Sahidic Bible Citation2981
Anon, Coptic Antiphonary previous | next
Citation Text
… ⲉⲥⲧⲛ̄ⲧⲱⲛ ⲛϭⲓ̈ ⲧⲙⲛⲧⲣ̄ⲣⲟ ⲛ̄ⲛⲙ̄ⲡⲏⲩⲉ ⲉⲙⲏⲧⲉ ⲙ̄ⲡⲁⲣⲑⲉⲛⲟⲥ ⲛⲁⲓ̈ ⲛ̄ⲧⲁⲩϫⲓ̈ ⲛ̄ⲛⲉⲩⲗⲁⲙⲡⲁⲥ ⲁⲩⲉⲓ̈ ⲉⲃⲟⲗ ϩⲏⲧϥ ⲙⲡⲡⲁⲧⲉϣⲉⲗⲉⲉⲧ. ⲉⲩⲛϯ ⲛ̄ⲥⲟϭ ⲛ̄ϩⲏⲧⲟⲩ. ⲉⲩⲛ̄ϯ ⲛ̄ⲥⲁⲃⲉ ⲛ̄ϩⲏⲧⲟⲩ. ⲁⲛⲓ̈ⲥⲁⲃⲉⲉⲩ ϫⲓ̈ ⲛⲉϩ ⲛⲙ̄ⲙⲁⲩ ϩⲛ̄ ⲛⲉⲩϩⲛⲁⲁⲩ ⲙⲛ̄ ⲛⲉⲩⲗⲁⲙⲡⲁⲥ. ⲛ̄ⲧⲉⲣⲉϥⲱⲥⲕ ⲛ̄ϭⲓ̈ ⲡⲡⲁⲧϣⲉⲗⲉⲉⲧ ⲁⲩϫⲓ̈ ⲣⲉⲕⲣⲓ̈ⲕⲉ ⲧⲏⲣⲟⲩ ⲁⲩⲛ̄ⲕⲟⲧⲕ. ϩⲛ̄ ⲧⲡⲁϣⲉ ⲇⲉ ⲛ̄ⲧⲉⲩϣⲏ ⲁϥⲉⲓ̈ ⲛ̄ϭⲓ̈ ⲡⲡⲁⲧϣⲉⲗⲉⲉⲧ. ⲁⲩⲧⲱⲟⲩⲛ̄ ⲛ̄ϭⲓ̈ ⲙ̄ⲡⲁⲣⲑⲉⲛⲟⲥ ⲧⲏⲣⲟⲩ ⲁⲩⲧⲥⲁⲛⲟ ⲛ̄ⲛⲉⲩⲗⲁⲙⲡⲁⲥ ⲛⲉⲧⲥⲃⲧⲱⲧ ⲁⲩⲃⲱⲕ ⲛⲙ̄ⲙⲁϥ ⲉϩⲟⲩⲛ ⲉⲡⲉϥⲙⲁ ⲛϣⲉⲗⲉⲉⲧ. …
Biblical Reference
Matt.25.1-Matt.25.10
Matt.25.2 ϯ ⲇⲉ ⲉⲃⲟⲗ ⲛ̄ϩⲏⲧⲟⲩ ⲛ̄ⲛⲉϩⲉⲛⲥⲟϭ ⲛⲉ ⲁⲩⲱ ϯ ⲛ̄ⲛⲉϩⲉⲛⲥⲁⲃⲉ ⲛⲉ.
Matt.25.3 ⲛ̄ⲥⲟϭ ⲅⲁⲣ ⲁⲩϫⲓ ⲛ̄ⲛⲉⲩⲗⲁⲙⲡⲁⲥ ⲙ̄ⲡⲟⲩϫⲓⲛⲉϩ ⲛ︤ⲙ︥ⲙⲁⲩ.
Matt.25.4 ⲛ̄ⲥⲁⲃⲏ ⲇⲉ ⲁⲩϫⲓⲛⲉϩ ϩ︤ⲛ︥ ⲛⲉⲩϩⲛⲁⲁⲩ ⲙ︤ⲛ︥ ⲛⲉⲩⲗⲁⲙⲡⲁⲥ.
Matt.25.5 ⲛ̄ⲧⲉⲣⲉϥⲱⲥ︤ⲕ︥ ⲇⲉ ⲛ̄ϭⲓ ⲡⲁⲧϣⲉⲗⲉⲉⲧ ⲁⲩϫⲓⲣⲉⲕⲣⲓⲕⲉ ⲧⲏⲣⲟⲩ ⲁⲩⲱ ⲁⲩⲛ̄ⲕⲟⲧ︤ⲕ︥.
Matt.25.6 ϩ︤ⲛ︥ ⲧⲡⲁϣⲉ ⲇⲉ ⲛ̄ⲧⲉⲩϣⲏ ⲉⲓⲥ ⲟⲩⲥⲙⲏ ⲁⲥϣⲱⲡⲉ ϫⲉ ⲉⲓⲥ ⲡⲁⲧϣⲉⲗⲉⲉⲧ ⲁⲙⲏⲓⲧⲛ ⲉⲃⲟⲗ ⲉⲧⲱⲙ︤ⲛ︦ⲧ︥ ⲉⲣⲟϥ.
Matt.25.7 ⲧⲟⲧⲉ ⲁⲩⲧⲱⲟⲩⲛⲟⲩ ⲛ̄ϭⲓ ⲙ̄ⲡⲁⲣⲑⲉⲛⲟⲥ ⲧⲏⲣⲟⲩ ⲉⲧⲙ̄ⲙⲁⲩ ⲁⲩⲧⲥⲁⲛⲟ ⲛ̄ⲛⲉⲩⲗⲁⲙⲡⲁⲥ.
Matt.25.8 ⲛ̄ⲥⲟϭ ⲇⲉ ⲡⲉϫⲁⲩ ⲛ̄ⲛ̄ⲥⲁⲃⲏ ϫⲉ ⲙⲁ ⲛⲁⲛ ⲉⲃⲟⲗ ϩ︤ⲙ︥ ⲡⲉⲧ︤ⲛ︥ⲛⲉϩ ϫⲉ ⲛⲉⲛⲗⲁⲙⲡⲁⲥ ⲛⲁϫⲉⲛⲁ.
Matt.25.9 ⲁⲩⲟⲩⲱϣ︤ⲃ︥ ⲇⲉ ⲛ̄ϭⲓ ⲛ̄ⲥⲁⲃⲏ ⲉⲩϫⲱ ⲙ̄ⲙⲟⲥ ϫⲉ ⲙⲏⲡⲟⲧⲉ ⲛ︤ϥ︥ⲧ︤ⲙ︥ⲣⲱϣⲉ ⲉⲣⲟⲛ ⲛ︤ⲙ︥ⲙⲏⲧ︤ⲛ︥ ⲃⲱⲕ ⲛ̄ⲧⲟϥ ⲛ̄ⲛⲁϩⲣ︤ⲛ︥ ⲛⲉⲧϯ ⲉⲃⲟⲗ ⲛ̄ⲧⲉⲧ︤ⲛ︥ϣⲱⲡ ⲛⲏⲧ︤ⲛ︥.
Matt.25.10 ⲉⲩⲛⲁⲃⲱⲕ ⲇⲉ ⲉϣⲱⲡ ⲁϥⲉⲓ ⲛ̄ϭⲓ ⲡⲁⲧϣⲉⲗⲉⲉⲧ ⲁⲩⲱ ⲛⲉⲧⲥ︤ⲃ︥ⲧⲱⲧ ⲁⲩⲃⲱⲕ ⲉϩⲟⲩⲛ ⲛ︤ⲙ︥ⲙⲁϥ ⲉⲡⲙⲁ ⲛ̄ϣⲉⲗⲉⲉⲧ ⲁⲩϣⲧⲁⲙ ⲙ̄ⲡⲣⲟ.
Edition
Cramer, Maria, and Martin Krause. Das Koptische Antiphonar (M 575 und P 11967). Jerusalemer Theologisches Forum 12. Münster: Aschendorff, 2008, 78:30-79:6