Sahidic Bible Citation767
Anon, Berlin “Coptic Book” (P 20915) previous | next
Citation Text
… [ⲁϥⲣ̄ⲕⲁⲕⲉ ⲛ̄ϭⲓ ⲡⲣ]ⲏ̣ ⲛⲙ̣̄ [ⲡⲟⲟϩ ⲉⲃⲟⲗ ϩⲙ̄ ⲡⲕⲁ]ⲡⲛⲟⲥ̣ ⲛ̣̄ⲧϣⲱ[ⲧⲉ· ⲁⲩⲱ ⲟⲛ ⲉⲃⲟⲗ ϩⲙ̄ ⲡ]ⲕⲁⲡⲛⲟⲥ ⲁϩ[ⲉⲛϣϫⲉ ⲉⲓ ⲉⲃⲟⲗ· ⲁⲩϯ] ⲇ̣ⲉ ⲛⲁⲩ̣ ⟦ⲛ̣ⲁ̣ⲩ̣⟧ ⲉ̣[ⲝⲟⲩⲥⲓⲁ ⲛ̄ⲑⲉ ⲉⲧⲉⲩⲛ]ⲧⲁⲩ ⲙ̄ⲙⲁⲩ [ⲛ̄ⲧⲉⲝⲟⲩⲥⲓⲁ ⲛ̄ϭⲓ ⲛ̄ⲟⲩⲟⲟϩⲉ ⲙ̄ⲡⲕⲁϩ· ⲁⲩϫⲟⲟⲥ ⲛⲁⲩ ϫⲉⲕⲁⲥ ⲛ̄ⲛⲉⲩⲧⲁⲕⲉ ⲡⲉⲭⲟⲣⲧ]ⲟ̣ⲥ̣ ⲙ̣̄ⲡ̣[ⲕⲁϩ ⲁⲩⲱ ⲡⲟⲩⲟⲧⲟ]ⲩ̣ⲉⲧ· ⲁ̣[ⲩⲱ ϣⲏⲛ ⲛⲓⲙ ⲉⲓⲙⲏⲧⲓ ⲛ̄]ⲣ̣ⲱⲙⲉ̣ [ⲟⲩⲁⲁⲩ ⲉⲧⲉ ⲙⲛⲧⲁⲩ ⲙ̄ⲙⲁ]ⲩ̣ ⲛ̣̄ⲧⲉⲥⲫ̣[ⲣⲁⲅⲓⲥ ⲙ̄ⲡⲛⲟⲩⲧⲉ ⲉϫ]ⲛ̣̄ ⲧⲉⲩⲧⲉϩⲛ̣[ⲉ· ⲁⲩⲱ ⲙ̄ⲡⲟⲩⲧⲁⲁⲥ ⲛⲁⲩ ⲉ]ⲧ̣ⲣⲉⲩϩⲟⲧⲃⲟⲩ ⲁⲗ[ⲗⲁ ⲛ̄ⲥⲉⲃⲁⲥⲁ]ⲛ̣ⲓⲍⲉ ⲙ̄ⲙⲟⲟⲩ ⲙ̄ⲙ[ⲁⲧⲉ· ⲛ̄ϯⲟⲩ ⲛ̄ⲉⲃ]ⲟ̣ⲧ ⲁⲩⲱ ⲛ̄ⲧⲉ ⲧⲉⲩⲃ̣ⲁ̣ⲥⲁ[ⲛⲟⲥ ϣⲱⲡⲉ] ⲛ̄ⲑⲉ ⲛ̄ⲧⲃⲁⲥⲁⲛⲟⲥ̣ ⲛ̄ⲟⲩ̣[ⲟⲟϩⲉ ⲉⲥ]ϣ̣ⲁⲛϫⲉⲕⲉ ⲡⲣⲱⲙ[ⲉ ϩⲣⲁⲓ̈ ⲇⲉ ϩ]ⲛ̄ ⲛⲉϩⲟ̣ⲟⲩ ⲉⲧⲙ̄ⲙⲁ̣[ⲩ ⲥⲉⲛⲁϣⲓⲛⲉ ⲛ̄]ⲥⲁ ⲡⲙ̣ⲟ̣ⲩ ⲛ̄ⲥⲉⲧⲙ̄[ϩⲉ ⲉⲣⲟϥ ⲛ̄ϭⲓ ⲛ̄ⲣⲱⲙⲉ ⲛ̄]ⲥ̣ⲉ̣[ⲉⲡⲓ]ⲑ̣ⲩⲙⲓ ⲉ̣ⲙ̣[ⲟⲩ ⲁⲩⲱ ⲛ̄ⲧⲉ ⲡⲙⲟⲩ ⲡ]ⲱⲧ [ⲛϥ̄ⲕⲁⲁⲩ· ⲉⲣⲉ ⲡⲉⲓⲛⲉ ⲇⲉ ⲛ̄ⲛⲉϣϫ]ⲏⲩ ⲛ̣̄[ⲑⲉ ⲙ̄ⲡⲉⲓⲛⲉ ⲛ̄ϩⲉⲛϩⲧⲱⲱⲣ ⲉⲏⲥⲃ̄ⲧⲱⲧ ⲉⲡⲡⲟⲗⲉⲙⲟⲥ·] …
Biblical Reference
Rev.9.2-Rev.9.7
Rev.9.3 ⲁⲩⲱ ⲁϩⲉⲛϣϫⲉ ⲉⲓ ⲉϩⲣⲁⲓ̈ ⲉϫ︤ⲙ︥ ⲡⲕⲁϩ ⲁⲩϯ ⲛⲁⲩ ⲛ̄ⲟⲩⲉⲝⲟⲩⲥⲓⲁ ⲛ̄ⲑⲉ ⲉⲧⲉⲟⲩⲛ̄ⲧⲁⲩⲉⲝⲟⲩⲥⲓⲁ ⲙ̄ⲙⲁⲩ ⲛ̄ϭⲓ ⲛⲟⲩⲱϩⲉ ⲙ̄ⲡⲕⲁϩ.
Rev.9.4 ⲁⲩϫⲟⲟⲥ ⲛⲁⲩ ϫⲉⲕⲁⲥ ⲛ̄ⲛⲉⲩⲧⲁⲕⲉⲡⲉⲭⲟⲣⲧⲟⲥ ⲙ̄ⲡⲕⲁϩ ⲁⲩⲱ ϣⲏⲛ ⲛⲓⲙ ⲉⲓⲙⲏⲧⲉⲓ ⲛ̄ⲣⲱⲙⲉ ⲉⲧⲉⲙ︤ⲛ︥ⲧⲁⲩ ⲙ̄ⲙⲁⲩ ⲛ̄ⲧⲉⲥⲫⲣⲁⲅⲓⲥ ⲙ̄ⲡⲛⲟⲩⲧⲉ ⲉϫ︤ⲛ︥ ⲧⲉⲩⲧⲉϩⲛⲉ.
Rev.9.5 ⲁⲩⲱ ⲙ̄ⲡⲟⲩⲧⲁⲁⲥ ⲛⲁⲩ ⲉⲧⲣⲉⲩⲙⲟⲟⲩⲧⲟⲩ ⲁⲗⲗⲁ ϫⲉ ⲉⲩⲉⲃⲁⲥⲁⲛⲓⲍⲉ ⲙ̄ⲙⲟⲟⲩ ⲛ̄ϯⲟⲩ ⲛ̄ⲉⲃⲟⲧ ⲁⲩⲱ ⲡⲉⲩⲧⲕⲁⲥ ⲉϥⲟ ⲛ̄ⲑⲉ ⲙ̄ⲡⲉⲧⲕⲁⲥ ⲛ̄ⲛⲟⲩⲱϩⲉ ⲉⲩϣⲁⲛϫⲉⲕⲟⲩⲣⲱⲙⲉ.
Rev.9.6 ϩⲣⲁⲓ̈ ⲇⲉ ϩ︤ⲛ︥ ⲛⲉϩⲟⲟⲩ ⲉⲧⲙ̄ⲙⲁⲩ ⲛ̄ⲣⲱⲙⲉ ⲛⲁϣⲓⲛⲉ ⲛ̄ⲥⲁ ⲡⲙⲟⲩ ⲛ̄ⲥⲉⲧ︤ⲙ︥ϩⲉ ⲉⲣⲟϥ ⲛ̄ⲥⲉⲉⲡⲓⲑⲩⲙⲉⲓ ⲉⲡⲙⲟⲩ ⲁⲩⲱ ⲛ̄ⲧⲉⲡⲙⲟⲩ ⲡⲱⲧ ⲛⲉϥⲕⲁⲁⲩ.
Rev.9.7 ⲡⲉⲓⲛⲉ ⲇⲉ ⲛ̄ⲛⲉϣϫⲏⲩ ⲉϥⲟ ⲙ̄ⲡⲉⲓⲛⲉ ⲛ̄ϩⲉⲛϩⲧⲱⲱⲣ ⲉⲩⲥ︤ⲃ︥ⲧⲱⲧ ⲉⲡⲡⲟⲗⲉⲙⲟⲥ ⲉϣϫⲉ ⲉⲣⲉϩⲉⲛⲕⲗⲟⲙ ⲛ̄ⲛⲟⲩⲃ ϩⲓϫ︤ⲛ︥ ⲛⲉⲩⲁⲡⲏⲩⲉ ⲉⲣⲉⲡⲉⲩϩⲟ ⲟ ⲛ̄ⲑⲉ ⲛ̄ϩⲉⲛϩⲟ ⲛ̄ⲣⲱⲙⲉ.
Edition
Schenke Robinson, Gesine. Das Berliner “Koptische Buch” (P20915). Corpus Scriptorum Christianorum Orientalium 611. Louvain, 2004, 27:28-29:18