Citation Text
… ⲁⲡⲛⲟⲩⲧⲉ ⲡⲇⲩⲙⲓ̈ⲟⲩⲣⲅⲟⲥ ⲙ̄ⲡⲧⲏⲣϥ ϫⲟⲟⲩ ⲙ̄ⲡⲉϥⲛⲟϭ ⲛⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ ⲡϥⲁⲓ̈ϣⲉⲛⲟⲩϥⲉ ϣⲁ ⲧⲡⲁⲣⲑⲉⲛⲟⲥ ⲙⲁⲣⲓ̈ⲁ. ⲁϥⲉⲩⲁⲅⲅⲉⲗⲓ̈ⲍⲉ ⲛⲁⲥ ⲙ̄ⲡⲉϫⲡⲟ ⲙ̄ⲡⲛⲟⲩⲧⲉ ⲕⲁⲧⲁ ⲥⲁⲣⲝ. ⲡⲗⲟⲅⲟⲥ ⲛ̄ⲧⲁϥϫⲓ̈ ⲥⲁⲣⲝ ϩⲛ̄ ⲧⲡⲁⲣⲑⲉⲛⲟⲥ ⲙⲁⲣⲓ̈ⲁ ⲉϥϫⲱ ⲙ̄ⲙⲟⲥ ϫⲉ ⲭⲁⲓ̈ⲣⲉ ⲧⲛ̄ⲧⲁⲥϭⲛ̄ ϩⲙⲟⲧ ⲡϫⲟⲉⲓ̈ⲥ ⲛⲙ̄ⲙⲉ. ⲧⲉⲣⲁⲱ ⲛ̄ⲧⲉϫⲡⲟ ⲛⲟⲩϣⲏⲣⲉ ⲙⲟⲩⲧⲉ ⲉⲡⲉϥⲣⲁⲛ ϫⲉ ⲓ︦ⲥ︦. ⲛ̄ⲧⲟϥ ⲅⲁⲣ ⲧⲉ ⲧϭⲟⲙ ⲁⲩⲱ ⲧⲥⲟⲫⲓ̈ⲁ ⲙ̄ⲡⲛⲟⲩⲧⲉ ⲡⲉϥⲉⲓ̈ⲱⲧ ⲛ̄ⲧⲁϥⲉⲓ̈ ⲉⲥⲱⲧⲉ ⲙ̄ⲡⲉϥⲗⲁⲟⲥ ⲉⲃⲟⲗ ϩⲛ̄ ⲛⲉⲩⲛⲟⲃⲉ. ⲙ̄ⲡⲣ︦ⲣ︦ ϩⲟⲧⲉ ⲙⲁⲣⲓ̈ⲁ ⲧⲓ̈ⲡⲁⲣⲑⲉⲛⲟⲥ ⲛⲁⲧⲧⲱⲗⲙ. ⲡⲉⲡⲛ︦ⲁ︦ ⲉⲧⲟⲩⲁⲁⲃ ⲡⲉⲧⲛⲏⲩ ⲉϩⲣⲁⲓ̈ ⲉϫⲱ ⲁⲩⲱ ⲧϭⲟⲙ ⲙ̄ⲡⲡⲉⲧϫⲟⲥⲉ ⲧⲉⲧⲛⲁⲣ̄ ϩⲁⲓ̈ⲃⲉⲥ ⲉⲣⲟ. ⲡⲉⲧⲉⲣⲛⲁϫⲡⲟϥ ⲟⲩⲁⲁⲃ ⲉⲧⲉ ⲡⲁⲓ̈ ⲡⲉ ⲡϣⲏⲣⲉ ⲙ̄ⲡⲛⲟⲩⲧⲉ. … Copy to Clipboard

Biblical Reference
Lk 1:26-35

Edition
Cramer, Maria, and Martin Krause. Das Koptische Antiphonar (M 575 und P 11967). Jerusalemer Theologisches Forum 12. Münster: Aschendorff, 2008, 71:16-29