Sahidic Bible Citation1119
Shenoute, Canon 8 previous | next
Citation Text
… ⲁⲩϣⲱⲡⲉ ⲛⲁⲓ̈ ⲉⲩⲙⲟϫⲧ̄ ⲧⲏⲣⲟⲩ ⲛ̄ⲑⲉ ⲙⲡϩⲟⲙⲧ̄· ⲙⲛ̄ ⲡⲡⲉⲛⲓⲡⲉ ⲙⲛ̄ ⲡⲃⲁⲥ︦ⲛ︦ϭ· ⲙⲛ ⲡⲧⲁϩⲧ̄· ⲉⲧⲃⲉ ⲡⲁⲓ̈ ⲁϫⲓⲥ ϫⲉ ⲛⲁⲓ̈ ⲛⲉⲧⲉⲣⲉ ⲡϫⲟⲉⲓⲥ ϫⲱ ⲙ̄ⲙⲟⲟⲩ ϫⲉ ⲉⲃⲟⲗ ϫⲉ ⲁⲧⲉⲧⲛ̄ϣⲱⲡⲉ ⲉⲩⲙⲟⲩϫϭ̄ ⲛ̄ⲟⲩⲱⲧ· ⲉⲧⲃⲉ ⲡⲁⲓ̈ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁϫⲓⲧⲏⲩⲧⲛ̄ ⲛⲧⲱⲧⲛ̄ ⲉϩⲟⲩⲛ ⲉⲧⲙⲏⲧⲉ ⲛ̄ⲛⲉⲓ̈ⲥⲩⲛⲁⲅⲱⲅⲏ· ⲁⲩⲱ ⲕⲁⲧⲁ ⲑⲉ ⲉϣⲁⲩⲛⲟⲩϫⲉ ⲙ̄ⲡϩⲟⲙⲧ̄· ⲙⲛ̄ ⲡⲡⲉⲛⲓⲡⲉ· ⲙⲛ̄ ⲡⲃⲁⲥ︦ⲛ︦ϭ· ⲙⲛ̄ ⲡⲧⲁϩⲧ̄ ⲉⲧⲙⲏⲧⲉ ⲛ̄ⲧⲉϩⲣⲱ ⲛ̄ⲥⲉⲛⲓϥⲉ ⲉⲧⲥⲁⲧⲉ ⲉⲟⲩⲟⲧϩⲟⲩ· ⲧⲁⲓ̈ ⲧⲉ ⲑⲉ ⲉϯⲛⲁϫⲓ ⲧⲏⲩⲧⲛ̄ ϩⲛ̄ ⲧⲁⲟⲣⲅⲏ· ⲁⲩⲱ ⲟⲛ ⲧⲁⲥⲉⲩϩ ⲧⲏⲩⲧⲛ̄· ⲧⲁⲟⲩⲱⲧϩ̄ ⲙ̄ⲙⲱⲧⲛ̄· ⲧⲁⲛⲓϥⲉ ⲉϩⲟⲩⲛ ⲉⲣⲱⲧⲛ̄ ϩⲙ̄ ⲡⲕⲱϩⲧ̄ ⲛ̄ⲧⲁⲟⲣⲅⲏ· ⲁⲩⲱ ⲛ̄ⲧⲉⲧⲛ̄ⲟⲩⲱⲧϩ̄ ⲛ̄ⲧⲱⲧⲛ̄ ⲉⲃⲟⲗ ϩⲛ̄ ⲧⲉⲩⲙⲏⲧⲉ· ⲙ̄ⲡⲉⲥⲙⲟⲧ ⲉϣⲁⲣⲉⲡϩⲁⲧ ⲟⲩⲱⲧϩ̄ ⲉⲃⲟⲗ ϩⲛ̄ ⲧⲙⲏⲧⲉ ⲛ̄ⲧⲉϩⲣⲱ· ⲧⲁⲓ̈ ⲧⲉ ⲑⲉ ⲉⲧⲉⲧⲛⲁⲟⲩⲱⲧϩ̄ ⲉⲃⲟⲗ ϩⲛ̄ ⲧⲙⲏⲧⲉ ⲛ̄ⲛⲉⲓ̈ⲧⲟⲡⲟⲥ· ⲛⲧⲉⲧⲛ̄ⲉⲓⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ· ⲁⲓ̈ⲡⲱϩⲧ̄ ⲙ̄ⲡⲁϭⲱⲛⲧ̄ ⲉϫⲛ̄ ⲧⲏⲩⲧⲛ̄· …
Biblical Reference
Ezek.22.18-Ezek.22.22
Ezek.22.19 ⲉⲧⲃⲉ ⲡⲁⲓ ⲁϫⲓⲥ ϫⲉ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲥ ϫⲉ ⲉⲃⲟⲗ ϫⲉ ⲁⲧⲉⲧⲛϣⲱⲡⲉ ⲧⲏⲣⲧⲛ ⲉⲩⲙⲟⲩϫϭ ⲛⲟⲩⲱⲧ ⲉⲧⲃⲉ ⲡⲁⲓ ⲁⲛⲟⲕ ϯⲛⲁϫⲓⲧⲏⲩⲧⲛ ⲉϩⲟⲩⲛ ⲉⲧⲙⲏⲧⲉ ⲛⲑⲓⲏⲙ.
Ezek.22.20 ⲁⲩⲱ ⲕⲁⲧⲁ ⲑⲉ ⲉϣⲁⲩⲛⲟⲩϫⲉ ⲙⲡϩⲁⲧ ⲙⲛ ⲡϩⲟⲙⲛⲧ ⲙⲛ ⲡⲡⲉⲛⲓⲡⲉ ⲙⲛ ⲡⲃⲁⲥⲛϭ ⲙⲛ ⲡⲧⲁϩⲧ ⲉⲧⲙⲏⲧⲉ ⲛⲧⲉϩⲣⲱ ⲛⲥⲉⲛⲓϥⲉ ⲉⲧⲥⲁⲧⲉ ⲉⲟⲩⲟⲧϩⲟⲩ ⲧⲁⲓ ⲧⲉ ⲑⲉ ⲉϯⲛⲁϫⲓⲧⲏⲩⲧⲛ ϩⲛ ⲧⲁⲟⲣⲅⲏ ⲁⲩⲱ ⲛⲧⲁⲥⲉⲩϩⲧⲏⲩⲧⲛ ⲛⲧⲁⲟⲩⲱⲧϩ ⲙⲙⲱⲧⲛ.
Ezek.22.21 ⲛⲧⲁⲛⲓϥⲉ ⲉϩⲟⲩⲛ ⲉⲣⲱⲧⲛ ϩⲙ ⲡⲕⲱϩⲧ ⲛⲧⲁⲟⲣⲅⲏ ⲁⲩⲱ ⲛⲧⲉⲧⲛⲟⲩⲱⲧϩ ⲉⲃⲟⲗ ϩⲛ ⲧⲉⲥⲙⲏⲧⲉ.
Ezek.22.22 ⲙⲡⲉⲥⲙⲟⲧ ⲉϣⲁⲣⲉⲡϩⲁⲧ ⲟⲩⲱⲧϩ ⲉⲃⲟⲗ ϩⲛ ⲧⲙⲏⲧⲉ ⲛⲧⲉϩⲣⲱ ⲧⲁⲓ ⲧⲉ ⲑⲉ ⲉⲧⲉⲧⲛⲛⲁⲟⲩⲱⲧϩ ⲉⲃⲟⲗ ϩⲛ ⲧⲉⲥⲙⲏⲧⲉ ⲛⲧⲉⲧⲛⲉⲓⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ ⲁⲓⲡⲱϩⲧ ⲙⲡⲁϭⲱⲛⲧ ⲉϫⲛ ⲧⲏⲩⲧⲛ.
Edition
Boud’hors, Anne. Le Canon 8 de Chénouté. Introduction, Édition Critique. Vol. 1. 2 vols. Le Caire, 2013, 196:41-197:38