Jer.1.1 ⲡϣⲁϫⲉ ⲙⲡϫⲟⲉⲓⲥ ⲉⲛⲧⲁϥϣⲱⲡⲉ ⲉϫⲛ ⲓⲉⲣⲉⲙⲓⲁⲥ ⲡϣⲏⲣⲉ ⲛⲭⲉⲗⲕⲓⲁⲥ ⲉⲃⲟⲗ ϩⲛ ⲛⲟⲩⲏⲏⲃ ⲉϥⲟⲩⲱϩ ϩⲛ ⲁⲛⲁⲑⲱⲑ ϩⲙ ⲡⲕⲁϩ ⲛⲃⲉⲛⲓⲁⲙⲓⲛ.
Jer.1.2 ⲁϥϣⲱⲡⲉ ⲛϭⲓ ⲡϣⲁϫⲉ ⲙⲡⲛⲟⲩⲧⲉ ϣⲁⲣⲟϥ ϩⲛ ⲛⲉϩⲟⲟⲩ ⲛⲓⲱⲥⲉⲓⲁⲥ ⲡϣⲏⲣⲉ ⲛⲁⲙⲱⲥ ⲡⲣⲣⲟ ⲛⲓ̈ⲟⲩⲇⲁ ϩⲙ ⲧⲙⲉϩⲙⲛⲧϣⲟⲙⲧⲉ ⲛⲣⲟⲙⲡⲉ ϩⲛ ⲧⲉϥⲙⲛⲧⲣⲣⲟ.
Jer.1.3 ⲁⲩⲱ ⲁⲥϣⲱⲡⲉ ϩⲛ ⲛⲉϩⲟⲟⲩ ⲛⲓ̈ⲱⲁⲕⲓⲙ ⲡϣⲏⲣⲉ ⲛⲓⲱⲥⲉⲓⲁⲥ ⲡⲣⲣⲟ ⲛⲓ̈ⲟⲩⲇⲁ ϣⲁ ⲧⲙⲉϩⲙⲛⲧⲟⲩⲉ ⲛⲣⲟⲙⲡⲉ ⲛⲥⲉⲇⲉⲕⲓⲁⲥ ⲡϣⲏⲣⲉ ⲛⲓⲱⲥⲉⲓⲁⲥ ⲡⲣⲣⲟ ⲛⲓ̈ⲟⲩⲇⲁ ϣⲁ ⲧⲁⲓⲭⲙⲁⲗⲱⲥⲓⲁ ⲛⲑⲗⲏⲙ ϩⲙ ⲡⲙⲉϩϯⲟⲩ ⲛⲉⲃⲟⲧ.
Jer.1.4 ⲁⲩⲱ ⲁⲡϣⲁϫⲉ ⲙⲡϫⲟⲉⲓⲥ ϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ ϫⲉ.
Jer.1.5 ⲙ̄ⲡⲁϯⲡⲗⲁⲥⲥⲉ ⲙ̄ⲙⲟⲕ ϩ︤ⲛ︥ ⲑⲏ ϯⲥⲟⲟⲩⲛ ⲙ̄ⲙⲟⲕ ⲁⲩⲱ ⲙ̄ⲡⲁⲧ︤ⲕ︥ⲉⲓ ⲉⲃⲟⲗ ϩ︤ⲛ︥ ⲧⲟⲟⲧⲉ ⲁⲓ̈ⲧ︤ⲃ︥ⲃⲟⲕ ⲁⲓ̈ⲕⲁⲁⲕ ⲙ̄ⲡⲣⲟⲫⲏⲧⲏⲥ ⲛ̄ⲟⲩⲙⲏⲏϣⲉ ⲛ̄ϩⲉⲑⲛⲟⲥ.
Jer.1.6 […]
Jer.1.7 […]
Jer.1.8 […]
Jer.1.9 ⲁⲩⲱ ⲁⲡϫⲟⲉⲓⲥ ⲥⲟⲟⲩⲧ︤ⲛ︥ ⲛ̄ⲧⲉϥϭⲓϫ ⲉⲃⲟⲗ ⲉⲣⲟⲓ̈ ⲁϥϫⲱϩ ⲉⲧⲁⲧⲁⲡⲣⲟ ⲁⲩⲱ ⲡⲉϫⲉⲡϫⲟⲉⲓⲥ ⲛⲁⲓ̈ ϫⲉ ⲉⲓⲥ ϩⲏⲏⲧⲉ ⲁⲓ̈ϯ ⲛ̄ⲛⲁϣⲁϫⲉ ⲉⲧⲉⲕⲧⲁⲡⲣⲟ.
Jer.1.10 ⲉⲓⲥ ϩⲏⲏⲧⲉ ⲁⲓ̈ⲕⲁⲑⲓⲥⲧⲁ ⲙ̄ⲙⲟⲕ ⲙ̄ⲡⲟⲟⲩ ⲉϫ︤ⲛ︥ ϩⲉⲛϩⲉⲑⲛⲟⲥ ⲙ︤ⲛ︥ ϩⲉⲛⲣ̄ⲣⲱⲟⲩ ⲉⲡⲱⲣ︤ⲕ︥ ⲁⲩⲱ ⲉϣⲟⲣϣ︤ⲣ︥ ⲁⲩⲱ ⲉⲧⲁⲕⲟ ⲙ︤ⲛ︥ⲛ̄ⲥⲱⲥ ⲉⲕⲱⲧ ⲁⲩⲱ ⲉⲧⲱϭⲉ.
Jer.1.11 ⲁⲩⲱ ⲡϣⲁϫⲉ ⲙ̄ⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ̈ ⲉϥϫⲱ ⲙ̄ⲙⲟⲥ ϫⲉ ⲟⲩ ⲡⲉⲧ︤ⲕ︥ⲛⲁⲩ ⲉⲣⲟϥ ⲛ̄ⲧⲟⲕ ⲓ̈ⲉⲣⲏⲙⲓⲁⲥ ⲡⲉϫⲁⲓ̈ ϫⲉ ⲟⲩϭⲉⲣⲱⲃ ⲛ̄ϣⲉ ⲛ̄ⲕⲁⲣⲟⲓⲁ ⲡⲉϯⲛⲁⲩ ⲉⲣⲟϥ.
Jer.1.12 ⲁⲩⲱ ⲡⲉϫⲉⲡϫⲟⲉⲓⲥ ⲛⲁⲓ̈ ϫⲉ ⲕⲁⲗⲱⲥ ⲁⲕⲛⲁⲩ ⲉⲧⲃⲉ ϫⲉ ⲁⲛⲟⲕ ϯⲣⲟⲉⲓⲥ ⲉϫ︤ⲛ︥ ⲛⲁϣⲁϫⲉ ⲉⲧⲣ̄ⲁⲁⲁⲩ.
Jer.1.13 ⲁⲩⲱ ⲡϣⲁϫⲉ ⲙ̄ⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ̈ ⲙ̄ⲡⲙⲉϩⲥ︤ⲡ︥ⲥⲛⲁⲩ ⲉϥϫⲱ ⲙ̄ⲙⲟⲥ ϫⲉ ⲟⲩ ⲛ̄ⲧⲟⲕ ⲡⲉⲧ︤ⲕ︥ⲛⲁⲩ ⲉⲣⲟϥ ⲡⲉϫⲁⲓ̈ ϫⲉ ⲟⲩⲭⲁⲗⲕⲓⲟⲛ ⲉⲩⲥⲁϩⲧⲉ ϩⲁⲣⲟϥ ⲁⲩⲱ ⲡⲉϥϩⲟ ⲉⲡⲥⲁ ⲙ̄ⲡⲉⲙϩⲓⲧ.
Jer.1.14 […]
Jer.1.15 […]
Jer.1.16 […]
Jer.1.17 […]
Jer.1.18 […]
Jer.1.19 […]