⲟⲗⲓⲥ ⲛ̄ⲛⲉⲩϫⲁϫⲉ.
Gen.22.18 ⲉⲩⲉϫⲓⲥⲙⲟⲩ ⲉϩⲣⲁⲓ̈ ϩ︤ⲙ︥ ⲡⲉⲕⲥⲡⲉⲣⲙⲁ ⲛ̄ϭⲓ ⲛ̄ϩⲉⲑⲛⲟⲥ ⲧⲏⲣⲟⲩ ⲙ̄ⲡⲕⲁϩ ⲉⲃⲟⲗ ϫⲉ ⲁⲕⲥⲱⲧ︤ⲙ︥ ⲛ̄ⲥⲁ ⲧⲁⲥⲙⲏ.
Gen.22.19 ⲁⲁⲃⲣⲁϩⲁⲙ ⲇⲉ ⲕⲟⲧ︤ϥ︥ ϣⲁ ⲛⲉϥϩ︤ⲙ︥ϩⲁⲗ ⲁⲩⲧⲱⲟⲩⲛ ⲁⲩⲃⲱⲕ ϩⲓ ⲟⲩⲥⲟⲡ ϩⲁⲧ︤ⲛ︥ ⲧϣⲱⲧⲉ ⲙ̄ⲡⲁⲛⲁϣ ⲁⲁⲃⲣⲁϩⲁⲙ ⲟⲩⲱϩ ϩⲓϫ︤ⲛ︥ ⲧϣⲱⲧⲉ ⲙ̄ⲡⲁⲛⲁϣ.
Gen.22.20 ⲁⲥϣⲱⲡⲉ ⲙ︤ⲛ︥ⲛ̄ⲥⲁ ⲛⲉⲓ̈ϣⲁϫⲉ ⲁⲩϫⲓⲡⲟⲩⲱ ⲛ̄ⲁⲃⲣⲁϩⲁⲙ ⲉⲩϫⲱ ⲙ̄ⲙⲟⲥ ϫⲉ ⲉⲓⲥ ϩⲏⲏⲧⲉ ⲁⲙⲉⲗⲭⲁ ⲙⲓⲥⲉ ⲛ̄ϩⲉⲛϣⲏⲣⲉ ⲛ̄ⲛⲁⲭⲱⲣ ⲡⲉⲕⲥⲟⲛ.
Gen.22.21 ⲱⲍ ⲡⲉϥϣ︤ⲣ︦ⲡ︥ⲙⲓⲥⲉ ⲙ︤ⲛ︥ ⲃⲁⲩⲍ ⲡⲉϥⲥⲟⲛ ⲙ︤ⲛ︥ ⲕⲁⲙⲟⲩⲏⲗ ⲡⲉⲓⲱⲧ ⲛ̄ⲛ̄ⲥⲩⲣⲟⲥ.
Gen.22.22 […]
Gen.22.23 […]
Gen.22.24 […]
Jas.2.23 ⲁⲩⲱ ⲁⲥϫⲱⲕ ⲉⲃⲟⲗ ⲛϭⲓ ⲧⲉⲅⲣⲁⲫⲏ ⲉⲧϫⲱ ⲙⲙⲟⲥ ϫⲉ ⲁⲃⲣⲁϩⲁⲙ ⲁϥⲡⲓⲥⲧⲉⲩⲉ ⲉⲡⲛⲟⲩⲧⲉ ⲁⲩⲟⲡⲥ ⲉⲣⲟϥ ⲉⲩⲇⲓⲕⲁⲓⲟⲥⲩⲛⲏ ⲁⲩⲱ ⲁⲩⲙⲟⲩⲧⲉ ⲉⲣⲟϥ ϫⲉ ⲡⲉϣⲃⲏⲣ ⲙⲡⲛⲟⲩⲧⲉ.
Gen.22.2 ⲡⲉϫⲁϥ ϫⲉ ϫⲓ ⲙ̄ⲡⲉⲕϣⲏⲣⲉ ⲡⲉⲕⲙⲉⲣⲓⲧ ⲡⲉⲛⲧⲁⲕⲟⲩⲁϣ︤ϥ︥ ⲓ̈ⲥⲁⲁⲕ ⲛ︤ⲅ︥ⲃⲱⲕ ⲉϩⲣⲁⲓ̈ ⲉⲛⲕⲁϩ ⲛⲁⲓ̈ ⲉⲧϫⲟⲥⲉ ⲛ︤ⲅ︥ⲧⲁⲗⲟϥ ⲉϩⲣⲁⲓ̈ ⲙ̄ⲙⲁⲩ ⲛ̄ⲟⲩⲧⲁⲗⲟ ⲉϫ︤ⲛ︥ ⲟⲩⲁ ⲛ̄ⲛ̄ⲧⲟⲟⲩ ⲉϯⲛⲁϫⲟⲟϥ ⲉⲣⲟⲕ.
Gen.22.3 ⲁⲁⲃⲣⲁϩⲁⲙ ⲇⲉ ⲧⲱⲟⲩⲛ ⲉϩⲧⲟⲟⲩⲉ ⲁϥϩⲱⲕ ⲛ̄ⲧⲉϥⲉⲓⲱ ⲁϥϫⲓ ⲇⲉ ⲛ︤ⲙ︥ⲙⲁϥ ⲛ̄ϩ︤ⲙ︥ϩⲁⲗ ⲥⲛⲁⲩ ⲁⲩⲱ ⲓ̈ⲥⲁⲁⲕ ⲡⲉϥϣⲏⲣⲉ ⲁϥⲡⲱϩ ⲛ̄ⲛ̄ϣⲉ ⲉⲡⲧⲁⲗⲟ ⲁϥⲧⲱⲟⲩⲛ ⲁϥⲃⲱⲕ ⲁϥⲉⲓ ⲉϩⲣⲁⲓ̈ ⲉϫ︤ⲙ︥ ⲡⲙⲁ ⲉⲛⲧⲁⲡⲛⲟⲩⲧⲉ ϫⲟⲟϥ ⲁⲩⲱ ⲡⲙⲉϩϣⲟⲙ︤ⲛ︦ⲧ︥ ⲛ̄ϩⲟⲟⲩ.
Gen.22.4 ⲁⲁⲃⲣⲁϩⲁⲙ ϥⲓ ⲛ̄ⲛ̄ⲃⲁⲗ ⲉϩⲣⲁⲓ̈ ⲁϥⲛⲁⲩ ⲉⲡⲙⲁ ⲙ̄ⲡⲟⲩⲉ.
Gen.22.5 ⲡⲉϫⲉⲁⲃⲣⲁϩⲁⲙ ⲛ̄ⲛⲉϥϩ︤ⲙ︥ϩⲁⲗ ϫⲉ ϩⲙⲟⲟⲥ ⲙ̄ⲡⲉⲓ̈ⲙⲁ ⲙ︤ⲛ︥ ⲧⲉⲱ ⲁⲛⲟⲕ ⲇⲉ ⲙ︤ⲛ︥ ⲡϣⲏⲣⲉ ϣⲏⲙ ⲛ̄ⲛⲁⲡⲱϩ ϣⲁ ⲡⲉⲓ̈ⲙⲁ ⲛ̄ⲧ︤ⲛ︥ⲟⲩⲱϣ︤ⲧ︥ ⲛ̄ⲧ︤ⲛ︥ⲕⲧⲟⲛ ϣⲁⲣⲱⲧ︤ⲛ︥.
Gen.22.6 ⲁⲁⲃⲣⲁϩⲁⲙ ϥⲓ ⲛ̄ⲛ̄ϣⲉ ⲙ̄ⲡⲧⲁⲗⲟ ⲁϥⲧⲁⲗⲟ ⲙ̄ⲙⲟⲟⲩ ⲉϫ︤ⲛ︥ ⲓ̈ⲥⲁⲁⲕ ⲡⲉϥϣⲏⲣⲉ ⲁϥϥⲓ ⲇⲉ ⲟⲛ ⲙ̄ⲡⲕⲱϩ︤ⲧ︥ ⲙ︤ⲛ︥ ⲧϭⲟⲣⲧⲉ ϩ︤ⲛ︥ ⲧⲉϥϭⲓϫ ⲁⲩⲙⲟⲟϣⲉ ϩⲓ ⲟⲩⲥⲟⲡ ⲙ̄ⲡⲉⲥⲛⲁⲩ.
Gen.22.7 ⲓ̈ⲥⲁⲁⲕ ⲇⲉ ⲡⲉϫⲁϥ ⲙ̄ⲡⲉϥⲉⲓⲱⲧ ϫⲉ ⲉⲓⲥ ⲡⲕⲱϩ︤ⲧ︥ ⲙ︤ⲛ︥ ⲛ̄ϣⲉ ⲉϥⲧⲱⲛ ⲡⲉⲥⲟⲟⲩ ⲉⲡⲧⲁⲗⲟ.
Gen.22.8 ⲡⲉϫⲁϥ ⲛⲁϥ ⲛ̄ϭⲓ ⲁⲃⲣⲁϩⲁⲙ ϫⲉ ⲡⲛⲟⲩⲧⲉ ⲛⲁⲛⲁⲩ ⲛⲁϥ ⲉⲟⲩⲉⲥⲟⲟⲩ ⲉⲡⲧⲁⲗⲟ ⲡⲁϣⲏⲣⲉ ⲛ̄ⲧⲉⲣⲟⲩⲙⲟⲟϣⲉ ϩⲓ ⲟⲩⲥⲟⲡ ⲙ̄ⲡⲉⲥⲛⲁⲩ.
Gen.22.9 ⲁⲩⲉⲓ ⲉϫ︤ⲙ︥ ⲡⲙⲁ ⲁⲁⲃⲣⲁϩⲁⲙ ⲇⲉ ⲁϥⲕⲱⲧ ⲛ̄ⲟⲩⲑⲩⲥⲓⲁⲥⲧⲏⲣⲓⲟⲛ ⲙ̄ⲡϫⲟⲉⲓⲥ ⲁϥⲧⲁⲗⲉⲛ̄ϣⲉ ⲉϩⲣⲁⲓ̈ ⲉϫⲱϥ ⲁϥⲥⲱⲛ︤ϩ︥ ⲛ̄ⲓ̈ⲥⲁⲁⲕ ⲡⲉϥϣⲏⲣⲉ ⲁϥⲧⲁⲗⲟϥ ⲙ̄ⲡⲉⲑⲩⲥⲓⲁⲥⲧⲏⲣⲓⲟⲛ ⲙ̄ⲡⲉⲧⲡⲉ ⲛ̄ⲛ̄ϣⲉ.
Gen.22.10 ⲁⲩⲱ ⲁⲁⲃⲣⲁϩⲁⲙ ⲁϥⲥⲟⲟⲩⲧ︤ⲛ︥ ⲛ̄ⲧⲉϥϭⲓϫ ⲉⲃⲟⲗ ⲁϥϫⲓ ⲛ̄ⲧϭⲟⲣⲧⲉ ϫⲉ ϥⲛⲁⲕⲟⲛ︤ⲥ︥ ⲛ̄ⲓ̈ⲥⲁⲁⲕ ⲡⲉϥϣⲏⲣⲉ.
Gen.22.11 ⲁⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲙⲟⲩⲧⲉ ⲉⲣⲟϥ ⲉⲃⲟⲗ ϩ︤ⲛ︥ ⲧⲡⲉ ⲉϥϫⲱ ⲙ̄ⲙⲟⲥ ϫⲉ ⲁⲃⲣⲁϩⲁⲙ ⲁⲃⲣⲁϩⲁⲙ ⲡⲉϫⲁϥ ϫⲉ ⲉⲓⲥ ϩⲏⲏⲧⲉ ϯⲙ̄ⲡⲉⲓ̈ⲙⲁ.
Gen.22.12 ⲡⲉϫⲉⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲛⲁϥ ϫⲉ ⲙ̄ⲡ︤ⲣ︥ⲉⲓⲛⲉ ⲛ̄ⲧⲉⲕϭⲓϫ ⲉϫ︤ⲙ︥ ⲡϣⲏⲣⲉ ϣⲏⲙ ⲟⲩⲇⲉ ⲙ̄ⲡ︤ⲣ︥ⲣ̄ⲡⲉⲑⲟⲟⲩ ⲛⲁϥ ⲁⲓ̈ⲉⲓⲙⲉ ⲅⲁⲣ ϫⲉ ⲉⲕⲙⲉ ⲙ̄ⲙⲟⲓ̈ ⲁⲩⲱ ⲉⲕⲣ̄ϩⲟⲧⲉ ϩⲏⲧ︤ϥ︥ ⲙ̄ⲡⲛⲟⲩⲧⲉ ⲁⲩⲱ ⲙ̄ⲡⲉⲕϯⲥⲟ ⲉⲡⲉⲕϣⲏⲣⲉ ⲙ̄ⲙⲉⲣⲓⲧ ⲉⲧⲃⲏⲏⲧ.
Gen.22.13 ⲁⲃⲣⲁϩⲁⲙ ⲇⲉ ⲁϥϥⲓ ⲛ̄ⲛⲉϥⲃⲁⲗ ⲉϩⲣⲁⲓ̈ ⲁϥⲛⲁⲩ ⲁⲩⲱ ⲉⲓⲥ ⲟⲩⲟⲓ̈ⲗⲉ ⲛⲉϥⲙⲏⲣ ⲉⲛⲉϥⲧⲁⲡ ϩⲁ ⲟⲩϣⲏⲛ ϫⲉ ⲥⲁⲃⲉⲕ ⲁⲁⲃⲣⲁϩⲁⲙ ⲟⲛ ⲃⲱⲕ ⲁϥϫⲓ ⲙ̄ⲡⲟⲓ̈ⲗⲉ ⲁϥⲧⲁⲗⲟϥ ⲉϩⲣⲁⲓ̈ ⲛ̄ⲟⲩⲧⲁⲗⲟ ⲉⲡⲙⲁ ⲛ̄ⲓ̈ⲥⲁⲁⲕ ⲡⲉϥϣⲏⲣⲉ.
Gen.22.14 ⲁⲁⲃⲣⲁϩⲁⲙ ⲙⲟⲩⲧⲉ ⲉⲡⲣⲁⲛ ⲙ̄ⲡⲙⲁ ⲉⲧⲙ̄ⲙⲁⲩ ϫⲉ ⲡϫⲟⲉⲓⲥ ⲡⲉⲛⲧⲁϥⲛⲁⲩ ϫⲉ ⲉⲩⲉϫⲟⲟⲥ ⲙ̄ⲡⲟⲟⲩ ϫⲉ ⲁⲡϫⲟⲉⲓⲥ ⲟⲩⲱⲛ︤ϩ︥ ⲉⲃⲟⲗ ϩ︤ⲙ︥ ⲡⲉⲓ̈ⲧⲟⲟⲩ.
Gen.22.15 ⲁⲡⲁⲅⲅⲉⲗⲟⲥ ⲇⲉ ⲙ̄ⲡϫⲟⲉⲓⲥ ⲙⲟⲩⲧⲉ ⲉⲁⲃⲣⲁϩⲁⲙ ⲙ̄ⲡⲙⲉϩⲥⲉⲡⲥⲛⲁⲩ ⲉⲃⲟⲗ ϩ︤ⲛ︥ ⲧⲡⲉ ⲉϥϫⲱ ⲙ̄ⲙⲟⲥ ϫⲉ.
Gen.22.16 ϩ︤ⲛ︥ ⲟⲩⲱⲣ︤ⲕ︥ ⲁⲓ̈ⲱⲣ︤ⲕ︥ ⲙⲙⲟⲓ̈ ⲙ̄ⲙⲓⲛ ⲙ̄ⲙⲟⲓ̈ ⲡⲉϫⲉⲡϫⲟⲉⲓⲥ ⲉⲃⲟⲗ ϫⲉ ⲁⲕⲉⲓⲣⲉ ⲙ̄ⲡⲉⲓ̈ϣⲁϫⲉ ⲙ̄ⲡⲉⲕϯⲥⲟ ⲉⲡⲉⲕϣⲏⲣⲉ ⲡⲉⲕⲙⲉⲣⲓⲧ ⲉⲧⲃⲏⲏⲧ.
Gen.22.17 ⲧⲉⲛⲟⲩ ϭⲉ ϩ︤ⲛ︥ ⲟⲩⲥⲙⲟⲩ ϯⲛⲁⲥⲙⲟⲩ ⲉⲣⲟⲕ ϩ︤ⲛ︥ ⲟⲩⲁϣⲁⲓ̈ ϯⲛⲁⲕⲁϣⲁⲓ̈ ⲉⲙⲁⲧⲉ ⲁⲩⲱ ϯⲛⲁⲧⲁϣⲟ ⲙ̄ⲡⲉⲕⲥⲡⲉⲣⲙⲁ ⲛ̄ⲑⲉ ⲛ̄ⲛ̄ⲥⲓⲟⲩ ⲛ̄ⲧⲡⲉ ⲁⲩⲱ ⲛ̄ⲑⲉ ⲙ̄ⲡϣⲱ ⲉⲧϩⲁⲧ︤ⲛ︥ⲑⲁⲗⲁⲥⲥⲁ ϯⲛⲁⲧⲣⲉⲡⲉⲕⲥⲡⲉⲣⲙⲁ ⲕⲗⲏⲣⲟⲛⲟⲙⲉⲓ ⲛ̄ⲙ̄ⲡⲟⲗⲓⲥ ⲛ̄ⲛⲉⲩϫⲁϫⲉ.
Gen.22.18 ⲉⲩⲉϫⲓⲥⲙⲟⲩ ⲉϩⲣⲁⲓ̈ ϩ︤ⲙ︥ ⲡⲉⲕⲥⲡⲉⲣⲙⲁ ⲛ̄ϭⲓ ⲛ̄ϩⲉⲑⲛⲟⲥ ⲧⲏⲣⲟⲩ ⲙ̄ⲡⲕⲁϩ ⲉⲃⲟⲗ ϫⲉ ⲁⲕⲥⲱⲧ︤ⲙ︥ ⲛ̄ⲥⲁ ⲧⲁⲥⲙⲏ.
Gen.22.19 ⲁⲁⲃⲣⲁϩⲁⲙ ⲇⲉ ⲕⲟⲧ︤ϥ︥ ϣⲁ ⲛⲉϥϩ︤ⲙ︥ϩⲁⲗ ⲁⲩⲧⲱⲟⲩⲛ ⲁⲩⲃⲱⲕ ϩⲓ ⲟⲩⲥⲟⲡ ϩⲁⲧ︤ⲛ︥ ⲧϣⲱⲧⲉ ⲙ̄ⲡⲁⲛⲁϣ ⲁⲁⲃⲣⲁϩⲁⲙ ⲟⲩⲱϩ ϩⲓϫ︤ⲛ︥ ⲧϣⲱⲧⲉ ⲙ̄ⲡⲁⲛⲁϣ.
Gen.22.20 ⲁⲥϣⲱⲡⲉ ⲙ︤ⲛ︥ⲛ̄ⲥⲁ ⲛⲉⲓ̈ϣⲁϫⲉ ⲁⲩϫⲓⲡⲟⲩⲱ ⲛ̄ⲁⲃⲣⲁϩⲁⲙ ⲉⲩϫⲱ ⲙ̄ⲙⲟⲥ ϫⲉ ⲉⲓⲥ ϩⲏⲏⲧⲉ ⲁⲙⲉⲗⲭⲁ ⲙⲓⲥⲉ ⲛ̄ϩⲉⲛϣⲏⲣⲉ ⲛ̄ⲛⲁⲭⲱⲣ ⲡⲉⲕⲥⲟⲛ.
Gen.22.21 ⲱⲍ ⲡⲉϥϣ︤ⲣ︦ⲡ︥ⲙⲓⲥⲉ ⲙ︤ⲛ︥ ⲃⲁⲩⲍ ⲡⲉϥⲥⲟⲛ ⲙ︤ⲛ︥ ⲕⲁⲙⲟⲩⲏⲗ ⲡⲉⲓⲱⲧ ⲛ̄ⲛ̄ⲥⲩⲣⲟⲥ.
Gen.22.22 […]
Gen.22.23 […]
Gen.22.24 […]
Jas.2.23 ⲁⲩⲱ ⲁⲥϫⲱⲕ ⲉⲃⲟⲗ ⲛϭⲓ ⲧⲉⲅⲣⲁⲫⲏ ⲉⲧϫⲱ ⲙⲙⲟⲥ ϫⲉ ⲁⲃⲣⲁϩⲁⲙ ⲁϥⲡⲓⲥⲧⲉⲩⲉ ⲉⲡⲛⲟⲩⲧⲉ ⲁⲩⲟⲡⲥ ⲉⲣⲟϥ ⲉⲩⲇⲓⲕⲁⲓⲟⲥⲩⲛⲏ ⲁⲩⲱ ⲁⲩⲙⲟⲩⲧⲉ ⲉⲣⲟϥ ϫⲉ ⲡⲉϣⲃⲏⲣ ⲙⲡⲛⲟⲩⲧⲉ.
Type
Allusion
Edition
Lefort, Louis-Théophile. Œvres de S. Pachôme et de ses disciples. Corpus Scriptorum Christianorum Orientalium 159. Louvain, 1956, 1:14-18