Sahidic Bible Citation3087
Anon, Coptic Antiphonary previous | next
Citation Text
… ⲁⲙⲱⲩⲥⲏⲥ ⲃⲱⲕ ⲙⲛ̄ ⲁⲁⲣⲱⲛ ⲁⲩⲁϩⲉⲣⲁⲧⲟⲩ ⲉⲫⲁⲣⲁⲱ ⲁⲩⲉⲓ̈ⲛⲉ ⲙ̄ⲡⲗⲁⲟⲥ ⲉⲃⲟⲗ ϩⲛ̄ ϩⲉⲛⲙⲁⲉⲓ̈ⲛ ⲙⲛ̄ ϩⲛ̄ϣⲡⲏⲣⲉ ⲛⲉⲣⲉⲟⲩⲥⲧⲩⲗⲗⲟⲥ ⲛ̄ⲕⲗⲟⲟⲗⲉ ⲥⲱⲕ ϩⲓ̈ⲑⲏ ⲙ̄ⲙⲟⲟⲩ ⲙ̄ⲡⲉϩⲟⲟⲩ. ⲁⲩⲱ ⲟⲩⲥⲧⲩⲗⲗⲟⲥ ⲛ̄ⲥⲟⲧⲉ ⲉϥⲥⲱⲕ ϩⲓ̈ⲑⲏ ⲙ̄ⲙⲟⲟⲩ ⲛ̄ⲧⲉⲩϣⲏ. ⲁⲫⲁⲣⲁⲱ ⲙⲛ̄ ⲛⲉϥϩⲙ̄ϩⲁⲗ ⲙⲛ̄ ⲛⲉⲁⲣⲭⲱⲛ ⲧⲏⲣⲟⲩ ⲛ̄ⲕⲏⲙⲉ. ⲡⲱⲧ ⲛ̄ⲥⲱⲟⲩ ϩⲓ̈ⲡⲁϩⲟⲩ ⲙⲙⲟⲟⲩ ⲉⲩⲟⲩⲱϣ ⲉⲕⲧⲟⲟⲩ ⲉϩⲣⲁⲓ̈ ⲉⲕⲏⲙⲉ. ⲛⲉⲣⲉⲡⲉⲥⲧⲩⲗⲗⲟⲥ ⲛ̄ⲕⲱϩⲧ ⲁϩⲉⲣⲁⲧϥ ϩⲛ̄ ⲧⲉⲩⲙⲏⲧⲉ ⲙ̄ⲡⲟⲩϣϭⲙ̄ϭⲟⲙ ⲉϩⲱⲛ ⲉⲣⲟⲟⲩ ϣⲁⲛⲧⲟⲩⲉⲓ̈ ⲉϫⲛ̄ ⲑⲁⲗⲁⲥⲥⲁ. ⲁⲙⲱⲩⲥⲏⲥ ⲥⲟⲡⲥ ⲙ̄ⲡⲡⲉⲧϫⲟⲥⲉ ⲁϥⲣⲱϩⲧ ⲙ̄ⲡϭⲉⲣⲱⲃ ⲉϫⲙ̄ ⲡⲙⲟⲟⲩ ⲁⲡⲙⲟⲟⲩ ⲡⲱⲣϫ ϩⲛ̄ ⲧⲉϥⲙⲏⲧⲉ ⲁϥϫⲓ̈ ⲟⲟⲣ ⲙⲛ̄ ⲡⲉϥⲗⲁⲟⲥ. ⲁⲛⲉⲣⲉⲙⲛ̄ⲕⲏⲙⲉ ⲃⲱⲕ ⲉⲡⲉⲥⲏⲧ ⲉⲧⲙⲏⲧⲉ ⲙ̄ⲡⲙⲟⲟⲩ ϩⲓ̈ⲡⲁϩⲟⲩ ⲙ̄ⲙⲟⲟⲩ. ⲁⲡⲙⲟⲟⲩ ϩⲱⲃⲥ̄ ⲉⲃⲟⲗ ϩⲓ̈ϫⲱⲟⲩ. ⲙⲛ̄ ⲛⲉⲩϩⲁⲣⲙⲁ ⲙⲛ̄ ⲛⲉⲩϩⲧⲱⲱⲣ. ⲁⲙⲱⲩⲥⲏⲥ ϫⲱ ⲛ̄ⲧⲉⲓ̈ϩⲱⲇⲏ ⲙⲛ̄ ⲛ̄ϣⲏⲣⲉ ⲙ̄ⲡⲓ̈ⲏ︦ⲗ︦ ... …
Biblical Reference
Exod.14.1-Exod.14.31
Exod.14.1 ⲁϥϣⲁϫⲉ ⲛ̄ϭⲓ ⲡϫⲟⲉⲓⲥ ⲙ︤ⲛ︥ ⲙⲱⲩ̈ⲥⲏⲥ ⲉϥϫⲱ ⲙ̄ⲙⲟⲥ ϫⲉ.
Exod.14.2 ϣⲁϫⲉ ⲙ︤ⲛ︥ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲙⲁⲣⲟⲩⲕⲟⲧⲟⲩ ⲛ̄ⲥⲉⲙⲟⲟϣⲉ ⲙ̄ⲡⲉⲙⲧⲟ ⲉⲃⲟⲗ ⲛ̄ⲧⲉⲣⲥⲱ ⲟⲩⲧⲉ ⲙⲉϭⲧⲱⲗ ⲙ︤ⲛ︥ ⲑⲁⲗⲁⲥⲥⲁ ⲙ̄ⲡⲉⲙⲧⲟ ⲉⲃⲟⲗ ⲛ̄ⲃⲉⲗⲥⲉⲫⲱⲛ ⲛ︤ⲅ︥ⲙⲟⲟϣⲉ ϩⲁ ⲧⲉⲩϩⲏ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ.
Exod.14.3 ⲁⲩⲱ ϥⲛⲁϫⲟⲟⲥ ⲛ̄ϭⲓ ⲫⲁⲣⲁⲱ ⲙ̄ⲡⲉϥⲗⲁⲟⲥ ϫⲉ ⲉⲣⲉⲛϣⲏⲣⲉ ⲙ̄ⲡⲓⲥⲣⲁⲏⲗ ⲥⲟⲣ︤ⲙ︥ ⲁⲡϫⲁⲓ̈ⲉ ⲅⲁⲣ ϣⲧⲁⲙ ⲉⲣⲱⲟⲩ.
Exod.14.4 ⲁⲛⲟⲕ ⲇⲉ ϯⲛⲁϯⲛ̄ϣⲟⲧ ⲙ̄ⲡϩⲏⲧ ⲙ̄ⲫⲁⲣⲁⲱ ⲛ︤ϥ︥ⲡⲱⲧ ⲛ̄ⲥⲱⲟⲩ ⲛ̄ⲧⲁϫⲓⲉⲟⲟⲩ ϩ︤ⲙ︥ ⲫⲁⲣⲁⲱ ⲙ︤ⲛ︥ ⲡⲉϥⲙⲏⲏϣⲉ ⲧⲏⲣ︤ϥ︥ ⲛ̄ⲥⲉⲉⲓⲙⲉ ⲧⲏⲣⲟⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ.
Exod.14.5 ⲁⲩϫⲓⲡⲟⲩⲱ ⲇⲉ ⲙ̄ⲡⲣ̄ⲣⲟ ⲛ̄ⲕⲏⲙⲉ ϫⲉ ⲁϥⲡⲱⲧ ⲛ̄ϭⲓ ⲡⲗⲁⲟⲥ ⲁϥⲕⲧⲟϥ ⲛ̄ϭⲓ ⲫⲏⲧ ⲙ̄ⲫⲁⲣⲁⲱ ⲁⲩⲱ ⲡϩⲏⲧ ⲛ̄ⲛⲉϥϩ︤ⲙ︥ϩⲁⲗ ⲉϩⲣⲁⲓ̈ ⲉϫ︤ⲙ︥ ⲡⲗⲁⲟⲥ ⲁⲩⲱ ⲡⲉϫⲁⲩ ϫⲉ ⲟⲩ ⲡⲉ ⲡⲁⲓ̈ ⲉⲛⲧⲁⲛⲁⲁϥ ⲉⲕⲱ ⲉⲃⲟⲗ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲉⲧ︤ⲙ︥ⲧⲣⲉⲩⲣ̄ϩ︤ⲙ︥ϩⲁⲗ ⲛⲁⲛ.
Exod.14.6 ⲁⲫⲁⲣⲁⲱ ⲇⲉ ⲁϥⲛⲟⲩϩ︤ⲃ︥ ⲛ̄ⲛⲉϥϩⲁⲣⲙⲁ ⲧⲏⲣⲟⲩ ⲁⲩⲱ ⲁϥⲥⲱⲟⲩϩ ⲉϩⲟⲩⲛ ⲙ̄ⲡⲉϥⲗⲁⲟⲥ ⲧⲏⲣ︤ϥ︥ ⲛ︤ⲙ︥ⲙⲁϥ.
Exod.14.7 ⲁϥϫⲓⲥⲟⲟⲩ ⲛ̄ϣⲉ ⲛ̄ϩⲁⲣⲙⲁ ⲛ̄ⲥⲱⲧ︤ⲡ︥ ⲙ︤ⲛ︥ ⲛⲉϩⲧⲱⲣ ⲧⲏⲣⲟⲩ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁⲩⲱ ⲛⲉⲧⲣⲓⲥⲧⲁⲧⲏⲥ ⲉϩⲣⲁⲓ̈ ⲉϫⲱⲟⲩ ⲧⲏⲣⲟⲩ.
Exod.14.8 ⲡϫⲟⲉⲓⲥ ⲇⲉ ⲁϥϯⲛ̄ϣⲟⲧ ⲙ̄ⲡϩⲏⲧ ⲙ̄ⲫⲁⲣⲁⲱ ⲡⲣ̄ⲣⲟ ⲛ̄ⲕⲏⲙⲉ ⲁⲩⲱ ⲡϩⲏⲧ ⲛ̄ⲛⲉϥϩ︤ⲙ︥ϩⲁⲗ ⲁⲩⲡⲱⲧ ϩⲓⲡⲁϩⲟⲩ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲛ̄ϣⲏⲣⲉ ⲇⲉ ⲙ̄ⲡⲓⲥⲣⲁⲏⲗ ⲛⲉⲩⲙⲟⲟϣⲉ ⲡⲉ ϩ︤ⲛ︥ ⲟⲩϭⲓϫ ⲉⲥϫⲟⲟⲣ.
Exod.14.9 ⲁⲩⲡⲱⲧ ⲛ̄ⲥⲱⲟⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ⲁⲩϩⲉ ⲉⲣⲟⲟⲩ ⲉⲁⲩⲉⲓ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲁϥϩⲱⲛ ⲉϩⲟⲩⲛ ⲛ̄ϭⲓ ⲫⲁⲣⲁⲱ ⲙ︤ⲛ︥ ⲛⲉϥϩ︤ⲙ︥ϩⲁⲗ ⲉϩⲣⲁⲓ̈ ⲉϫ︤ⲙ︥ ⲡⲗⲁⲟⲥ ⲁⲩⲱ ⲛⲉϩⲧⲱⲣ ⲧⲏⲣⲟⲩ ⲙ︤ⲛ︥ ⲛⲉϥϩⲓⲡⲡⲉⲩⲥ ⲙ︤ⲛ︥ ⲡⲉϥⲙⲏⲏϣⲉ ⲧⲏⲣ︤ϥ︥ ⲙ̄ⲡⲉⲙⲧⲟ ⲉⲃⲟⲗ ⲛ̄ⲧⲉⲣⲥⲱ ⲙ︤ⲛ︥ ⲃⲉⲗⲥⲉⲫⲱⲛ.
Exod.14.10 ⲁⲩϥⲓⲉⲓⲁⲧⲟⲩ ⲉϩⲣⲁⲓ̈ ⲛ̄ϭⲓ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲁⲩⲛⲁⲩ ⲉⲣⲟⲟⲩ ϩ︤ⲛ︥ ⲛⲉⲩⲃⲁⲗ ⲁⲛⲣ︤ⲙ︥ⲛ̄ⲕⲏⲙⲉ ⲡⲱⲧ ⲛ̄ⲥⲱⲟⲩ ⲁⲩⲣ̄ϩⲟⲧⲉ ⲉⲙⲁⲧⲉ ⲁⲩϫⲓϣⲕⲁⲕ ⲉⲃⲟⲗ ⲛ̄ϭⲓ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲉϩⲣⲁⲓ̈ ⲉⲡϫⲟⲉⲓⲥ.
Exod.14.11 ⲁⲩⲱ ⲡⲉϫⲁⲩ ⲛ̄ⲛⲁϩⲣ︤ⲛ︥ ⲙⲱⲩ̈ⲥⲏⲥ ϫⲉ ⲉⲃⲟⲗ ϫⲉ ⲙ︤ⲛ︥ⲙ̄ϩⲁⲟⲩ ϩ︤ⲛ︥ ⲕⲏⲙⲉ ⲁⲕⲛ̄ⲧ︤ⲛ︥ ⲉⲃⲟⲗ ⲉⲙⲟⲩⲟⲩⲧ ⲙ̄ⲙⲟⲛ ϩ︤ⲙ︥ ⲡϫⲁⲓ̈ⲉ ⲟⲩ ⲡⲉ ⲡⲁⲓ̈ ⲉⲛⲧⲁⲕⲁⲁϥ ⲛⲁⲛ ⲉⲁⲕⲛ̄ⲧ︤ⲛ︥ ⲉⲃⲟⲗ ϩ︤ⲛ︥ ⲕⲏⲙⲉ.
Exod.14.12 ⲡⲁⲓ̈ ⲁⲛ ⲡⲉ ⲡϣⲁϫⲉ ⲛ̄ⲧⲁⲛϫⲟⲟϥ ⲛⲁⲕ ϩ︤ⲛ︥ ⲕⲏⲙⲉ ⲉⲛϫⲱ ⲙ̄ⲙⲟⲥ ϫⲉ ⲕⲁⲁⲛ ⲧⲁⲣ︤ⲛ︥ⲣ̄ϩ︤ⲙ︥ϩⲁⲗ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲛⲁⲛⲟⲩⲥ ⲅⲁⲣ ⲉⲧⲣⲉⲛⲣ̄ϩ︤ⲙ︥ϩⲁⲗ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲛ̄ϩⲟⲩⲟ ⲉⲙⲟⲩ ϩⲓ ⲡϫⲁⲓ̈ⲉ.
Exod.14.13 ⲡⲉϫⲁϥ ⲇⲉ ⲛ̄ϭⲓ ⲙⲱⲩ̈ⲥⲏⲥ ⲛ̄ⲛⲁϩⲣ︤ⲙ︥ ⲡⲗⲁⲟⲥ ϫⲉ ⲧⲱⲕ ⲙ̄ⲙⲱⲧ︤ⲛ︥ ⲛ̄ⲧⲉⲧ︤ⲛ︥ⲁϩⲉⲣⲁⲧⲧⲏⲩⲧ︤ⲛ︥ ⲛ̄ⲧⲉⲧ︤ⲛ︥ⲛⲁⲩ ⲉⲡⲉⲩϫⲁⲓ̈ ⲡⲉⲃⲟⲗ ϩⲓⲧⲟⲟⲧ︤ϥ︥ ⲙ̄ⲡϫⲟⲉⲓⲥ ⲡⲁⲓ̈ ⲉⲧ︤ϥ︥ⲛⲁⲁⲁϥ ⲛⲏⲧ︤ⲛ︥ ⲙ̄ⲡⲟⲟⲩ ⲛ̄ⲑⲉ ⲅⲁⲣ ⲛ̄ⲧⲁⲧⲉⲧ︤ⲛ︥ⲛⲁⲩ ⲉⲛⲣ︤ⲙ︥ⲛ̄ⲕⲏⲙⲉ ⲙ̄ⲡⲟⲟⲩ ⲛ̄ⲧⲉⲧ︤ⲛ︥ⲛⲁⲟⲩⲱϩ ⲁⲛ ⲉⲧⲟⲧⲧⲏⲩⲧ︤ⲛ︥ ⲉⲛⲁⲩ ⲉⲣⲟⲟⲩ ⲛ̄ϣⲁ ⲉⲛⲉϩ ⲛ̄ⲟⲩⲟⲉⲓϣ.
Exod.14.14 ⲡϫⲟⲉⲓⲥ ⲡⲉⲧⲙⲓϣⲉ ⲉϫ︤ⲛ︥ⲧⲏⲩⲧ︤ⲛ︥ ⲛ̄ⲧⲱⲧ︤ⲛ︥ ⲇⲉ ⲕⲁⲣⲱⲧ︤ⲛ︥.
Exod.14.15 ⲡⲉϫⲁϥ ⲇⲉ ⲛ̄ϭⲓ ⲡϫⲟⲉⲓⲥ ⲙ̄ⲙⲱⲩ̈ⲥⲏⲥ ϫⲉ ⲁϩⲣⲟⲕ ⲕϫⲓϣⲕⲁⲕ ⲉϩⲣⲁⲓ̈ ⲉⲣⲟⲓ̈ ϣⲁϫⲉ ⲙ︤ⲛ︥ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲛ̄ⲥⲉⲧⲟⲟⲧⲉ ⲉⲡⲁϩⲟⲩ.
Exod.14.16 ⲛ︤ⲅ︥ϥⲓ ⲉϩⲣⲁⲓ̈ ⲙ̄ⲡϭⲉⲣⲱⲃ ⲛ︤ⲅ︥ⲥⲟⲟⲩⲧ︤ⲛ︥ ⲛ̄ⲧⲉⲕϭⲓϫ ⲉⲃⲟⲗ ⲉϩⲣⲁⲓ̈ ⲉⲑⲁⲗⲁⲥⲥⲁ ϣⲁⲛⲧ︤ⲕ︥ⲡⲁϩ︤ⲥ︥ ⲛ̄ⲧⲉⲛϣⲏⲣⲉ ⲙ̄ⲡⲓⲥⲣⲁⲏⲗ ⲃⲱⲕ ⲉϩⲟⲩⲛ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ ⲕⲁⲧⲁ ⲡⲉⲧϣⲟⲩⲱⲟⲩ.
Exod.14.17 ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲧⲁϫⲣⲟ ⲙ̄ⲡϩⲏⲧ ⲙ̄ⲫⲁⲣⲁⲱ ⲙ︤ⲛ︥ ⲛ̄ⲣ︤ⲙ︥ⲛ̄ⲕⲏⲙⲉ ⲧⲏⲣⲟⲩ ⲛ̄ⲥⲉⲉⲓ ⲉϩⲟⲩⲛ ⲉⲡⲁϩⲟⲩ ⲙ̄ⲙⲟⲟⲩ ⲛ̄ⲧⲁϫⲓⲉⲟⲟⲩ ϩ︤ⲛ︥ ⲫⲁⲣⲁⲱ ⲙ︤ⲛ︥ ⲡⲉϥⲙⲏⲏϣⲉ ⲧⲏⲣ︤ϥ︥ ⲁⲩⲱ ϩⲣⲁⲓ̈ ϩ︤ⲛ︥ ⲛⲉϥϩⲁⲣⲙⲁ ⲙ︤ⲛ︥ ⲛⲉϥϩⲧⲱⲣ.
Exod.14.18 ⲛ̄ⲥⲉⲉⲓⲙⲉ ⲧⲏⲣⲟⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ ⲉⲓ̈ϫⲓⲉⲟⲟⲩ ϩ︤ⲛ︥ ⲫⲁⲣⲁⲱ ⲙ︤ⲛ︥ ⲡⲉϥⲙⲏⲏϣⲉ ⲙ︤ⲛ︥ ⲛⲉϥϩⲁⲣⲙⲁ ⲙ︤ⲛ︥ ⲛⲉϥϩⲧⲱⲣ.
Exod.14.19 ⲁϥⲧⲱⲟⲩⲛ ⲇⲉ ⲛ̄ϭⲓ ⲡⲁⲅⲅⲉⲗⲟⲥ ⲙ̄ⲡϫⲟⲉⲓⲥ ⲉⲧⲙⲟⲟϣⲉ ϩⲁⲑⲏ ⲛ̄ⲧⲡⲁⲣⲉⲙⲃⲟⲗⲏ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲁϥⲙⲟⲟϣⲉ ϩⲓⲡⲁϩⲟⲩ ⲙ̄ⲙⲟⲟⲩ ⲁϥⲧⲱⲟⲩⲛ ⲇⲉ ⲟⲛ ⲛ̄ϭⲓ ⲡⲉⲥⲧⲩⲗⲟⲥ ⲛ̄ⲕⲗⲟⲟⲗⲉ ⲉⲧϩⲁⲧⲉⲩϩⲏ.
Exod.14.20 ⲁϥⲃⲱⲕ ⲉϩⲟⲩⲛ ⲉⲧⲙⲏⲧⲉ ⲛ̄ⲧⲡⲁⲣⲉⲙⲃⲟⲗⲏ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁⲩⲱ ⲛ̄ⲧⲙⲏⲧⲉ ⲛ̄ⲧⲡⲁⲣⲉⲙⲃⲟⲗⲏ ⲙ̄ⲡⲓⲥⲣⲁⲏⲗ ⲁϥϣⲱⲡⲉ ⲛ̄ϭⲓ ⲟⲩⲕⲁⲕⲉ ⲙ︤ⲛ︥ ⲟⲩϭⲟⲥ︤ⲙ︥ ⲙ̄ⲡⲟⲩⲧⲱϩ ⲙ︤ⲛ︥ ⲛⲉⲩⲉⲣⲏⲩ ⲛ̄ⲧⲉⲩϣⲏ ⲧⲏⲣ︤ⲥ︥.
Exod.14.21 ⲁϥⲥⲟⲟⲩⲧ︤ⲛ︥ ⲇⲉ ⲉⲃⲟⲗ ⲛ̄ϭⲓ ⲙⲱⲩ̈ⲥⲏⲥ ⲛ̄ⲧⲉϥϭⲓϫ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲁϥⲉⲓⲛⲉ ⲛ̄ϭⲓ ⲡϫⲟⲉⲓⲥ ⲛ̄ⲧⲉⲩϣⲏ ⲧⲏⲣ︤ⲥ︥ ⲛ̄ⲟⲩⲧⲏⲟⲩ ⲛ̄ⲧⲟⲩⲣⲏⲥ ⲉϥⲛⲁϣ︤ⲧ︥ ⲁϥⲧⲣⲉⲑⲁⲗⲁⲥⲥⲁ ϣⲟⲟⲩⲉ ⲁϥⲡⲱϩ ⲛ̄ϭⲓ ⲡⲙⲟⲟⲩ.
Exod.14.22 ⲁⲩⲃⲱⲕ ⲉϩⲟⲩⲛ ⲛ̄ϭⲓ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ ⲕⲁⲧⲁ ⲡⲉⲧϣⲟⲩⲱⲟⲩ ⲁⲩⲱ ⲡⲙⲟⲟⲩ ⲛⲉϥϣⲟⲟⲡ ⲛⲁⲩ ⲛ̄ⲥⲟⲃ︤ⲧ︥ ϩⲓ ⲟⲩⲛⲁⲙ ⲁⲩⲱ ϩⲓ ϩⲃⲟⲩⲣ.
Exod.14.23 ⲁⲩⲡⲱⲧ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϩⲓⲡⲁϩⲟⲩ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲁⲩⲱ ⲁⲩⲟⲩⲱϩ ⲛ̄ⲥⲱⲟⲩ ⲛ̄ϭⲓ ⲛⲉϩⲧⲱⲣ ⲧⲏⲣⲟⲩ ⲙ̄ⲫⲁⲣⲁⲱ ⲙ︤ⲛ︥ ⲛⲉϥϩⲁⲣⲙⲁ ⲙ︤ⲛ︥ ⲛⲉⲧⲧⲁⲗⲉ ⲉϩⲣⲁⲓ̈ ⲉϫⲱⲟⲩ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ.
Exod.14.24 ⲁⲥϣⲱⲡⲉ ⲇⲉ ϩ︤ⲛ︥ ⲧⲟⲩⲣϣⲉ ⲙ̄ⲡⲛⲁⲩ ⲛ̄ϩⲧⲟⲟⲩⲉ ⲁⲡϫⲟⲉⲓⲥ ϭⲱϣ︤ⲧ︥ ⲉϩⲣⲁⲓ̈ ⲉϫ︤ⲛ︥ ⲧⲡⲁⲣⲉⲙⲃⲟⲗⲏ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲙ︤ⲛ︥ ⲡⲉⲥⲧⲩⲗⲟⲥ ⲛ̄ⲥⲁⲧⲉ ⲙ︤ⲛ︥ ⲧⲉⲕⲗⲟⲟⲗⲉ ⲁϥϣⲧⲟⲣⲧ︤ⲣ︥ ⲛ̄ⲧⲡⲁⲣⲉⲙⲃⲟⲗⲏ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ.
Exod.14.25 ⲁⲩⲱ ⲁϥⲙⲟⲩⲣ ⲛ̄ⲛ̄ⲁⲝⲱⲛ ⲛ̄ⲛⲉⲩϩⲁⲣⲙⲁ ⲁϥⲉⲓⲛⲉ ⲙ̄ⲙⲟⲟⲩ ⲛ̄ϭⲟⲛ︤ⲥ︥ ⲡⲉϫⲁⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϫⲉ ⲙⲁⲣⲉⲛⲡⲱⲧ ϩⲏⲧ︤ϥ︥ ⲙ̄ⲡⲓⲥⲣⲁⲏⲗ ⲡϫⲟⲉⲓⲥ ⲡⲉⲧⲙⲓϣⲉ ⲉϩⲣⲁⲓ̈ ⲉϫⲱⲟⲩ ⲙ︤ⲛ︥ ⲛ̄ⲣ︤ⲙ︥ⲛ̄ⲕⲏⲙⲉ.
Exod.14.26 ⲡⲉϫⲁϥ ⲇⲉ ⲛ̄ϭⲓ ⲡϫⲟⲉⲓⲥ ⲙ̄ⲙⲱⲩ̈ⲥⲏⲥ ϫⲉ ⲥⲟⲟⲩⲧ︤ⲛ︥ ⲛ̄ⲧⲉⲕϭⲓϫ ⲉⲃⲟⲗ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲛ̄ⲧⲉⲡⲙⲟⲟⲩ ⲉⲓ ⲉⲡⲉϥⲙⲁ ⲛ︤ϥ︥ϩⲱⲃ︤ⲥ︥ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲉϩⲣⲁⲓ̈ ⲉϫ︤ⲛ︥ ⲛ̄ϩⲁⲣⲙⲁ ⲙ︤ⲛ︥ ⲛⲉⲧⲧⲁⲗⲉ ⲉϩⲣⲁⲓ̈ ⲉϫⲱⲟⲩ.
Exod.14.27 ⲁⲙⲱⲩ̈ⲥⲏⲥ ⲇⲉ ⲥⲟⲟⲩⲧ︤ⲛ︥ ⲛ̄ⲧⲉϥϭⲓϫ ⲉⲃⲟⲗ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲁⲡⲙⲟⲟⲩ ⲉⲓ ⲉⲡⲉϥⲙⲁ ⲡⲣⲟⲥ ⲟⲩϩⲟⲟⲩ ⲛ̄ⲣ︤ⲙ︥ⲛ̄ⲕⲏⲙⲉ ⲇⲉ ⲁⲩⲡⲱⲧ ϩⲓⲡⲁϩⲟⲩ ⲙ̄ⲡⲙⲟⲟⲩ ⲡϫⲟⲉⲓⲥ ⲁϥϩⲃⲟⲣⲃ︤ⲣ︥ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ.
Exod.14.28 ⲁϥⲕⲧⲟϥ ⲛ̄ϭⲓ ⲡⲙⲟⲟⲩ ⲁϥϩⲱⲃ︤ⲥ︥ ⲛ̄ⲛ̄ϩⲁⲣⲙⲁ ⲙ︤ⲛ︥ ⲛⲉⲧⲧⲁⲗⲉ ⲉϩⲣⲁⲓ̈ ⲉϫⲱⲟⲩ ⲙ︤ⲛ︥ ⲧϭⲟⲙ ⲧⲏⲣ︤ⲥ︥ ⲙ̄ⲫⲁⲣⲁⲱ ⲛⲁⲓ̈ ⲉⲧⲡⲏⲧ ⲛ̄ⲥⲱⲟⲩ ⲉϩⲣⲁⲓ̈ ⲉⲑⲁⲗⲁⲥⲥⲁ ⲙ̄ⲡ︤ϥ︥ⲥⲉⲉⲡⲉ ⲛ̄ϭⲓ ⲟⲩⲁ ⲉⲃⲟⲗ ⲛ̄ϩⲏⲧⲟⲩ.
Exod.14.29 ⲛ̄ϣⲏⲣⲉ ⲇⲉ ⲙ̄ⲡⲓⲥⲣⲁⲏⲗ ⲁⲩⲙⲟⲟϣⲉ ϩⲓϫ︤ⲙ︥ ⲡⲉⲧϣⲟⲩⲱⲟⲩ ⲛ̄ⲧⲙⲏⲧⲉ ⲛ̄ⲑⲁⲗⲁⲥⲥⲁ ⲡⲙⲟⲟⲩ ⲇⲉ ⲁϥϣⲱⲡⲉ ⲛⲁⲩ ⲛ̄ⲥⲟⲃ︤ⲧ︥ ⲛ̄ⲥⲁ ⲟⲩⲛⲁⲙ ⲙ̄ⲙⲟⲟⲩ ⲁⲩⲱ ⲛ̄ⲥⲁ ϩⲃⲟⲩⲣ.
Exod.14.30 ⲡϫⲟⲉⲓⲥ ⲁϥⲧⲟⲩϫⲟ ⲙ̄ⲡⲓⲥⲣⲁⲏⲗ ϩ︤ⲙ︥ ⲡⲉϩⲟⲟⲩ ⲉⲧ︤ⲙ︥ⲙⲁⲩ ⲉⲃⲟⲗ ϩ︤ⲛ︥ ⲧϭⲓϫ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁϥⲛⲁⲩ ⲛ̄ϭⲓ ⲡⲓⲥⲣⲁⲏⲗ ⲉⲣ︤ⲙ︥ⲛ̄ⲕⲏⲙⲉ ⲉⲁⲩⲙⲟⲩ ϩⲁⲧ︤ⲙ︥ ⲡⲉⲥⲡⲟⲧⲟⲩ ⲛ̄ⲑⲁⲗⲁⲥⲥⲁ.
Exod.14.31 ⲁⲩⲱ ⲁϥⲛⲁⲩ ⲉⲧⲛⲟϭ ⲛ̄ϭⲓϫ ⲉⲛⲧⲁⲡϫⲟⲉⲓⲥ ⲁⲁⲥ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁϥⲣ̄ϩⲟⲧⲉ ⲛ̄ϭⲓ ⲡⲗⲁⲟⲥ ϩⲏⲧ︤ϥ︥ ⲙ̄ⲡϫⲟⲉⲓⲥ ⲁⲩⲱ ⲁϥⲡⲓⲥⲧⲉⲩⲉ ⲉⲡⲛⲟⲩⲧⲉ ⲙ︤ⲛ︥ ⲙⲱⲩ̈ⲥⲏⲥ ⲡⲉϥϩ︤ⲙ︥ϩⲁⲗ.
Exod.14.2 ϣⲁϫⲉ ⲙ︤ⲛ︥ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲙⲁⲣⲟⲩⲕⲟⲧⲟⲩ ⲛ̄ⲥⲉⲙⲟⲟϣⲉ ⲙ̄ⲡⲉⲙⲧⲟ ⲉⲃⲟⲗ ⲛ̄ⲧⲉⲣⲥⲱ ⲟⲩⲧⲉ ⲙⲉϭⲧⲱⲗ ⲙ︤ⲛ︥ ⲑⲁⲗⲁⲥⲥⲁ ⲙ̄ⲡⲉⲙⲧⲟ ⲉⲃⲟⲗ ⲛ̄ⲃⲉⲗⲥⲉⲫⲱⲛ ⲛ︤ⲅ︥ⲙⲟⲟϣⲉ ϩⲁ ⲧⲉⲩϩⲏ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ.
Exod.14.3 ⲁⲩⲱ ϥⲛⲁϫⲟⲟⲥ ⲛ̄ϭⲓ ⲫⲁⲣⲁⲱ ⲙ̄ⲡⲉϥⲗⲁⲟⲥ ϫⲉ ⲉⲣⲉⲛϣⲏⲣⲉ ⲙ̄ⲡⲓⲥⲣⲁⲏⲗ ⲥⲟⲣ︤ⲙ︥ ⲁⲡϫⲁⲓ̈ⲉ ⲅⲁⲣ ϣⲧⲁⲙ ⲉⲣⲱⲟⲩ.
Exod.14.4 ⲁⲛⲟⲕ ⲇⲉ ϯⲛⲁϯⲛ̄ϣⲟⲧ ⲙ̄ⲡϩⲏⲧ ⲙ̄ⲫⲁⲣⲁⲱ ⲛ︤ϥ︥ⲡⲱⲧ ⲛ̄ⲥⲱⲟⲩ ⲛ̄ⲧⲁϫⲓⲉⲟⲟⲩ ϩ︤ⲙ︥ ⲫⲁⲣⲁⲱ ⲙ︤ⲛ︥ ⲡⲉϥⲙⲏⲏϣⲉ ⲧⲏⲣ︤ϥ︥ ⲛ̄ⲥⲉⲉⲓⲙⲉ ⲧⲏⲣⲟⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ.
Exod.14.5 ⲁⲩϫⲓⲡⲟⲩⲱ ⲇⲉ ⲙ̄ⲡⲣ̄ⲣⲟ ⲛ̄ⲕⲏⲙⲉ ϫⲉ ⲁϥⲡⲱⲧ ⲛ̄ϭⲓ ⲡⲗⲁⲟⲥ ⲁϥⲕⲧⲟϥ ⲛ̄ϭⲓ ⲫⲏⲧ ⲙ̄ⲫⲁⲣⲁⲱ ⲁⲩⲱ ⲡϩⲏⲧ ⲛ̄ⲛⲉϥϩ︤ⲙ︥ϩⲁⲗ ⲉϩⲣⲁⲓ̈ ⲉϫ︤ⲙ︥ ⲡⲗⲁⲟⲥ ⲁⲩⲱ ⲡⲉϫⲁⲩ ϫⲉ ⲟⲩ ⲡⲉ ⲡⲁⲓ̈ ⲉⲛⲧⲁⲛⲁⲁϥ ⲉⲕⲱ ⲉⲃⲟⲗ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲉⲧ︤ⲙ︥ⲧⲣⲉⲩⲣ̄ϩ︤ⲙ︥ϩⲁⲗ ⲛⲁⲛ.
Exod.14.6 ⲁⲫⲁⲣⲁⲱ ⲇⲉ ⲁϥⲛⲟⲩϩ︤ⲃ︥ ⲛ̄ⲛⲉϥϩⲁⲣⲙⲁ ⲧⲏⲣⲟⲩ ⲁⲩⲱ ⲁϥⲥⲱⲟⲩϩ ⲉϩⲟⲩⲛ ⲙ̄ⲡⲉϥⲗⲁⲟⲥ ⲧⲏⲣ︤ϥ︥ ⲛ︤ⲙ︥ⲙⲁϥ.
Exod.14.7 ⲁϥϫⲓⲥⲟⲟⲩ ⲛ̄ϣⲉ ⲛ̄ϩⲁⲣⲙⲁ ⲛ̄ⲥⲱⲧ︤ⲡ︥ ⲙ︤ⲛ︥ ⲛⲉϩⲧⲱⲣ ⲧⲏⲣⲟⲩ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁⲩⲱ ⲛⲉⲧⲣⲓⲥⲧⲁⲧⲏⲥ ⲉϩⲣⲁⲓ̈ ⲉϫⲱⲟⲩ ⲧⲏⲣⲟⲩ.
Exod.14.8 ⲡϫⲟⲉⲓⲥ ⲇⲉ ⲁϥϯⲛ̄ϣⲟⲧ ⲙ̄ⲡϩⲏⲧ ⲙ̄ⲫⲁⲣⲁⲱ ⲡⲣ̄ⲣⲟ ⲛ̄ⲕⲏⲙⲉ ⲁⲩⲱ ⲡϩⲏⲧ ⲛ̄ⲛⲉϥϩ︤ⲙ︥ϩⲁⲗ ⲁⲩⲡⲱⲧ ϩⲓⲡⲁϩⲟⲩ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲛ̄ϣⲏⲣⲉ ⲇⲉ ⲙ̄ⲡⲓⲥⲣⲁⲏⲗ ⲛⲉⲩⲙⲟⲟϣⲉ ⲡⲉ ϩ︤ⲛ︥ ⲟⲩϭⲓϫ ⲉⲥϫⲟⲟⲣ.
Exod.14.9 ⲁⲩⲡⲱⲧ ⲛ̄ⲥⲱⲟⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ⲁⲩϩⲉ ⲉⲣⲟⲟⲩ ⲉⲁⲩⲉⲓ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲁϥϩⲱⲛ ⲉϩⲟⲩⲛ ⲛ̄ϭⲓ ⲫⲁⲣⲁⲱ ⲙ︤ⲛ︥ ⲛⲉϥϩ︤ⲙ︥ϩⲁⲗ ⲉϩⲣⲁⲓ̈ ⲉϫ︤ⲙ︥ ⲡⲗⲁⲟⲥ ⲁⲩⲱ ⲛⲉϩⲧⲱⲣ ⲧⲏⲣⲟⲩ ⲙ︤ⲛ︥ ⲛⲉϥϩⲓⲡⲡⲉⲩⲥ ⲙ︤ⲛ︥ ⲡⲉϥⲙⲏⲏϣⲉ ⲧⲏⲣ︤ϥ︥ ⲙ̄ⲡⲉⲙⲧⲟ ⲉⲃⲟⲗ ⲛ̄ⲧⲉⲣⲥⲱ ⲙ︤ⲛ︥ ⲃⲉⲗⲥⲉⲫⲱⲛ.
Exod.14.10 ⲁⲩϥⲓⲉⲓⲁⲧⲟⲩ ⲉϩⲣⲁⲓ̈ ⲛ̄ϭⲓ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲁⲩⲛⲁⲩ ⲉⲣⲟⲟⲩ ϩ︤ⲛ︥ ⲛⲉⲩⲃⲁⲗ ⲁⲛⲣ︤ⲙ︥ⲛ̄ⲕⲏⲙⲉ ⲡⲱⲧ ⲛ̄ⲥⲱⲟⲩ ⲁⲩⲣ̄ϩⲟⲧⲉ ⲉⲙⲁⲧⲉ ⲁⲩϫⲓϣⲕⲁⲕ ⲉⲃⲟⲗ ⲛ̄ϭⲓ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲉϩⲣⲁⲓ̈ ⲉⲡϫⲟⲉⲓⲥ.
Exod.14.11 ⲁⲩⲱ ⲡⲉϫⲁⲩ ⲛ̄ⲛⲁϩⲣ︤ⲛ︥ ⲙⲱⲩ̈ⲥⲏⲥ ϫⲉ ⲉⲃⲟⲗ ϫⲉ ⲙ︤ⲛ︥ⲙ̄ϩⲁⲟⲩ ϩ︤ⲛ︥ ⲕⲏⲙⲉ ⲁⲕⲛ̄ⲧ︤ⲛ︥ ⲉⲃⲟⲗ ⲉⲙⲟⲩⲟⲩⲧ ⲙ̄ⲙⲟⲛ ϩ︤ⲙ︥ ⲡϫⲁⲓ̈ⲉ ⲟⲩ ⲡⲉ ⲡⲁⲓ̈ ⲉⲛⲧⲁⲕⲁⲁϥ ⲛⲁⲛ ⲉⲁⲕⲛ̄ⲧ︤ⲛ︥ ⲉⲃⲟⲗ ϩ︤ⲛ︥ ⲕⲏⲙⲉ.
Exod.14.12 ⲡⲁⲓ̈ ⲁⲛ ⲡⲉ ⲡϣⲁϫⲉ ⲛ̄ⲧⲁⲛϫⲟⲟϥ ⲛⲁⲕ ϩ︤ⲛ︥ ⲕⲏⲙⲉ ⲉⲛϫⲱ ⲙ̄ⲙⲟⲥ ϫⲉ ⲕⲁⲁⲛ ⲧⲁⲣ︤ⲛ︥ⲣ̄ϩ︤ⲙ︥ϩⲁⲗ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲛⲁⲛⲟⲩⲥ ⲅⲁⲣ ⲉⲧⲣⲉⲛⲣ̄ϩ︤ⲙ︥ϩⲁⲗ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲛ̄ϩⲟⲩⲟ ⲉⲙⲟⲩ ϩⲓ ⲡϫⲁⲓ̈ⲉ.
Exod.14.13 ⲡⲉϫⲁϥ ⲇⲉ ⲛ̄ϭⲓ ⲙⲱⲩ̈ⲥⲏⲥ ⲛ̄ⲛⲁϩⲣ︤ⲙ︥ ⲡⲗⲁⲟⲥ ϫⲉ ⲧⲱⲕ ⲙ̄ⲙⲱⲧ︤ⲛ︥ ⲛ̄ⲧⲉⲧ︤ⲛ︥ⲁϩⲉⲣⲁⲧⲧⲏⲩⲧ︤ⲛ︥ ⲛ̄ⲧⲉⲧ︤ⲛ︥ⲛⲁⲩ ⲉⲡⲉⲩϫⲁⲓ̈ ⲡⲉⲃⲟⲗ ϩⲓⲧⲟⲟⲧ︤ϥ︥ ⲙ̄ⲡϫⲟⲉⲓⲥ ⲡⲁⲓ̈ ⲉⲧ︤ϥ︥ⲛⲁⲁⲁϥ ⲛⲏⲧ︤ⲛ︥ ⲙ̄ⲡⲟⲟⲩ ⲛ̄ⲑⲉ ⲅⲁⲣ ⲛ̄ⲧⲁⲧⲉⲧ︤ⲛ︥ⲛⲁⲩ ⲉⲛⲣ︤ⲙ︥ⲛ̄ⲕⲏⲙⲉ ⲙ̄ⲡⲟⲟⲩ ⲛ̄ⲧⲉⲧ︤ⲛ︥ⲛⲁⲟⲩⲱϩ ⲁⲛ ⲉⲧⲟⲧⲧⲏⲩⲧ︤ⲛ︥ ⲉⲛⲁⲩ ⲉⲣⲟⲟⲩ ⲛ̄ϣⲁ ⲉⲛⲉϩ ⲛ̄ⲟⲩⲟⲉⲓϣ.
Exod.14.14 ⲡϫⲟⲉⲓⲥ ⲡⲉⲧⲙⲓϣⲉ ⲉϫ︤ⲛ︥ⲧⲏⲩⲧ︤ⲛ︥ ⲛ̄ⲧⲱⲧ︤ⲛ︥ ⲇⲉ ⲕⲁⲣⲱⲧ︤ⲛ︥.
Exod.14.15 ⲡⲉϫⲁϥ ⲇⲉ ⲛ̄ϭⲓ ⲡϫⲟⲉⲓⲥ ⲙ̄ⲙⲱⲩ̈ⲥⲏⲥ ϫⲉ ⲁϩⲣⲟⲕ ⲕϫⲓϣⲕⲁⲕ ⲉϩⲣⲁⲓ̈ ⲉⲣⲟⲓ̈ ϣⲁϫⲉ ⲙ︤ⲛ︥ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲛ̄ⲥⲉⲧⲟⲟⲧⲉ ⲉⲡⲁϩⲟⲩ.
Exod.14.16 ⲛ︤ⲅ︥ϥⲓ ⲉϩⲣⲁⲓ̈ ⲙ̄ⲡϭⲉⲣⲱⲃ ⲛ︤ⲅ︥ⲥⲟⲟⲩⲧ︤ⲛ︥ ⲛ̄ⲧⲉⲕϭⲓϫ ⲉⲃⲟⲗ ⲉϩⲣⲁⲓ̈ ⲉⲑⲁⲗⲁⲥⲥⲁ ϣⲁⲛⲧ︤ⲕ︥ⲡⲁϩ︤ⲥ︥ ⲛ̄ⲧⲉⲛϣⲏⲣⲉ ⲙ̄ⲡⲓⲥⲣⲁⲏⲗ ⲃⲱⲕ ⲉϩⲟⲩⲛ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ ⲕⲁⲧⲁ ⲡⲉⲧϣⲟⲩⲱⲟⲩ.
Exod.14.17 ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲧⲁϫⲣⲟ ⲙ̄ⲡϩⲏⲧ ⲙ̄ⲫⲁⲣⲁⲱ ⲙ︤ⲛ︥ ⲛ̄ⲣ︤ⲙ︥ⲛ̄ⲕⲏⲙⲉ ⲧⲏⲣⲟⲩ ⲛ̄ⲥⲉⲉⲓ ⲉϩⲟⲩⲛ ⲉⲡⲁϩⲟⲩ ⲙ̄ⲙⲟⲟⲩ ⲛ̄ⲧⲁϫⲓⲉⲟⲟⲩ ϩ︤ⲛ︥ ⲫⲁⲣⲁⲱ ⲙ︤ⲛ︥ ⲡⲉϥⲙⲏⲏϣⲉ ⲧⲏⲣ︤ϥ︥ ⲁⲩⲱ ϩⲣⲁⲓ̈ ϩ︤ⲛ︥ ⲛⲉϥϩⲁⲣⲙⲁ ⲙ︤ⲛ︥ ⲛⲉϥϩⲧⲱⲣ.
Exod.14.18 ⲛ̄ⲥⲉⲉⲓⲙⲉ ⲧⲏⲣⲟⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ ⲉⲓ̈ϫⲓⲉⲟⲟⲩ ϩ︤ⲛ︥ ⲫⲁⲣⲁⲱ ⲙ︤ⲛ︥ ⲡⲉϥⲙⲏⲏϣⲉ ⲙ︤ⲛ︥ ⲛⲉϥϩⲁⲣⲙⲁ ⲙ︤ⲛ︥ ⲛⲉϥϩⲧⲱⲣ.
Exod.14.19 ⲁϥⲧⲱⲟⲩⲛ ⲇⲉ ⲛ̄ϭⲓ ⲡⲁⲅⲅⲉⲗⲟⲥ ⲙ̄ⲡϫⲟⲉⲓⲥ ⲉⲧⲙⲟⲟϣⲉ ϩⲁⲑⲏ ⲛ̄ⲧⲡⲁⲣⲉⲙⲃⲟⲗⲏ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲁϥⲙⲟⲟϣⲉ ϩⲓⲡⲁϩⲟⲩ ⲙ̄ⲙⲟⲟⲩ ⲁϥⲧⲱⲟⲩⲛ ⲇⲉ ⲟⲛ ⲛ̄ϭⲓ ⲡⲉⲥⲧⲩⲗⲟⲥ ⲛ̄ⲕⲗⲟⲟⲗⲉ ⲉⲧϩⲁⲧⲉⲩϩⲏ.
Exod.14.20 ⲁϥⲃⲱⲕ ⲉϩⲟⲩⲛ ⲉⲧⲙⲏⲧⲉ ⲛ̄ⲧⲡⲁⲣⲉⲙⲃⲟⲗⲏ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁⲩⲱ ⲛ̄ⲧⲙⲏⲧⲉ ⲛ̄ⲧⲡⲁⲣⲉⲙⲃⲟⲗⲏ ⲙ̄ⲡⲓⲥⲣⲁⲏⲗ ⲁϥϣⲱⲡⲉ ⲛ̄ϭⲓ ⲟⲩⲕⲁⲕⲉ ⲙ︤ⲛ︥ ⲟⲩϭⲟⲥ︤ⲙ︥ ⲙ̄ⲡⲟⲩⲧⲱϩ ⲙ︤ⲛ︥ ⲛⲉⲩⲉⲣⲏⲩ ⲛ̄ⲧⲉⲩϣⲏ ⲧⲏⲣ︤ⲥ︥.
Exod.14.21 ⲁϥⲥⲟⲟⲩⲧ︤ⲛ︥ ⲇⲉ ⲉⲃⲟⲗ ⲛ̄ϭⲓ ⲙⲱⲩ̈ⲥⲏⲥ ⲛ̄ⲧⲉϥϭⲓϫ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲁϥⲉⲓⲛⲉ ⲛ̄ϭⲓ ⲡϫⲟⲉⲓⲥ ⲛ̄ⲧⲉⲩϣⲏ ⲧⲏⲣ︤ⲥ︥ ⲛ̄ⲟⲩⲧⲏⲟⲩ ⲛ̄ⲧⲟⲩⲣⲏⲥ ⲉϥⲛⲁϣ︤ⲧ︥ ⲁϥⲧⲣⲉⲑⲁⲗⲁⲥⲥⲁ ϣⲟⲟⲩⲉ ⲁϥⲡⲱϩ ⲛ̄ϭⲓ ⲡⲙⲟⲟⲩ.
Exod.14.22 ⲁⲩⲃⲱⲕ ⲉϩⲟⲩⲛ ⲛ̄ϭⲓ ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ ⲕⲁⲧⲁ ⲡⲉⲧϣⲟⲩⲱⲟⲩ ⲁⲩⲱ ⲡⲙⲟⲟⲩ ⲛⲉϥϣⲟⲟⲡ ⲛⲁⲩ ⲛ̄ⲥⲟⲃ︤ⲧ︥ ϩⲓ ⲟⲩⲛⲁⲙ ⲁⲩⲱ ϩⲓ ϩⲃⲟⲩⲣ.
Exod.14.23 ⲁⲩⲡⲱⲧ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϩⲓⲡⲁϩⲟⲩ ⲛ̄ⲛ̄ϣⲏⲣⲉ ⲙ̄ⲡⲓⲥⲣⲁⲏⲗ ⲁⲩⲱ ⲁⲩⲟⲩⲱϩ ⲛ̄ⲥⲱⲟⲩ ⲛ̄ϭⲓ ⲛⲉϩⲧⲱⲣ ⲧⲏⲣⲟⲩ ⲙ̄ⲫⲁⲣⲁⲱ ⲙ︤ⲛ︥ ⲛⲉϥϩⲁⲣⲙⲁ ⲙ︤ⲛ︥ ⲛⲉⲧⲧⲁⲗⲉ ⲉϩⲣⲁⲓ̈ ⲉϫⲱⲟⲩ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ.
Exod.14.24 ⲁⲥϣⲱⲡⲉ ⲇⲉ ϩ︤ⲛ︥ ⲧⲟⲩⲣϣⲉ ⲙ̄ⲡⲛⲁⲩ ⲛ̄ϩⲧⲟⲟⲩⲉ ⲁⲡϫⲟⲉⲓⲥ ϭⲱϣ︤ⲧ︥ ⲉϩⲣⲁⲓ̈ ⲉϫ︤ⲛ︥ ⲧⲡⲁⲣⲉⲙⲃⲟⲗⲏ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲙ︤ⲛ︥ ⲡⲉⲥⲧⲩⲗⲟⲥ ⲛ̄ⲥⲁⲧⲉ ⲙ︤ⲛ︥ ⲧⲉⲕⲗⲟⲟⲗⲉ ⲁϥϣⲧⲟⲣⲧ︤ⲣ︥ ⲛ̄ⲧⲡⲁⲣⲉⲙⲃⲟⲗⲏ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ.
Exod.14.25 ⲁⲩⲱ ⲁϥⲙⲟⲩⲣ ⲛ̄ⲛ̄ⲁⲝⲱⲛ ⲛ̄ⲛⲉⲩϩⲁⲣⲙⲁ ⲁϥⲉⲓⲛⲉ ⲙ̄ⲙⲟⲟⲩ ⲛ̄ϭⲟⲛ︤ⲥ︥ ⲡⲉϫⲁⲩ ⲛ̄ϭⲓ ⲛ̄ⲣ︤ⲙ︥ⲛ̄ⲕⲏⲙⲉ ϫⲉ ⲙⲁⲣⲉⲛⲡⲱⲧ ϩⲏⲧ︤ϥ︥ ⲙ̄ⲡⲓⲥⲣⲁⲏⲗ ⲡϫⲟⲉⲓⲥ ⲡⲉⲧⲙⲓϣⲉ ⲉϩⲣⲁⲓ̈ ⲉϫⲱⲟⲩ ⲙ︤ⲛ︥ ⲛ̄ⲣ︤ⲙ︥ⲛ̄ⲕⲏⲙⲉ.
Exod.14.26 ⲡⲉϫⲁϥ ⲇⲉ ⲛ̄ϭⲓ ⲡϫⲟⲉⲓⲥ ⲙ̄ⲙⲱⲩ̈ⲥⲏⲥ ϫⲉ ⲥⲟⲟⲩⲧ︤ⲛ︥ ⲛ̄ⲧⲉⲕϭⲓϫ ⲉⲃⲟⲗ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲛ̄ⲧⲉⲡⲙⲟⲟⲩ ⲉⲓ ⲉⲡⲉϥⲙⲁ ⲛ︤ϥ︥ϩⲱⲃ︤ⲥ︥ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲉϩⲣⲁⲓ̈ ⲉϫ︤ⲛ︥ ⲛ̄ϩⲁⲣⲙⲁ ⲙ︤ⲛ︥ ⲛⲉⲧⲧⲁⲗⲉ ⲉϩⲣⲁⲓ̈ ⲉϫⲱⲟⲩ.
Exod.14.27 ⲁⲙⲱⲩ̈ⲥⲏⲥ ⲇⲉ ⲥⲟⲟⲩⲧ︤ⲛ︥ ⲛ̄ⲧⲉϥϭⲓϫ ⲉⲃⲟⲗ ⲉϩⲣⲁⲓ̈ ⲉϫ︤ⲛ︥ ⲑⲁⲗⲁⲥⲥⲁ ⲁⲡⲙⲟⲟⲩ ⲉⲓ ⲉⲡⲉϥⲙⲁ ⲡⲣⲟⲥ ⲟⲩϩⲟⲟⲩ ⲛ̄ⲣ︤ⲙ︥ⲛ̄ⲕⲏⲙⲉ ⲇⲉ ⲁⲩⲡⲱⲧ ϩⲓⲡⲁϩⲟⲩ ⲙ̄ⲡⲙⲟⲟⲩ ⲡϫⲟⲉⲓⲥ ⲁϥϩⲃⲟⲣⲃ︤ⲣ︥ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲉⲧⲙⲏⲧⲉ ⲛ̄ⲑⲁⲗⲁⲥⲥⲁ.
Exod.14.28 ⲁϥⲕⲧⲟϥ ⲛ̄ϭⲓ ⲡⲙⲟⲟⲩ ⲁϥϩⲱⲃ︤ⲥ︥ ⲛ̄ⲛ̄ϩⲁⲣⲙⲁ ⲙ︤ⲛ︥ ⲛⲉⲧⲧⲁⲗⲉ ⲉϩⲣⲁⲓ̈ ⲉϫⲱⲟⲩ ⲙ︤ⲛ︥ ⲧϭⲟⲙ ⲧⲏⲣ︤ⲥ︥ ⲙ̄ⲫⲁⲣⲁⲱ ⲛⲁⲓ̈ ⲉⲧⲡⲏⲧ ⲛ̄ⲥⲱⲟⲩ ⲉϩⲣⲁⲓ̈ ⲉⲑⲁⲗⲁⲥⲥⲁ ⲙ̄ⲡ︤ϥ︥ⲥⲉⲉⲡⲉ ⲛ̄ϭⲓ ⲟⲩⲁ ⲉⲃⲟⲗ ⲛ̄ϩⲏⲧⲟⲩ.
Exod.14.29 ⲛ̄ϣⲏⲣⲉ ⲇⲉ ⲙ̄ⲡⲓⲥⲣⲁⲏⲗ ⲁⲩⲙⲟⲟϣⲉ ϩⲓϫ︤ⲙ︥ ⲡⲉⲧϣⲟⲩⲱⲟⲩ ⲛ̄ⲧⲙⲏⲧⲉ ⲛ̄ⲑⲁⲗⲁⲥⲥⲁ ⲡⲙⲟⲟⲩ ⲇⲉ ⲁϥϣⲱⲡⲉ ⲛⲁⲩ ⲛ̄ⲥⲟⲃ︤ⲧ︥ ⲛ̄ⲥⲁ ⲟⲩⲛⲁⲙ ⲙ̄ⲙⲟⲟⲩ ⲁⲩⲱ ⲛ̄ⲥⲁ ϩⲃⲟⲩⲣ.
Exod.14.30 ⲡϫⲟⲉⲓⲥ ⲁϥⲧⲟⲩϫⲟ ⲙ̄ⲡⲓⲥⲣⲁⲏⲗ ϩ︤ⲙ︥ ⲡⲉϩⲟⲟⲩ ⲉⲧ︤ⲙ︥ⲙⲁⲩ ⲉⲃⲟⲗ ϩ︤ⲛ︥ ⲧϭⲓϫ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁϥⲛⲁⲩ ⲛ̄ϭⲓ ⲡⲓⲥⲣⲁⲏⲗ ⲉⲣ︤ⲙ︥ⲛ̄ⲕⲏⲙⲉ ⲉⲁⲩⲙⲟⲩ ϩⲁⲧ︤ⲙ︥ ⲡⲉⲥⲡⲟⲧⲟⲩ ⲛ̄ⲑⲁⲗⲁⲥⲥⲁ.
Exod.14.31 ⲁⲩⲱ ⲁϥⲛⲁⲩ ⲉⲧⲛⲟϭ ⲛ̄ϭⲓϫ ⲉⲛⲧⲁⲡϫⲟⲉⲓⲥ ⲁⲁⲥ ⲛ̄ⲛ̄ⲣ︤ⲙ︥ⲛ̄ⲕⲏⲙⲉ ⲁϥⲣ̄ϩⲟⲧⲉ ⲛ̄ϭⲓ ⲡⲗⲁⲟⲥ ϩⲏⲧ︤ϥ︥ ⲙ̄ⲡϫⲟⲉⲓⲥ ⲁⲩⲱ ⲁϥⲡⲓⲥⲧⲉⲩⲉ ⲉⲡⲛⲟⲩⲧⲉ ⲙ︤ⲛ︥ ⲙⲱⲩ̈ⲥⲏⲥ ⲡⲉϥϩ︤ⲙ︥ϩⲁⲗ.
Edition
Cramer, Maria, and Martin Krause. Das Koptische Antiphonar (M 575 und P 11967). Jerusalemer Theologisches Forum 12. Münster: Aschendorff, 2008, 103:1-17