Sahidic Bible Citation326
Pachomius, Instruction Concerning a Spiteful Monk previous | next
Citation Text
… ⲉⲓⲥ ⲉⲩϩⲁ ϩⲱⲱⲥ ϩⲙ̄ ⲡⲁⲣⲁⲇⲓ̈ⲥⲟⲥ ⲁⲩⲣ̄ϩⲁⲗ ⲙ̄ⲙⲟⲥ· …
Biblical Reference
Gen.3.1-Gen.3.25
Gen.3.1 […]
Gen.3.2 ⲟⲩⲱⲙ ⲛ̄ϩⲏⲧ︤ϥ︥.
Gen.3.3 ⲡⲕⲁⲣⲡⲟⲥ ⲙ̄ⲡϣⲏⲛ ⲉⲧϩ︤ⲛ︥ⲧⲙⲏⲧⲉ ⲙ̄ⲡⲡⲁⲣⲁⲇⲓⲥⲟⲥ ⲁϥϫⲟⲟⲥ ⲛ̄ϭⲓ ⲡⲛⲟⲩⲧⲉ ϫⲉ ⲛ̄ⲛⲉⲧ︤ⲛ︥ⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲟⲩⲇⲉ ⲛ̄ⲛⲉⲧ︤ⲛ︥ϫⲱϩ ⲉⲣⲟϥ ϫⲉⲕⲁⲥ ⲛ̄ⲛⲉⲧ︤ⲛ︥ⲙⲟⲩ.
Gen.3.4 ⲡⲉϫⲉⲡϩⲟϥ ⲛ̄ⲧⲉⲥϩⲓⲙⲉ ϫⲉ ϩ︤ⲛ︥ ⲟⲩⲙⲟⲩ ⲛ̄ⲧⲉⲧⲛⲁⲙⲟⲩ ⲁⲛ.
Gen.3.5 ⲉⲣⲉⲡⲛⲟⲩⲧⲉ ⲅⲁⲣ ⲥⲟⲟⲩⲛ ϫⲉ ϩ︤ⲙ︥ ⲡⲉϩⲟⲟⲩ ⲉⲧⲉⲧⲛⲁⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲥⲉⲛⲁⲟⲩⲱⲛ ⲛ̄ϭⲓ ⲛⲉⲧ︤ⲛ︥ⲃⲁⲗ ⲛ̄ⲧⲉⲧ︤ⲛ︥ϣⲱⲡⲉ ⲛ̄ⲑⲉ ⲛ̄ⲛⲓⲛⲟⲩⲧⲉ ⲥⲟⲩⲛⲡⲡⲉⲧⲛⲁⲛⲟⲩϥ ⲙ︤ⲛ︥ ⲡⲡⲉⲑⲟⲟⲩ.
Gen.3.6 ⲁⲧⲉⲥϩⲓⲙⲉ ⲛⲁⲩ ⲉⲡϣⲏⲛ ϫⲉ ⲛⲁⲛⲟⲩϥ ⲉⲟⲩⲟⲙ︤ϥ︥ ⲁⲩⲱ ϫⲉ ϥⲣ̄ⲁⲛⲁⲩ ⲛ̄ⲛ̄ⲃⲁⲗ ⲉⲛⲁⲩ ⲉⲣⲟϥ ⲁⲩⲱ ϫⲉ ⲛⲉⲥⲱϥ ⲉⲙⲟϣⲧ︤ϥ︥ ⲁⲥϫⲓ ⲉⲃⲟⲗ ϩ︤ⲙ︥ ⲡⲉϥⲕⲁⲣⲡⲟⲥ ⲁⲥⲟⲩⲱⲙ ⲁⲥϯ ⲙ̄ⲡⲉⲥⲕⲉϩⲁⲓ̈ ⲛ︤ⲙ︥ⲙⲁⲥ ⲁⲩⲟⲩⲱⲙ.
Gen.3.7 ⲁⲩⲟⲩⲱⲛ ⲛ̄ϭⲓ ⲛⲉⲩⲃⲁⲗ ⲙ̄ⲡⲥⲛⲁⲩ ⲁⲩⲉⲓⲙⲉ ϫⲉ ⲛⲉⲩⲕⲏⲕ ⲁϩⲏⲩ ⲁⲩⲧⲱⲣ︤ⲡ︥ ⲛ̄ϩⲉⲛϭⲱⲃⲉ ⲛ̄ⲕ︤ⲛ︥ⲧⲉ ⲁⲩⲧⲁⲙⲓⲟ ⲙ̄ⲙⲟⲟⲩ ⲛⲁⲩ ⲛ̄ϩⲉⲛⲡⲉⲣⲓⲍⲱⲙⲁ.
Gen.3.8 ⲡϩⲟ ⲙ̄ⲡϫⲟⲉⲓⲥ ⲡⲛⲟⲩⲧⲉ ϩ︤ⲛ︥ ⲧⲙⲏⲧⲉ ⲛ̄ⲛ̄ϣⲏⲛ ⲙ̄ⲡⲡⲁⲣⲁⲇⲓⲥⲟⲥ.
Gen.3.9 ⲁⲩⲱ ⲁⲡϫⲟⲉⲓⲥ ⲡⲛⲟⲩⲧⲉ ⲙⲟⲩⲧⲉ ⲉⲁⲇⲁⲙ ⲡⲉϫⲁϥ ⲛⲁϥ ϫⲉ ⲁⲇⲁⲙ ⲉⲕⲧⲱⲛ.
Gen.3.10 ⲁⲩⲱ ⲡⲉϫⲁϥ ⲛ̄ϭⲓ ⲁⲇⲁⲙ ϫⲉ ⲧⲉⲕⲥⲙⲏ ⲧⲉⲛⲧⲁⲓ̈ⲥⲱⲧ︤ⲙ︥ ⲉⲣⲟⲥ ⲉⲕⲙⲟⲟϣⲉ ϩ︤ⲙ︥ ⲡⲡⲁⲣⲁⲇⲓⲥⲟⲥ ⲁⲓ̈ⲣ̄ϩⲟⲧⲉ ϫⲉ ϯⲕⲏⲕ ⲁϩⲏⲩ ⲁⲓ̈ϩⲟⲡ︤ⲧ︥.
Gen.3.11 ⲡⲉϫⲁϥ ⲛⲁϥ ⲛ̄ϭⲓ ⲡϫⲟⲉⲓⲥ ⲡⲛⲟⲩⲧⲉ ϫⲉ ⲛⲓⲙ ⲡⲉⲛⲧⲁϥϫⲟⲟⲥ ⲛⲁⲕ ϫⲉ ⲉⲕⲕⲏⲕ ⲁϩⲏⲩ ⲛ̄ⲥⲁⲃⲏⲗ ϫⲉ ⲁⲕⲟⲩⲱⲙ ⲉⲃⲟⲗ ϩ︤ⲙ︥ ⲡϣⲏⲛ ⲡⲁⲓ̈ ⲛ̄ⲧⲁⲓ̈ϩⲱⲛ ⲉⲧⲟⲟⲧ︤ⲕ︥ ⲉⲧ︤ⲙ︥ⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲙⲁⲩⲁⲁϥ ⲁⲕⲟⲩⲱⲙ.
Gen.3.12 ⲡⲉϫⲉⲁⲇⲁⲙ ϫⲉ ⲧⲉⲥϩⲓⲙⲉ ⲛ̄ⲧⲁⲕⲧⲁⲁⲥ ⲛⲁⲓ̈ ⲛ̄ⲧⲟⲥ ⲧⲉⲛⲧⲁⲥϯ ⲛⲁⲓ̈ ⲉⲃⲟⲗ ϩ︤ⲙ︥ ⲡϣⲏⲛ ⲁⲓ̈ⲟⲩⲱⲙ.
Gen.3.13 ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲛ̄ⲧⲉⲥϩⲓⲙⲉ ϫⲉ ⲉⲧⲃⲉ ⲟⲩ ⲡⲉⲛⲧⲁⲣⲉⲣ̄ⲡⲉⲓϩⲱⲃ ⲡⲉϫⲉⲧⲉⲥϩⲓⲙⲉ ⲛⲁϥ ϫⲉ ⲡϩⲟϥ ⲡⲉⲛⲧⲁϥⲣ̄ϩⲁⲗ ⲙ̄ⲙⲟⲓ̈ ⲁⲓ̈ⲟⲩⲱⲙ.
Gen.3.14 ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲙ̄ⲡϩⲟϥ ϫⲉ ⲉⲡⲉⲓⲇⲏ ⲁⲕⲉⲓⲣⲉ ⲙ̄ⲡⲉⲓϩⲱⲃ ⲕⲥϩⲟⲩⲟⲣⲧ ⲛ̄ⲧⲟⲕ ⲟⲩⲇⲉ ⲛ̄ⲧ︤ⲃ︥ⲛⲟⲟⲩⲉ ⲧⲏⲣⲟⲩ ⲛ̄ⲧⲥⲱϣⲉ ⲙ︤ⲛ︥ ⲛⲉⲑⲏⲣⲓⲟⲛ ⲙ̄ⲡⲕⲁϩ ⲉⲕⲉⲙⲟⲟϣⲉ ⲉϫ︤ⲛ︥ ⲧⲉⲕⲙⲉⲥⲑⲏⲧ ⲁⲩⲱ ⲉϫ︤ⲛ︥ ϩⲏⲧ︤ⲕ︥ ⲁⲩⲱ ⲉⲕⲉϣⲱⲡⲉ ⲉⲕⲟⲩⲉⲙⲕⲁϩ ⲛ̄ⲛⲉϩⲟⲟⲩ ⲧⲏⲣⲟⲩ ⲙ̄ⲡⲉⲕⲱⲛ︤ϩ︥.
Gen.3.15 ⲉⲓ̈ⲉⲕⲱ ⲛ̄ⲟⲩⲙ︤ⲛ︦ⲧ︥ϫⲁϫⲉ ϩ︤ⲛ︥ ⲧⲉⲕⲙⲏⲧⲉ ⲙ︤ⲛ︥ ⲧⲉⲥϩⲓⲙⲉ ⲟⲩⲧⲱⲕ ⲙ︤ⲛ︥ ⲧⲉⲕⲥⲡⲉⲣⲙⲁ ⲙ︤ⲛ︥ ⲟⲩⲇⲉ ⲧⲉⲥⲥⲡⲉⲣⲙⲁ ⲛ̄ⲧⲟϥ ⲉϥⲉϩⲁⲣⲉϩ ⲉⲡⲉϥϯⲃ︤ⲥ︥ ⲛ̄ⲧⲟⲕ ϩⲱⲱⲕ ⲉⲕⲉϩⲁⲣⲉϩ ⲉⲧⲉⲕⲁⲡⲉ.
Gen.3.16 ⲡⲉϫⲁϥ ⲇⲉ ⲛⲧⲉⲥϩⲓⲙⲉ ϫⲉ ϩ︤ⲛ︥ ⲟⲩⲧⲁϣⲟ ϯⲛⲁⲧⲁϣⲟ ⲛ̄ⲛⲟⲩⲗⲩⲡⲏ ⲙ︤ⲛ︥ ⲡⲟⲩⲁϣⲁϩⲟⲙ ϩ︤ⲛ︥ ϩⲉⲛⲗⲩⲡⲏ ⲉⲣⲉϫⲡⲟ ⲛ̄ⲛⲟⲩϣⲏⲣⲉ ⲁⲩⲱ ⲉⲣⲉⲕⲧⲟ ⲉⲡⲟⲩϩⲁⲓ̈ ⲁⲩⲱ ⲛ̄ⲧⲟϥ ⲉϥⲉⲣ̄ϫⲟⲉⲓⲥ ⲉⲣⲟ.
Gen.3.17 ⲡⲉϫⲁϥ ⲇⲉ ⲛ̄ⲁⲇⲁⲙ ϫⲉ ⲉⲃⲟⲗ ϫⲉ ⲁⲕⲥⲱⲧ︤ⲙ︥ ⲛ̄ⲥⲁ ⲡⲉϩⲣⲟⲟⲩ ⲛ̄ⲧⲉⲕⲥϩⲓⲙⲉ ⲁⲩⲱ ⲁⲕⲟⲩⲱⲙ ⲉⲃⲟⲗ ϩ︤ⲙ︥ ⲡϣⲏⲛ ⲉⲛⲧⲁⲓ̈ϩⲱⲛ ⲉⲧⲟⲟⲧ︤ⲕ︥ ⲉⲧ︤ⲙ︥ⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲙⲁⲩⲁⲁϥ ⲁⲕⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ϥⲥϩⲟⲩⲟⲣⲧ ⲛ̄ϭⲓ ⲡⲕⲁϩ ϩ︤ⲛ︥ ⲛⲉⲕϩⲃⲏⲩⲉ ⲉⲕⲉⲟⲩⲱⲙ ⲙ̄ⲙⲟϥ ϩ︤ⲛ︥ ϩⲉⲛⲗⲩⲡⲏ ⲛ̄ⲛⲉϩⲟⲟⲩ ⲧⲏⲣⲟⲩ ⲙ̄ⲡⲉⲕⲱⲛ︤ϩ︥.
Gen.3.18 ⲁⲩⲱ ⲉϥⲉϯⲟⲩⲟ ⲛⲁⲕ ⲉϩⲣⲁⲓ̈ ⲛ̄ϩⲉⲛϣⲟⲛⲧⲉ ⲙ︤ⲛ︥ ϩⲉⲛⲁⲣⲟⲟⲩⲉ ⲁⲩⲱ ⲉⲕⲉⲟⲩⲱⲙ ⲙ̄ⲡⲉⲭⲟⲣⲧⲟⲥ ⲛ̄ⲧⲥⲱϣⲉ.
Gen.3.19 ⲉⲕⲉⲟⲩⲱⲙ ⲙ̄ⲡⲉⲕⲟⲉⲓⲕ ϣⲁⲛⲧⲉⲕⲕⲟⲟⲧ︤ⲕ︥ ⲉϩⲣⲁⲓ̈ ⲉⲡⲕⲁϩ ⲛ̄ⲧⲁⲩϫⲓⲧ︤ⲕ︥ ⲉⲃⲟⲗ ⲛ̄ϩⲏⲧ︤ϥ︥ ϫⲉ ⲛ̄ⲧ︤ⲕ︥ ⲟⲩⲕⲁϩ ⲁⲩⲱ ⲉⲕⲛⲁⲕⲟⲧ︤ⲕ︥ ⲉⲡⲕⲁϩ.
Gen.3.20 ⲁⲇⲁⲙ ⲇⲉ ⲁϥⲙⲟⲩⲧⲉ ⲉⲡⲣⲁⲛ ⲛ̄ⲧⲉϥⲥϩⲓⲙⲉ ϫⲉ ⲍⲱⲏ ⲉⲧⲉⲧⲁⲓ̈ ⲧⲉ ⲧⲙⲁⲁⲩ ⲛ̄ⲛⲉⲧⲟⲛ︤ϩ︥ ⲧⲏⲣⲟⲩ.
Gen.3.21 ⲁⲩⲱ ⲁⲡϫⲟⲉⲓⲥ ⲡⲛⲟⲩⲧⲉ ⲧⲁⲙⲓⲟ ⲛ̄ⲁⲇⲁⲙ ⲙ︤ⲛ︥ ⲧⲉϥⲥϩⲓⲙⲉ ⲛ̄ϩⲉⲛϣⲧⲏⲛ ⲛ̄ϣⲁⲁⲣ ⲁⲩⲧⲁⲁⲩ ϩⲓⲱⲟⲩ.
Gen.3.22 ⲡⲉϫⲁϥ ⲛ̄ϭⲓ ⲡϫⲟⲉⲓⲥ ⲡⲛⲟⲩⲧⲉ ϫⲉ ⲉⲓⲥ ⲁⲇⲁⲙ ⲁϥⲣ̄ⲑⲉ ⲛ̄ⲟⲩⲁ ⲙ̄ⲙⲟⲛ ⲉⲥⲟⲩⲛⲡⲡⲉⲧⲛⲁⲛⲟⲩϥ ⲙ︤ⲛ︥ ⲡⲡⲉⲑⲟⲟⲩ ⲧⲉⲛⲟⲩ ϭⲉ ⲙⲏⲡⲟⲧⲉ ⲛ︤ϥ︥ⲥⲟⲟⲩⲧ︤ⲛ︥ ⲉⲃⲟⲗ ⲛ̄ⲧⲉϥϭⲓϫ ⲛ︤ϥ︥ϫⲓ ⲉⲃⲟⲗ ϩ︤ⲙ︥ ⲡϣⲏⲛ ⲙ̄ⲡⲱⲛ︤ϩ︥ ⲛ︤ϥ︥ⲟⲩⲱⲙ ⲛ︤ϥ︥ⲱⲛ︤ϩ︥ ϣⲁ ⲉⲛⲉϩ.
Gen.3.23 ⲁⲡϫⲟⲉⲓⲥ ⲡⲛⲟⲩⲧⲉ ⲛⲟⲩϫⲉ ⲙ̄ⲙⲟϥ ⲉⲃⲟⲗ ϩ︤ⲙ︥ ⲡⲡⲁⲣⲁⲇⲉⲓⲥⲟⲥ ⲛ̄ⲧⲉⲧⲣⲩⲫⲏ ⲉⲣ̄ϩⲱⲃ ⲉⲡⲕⲁϩ ⲛ̄ⲧⲁⲩϫⲓⲧ︤ϥ︥ ⲉⲃⲟⲗ ⲛ̄ϩⲏⲧ︤ϥ︥.
Gen.3.24 ⲁⲡⲛⲟⲩⲧⲉ ⲛⲉϫⲁⲇⲁⲙ ⲉⲃⲟⲗ ⲁϥⲧⲣⲉϥⲟⲩⲱϩ ⲙ̄ⲡⲉⲙ̄ⲧⲟ ⲉⲃⲟⲗ ⲙ̄ⲡⲡⲁⲣⲁⲇⲉⲓⲥⲟⲥ ⲛ̄ⲧⲉⲧⲣⲩⲫⲏ ⲁϥⲕⲱ ⲛ̄ⲛⲉⲭⲉⲣⲟⲩⲃⲉⲓⲛ ⲁⲩⲱ ⲧⲥⲏϥⲉ ⲛ̄ⲥⲁⲧⲉ ⲉⲥⲕⲱⲧⲉ ⲉⲁⲣⲉϩ ⲉⲧⲉϩⲓⲏ ⲙ̄ⲡϣⲏⲛ ⲙ̄ⲡⲱⲛ︤ϩ︥.
Gen.3.2 ⲟⲩⲱⲙ ⲛ̄ϩⲏⲧ︤ϥ︥.
Gen.3.3 ⲡⲕⲁⲣⲡⲟⲥ ⲙ̄ⲡϣⲏⲛ ⲉⲧϩ︤ⲛ︥ⲧⲙⲏⲧⲉ ⲙ̄ⲡⲡⲁⲣⲁⲇⲓⲥⲟⲥ ⲁϥϫⲟⲟⲥ ⲛ̄ϭⲓ ⲡⲛⲟⲩⲧⲉ ϫⲉ ⲛ̄ⲛⲉⲧ︤ⲛ︥ⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲟⲩⲇⲉ ⲛ̄ⲛⲉⲧ︤ⲛ︥ϫⲱϩ ⲉⲣⲟϥ ϫⲉⲕⲁⲥ ⲛ̄ⲛⲉⲧ︤ⲛ︥ⲙⲟⲩ.
Gen.3.4 ⲡⲉϫⲉⲡϩⲟϥ ⲛ̄ⲧⲉⲥϩⲓⲙⲉ ϫⲉ ϩ︤ⲛ︥ ⲟⲩⲙⲟⲩ ⲛ̄ⲧⲉⲧⲛⲁⲙⲟⲩ ⲁⲛ.
Gen.3.5 ⲉⲣⲉⲡⲛⲟⲩⲧⲉ ⲅⲁⲣ ⲥⲟⲟⲩⲛ ϫⲉ ϩ︤ⲙ︥ ⲡⲉϩⲟⲟⲩ ⲉⲧⲉⲧⲛⲁⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲥⲉⲛⲁⲟⲩⲱⲛ ⲛ̄ϭⲓ ⲛⲉⲧ︤ⲛ︥ⲃⲁⲗ ⲛ̄ⲧⲉⲧ︤ⲛ︥ϣⲱⲡⲉ ⲛ̄ⲑⲉ ⲛ̄ⲛⲓⲛⲟⲩⲧⲉ ⲥⲟⲩⲛⲡⲡⲉⲧⲛⲁⲛⲟⲩϥ ⲙ︤ⲛ︥ ⲡⲡⲉⲑⲟⲟⲩ.
Gen.3.6 ⲁⲧⲉⲥϩⲓⲙⲉ ⲛⲁⲩ ⲉⲡϣⲏⲛ ϫⲉ ⲛⲁⲛⲟⲩϥ ⲉⲟⲩⲟⲙ︤ϥ︥ ⲁⲩⲱ ϫⲉ ϥⲣ̄ⲁⲛⲁⲩ ⲛ̄ⲛ̄ⲃⲁⲗ ⲉⲛⲁⲩ ⲉⲣⲟϥ ⲁⲩⲱ ϫⲉ ⲛⲉⲥⲱϥ ⲉⲙⲟϣⲧ︤ϥ︥ ⲁⲥϫⲓ ⲉⲃⲟⲗ ϩ︤ⲙ︥ ⲡⲉϥⲕⲁⲣⲡⲟⲥ ⲁⲥⲟⲩⲱⲙ ⲁⲥϯ ⲙ̄ⲡⲉⲥⲕⲉϩⲁⲓ̈ ⲛ︤ⲙ︥ⲙⲁⲥ ⲁⲩⲟⲩⲱⲙ.
Gen.3.7 ⲁⲩⲟⲩⲱⲛ ⲛ̄ϭⲓ ⲛⲉⲩⲃⲁⲗ ⲙ̄ⲡⲥⲛⲁⲩ ⲁⲩⲉⲓⲙⲉ ϫⲉ ⲛⲉⲩⲕⲏⲕ ⲁϩⲏⲩ ⲁⲩⲧⲱⲣ︤ⲡ︥ ⲛ̄ϩⲉⲛϭⲱⲃⲉ ⲛ̄ⲕ︤ⲛ︥ⲧⲉ ⲁⲩⲧⲁⲙⲓⲟ ⲙ̄ⲙⲟⲟⲩ ⲛⲁⲩ ⲛ̄ϩⲉⲛⲡⲉⲣⲓⲍⲱⲙⲁ.
Gen.3.8 ⲡϩⲟ ⲙ̄ⲡϫⲟⲉⲓⲥ ⲡⲛⲟⲩⲧⲉ ϩ︤ⲛ︥ ⲧⲙⲏⲧⲉ ⲛ̄ⲛ̄ϣⲏⲛ ⲙ̄ⲡⲡⲁⲣⲁⲇⲓⲥⲟⲥ.
Gen.3.9 ⲁⲩⲱ ⲁⲡϫⲟⲉⲓⲥ ⲡⲛⲟⲩⲧⲉ ⲙⲟⲩⲧⲉ ⲉⲁⲇⲁⲙ ⲡⲉϫⲁϥ ⲛⲁϥ ϫⲉ ⲁⲇⲁⲙ ⲉⲕⲧⲱⲛ.
Gen.3.10 ⲁⲩⲱ ⲡⲉϫⲁϥ ⲛ̄ϭⲓ ⲁⲇⲁⲙ ϫⲉ ⲧⲉⲕⲥⲙⲏ ⲧⲉⲛⲧⲁⲓ̈ⲥⲱⲧ︤ⲙ︥ ⲉⲣⲟⲥ ⲉⲕⲙⲟⲟϣⲉ ϩ︤ⲙ︥ ⲡⲡⲁⲣⲁⲇⲓⲥⲟⲥ ⲁⲓ̈ⲣ̄ϩⲟⲧⲉ ϫⲉ ϯⲕⲏⲕ ⲁϩⲏⲩ ⲁⲓ̈ϩⲟⲡ︤ⲧ︥.
Gen.3.11 ⲡⲉϫⲁϥ ⲛⲁϥ ⲛ̄ϭⲓ ⲡϫⲟⲉⲓⲥ ⲡⲛⲟⲩⲧⲉ ϫⲉ ⲛⲓⲙ ⲡⲉⲛⲧⲁϥϫⲟⲟⲥ ⲛⲁⲕ ϫⲉ ⲉⲕⲕⲏⲕ ⲁϩⲏⲩ ⲛ̄ⲥⲁⲃⲏⲗ ϫⲉ ⲁⲕⲟⲩⲱⲙ ⲉⲃⲟⲗ ϩ︤ⲙ︥ ⲡϣⲏⲛ ⲡⲁⲓ̈ ⲛ̄ⲧⲁⲓ̈ϩⲱⲛ ⲉⲧⲟⲟⲧ︤ⲕ︥ ⲉⲧ︤ⲙ︥ⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲙⲁⲩⲁⲁϥ ⲁⲕⲟⲩⲱⲙ.
Gen.3.12 ⲡⲉϫⲉⲁⲇⲁⲙ ϫⲉ ⲧⲉⲥϩⲓⲙⲉ ⲛ̄ⲧⲁⲕⲧⲁⲁⲥ ⲛⲁⲓ̈ ⲛ̄ⲧⲟⲥ ⲧⲉⲛⲧⲁⲥϯ ⲛⲁⲓ̈ ⲉⲃⲟⲗ ϩ︤ⲙ︥ ⲡϣⲏⲛ ⲁⲓ̈ⲟⲩⲱⲙ.
Gen.3.13 ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲛ̄ⲧⲉⲥϩⲓⲙⲉ ϫⲉ ⲉⲧⲃⲉ ⲟⲩ ⲡⲉⲛⲧⲁⲣⲉⲣ̄ⲡⲉⲓϩⲱⲃ ⲡⲉϫⲉⲧⲉⲥϩⲓⲙⲉ ⲛⲁϥ ϫⲉ ⲡϩⲟϥ ⲡⲉⲛⲧⲁϥⲣ̄ϩⲁⲗ ⲙ̄ⲙⲟⲓ̈ ⲁⲓ̈ⲟⲩⲱⲙ.
Gen.3.14 ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲙ̄ⲡϩⲟϥ ϫⲉ ⲉⲡⲉⲓⲇⲏ ⲁⲕⲉⲓⲣⲉ ⲙ̄ⲡⲉⲓϩⲱⲃ ⲕⲥϩⲟⲩⲟⲣⲧ ⲛ̄ⲧⲟⲕ ⲟⲩⲇⲉ ⲛ̄ⲧ︤ⲃ︥ⲛⲟⲟⲩⲉ ⲧⲏⲣⲟⲩ ⲛ̄ⲧⲥⲱϣⲉ ⲙ︤ⲛ︥ ⲛⲉⲑⲏⲣⲓⲟⲛ ⲙ̄ⲡⲕⲁϩ ⲉⲕⲉⲙⲟⲟϣⲉ ⲉϫ︤ⲛ︥ ⲧⲉⲕⲙⲉⲥⲑⲏⲧ ⲁⲩⲱ ⲉϫ︤ⲛ︥ ϩⲏⲧ︤ⲕ︥ ⲁⲩⲱ ⲉⲕⲉϣⲱⲡⲉ ⲉⲕⲟⲩⲉⲙⲕⲁϩ ⲛ̄ⲛⲉϩⲟⲟⲩ ⲧⲏⲣⲟⲩ ⲙ̄ⲡⲉⲕⲱⲛ︤ϩ︥.
Gen.3.15 ⲉⲓ̈ⲉⲕⲱ ⲛ̄ⲟⲩⲙ︤ⲛ︦ⲧ︥ϫⲁϫⲉ ϩ︤ⲛ︥ ⲧⲉⲕⲙⲏⲧⲉ ⲙ︤ⲛ︥ ⲧⲉⲥϩⲓⲙⲉ ⲟⲩⲧⲱⲕ ⲙ︤ⲛ︥ ⲧⲉⲕⲥⲡⲉⲣⲙⲁ ⲙ︤ⲛ︥ ⲟⲩⲇⲉ ⲧⲉⲥⲥⲡⲉⲣⲙⲁ ⲛ̄ⲧⲟϥ ⲉϥⲉϩⲁⲣⲉϩ ⲉⲡⲉϥϯⲃ︤ⲥ︥ ⲛ̄ⲧⲟⲕ ϩⲱⲱⲕ ⲉⲕⲉϩⲁⲣⲉϩ ⲉⲧⲉⲕⲁⲡⲉ.
Gen.3.16 ⲡⲉϫⲁϥ ⲇⲉ ⲛⲧⲉⲥϩⲓⲙⲉ ϫⲉ ϩ︤ⲛ︥ ⲟⲩⲧⲁϣⲟ ϯⲛⲁⲧⲁϣⲟ ⲛ̄ⲛⲟⲩⲗⲩⲡⲏ ⲙ︤ⲛ︥ ⲡⲟⲩⲁϣⲁϩⲟⲙ ϩ︤ⲛ︥ ϩⲉⲛⲗⲩⲡⲏ ⲉⲣⲉϫⲡⲟ ⲛ̄ⲛⲟⲩϣⲏⲣⲉ ⲁⲩⲱ ⲉⲣⲉⲕⲧⲟ ⲉⲡⲟⲩϩⲁⲓ̈ ⲁⲩⲱ ⲛ̄ⲧⲟϥ ⲉϥⲉⲣ̄ϫⲟⲉⲓⲥ ⲉⲣⲟ.
Gen.3.17 ⲡⲉϫⲁϥ ⲇⲉ ⲛ̄ⲁⲇⲁⲙ ϫⲉ ⲉⲃⲟⲗ ϫⲉ ⲁⲕⲥⲱⲧ︤ⲙ︥ ⲛ̄ⲥⲁ ⲡⲉϩⲣⲟⲟⲩ ⲛ̄ⲧⲉⲕⲥϩⲓⲙⲉ ⲁⲩⲱ ⲁⲕⲟⲩⲱⲙ ⲉⲃⲟⲗ ϩ︤ⲙ︥ ⲡϣⲏⲛ ⲉⲛⲧⲁⲓ̈ϩⲱⲛ ⲉⲧⲟⲟⲧ︤ⲕ︥ ⲉⲧ︤ⲙ︥ⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ⲙⲁⲩⲁⲁϥ ⲁⲕⲟⲩⲱⲙ ⲉⲃⲟⲗ ⲛ̄ϩⲏⲧ︤ϥ︥ ϥⲥϩⲟⲩⲟⲣⲧ ⲛ̄ϭⲓ ⲡⲕⲁϩ ϩ︤ⲛ︥ ⲛⲉⲕϩⲃⲏⲩⲉ ⲉⲕⲉⲟⲩⲱⲙ ⲙ̄ⲙⲟϥ ϩ︤ⲛ︥ ϩⲉⲛⲗⲩⲡⲏ ⲛ̄ⲛⲉϩⲟⲟⲩ ⲧⲏⲣⲟⲩ ⲙ̄ⲡⲉⲕⲱⲛ︤ϩ︥.
Gen.3.18 ⲁⲩⲱ ⲉϥⲉϯⲟⲩⲟ ⲛⲁⲕ ⲉϩⲣⲁⲓ̈ ⲛ̄ϩⲉⲛϣⲟⲛⲧⲉ ⲙ︤ⲛ︥ ϩⲉⲛⲁⲣⲟⲟⲩⲉ ⲁⲩⲱ ⲉⲕⲉⲟⲩⲱⲙ ⲙ̄ⲡⲉⲭⲟⲣⲧⲟⲥ ⲛ̄ⲧⲥⲱϣⲉ.
Gen.3.19 ⲉⲕⲉⲟⲩⲱⲙ ⲙ̄ⲡⲉⲕⲟⲉⲓⲕ ϣⲁⲛⲧⲉⲕⲕⲟⲟⲧ︤ⲕ︥ ⲉϩⲣⲁⲓ̈ ⲉⲡⲕⲁϩ ⲛ̄ⲧⲁⲩϫⲓⲧ︤ⲕ︥ ⲉⲃⲟⲗ ⲛ̄ϩⲏⲧ︤ϥ︥ ϫⲉ ⲛ̄ⲧ︤ⲕ︥ ⲟⲩⲕⲁϩ ⲁⲩⲱ ⲉⲕⲛⲁⲕⲟⲧ︤ⲕ︥ ⲉⲡⲕⲁϩ.
Gen.3.20 ⲁⲇⲁⲙ ⲇⲉ ⲁϥⲙⲟⲩⲧⲉ ⲉⲡⲣⲁⲛ ⲛ̄ⲧⲉϥⲥϩⲓⲙⲉ ϫⲉ ⲍⲱⲏ ⲉⲧⲉⲧⲁⲓ̈ ⲧⲉ ⲧⲙⲁⲁⲩ ⲛ̄ⲛⲉⲧⲟⲛ︤ϩ︥ ⲧⲏⲣⲟⲩ.
Gen.3.21 ⲁⲩⲱ ⲁⲡϫⲟⲉⲓⲥ ⲡⲛⲟⲩⲧⲉ ⲧⲁⲙⲓⲟ ⲛ̄ⲁⲇⲁⲙ ⲙ︤ⲛ︥ ⲧⲉϥⲥϩⲓⲙⲉ ⲛ̄ϩⲉⲛϣⲧⲏⲛ ⲛ̄ϣⲁⲁⲣ ⲁⲩⲧⲁⲁⲩ ϩⲓⲱⲟⲩ.
Gen.3.22 ⲡⲉϫⲁϥ ⲛ̄ϭⲓ ⲡϫⲟⲉⲓⲥ ⲡⲛⲟⲩⲧⲉ ϫⲉ ⲉⲓⲥ ⲁⲇⲁⲙ ⲁϥⲣ̄ⲑⲉ ⲛ̄ⲟⲩⲁ ⲙ̄ⲙⲟⲛ ⲉⲥⲟⲩⲛⲡⲡⲉⲧⲛⲁⲛⲟⲩϥ ⲙ︤ⲛ︥ ⲡⲡⲉⲑⲟⲟⲩ ⲧⲉⲛⲟⲩ ϭⲉ ⲙⲏⲡⲟⲧⲉ ⲛ︤ϥ︥ⲥⲟⲟⲩⲧ︤ⲛ︥ ⲉⲃⲟⲗ ⲛ̄ⲧⲉϥϭⲓϫ ⲛ︤ϥ︥ϫⲓ ⲉⲃⲟⲗ ϩ︤ⲙ︥ ⲡϣⲏⲛ ⲙ̄ⲡⲱⲛ︤ϩ︥ ⲛ︤ϥ︥ⲟⲩⲱⲙ ⲛ︤ϥ︥ⲱⲛ︤ϩ︥ ϣⲁ ⲉⲛⲉϩ.
Gen.3.23 ⲁⲡϫⲟⲉⲓⲥ ⲡⲛⲟⲩⲧⲉ ⲛⲟⲩϫⲉ ⲙ̄ⲙⲟϥ ⲉⲃⲟⲗ ϩ︤ⲙ︥ ⲡⲡⲁⲣⲁⲇⲉⲓⲥⲟⲥ ⲛ̄ⲧⲉⲧⲣⲩⲫⲏ ⲉⲣ̄ϩⲱⲃ ⲉⲡⲕⲁϩ ⲛ̄ⲧⲁⲩϫⲓⲧ︤ϥ︥ ⲉⲃⲟⲗ ⲛ̄ϩⲏⲧ︤ϥ︥.
Gen.3.24 ⲁⲡⲛⲟⲩⲧⲉ ⲛⲉϫⲁⲇⲁⲙ ⲉⲃⲟⲗ ⲁϥⲧⲣⲉϥⲟⲩⲱϩ ⲙ̄ⲡⲉⲙ̄ⲧⲟ ⲉⲃⲟⲗ ⲙ̄ⲡⲡⲁⲣⲁⲇⲉⲓⲥⲟⲥ ⲛ̄ⲧⲉⲧⲣⲩⲫⲏ ⲁϥⲕⲱ ⲛ̄ⲛⲉⲭⲉⲣⲟⲩⲃⲉⲓⲛ ⲁⲩⲱ ⲧⲥⲏϥⲉ ⲛ̄ⲥⲁⲧⲉ ⲉⲥⲕⲱⲧⲉ ⲉⲁⲣⲉϩ ⲉⲧⲉϩⲓⲏ ⲙ̄ⲡϣⲏⲛ ⲙ̄ⲡⲱⲛ︤ϩ︥.
Type
Allusion
Edition
Lefort, Louis-Théophile. Œvres de S. Pachôme et de ses disciples. Corpus Scriptorum Christianorum Orientalium 159. Louvain, 1956, 10:2-3