Sahidic Bible Citation950
Shenoute, Canon 8 previous | next
Citation Text
… ⲛ̄ⲑⲉ ⲁⲛ ⲉϣⲁⲥϣⲱⲡⲉ ϩⲣⲁⲓ̈ ⲛ̄ϩⲏⲧⲉ ⲛ̄ϩⲁϩ ⲛ̄ⲥⲟⲡ ⲧⲥⲩⲛⲁⲅⲱⲅⲏ ϩⲛ̄ϩⲉⲛϣⲧⲟⲣⲧⲣ̄ ⲙⲛ̄ϩⲉⲛϩⲟⲉⲓⲧⲉ ⲉⲡⲁϩⲟⲩ ⲙⲛ̄ϩⲉⲛϩⲃⲏⲩⲉ ⲉⲩⲛⲁϣⲧ̄ ⲧⲉⲧⲛⲁϣⲱⲡⲉ ⲡⲛ ⲙ̄ⲡⲉⲓⲥⲟⲡ ⲏ ⲛ̄ⲛⲉⲛⲕⲉϩⲟⲟⲩ ⲉⲧⲉⲣⲉⲡⲉⲧϣⲁϫⲉ ⲛⲙ̄ⲙⲉ ⲛⲁⲁⲁⲩ ⲉϥⲟⲛϩ̄ ⲁⲗⲗⲁ ⲛⲉⲧⲟⲩⲟⲛϩ̄ ⲉⲣⲟϥ ϫⲉ ⲁⲩⲣ̄ϩⲉⲛϩⲃⲏⲩⲉ ⲛ̄ⲗⲟⲓⲙⲟⲥ ϩⲣⲁⲓ̈ ⲛ̄ϩⲏⲧⲉ ϥⲛⲁⲁⲁⲩ ⲉⲛϣⲙⲙⲟ ⲉⲣⲟ ϩⲛ̄ⲟⲩϣⲧⲟⲣⲧⲣ̄ ⲁⲛ ⲉϥⲱϣ ⲉⲃⲟⲗ ⲁⲛ. ⲁⲩⲱ ⲉϣϫⲉⲉⲟⲩⲛ-ϩⲉⲛⲕⲟⲟⲩⲉ ϩⲣⲁⲓ̈ ⲛ̄ϩⲏⲧⲉ ⲉⲩⲉⲓⲣⲉ ⲛ̄ϩⲉⲛϩⲃⲏⲩⲉ ⲛ̄ⲃⲟⲧⲉ ϩⲛ̄ⲟⲩⲕⲣⲟϥ ⲉⲩⲟⲩⲟⲛϩ ⲉⲣⲟⲛ ⲁⲛ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ ⲉⲓⲧⲉ ⲛⲟϭ ⲉⲓⲧⲉ ⲕⲟⲩⲓ ⲥⲉⲧⲟ ⲉⲧⲟⲟⲧϥ̄ ⲛ̄ⲧⲟⲣⲅⲏ ⲙ̄ⲡⲛⲟⲩⲧⲉ ⲉⲧⲣⲉϥϫⲓⲕⲃⲁ ⲙ̄ⲙⲟⲟⲩ ϩⲙ̄ⲡⲉϥϭⲱⲛⲧ ⲡⲉⲧⲉⲣⲉ ⲟ ⲅⲁⲣ ⲛ̄ⲁⲧⲥⲟⲟⲩⲛ ⲉⲣⲟϥ ϫⲉϥⲉⲓⲣⲉ ⲛ̄ϩⲉⲛϩⲃⲏⲩⲉ ⲛ̄ⲗⲟⲓⲙⲟⲥ ϩⲣⲁⲓ̈ⲛ̄ϩⲏⲧⲉ ⲛ̄ⲥⲁϩⲟⲩ ⲛ̄ⲧⲟⲟⲩ ⲉⲧⲥⲏϩ ϩⲛ̄ⲛⲉⲅⲣⲁⲫⲏ ⲙⲛ̄ⲛ̄ⲥⲁϩⲟⲩ ⲉⲧϩⲛ̄ⲛ̄ϫⲱⲱⲙⲉ ⲉⲧⲥⲏϩ ⲛⲁⲛ ⲥⲟⲟⲩⲛ ⲙ̄ⲙⲟⲟⲩ ⲉⲁⲁⲩ ⲙⲛ̄ⲛⲉⲩϩⲓⲥⲉ ⲧⲏⲣⲟⲩ. ⲛ̄ⲑⲉ ⲛ̄ⲛ̄ⲁⲛⲍⲱⲛⲏ ⲙⲛ̄ⲙ̄ⲫⲁⲥⲕⲓⲁ ⲛ̄ⲧⲁⲡⲁⲓ ⲕⲁⲁⲩ ⲉϩⲣⲁⲓ̈ ⲉⲩⲙⲏⲣ ⲙ̄ⲙⲟϥ …
Biblical Reference
Jer.13.1-Jer.13.11
Jer.13.2 […]
Jer.13.3 […]
Jer.13.4 […]
Jer.13.5 […]
Jer.13.6 ⲛ︤ⲅ︥ϥⲓ ⲙ̄ⲡⲓⲡⲉⲣⲓⲍⲱⲙⲁ ⲡⲁⲓ̈ ⲛ̄ⲧⲁⲓ̈ϩⲱⲛ ⲉⲧⲟⲟⲧ︤ⲕ︥ ⲉⲧⲃⲏⲏⲧϥ ⲉⲧⲣⲉⲕϩⲟⲡ︤ϥ︥ ϩ︤ⲙ︥ ⲡⲙⲁ ⲉⲧⲙ̄ⲙⲁⲩ.
Jer.13.7 ⲁⲩⲱ ⲁⲓ̈ⲃⲱⲕ ⲉϫ︤ⲙ︥ ⲡⲉⲩⲫⲣⲁⲧⲏⲥ ⲡⲓⲉⲣⲟ ⲁⲓ̈ϣⲓⲕⲉ ⲁⲩⲱ ⲁⲓ̈ϥⲓ ⲙ̄ⲡⲓⲡⲉⲣⲓⲍⲱⲙⲁ ⲉⲃⲟⲗ ϩ︤ⲙ︥ ⲡⲙⲁ ⲛ̄ⲧⲁⲓ̈ⲧⲟⲙⲥ︤ϥ︥ ⲙ̄ⲙⲁⲩ ⲁⲩⲱ ⲉⲓⲥ ϩⲏⲏⲧⲉ ⲛⲉⲁϥⲧⲁⲕⲟ ⲡⲉⲧⲉⲛ̄ϥⲛⲁⲣ̄ϣⲁⲩ ⲁⲛ ⲉⲗⲁⲁⲩ.
Jer.13.8 ⲡϣⲁϫⲉ ⲙ̄ⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ̈ ⲉϥϫⲱ ⲙ̄ⲙⲟⲥ ϫⲉ ⲛⲁⲓ̈ ⲛⲉⲧⲉⲣⲉⲡϫⲟⲉⲓⲥ ϫⲱ ⲙ̄ⲙⲟⲟⲩ ϫⲉ.
Jer.13.9 ⲛ̄ⲧⲉⲓϩⲉ ϯⲛⲁⲧⲁⲕⲉⲡⲥⲱϣ ⲛ̄ⲓ̈ⲟⲩⲇⲁ ⲙ︤ⲛ︥ ⲡⲓⲥⲱϣ ⲉⲧⲛⲁϣⲱϥ ⲛ̄ⲧⲉ ⲑⲓⲉⲣⲟⲩⲥⲁⲗⲏⲙ.
Jer.13.10 ⲛⲉⲧⲉⲙ̄ⲡⲟⲩⲟⲩⲱϣ ⲉⲥⲱⲧ︤ⲙ︥ ⲛ̄ⲥⲁ ⲛⲁϣⲁϫⲉ ⲁⲗⲗⲁ ⲁⲩⲃⲱⲕ ⲁⲩⲟⲩⲁϩⲟⲩ ⲛ̄ⲥⲁ ϩⲉⲛⲛⲟⲩⲧⲉ ⲛ̄ϣ︤ⲙ︥ⲙⲟ ⲉⲧⲣⲉⲩⲣ̄ϩ︤ⲙ︥ϩⲁⲗ ⲛⲁⲩ ⲁⲩⲱ ⲛ̄ⲥⲉⲟⲩⲱϣ︤ⲧ︥ ⲛⲁⲩ ⲉⲩϣⲱⲡⲉ ⲛ̄ⲑⲉ ⲙ̄ⲡⲉⲓ̈ⲡⲉⲣⲓⲍⲱⲙⲁ ⲡⲁⲓ̈ ⲉⲧⲉⲛ̄ϥⲛⲁⲣ̄ϣⲁⲩ ⲁⲛ ϭⲉ ⲗⲁⲁⲩ.
Jer.13.11 ⲛ̄ⲑⲉ ⲅⲁⲣ ⲙ̄ⲡⲓⲡⲉⲣⲓⲍⲱⲙⲁ ⲉϣⲁϥⲧⲱϭⲉ ⲉⲧϯⲡⲉ ⲙ̄ⲡⲣⲱⲙⲉ ⲛ̄ⲧⲓϩⲉ ⲁⲓ̈ⲧⲱϭⲉ ⲉⲣⲟⲓ̈ ⲙ̄ⲡⲏⲓ̈ ⲙ̄ⲡⲓⲥⲣⲁⲏⲗ ⲙ︤ⲛ︥ ⲡⲏⲓ̈ ⲧⲏⲣ︤ϥ︥ ⲛ̄ⲓ̈ⲟⲩⲇⲁ ⲉⲧⲣⲉⲩϣⲱⲡⲉ ⲛⲁⲓ̈ ⲛ̄ⲟⲩⲗⲁⲟⲥ ⲉϥⲟ ⲛ̄ⲥⲟⲉⲓⲧ ⲁⲩⲱ ⲟⲩϣⲟⲩϣⲟⲩ ⲙ︤ⲛ︥ ⲟⲩⲉⲟⲟⲩ.
Type
Allusion
Edition
Boud’hors, Anne. Le Canon 8 de Chénouté. Introduction, Édition Critique. Vol. 1. 2 vols. Le Caire, 2013, 79:FL 18-FL 19