_Gen.41.1 […]
_Gen.41.2 […]
_Gen.41.3 […]
_Gen.41.4 ϩ︤ⲙ︥ ⲡⲉⲩⲉⲓⲛⲉ ⲙ︤ⲛ︥ ⲛⲉⲧⲥⲟⲧ︤ⲡ︥ ϩ︤ⲛ︥ ⲛⲉⲩⲥⲁⲣⲝ ⲁⲩⲱ ⲙ̄ⲡⲟⲩⲱⲛ︤ϩ︥ ⲉⲃⲟⲗ ϫⲉ ⲁⲩⲃⲱⲕ ⲉϩⲟⲩⲛ ⲉϩⲏⲧⲟⲩ ⲁϥⲛⲉϩⲥⲉ ⲛ̄ϭⲓ ⲫⲁⲣⲁⲱ.
_Gen.41.5 ⲁⲩⲱ ⲁϥⲛ̄ⲕⲟⲧ︤ⲕ︥ ⲟⲛ ⲁϥⲡⲱⲱⲣⲉ ⲛ̄ⲧⲙⲉϩⲥ︤ⲛ︥ⲧⲉ ⲛ̄ⲣⲁⲥⲟⲩ ⲁⲩⲱ ⲡⲥⲁϣ︤ϥ︥ ⲛ̄ϩ︤ⲙ︦ⲥ︥ ⲁⲩⲉⲓ ⲉϩⲣⲁⲓ̈ ϩ︤ⲛ︥ ⲟⲩⲥ︤ⲃ︥ⲣⲟⲟⲩⲉ ⲛ̄ⲟⲩⲱⲧ ⲉⲩⲥⲟⲧ︤ⲡ︥ ⲁⲩⲱ ⲉⲛⲁⲛⲟⲩⲟⲩ.
_Gen.41.6 ⲉⲓⲥ ⲕⲉⲥⲁϣ︤ϥ︥ ⲇⲉ ⲛ̄ϩ︤ⲙ︦ⲥ︥ ⲁⲩⲣⲱⲧ ⲙ︤ⲛ︥ⲛ̄ⲥⲱⲟⲩ ⲉⲩϩⲟⲟⲙⲉ ⲉⲩⲟ ⲛ̄ϫ︤ⲛ︥ⲧⲏⲩ.
_Gen.41.7 ⲁⲩⲱⲙ︤ⲕ︥ ⲛ̄ϭⲓ ⲡⲥⲁϣ︤ϥ︥ ⲛ̄ϩ︤ⲙ︦ⲥ︥ ⲉⲧϩⲟⲟⲙⲉ ⲁⲩⲱ ⲉⲧⲟ ⲛ̄ϫ︤ⲛ︥ⲧⲏⲩ ⲙ̄ⲡⲥⲁϣ︤ϥ︥ ⲛ̄ϩ︤ⲙ︦ⲥ︥ ⲉⲧⲛⲁⲛⲟⲩⲟⲩ ⲁⲩⲱ ⲉⲧϫⲏⲧ ⲁϥⲧⲱⲟⲩⲛ ⲛ̄ϭⲓ ⲫⲁⲣⲁⲱ ⲁⲩⲱ ⲛⲉⲩⲣⲁⲥⲟⲩ ⲧⲉ.
_Gen.41.8 ⲁϩⲧⲟⲟⲩⲉ ⲇⲉ ϣⲱⲡⲉ ⲁⲥϣⲧⲟⲣⲧ︤ⲣ︥ ⲛ̄ϭⲓ ⲧⲉϥⲯⲩⲭⲏ ⲁϥϫⲟⲟⲩ ⲁϥⲙⲟⲩⲧⲉ ⲉⲛⲣⲉϥⲟⲩⲉϩⲣⲁⲥⲟⲩ ⲧⲏⲣⲟⲩ ⲛ̄ⲕⲏⲙⲉ ⲙ︤ⲛ︥ ⲛⲉϥⲥⲟⲫⲓⲥⲧⲏⲥ ⲧⲏⲣⲟⲩ ⲁⲫⲁⲣⲁⲱ ϫⲱ ⲉⲣⲟⲟⲩ ⲛ̄ⲧⲉϥⲣⲁⲥⲟⲩ ⲁⲩⲱ ⲙ̄ⲡⲟⲩϩⲉ ⲉⲡⲉⲧⲛⲁⲃⲟⲗ︤ⲥ︥ ⲉⲫⲁⲣⲁⲱ.
_Gen.41.9 ⲁϥϣⲁϫⲉ ⲇⲉ ⲛ̄ϭⲓ ⲡⲣⲉϥⲟⲩⲱⲧ︤ϩ︥ ⲙ︤ⲛ︥ ⲫⲁⲣⲁⲱ ⲉϥϫⲱ ⲙ̄ⲙⲟⲥ ϫⲉ ϯⲉⲓⲣⲉ ⲙ̄ⲡⲙⲉⲉⲩⲉ ⲙ̄ⲡⲁⲛⲟⲃⲉ ⲙ̄ⲡⲟⲟⲩ.
_Gen.41.10 ⲫⲁⲣⲁⲱ ⲁϥⲛⲟⲩϭ︤ⲥ︥ ⲉⲛⲉϥϩ︤ⲙ︥ϩⲁⲗ ⲁϥⲛⲟϫ︤ⲛ︥ ⲉⲡⲉϣⲧⲉⲕⲟ ϩ︤ⲙ︥ ⲡⲏⲓ̈ ⲙ̄ⲡⲉⲧϩⲓϫ︤ⲛ︥ⲡⲉϣⲧⲉⲕⲟ ⲁⲛⲟⲕ ⲙ︤ⲛ︥ ⲡⲁⲙⲣⲉ.
_Gen.41.11 ⲁⲛⲛⲁⲩ ⲇⲉ ⲉⲩⲣⲁⲥⲟⲩ ⲡⲟⲩⲁ ⲡⲟⲩⲁ ϩ︤ⲛ︥ ϯⲟⲩϣⲏ ⲛ̄ⲟⲩⲱⲧ ⲁⲛⲟⲕ ⲛ︤ⲙ︥ⲙⲁϥ ⲁⲛⲛⲁⲩ ⲡⲟⲩⲁ ⲡⲟⲩⲁ ⲕⲁⲧⲁ ⲧⲉϥⲣⲁⲥⲟⲩ.
_Gen.41.12 ⲛⲉⲩⲛ̄ⲟⲩϩ︤ⲣ︥ϣⲓⲣⲉ ⲇⲉ ⲙ̄ⲙⲁⲩ ⲛ︤ⲙ︥ⲙⲁⲛ ⲛ̄ϩⲉⲃⲣⲁⲓⲟⲥ ⲉⲡϩ︤ⲙ︥ϩⲁⲗ ⲡⲉ ⲙ̄ⲡⲁⲣⲭⲓⲙⲁⲅⲉⲓⲣⲟⲥ ⲁⲛϫⲟⲟⲩ ⲉⲣⲟϥ ⲁϥⲃⲟⲗⲟⲩ ⲉⲣⲟⲛ.
_Gen.41.13 ⲁⲥϣⲱⲡⲉ ⲕⲁⲧⲁ ⲑⲉ ⲛ̄ⲧⲁϥⲃⲟⲗⲟⲩ ⲉⲣⲟⲛ ⲧⲁⲓ̈ ⲧⲉ ⲑⲉ ⲛ̄ⲧⲁⲥϣⲱⲡⲉ ⲙ̄ⲙⲟⲛ ⲁⲛⲟⲕ ⲉⲧⲣⲉⲩⲧⲁϩⲟⲓ̈ ⲉⲣⲁⲧ︤ⲧ︥ ⲉϫ︤ⲛ︥ ⲧⲁⲁⲣⲭⲏ ⲡⲏ ⲇⲉ ⲛ̄ⲥⲉⲁϣⲧ︤ϥ︥.
_Gen.41.14 ⲁϥϫⲟⲟⲩ ⲇⲉ ⲛ̄ϭⲓ ⲫⲁⲣⲁⲱ ⲁϥⲙⲟⲩⲧⲉ ⲉⲓ̈ⲱⲥⲏⲫ ⲁϥⲉⲓⲛⲉ ⲙ̄ⲙⲟϥ ⲉⲃⲟⲗ ϩ︤ⲙ︥ ⲡⲉϣⲧⲉⲕⲟ ⲁϥϩⲱⲱⲕⲉ ⲛ̄ⲧⲉϥⲁⲡⲉ ⲁϥϣⲓⲃⲉ ⲛ̄ⲛⲉϥϩⲟⲓⲧⲉ ⲁϥⲉⲓ ϣⲁ ⲫⲁⲣⲁⲱ.
_Gen.41.15 ⲡⲉϫⲁϥ ⲇⲉ ⲛ̄ϭⲓ ⲫⲁⲣⲁⲱ ⲛ̄ⲓ̈ⲱⲥⲏⲫ ϫⲉ ⲁⲓ̈ⲛⲁⲩ ⲉⲩⲣⲁⲥⲟⲩ ⲁⲩⲱ ⲛ̄ϥϣⲟⲟⲡ ⲁⲛ ⲛ̄ϭⲓ ⲡⲉⲧⲛⲁⲃⲟⲗ︤ⲥ︥ ⲁⲛⲟⲕ ⲇⲉ ⲁⲓ̈ⲥⲱⲧ︤ⲙ︥ ⲉⲧⲃⲏⲏⲧ︤ⲕ︥ ⲉⲩϫⲱ ⲙ̄ⲙⲟⲥ ϫⲉ ⲁⲕⲥⲱⲧ︤ⲙ︥ ⲉϩⲉⲛⲣⲁⲥⲟⲩ ⲁⲕⲃⲟⲗⲟⲩ.
_Gen.41.16 ⲁϥⲟⲩⲱϣ︤ⲃ︥ ⲇⲉ ⲛ̄ϭⲓ ⲓ̈ⲱⲥⲏⲫ ⲡⲉϫⲁϥ ⲙ̄ⲫⲁⲣⲁⲱ ϫⲉ ⲁϫ︤ⲙ︥ ⲡⲛⲟⲩⲧⲉ ⲛ̄ⲥⲉⲛⲁϣϫⲱ ⲁⲛ ⲙ̄ⲡⲟⲩϫⲁⲓ̈ ⲙ̄ⲫⲁⲣⲁⲱ.
_Gen.41.17 ⲁϥϣⲁϫⲉ ⲛ̄ϭⲓ ⲫⲁⲣⲁⲱ ⲙ︤ⲛ︥ ⲓ̈ⲱⲥⲏⲫ ⲉϥϫⲱ ⲙ̄ⲙⲟⲥ ϫⲉ ϩⲣⲁⲓ̈ ϩ︤ⲛ︥ ⲧⲁⲣⲁⲥⲟⲩ ⲉϣϫⲉ ⲛⲉⲓ̈ⲛⲁⲩ ⲉⲣⲟⲓ̈ ⲉⲓ̈ⲁϩⲉⲣⲁⲧ ⲉϫ︤ⲙ︥ ⲡⲉⲥⲡⲟⲧⲟⲩ ⲙ̄ⲡⲓⲉⲣⲟ.
_Gen.41.18 ⲁⲩⲱ ⲉϣϫⲉ ⲛⲉⲩⲛⲏⲩ ⲉϩⲣⲁⲓ̈ ϩ︤ⲙ︥ ⲡⲓⲉⲣⲟ ⲛ̄ϭⲓ ⲥⲁϣϥⲉ ⲛ̄ⲉϩⲉ ⲉⲩⲥⲟⲧ︤ⲡ︥ ϩ︤ⲛ︥ ⲛⲉⲩⲥⲁⲣⲝ ⲁⲩⲱ ⲉⲛⲉⲥⲱⲟⲩ ϩ︤ⲙ︥ ⲡⲉⲩⲉⲓⲛⲉ ⲉⲩⲙⲟⲟⲛⲉ ϩ︤ⲙ︥ ⲡⲁϩⲣⲉ.
_Gen.41.19 ⲁⲩⲱ ⲉⲓⲥ ⲕⲉⲥⲁϣϥⲉ ⲛ̄ⲉϩⲉ ⲁⲩⲉⲓ ⲉϩⲣⲁⲓ̈ ϩ︤ⲙ︥ ⲡⲓⲉⲣⲟ ⲙ︤ⲛ︥ⲛ̄ⲥⲱⲟⲩ ⲉⲩϩⲟⲟⲩ ⲁⲩⲱ ⲉⲛⲉϭⲱⲟⲩ ϩ︤ⲙ︥ ⲡⲉⲩⲉⲓⲛⲉ ⲉⲩϭⲟⲟⲃ ϩ︤ⲛ︥ ⲛⲉⲩⲥⲁⲣⲝ ⲙⲡⲉⲓⲛⲁⲩ ⲉⲑⲉ ⲟⲛ ⲉⲛⲉϭⲱⲟⲩ ⲉⲣⲟⲟⲩ ϩ︤ⲙ︥ ⲡⲕⲁϩ ⲧⲏⲣ︤ϥ︥ ⲛ̄ⲕⲏⲙⲉ.
_Gen.41.20 ⲁⲩⲱⲙ︤ⲕ︥ ⲛ̄ϭⲓ ⲧⲥⲁϣϥⲉ ⲛ̄ⲉϩⲉ ⲉⲩϭⲟⲟⲃ ⲁⲩⲱ ⲉⲧⲛⲉϭⲱⲟⲩ ⲛ̄ⲧⲥⲁϣϥⲉ ⲛ̄ⲉϩⲉ ⲉⲧⲛⲁⲛⲟⲩⲟⲩ ⲁⲩⲱ ⲉⲧⲥⲟⲧ︤ⲡ︥.
_Gen.41.21 ⲁⲩⲃⲱⲕ ⲉϩⲟⲩⲛ ⲉϩⲏⲧⲟⲩ ⲁⲩⲱ ⲙ̄ⲡⲟⲩⲟⲩⲱⲛ︤ϩ︥ ⲉⲃⲟⲗ ϫⲉ ⲁⲩⲃⲱⲕ ⲉϩⲟⲩⲛ ⲉϩⲏⲧⲟⲩ ⲛⲉⲩϩⲟ ⲇⲉ ⲛ̄ⲉⲛⲉϭⲱⲟⲩ ⲛ̄ⲑⲉ ⲟⲛ ⲛ̄ϣⲟⲣ︤ⲡ︥ ⲛ̄ⲧⲉⲣⲉⲓⲛⲉϩⲥⲉ ⲇⲉ ⲟⲛ ⲁⲓ̈ⲱⲃϣ.
_Gen.41.22 ⲁⲓ̈ⲛⲁⲩ ⲟⲛ ϩ︤ⲛ︥ ⲧⲣⲁⲥⲟⲩ ⲉϣϫⲉ ⲉⲣⲉⲥⲁϣ︤ϥ︥ ⲛ̄ϩⲏⲙⲥ ⲛⲏⲩ ⲉϩⲣⲁⲓ̈ ϩ︤ⲛ︥ ⲟⲩⲥ︤ⲃ︥ⲣⲟⲟⲩⲉ ⲛ̄ⲟⲩⲱⲧ ⲉⲩϫⲟⲧⲉ.
_Gen.41.23 ⲁⲕⲉⲥⲁϣ︤ϥ︥ ⲇⲉ ⲛ̄ϩⲏⲙⲥ ⲉⲩϩⲟⲟⲙⲉ ⲁⲩⲱ ⲉⲩⲟ ⲛ̄ϫ︤ⲛ︥ⲧⲏⲩ .
_Gen.41.24 […]
_Gen.41.25 […]
_Gen.41.26 ⲡⲥⲁϣ︤ϥ︥ ⲛ̄ϩ︤ⲙ︦ⲥ︥ ⲉⲛⲁⲛⲟⲩⲟⲩ ⲧⲥⲁϣϥⲉ ⲛ̄ⲣⲟⲙⲡⲉ ⲛⲉ ⲧⲣⲁⲥⲟⲩ ⲙ̄ⲫⲁⲣⲁⲱ ⲟⲩⲉⲓ ⲧⲉ.
_Gen.41.27 ⲁⲩⲱ ⲧⲥⲁϣϥⲉ ⲛ̄ⲉϩⲉ ⲛ̄ϭⲱⲃ ⲛ̄ⲧⲁⲩⲉⲓ ⲉϩⲣⲁⲓ̈ ⲙ︤ⲛ︥ⲛ̄ⲥⲱⲟⲩ ⲧⲥⲁϣϥⲉ ⲛ̄ⲣⲟⲙⲡⲉ ⲛⲉ ⲁⲩⲱ ⲟⲛ ⲡⲥⲁϣ︤ϥ︥ ⲛ̄ϩ︤ⲙ︦ⲥ︥ ⲉⲧϩⲁⲁⲙ ⲁⲩⲱ ⲉⲧⲟ ⲛ̄ϫ︤ⲛ︥ⲧⲏⲩ ⲧⲥⲁϣϥⲉ ⲛ̄ⲣⲟⲙⲡⲉ ⲛⲉ ⲥⲉⲛⲁϣⲱⲡⲉ ⲛ̄ϭⲓ ⲥⲁϣϥⲉ ⲛ̄ⲣⲟⲙⲡⲉ ⲛ̄ϩⲉⲃⲱⲱⲛ.
_Gen.41.28 ⲡϣⲁϫⲉ ⲇⲉ ⲛ̄ⲧⲁⲓ̈ϫⲟⲟϥ ⲙ̄ⲫⲁⲣⲁⲱ ϫⲉ ⲛⲉⲧⲉⲣⲉⲡⲛⲟⲩⲧⲉ ⲛⲁⲁⲁⲩ .
_Gen.41.29 […]
_Gen.41.30 […]
_Gen.41.31 ⲡϩⲉⲃⲱⲱⲛ ⲉⲧⲛⲁϣⲱⲡⲉ ⲙ︤ⲛ︥ⲛ̄ⲥⲱⲥ ϥⲛⲁϣⲱⲡⲉ ⲅⲁⲣ ⲛ̄ⲟⲩⲛⲟϭ ⲙ̄ⲙⲁⲧⲉ.
_Gen.41.32 ⲉⲧⲃⲉ ϫⲉ ⲁⲩⲟⲩⲉϩ︤ⲙ︥ⲧⲣⲁⲥⲟⲩ ⲉⲫⲁⲣⲁⲱ ⲛ̄ⲥ︤ⲡ︥ⲥⲛⲁⲩ ϫⲉ ⲡϣⲁϫⲉ ⲟⲩϣⲁϫⲉ ⲡⲉ ⲙ̄ⲙⲉ ⲉⲃⲟⲗ ϩⲓⲧⲟⲟⲧ︤ϥ︥ ⲙ̄ⲡⲛⲟⲩⲧⲉ ⲁⲩⲱ ⲡⲛⲟⲩⲧⲉ ⲛⲁϭⲉⲡⲏ ⲙ̄ⲙⲟϥ ⲉⲛⲁⲁⲁϥ.
_Gen.41.33 ⲧⲉⲛⲟⲩ ϭⲉ ⲁⲛⲁⲩ ⲛⲁⲕ ⲉⲩⲣⲱⲙⲉ ⲛ̄ⲥⲁⲃⲉ ⲁⲩⲱ ⲛ̄ⲣ︤ⲙ︥ⲛ̄ϩⲏⲧ ⲛ︤ⲅ︥ⲧⲁϩⲟϥ ⲉⲣⲁⲧ︤ϥ︥ ⲉϫ︤ⲙ︥ ⲡⲕⲁϩ ⲛ̄ⲕⲏⲙⲉ.
_Gen.41.34 ⲁⲩⲱ ⲙⲁⲣⲉⲫⲁⲣⲁⲱ .
_Gen.41.35 […]
_Gen.41.36 […]
_Gen.41.37 […]
_Gen.41.38 […]
_Gen.41.39 […]
_Gen.41.40 […]
_Gen.41.41 […]
_Gen.41.42 ⲓ̈ⲱⲥⲏⲫ ⲁϥϯ ϩⲓⲱⲱϥ ⲛ̄ⲟⲩⲥⲧⲟⲗⲏ ⲛ̄ϣ︤ⲛ︦ⲧ︥ ⲁϥϯ ⲛ̄ⲟⲩⲕⲗⲁⲗ ⲛ̄ⲛⲟⲩⲃ ⲉⲡⲉϥⲙⲁⲕ︤ϩ︥.
_Gen.41.43 ⲁϥⲧⲁⲗⲟϥ ⲉϩⲣⲁⲓ̈ ⲉϫ︤ⲙ︥ ⲡⲙⲉϩⲥⲛⲁⲩ ⲛ̄ⲛⲉϥϩⲁⲣⲙⲁ ⲁⲡⲕⲏⲣⲩⲝ ⲧⲁϣⲉⲟⲉⲓϣ ϩⲁ ⲧⲉϥϩⲏ ⲁϥⲧⲁϩⲟϥ ⲉⲣⲁⲧ︤ϥ︥ ⲉϩⲣⲁⲓ̈ ⲉϫ︤ⲙ︥ ⲡⲕⲁϩ ⲧⲏⲣ︤ϥ︥ ⲛ̄ⲕⲏⲙⲉ.
_Gen.41.44 ⲡⲉϫⲁϥ ⲇⲉ ⲛ̄ϭⲓ ⲫⲁⲣⲁⲱ ⲛ̄ⲓ̈ⲱⲥⲏⲫ ϫⲉ ⲁⲛⲟⲕ ⲡⲉ ⲡⲫⲁⲣⲁⲱ ⲁϫ︤ⲛ︥ⲧ︤ⲕ︥ ⲙ̄ⲙ︤ⲛ︥ⲗⲁⲁⲩ ⲛⲁϥⲓ ⲛ̄ⲧⲉϥϭⲓϫ ⲉϩⲣⲁⲓ̈ ⲉϫ︤ⲙ︥ ⲡⲕⲁϩ ⲧⲏⲣ︤ϥ︥ ⲛ̄ⲕⲏⲙⲉ.
_Gen.41.45 ⲁⲫⲁⲣⲁⲱ ⲇⲉ ⲙⲟⲩⲧⲉ ⲉⲡⲣⲁⲛ ⲛ̄ⲓ̈ⲱⲥⲏⲫ ϫⲉ ⲯⲟⲑⲟⲙⲫⲁⲛⲏⲭ ⲁϥϯ ⲇⲉ ⲛⲁϥ ⲛ̄ⲁⲥⲉⲛⲛⲉⲑ ⲧϣⲉⲉⲣⲉ ⲙ̄ⲡⲉⲧⲉⲫⲣⲏ ⲡⲟⲩⲏⲏⲃ ⲛ̄ⲧⲡⲟⲗⲓⲥ ⲙ̄ⲡⲣⲏ ⲛⲁϥ ⲛ̄ⲥϩⲓⲙⲉ.
_Gen.41.46 ⲓ̈ⲱⲥⲏⲫ ⲇⲉ ⲛⲉϥϩ︤ⲛ︥ⲙⲁⲁⲃ ⲛ̄ⲣⲟⲙⲡⲉ ⲡⲉ ⲛ̄ⲧⲉⲣⲉϥⲁϩⲉⲣⲁⲧ︤ϥ︥ ⲙ̄ⲡⲉⲙⲧⲟ ⲉⲃⲟⲗ ⲙ̄ⲫⲁⲣⲁⲱ ⲡⲣ̄ⲣⲟ ⲛ̄ⲕⲏⲙⲉ ⲁϥⲉⲓ ⲇⲉ ⲉⲃⲟⲗ ⲛ̄ϭⲓ ⲓ̈ⲱⲥⲏⲫ ⲙ̄ⲡⲉⲙⲧⲟ ⲉⲃⲟⲗ ⲙ̄ⲫⲁⲣⲁⲱ ⲁϥⲉⲓ ⲉⲃⲟⲗ ϩⲓⲧ︤ⲛ︥ ⲕⲏⲙⲉ ⲧⲏⲣ︤ϥ︥.
_Gen.41.47 ⲡⲕⲁϩ ⲇⲉ ⲁϥⲉⲓⲛⲉ ⲛ̄ϩⲉⲛⲕⲁⲁⲩ ϩ︤ⲛ︥ ⲧⲥⲁϣϥⲉ ⲛ̄ⲣⲟⲙⲡⲉ ⲛ̄ϩⲉⲛⲟⲩϥⲉ.
_Gen.41.48 ⲁⲩⲱ ⲁϥⲥⲱⲟⲩϩ ⲉϩⲟⲩⲛ ⲛ̄ϩⲉⲛϩⲣⲏⲩⲉ ⲧⲏⲣⲟⲩ ⲛ̄ⲧⲥⲁϣϥⲉ ⲛ̄ⲣⲟⲙⲡⲉ ⲉⲛⲉⲣⲉⲡϩⲉⲛⲟⲩϥⲉ ϣⲟⲟⲡ ⲛ̄ϩⲏⲧⲟⲩ ϩⲣⲁⲓ̈ ϩ︤ⲙ︥ ⲡⲕⲁϩ ⲛ̄ⲕⲏⲙⲉ ⲁϥⲕⲱ ⲛ̄ⲛⲉϩⲣⲏⲩⲉ ϩⲣⲁⲓ̈ ϩ︤ⲛ︥ ⲙ̄ⲡⲟⲗⲓⲥ ⲛⲉϩⲣⲏⲩⲉ ⲛ̄ⲛ̄ⲥⲱϣⲉ ⲉⲧⲙ̄ⲡⲕⲱⲧⲉ ⲛ̄ⲧⲡⲟⲗⲓⲥ ⲁϥⲕⲁⲁⲩ ϩⲣⲁⲓ̈ ⲛ̄ϩⲏⲧ︤ⲥ︥.
_Gen.41.49 ⲁⲓ̈ⲱⲥⲏⲫ ⲇⲉ ⲥⲱⲟⲩϩ ⲉϩⲟⲩⲛ ⲙ̄ⲡⲉⲥⲟⲩⲟ ⲛ̄ⲑⲉ ⲙ̄ⲡϣⲱ ⲛ̄ⲑⲁⲗⲁⲥⲥⲁ ⲉϥⲟϣ ⲉⲙⲁⲧⲉ ϣⲁⲛⲧⲟⲩⲗⲟ ⲉⲩⲉϣϭ︤ⲙ︥ϭⲟⲙ ⲉⲱⲡ ⲙ̄ⲙⲟϥ ⲛⲉⲙ︤ⲛ︥ⲧ︤ϥ︥ⲏⲡⲉ ⲅⲁⲣ.
_Gen.41.50 ⲁⲩϫⲡⲟ ⲇⲉ ⲛ̄ϣⲏⲣⲉ ⲥⲛⲁⲩ ⲛ̄ⲓ̈ⲱⲥⲏⲫ ⲙ̄ⲡⲁⲧⲟⲩⲉⲓ ⲛ̄ϭⲓ ⲧⲥⲁϣϥⲉ ⲛ̄ⲣⲟⲙⲡⲉ ⲛ̄ϩⲉⲃⲱⲱⲛ ⲛⲁⲓ̈ ⲉⲛⲧⲁⲥϫⲡⲟⲟⲩ ⲛⲁϥ ⲛ̄ϭⲓ ⲁⲥⲉⲛⲛⲉⲑ ⲧϣⲉⲉⲣⲉ ⲙ̄ⲡⲉⲧⲉⲫⲣⲏ ⲡⲟⲩⲏⲏⲃ ⲛ̄ⲧⲡⲟⲗⲓⲥ ⲙ̄ⲡⲣⲏ.
_Gen.41.51 ⲁⲓ̈ⲱⲥⲏⲫ ⲇⲉ ⲙⲟⲩⲧⲉ ⲉⲡⲣⲁⲛ ⲙ̄ⲡⲉϥϣ︤ⲣ︦ⲡ︥ⲙ̄ⲙⲓⲥⲉ ϫⲉ ⲙⲁⲛⲁⲥⲥⲏ ϫⲉ ⲁⲡⲛⲟⲩⲧⲉ ⲧⲣⲁⲣ̄ⲡⲱⲃ︤ϣ︥ ⲛ̄ⲛⲁϩⲓⲥⲉ ⲧⲏⲣⲟⲩ ⲙ︤ⲛ︥ ⲛⲁ ⲡⲁⲉⲓⲱⲧ.
_Gen.41.52 ⲡⲣⲁⲛ ⲇⲉ ⲙ̄ⲡⲙⲉϩⲥⲛⲁⲩ ⲁϥⲙⲟⲩⲧⲉ ⲉⲣⲟϥ ϫⲉ ⲉⲫⲣⲁⲓⲙ ϫⲉ ⲁⲡⲛⲟⲩⲧⲉ ⲁⲩⲝⲁⲛⲉ ⲙⲙⲟⲓ̈ ⲉϩⲣⲁⲓ̈ ϩ︤ⲙ︥ ⲡⲕⲁϩ ⲛ̄ⲧⲁⲙ︤ⲛ︦ⲧ︥ϭⲱⲃ.
_Gen.41.53 ⲉⲡⲉⲓⲇⲏ ⲁⲩⲟⲩⲉⲓⲛⲉ ⲛ̄ϭⲓ ⲧⲥⲁϣϥⲉ ⲛ̄ⲣⲟⲙⲡⲉ ⲛ̄ϩⲉⲛⲟⲩϥⲉ ⲛⲁⲓ̈ ⲉⲛⲧⲁⲩϣⲱⲡⲉ ϩⲣⲁⲓ̈ ϩ︤ⲙ︥ ⲡⲕⲁϩ ⲛ̄ⲕⲏⲙⲉ.
_Gen.41.54 ⲁⲩⲁⲣⲭⲉⲓ ⲛ̄ⲉⲓ ⲛ̄ϭⲓ ⲧⲥⲁϣϥⲉ ⲛ̄ⲣⲟⲙⲡⲉ ⲛ̄ϩⲉⲃⲱⲱⲛ ⲕⲁⲧⲁ ⲑⲉ ⲉⲛⲧⲁⲓ̈ⲱⲥⲏⲫ ϫⲟⲟⲥ ⲁⲡϩⲉⲃⲱⲱⲛ ϣⲱⲡⲉ ϩ︤ⲙ︥ ⲡⲕⲁϩ ⲧⲏⲣ︤ϥ︥ ⲛⲉⲟⲩⲛ̄ⲟⲉⲓⲕ ⲇⲉ ⲛ̄ⲧⲟϥ ϩ︤ⲙ︥ ⲡⲕⲁϩ ⲧⲏⲣ︤ϥ︥ ⲛ̄ⲕⲏⲙⲉ.
_Gen.41.55 ⲁϥϩⲕⲟ ⲇⲉ ⲛ̄ϭⲓ ⲡⲕⲁϩ ⲧⲏⲣ︤ϥ︥ ⲛ̄ⲕⲏⲙⲉ ⲁⲩⲱ ⲁⲡⲗⲁⲟⲥ ϫⲓϣⲕⲁⲕ ⲉⲃⲟⲗ ⲉⲫⲁⲣⲁⲱ ⲉⲧⲃⲉ ⲟⲉⲓⲕ ⲡⲉϫⲁϥ ⲇⲉ ⲛ̄ϭⲓ ⲫⲁⲣⲁⲱ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲧⲏⲣⲟⲩ ϫⲉ ⲃⲱⲕ ϣⲁ ⲓ̈ⲱⲥⲏⲫ ⲁⲩⲱ ⲡⲉⲧϥⲛⲁϫⲟⲟϥ ⲛⲏⲧ︤ⲛ︥ ⲉⲧⲉⲧⲛⲉⲁⲁϥ.
_Gen.41.56 […]
_Gen.41.57 […]