Sahidic Bible Citation958
Shenoute, Canon 8 previous | next
Citation Text
… ⲡⲉⲓⲕⲉϣⲁϫⲉ ⲇⲉ ⲟⲛ ϫⲉ ϣⲓ ⲏ ϫⲉϫⲓϣⲓ ⲟⲩⲙⲟⲛⲟⲛ ϫⲉϥⲥⲏϩ ϩⲛ̄ⲧⲁⲣⲭⲏ ⲙ̄ⲡϣⲟⲣⲡ ⲛ̄ⲭⲁⲣⲧⲏⲥ ⲉⲧⲕⲏ ⲉϩⲣⲁⲓ̈ ϫⲓⲛⲛ̄ϣⲟⲣⲡ ⲉⲩϯϣⲓ ⲏ ⲉⲩϫⲓϣⲓ ⲙ̄ⲡⲉⲧϣⲟⲟⲡ ⲏ ⲙ̄ⲡⲉⲛⲧⲁϥϣⲱⲡⲉ ϩⲣⲁⲓ̈ ⲛ̄ϩⲏⲧⲉ ⲏ ⲙ̄ⲙⲟ ⲧⲥⲩⲛⲁⲅⲱⲅⲏ ⲁⲗⲗⲁ ⲉϥⲙ̄ⲙⲁⲩ ⲟⲛ ϫⲉ ⲁⲩϫⲓⲏⲡⲉ ⲙ̄ⲡⲉⲧⲉⲙ̄ⲡⲉⲥⲟⲩⲱⲛϥ ϫⲉⲟⲩ ⲡⲉ ⲁⲩⲱ ϫⲉⲁⲩϫⲓ ⲛ̄ⲧⲏⲡⲉ ⲙ̄ⲡⲉⲛⲧⲁϥⲧⲛ̄ⲛⲟⲟⲩⲥⲉ ⲛ̄ϭⲓ ⲛⲉⲛⲧⲁⲩⲉⲓ ⲉⲉⲓⲙⲉ ⲏ ⲉⲛⲁⲩ ⲉⲛⲉⲛⲧⲁⲩϣⲱⲡⲉ ⲙ̄ⲙⲟ ϩⲣⲁⲓ̈ ϩⲛ̄ⲙ̄ⲙⲁ ⲉⲧϣⲟⲕϩ ⲁⲩⲱ ⲉⲧϩⲏⲡ ⲉⲧⲙⲉϩ ⲛ̄ⲕⲁⲕⲉ ⲏ ⲉⲧⲟ ⲛ̄ⲕⲁⲕⲉ ϩⲣⲁⲓ̈ ⲛ̄ϩⲏⲧⲉ …
Biblical Reference
Ezek.40.1-Ezek.42.20
Ezek.40.1 ⲁⲩⲱ ⲁⲥϣⲱⲡⲉ ϩⲛ ⲧⲙⲉϩϫⲟⲩⲧⲏ ⲛⲣⲟⲙⲡⲉ ⲙⲡⲉⲛⲡⲱⲱⲛⲉ ⲉⲃⲟⲗ ⲉⲃⲟⲗ ϩⲛ ⲧⲁⲣⲭⲏ ⲛⲧⲉⲣⲟⲙⲡⲉ ⲛⲥⲟⲩⲙⲏⲧ ⲙⲡⲉⲃⲟⲧ ⲛⲧⲙⲉϩⲙⲛⲧⲁϥⲧⲉ ⲛⲣⲟⲙⲡⲉ ⲙⲛⲛⲥⲁⲧⲣⲉⲧⲡⲟⲗⲓⲥ ϣⲱⲱϭⲉ ϩⲣⲁⲓ ϩⲙ ⲡⲉⲓϩⲟⲟⲩ ⲧϭⲓϫ ⲙⲡϫⲟⲉⲓⲥ ⲁⲥϣⲱⲡⲉ ϩⲓϫⲱⲓ ⲁⲩⲱ ⲁⲥⲛⲧ.
Ezek.40.2 ⲉⲡⲙⲁ ⲉⲧⲙⲙⲁⲩ ϩⲛ ϩⲉⲛϩⲟⲣⲁⲥⲓⲥ ⲛⲧⲉ ⲡⲛⲟⲩⲧⲉ ⲁⲥⲛⲧ ⲉϩⲣⲁⲓ ⲉⲡⲕⲁϩ ⲙⲡⲓⲏⲗ ⲁⲥⲙⲟⲧⲛⲉⲧ ϩⲓϫⲛ ⲟⲩⲧⲟⲟⲩ ⲉϥϫⲟⲥⲉ ⲉⲙⲁⲧⲉ ⲁⲩⲱ ⲛⲉⲣⲉⲟⲩⲧⲱϣ ⲛⲕⲱⲧ ⲙⲡⲟⲗⲓⲥ ⲙⲡⲉϥϩⲟⲧ ⲉⲃⲟⲗ ⲙⲡⲥⲁ ⲙⲡⲣⲏⲥ.
Ezek.40.3 ⲁⲩⲱ ⲁϥϫⲓⲧ ⲉϩⲟⲩⲛ ⲉⲡⲙⲁ ⲉⲧⲙⲙⲁⲩ ⲁⲩⲱ ⲉⲓⲥ ⲟⲩⲣⲱⲙⲉ ⲡⲉϥⲉⲓⲛⲉ ⲇⲉ ⲛⲉϥⲟ ⲛⲑⲉ ⲙⲡⲉⲓⲛⲉ ⲛⲟⲩϩⲟⲙⲛⲧ ⲃⲁⲣⲱⲧ ⲉⲣⲉⲟⲩⲛⲟⲩϩ ⲛⲗⲁⲥ ⲛⲧⲟⲟⲧϥ ⲉϥϣⲏϣ ⲉⲣⲉⲟⲩⲕⲁϣ ⲛϣⲓ ϩⲛ ⲧⲉϥϭⲓϫ ⲁⲩⲱ ⲛⲉϥⲁϩⲉⲣⲁⲧϥ ϩⲓⲣⲛ ⲧⲡⲩⲗⲏ.
Ezek.40.4 ⲁϥϣⲁϫⲉ ⲛⲙⲙⲁⲓ ⲛϭⲓ ⲡⲣⲱⲙⲉ ⲉϥϫⲱ ⲙⲙⲟⲥ ϫⲉ ⲡϣⲏⲣⲉ ⲙⲡⲣⲱⲙⲉ ⲁⲛⲁⲩ ϩⲛ ⲛⲉⲕⲃⲁⲗ ⲁⲩⲱ ⲛⲕⲥⲱⲧⲙ ϩⲛ ⲛⲉⲕⲙⲁⲁϫⲉ ⲛⲕϯ ⲙⲡⲉⲕϩⲏⲧ ⲉⲛⲉϯⲛⲁⲧⲥⲁⲃⲟⲕ ⲉⲣⲟⲟⲩ ⲧⲏⲣⲟⲩ ϫⲉ ⲛⲧⲁⲩⲛⲧⲕ ⲉⲡⲉⲓⲙⲁ ⲉⲧⲣⲉⲕⲛⲁⲩ ⲁⲩⲱ ⲛⲉⲧⲕⲛⲁⲛⲁⲩ ⲉⲣⲟⲟⲩ ⲧⲏⲣⲟⲩ ⲛⲕⲧⲁⲩⲟⲟⲩ ⲉⲡⲏⲓ ⲙⲡⲓⲏⲗ.
Ezek.40.5 ⲁⲩⲱ ⲉⲓⲥ ⲟⲩⲥⲟⲃⲧ ⲛⲉϥⲙⲡⲃⲟⲗ ⲙⲡⲏⲓ ⲉϥⲕⲱⲧⲉ ⲉⲣⲟϥ ⲁⲩⲱ ⲛⲉϥϩⲛ ⲧϭⲓϫ ⲙⲡⲣⲱⲙⲉ ⲛϭⲓ ⲟⲩⲕⲁϣ ⲛϣⲓ ⲉϥⲛⲁⲣⲥⲟⲟⲩ ⲙⲙⲁϩⲉ ϩⲛ ⲟⲩⲙⲁϩⲉ ⲙⲛ ⲟⲩϣⲟⲡ ⲁⲩⲱ ⲁϥϣⲓ ⲡⲟⲩⲱϣⲥ ⲙⲡⲕⲱⲧ ⲛⲟⲩⲕⲁϣ ⲛⲟⲩⲱⲧ ⲁⲩⲱ ⲡⲉϥϫⲓⲥⲉ ⲛⲉϥϣⲏϣ ⲙⲛ ⲡⲕⲁϣ ⲉⲡⲥⲁ ⲡⲥⲁ.
Ezek.40.6 ⲁⲩⲱ ⲁϥⲛⲧ ⲉϩⲣⲁⲓ ⲉⲧⲡⲩⲗⲏ ⲉⲧϭⲱϣⲧ ⲉⲡⲥⲁ ⲙⲡⲉⲓⲏⲃⲧ ⲁⲩⲱ ⲁϥⲙⲟⲟϣⲉ ϩⲣⲁⲓ ϩⲛ ⲛⲉⲥⲧⲱⲣⲧⲣ ⲁϥϣⲓ ⲙⲡϩⲁⲛⲣⲟ ⲛⲧⲡⲩⲗⲏ ⲡⲉϥⲟⲩⲱϣⲥ ⲉϥⲛⲁⲣⲟⲩⲕⲁϣ ⲛⲟⲩⲱⲧ.
Ezek.40.7 ⲁⲩⲱ ⲡϫⲓⲥⲉ ⲙⲡϩⲁⲛⲣⲟ ⲉϥⲛⲁⲣⲟⲩⲕⲁϣ ⲛⲟⲩⲱⲧ ⲁⲩⲱ ⲡⲙⲁ ⲉⲧⲛⲉⲥⲱϥ ⲉϥⲛⲁⲣⲟⲩⲕⲁϣ ⲛⲟⲩⲱⲧ ⲛⲟⲩⲁϣⲥⲉ ⲁⲩⲱ ⲧⲙⲏⲧⲉ ⲙⲡⲁ ⲉⲧⲛⲉⲥⲱϥ ⲉϥⲛⲁⲣϯⲟⲩ ⲙⲙⲁϩⲉ.
Ezek.40.8 […]
Ezek.40.9 ⲁⲩⲱ ⲡϩⲁⲛⲣⲟ ⲛⲧⲡⲩⲗⲏ ⲉⲧϩⲏⲛ ⲉⲧⲡⲁⲣⲁⲥⲧⲁⲥ ⲡϩⲟⲩⲛ ⲛⲧⲡⲩⲗⲏ ⲉϥⲛⲁⲣⲟⲩⲕⲁϣ ⲛⲟⲩⲱⲧ ⲁⲩⲱ ⲁϥϣⲓ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲉⲥⲛⲁⲣϣⲙⲟⲩⲛ ⲙⲙⲁϩⲉ ⲁⲩⲱ ⲡⲉⲥⲟⲩⲱϣⲥ ⲉϥⲛⲁⲣⲙⲁϩⲉ ⲥⲛⲁⲩ.
Ezek.40.10 ⲁⲩⲱ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲉⲧϩⲓϩⲟⲩⲛ ⲛⲙⲙⲁ ⲉⲧⲛⲉⲥⲱⲟⲩ ⲛⲧⲡⲩⲗⲏ ⲛⲧⲉϩⲓⲏ ⲉⲧϫⲓ ⲉⲙⲙⲁ ⲛϣⲁ ϣⲟⲙⲛⲧ ⲛⲥⲁ ⲡⲁⲓ ⲁⲩⲱ ϣⲟⲙⲛⲧ ⲛⲥⲁ ⲡⲁⲓ ⲉⲩϣⲓ ⲛⲟⲩⲱⲧ ⲡⲉ ⲙⲡϣⲟⲙⲛⲧ ⲁⲩⲱ ⲉⲩϣⲓ ⲛⲟⲩⲱⲧ ⲡⲉ ⲛⲛⲉⲥⲟⲩⲱϣⲥ ⲉⲡⲥⲁ ⲡⲥⲁ.
Ezek.40.11 ⲁⲩⲱ ⲁϥϣⲓⲟⲩⲱϣⲥ ⲛⲛⲣⲟ ⲛⲧⲡⲩⲗⲏ ⲙⲙⲏⲧ ⲙⲙⲁϩⲉ.
Ezek.40.12 ⲁⲩⲱ ⲡⲕⲱⲧⲉ ⲉⲧϫⲓ ⲉⲧⲉϩⲓⲏ ⲛⲙⲙⲁ ⲉⲧⲛⲉⲥⲱⲟⲩ ⲉϥⲛⲁⲣⲟⲩⲙⲁϩⲉ ⲛⲟⲩⲱⲧ ⲛⲕⲱⲧⲉ ⲛⲥⲁ ⲡⲁⲓ ⲁⲩⲱ ⲡⲙⲁ ⲉⲧⲛⲉⲥⲱϥ ⲉϥⲛⲁⲣⲥⲟⲟⲩ ⲙⲙⲁϩⲉ ⲛⲥⲁ ⲡⲁⲓ ⲁⲩⲱ ⲕⲉⲥⲟⲟⲩ ⲙⲙⲁϩⲉ ⲛⲥⲁ ⲡⲁⲓ.
Ezek.40.13 ⲁⲩⲱ ⲁϥϣⲓⲧⲡⲩⲗⲏ ϫⲓⲛ ϫⲱϥ ⲙⲡⲙⲁ ⲉⲧⲛⲉⲥⲱϥ ⲉϫⲱⲥ ⲛⲧⲡⲩⲗⲏ ⲡⲉⲥⲟⲩⲱϣⲥ ⲉϥⲛⲁⲣϫⲟⲩⲧⲏ ⲙⲙⲁϩⲉ ⲉⲣⲉⲟⲩⲣⲟ ⲙⲡϩⲟⲧ ⲉⲃⲟⲗ ⲛⲟⲩⲣⲟ.
Ezek.40.14 ⲁⲩⲱ ⲁϥⲧⲁⲙⲓⲟ ⲛⲛⲟⲩⲱϭ ⲛⲥⲉ ⲙⲙⲁϩⲉ ⲁⲩⲱ ϩⲁϩⲧⲉ ⲛⲟⲩⲱϭ ⲛⲧⲁⲩⲗⲏ ⲙⲡⲕⲱⲧⲉ ⲛⲧⲡⲩⲗⲏ ⲙⲡⲉⲥⲕⲱⲧⲉ ⲧⲏⲣϥ.
Ezek.40.15 ⲁⲩⲱ ϩⲓ ϩⲣⲁⲥ ⲛⲧⲡⲩⲗⲏ ⲉⲧϫⲟⲟⲣ ϣⲁ ϩⲓϩⲏ ⲛⲧⲡⲁⲣⲁⲥⲧⲁⲥ ⲛⲧⲡⲩⲗⲏ ϩⲓϩⲟⲩⲛ ⲉⲩⲛⲁⲣⲧⲁⲓⲟⲩ ⲙⲙⲁϩⲉ.
Ezek.40.16 ⲁⲩⲱ ϩⲉⲛϣⲟⲩϣⲧ ⲉⲩⲧⲟⲟⲙⲉ ϩⲁϩⲧⲏⲛ ⲙⲙⲁ ⲉⲧⲛⲉⲥⲱⲟⲩ ⲁⲩⲱ ϩⲁϩⲧⲏⲛ ⲛⲟⲩⲱϭ ⲛⲉⲧⲙⲡϩⲟⲩⲛ ⲛⲧⲡⲩⲗⲏ ⲙⲡⲕⲱⲧⲉ ⲧⲏⲣϥ ⲧⲁⲓ ⲧⲉ ⲑⲉ ⲉⲧⲟⲩϣⲟⲟⲡ ⲛϭⲓ ϩⲉⲛϣⲟⲩϣⲧ ⲛⲙⲡⲁⲣⲁⲥⲧⲁⲥ ⲙⲡⲉⲩⲕⲱⲧⲉ ⲧⲏⲣϥ ⲉⲣⲉϩⲉⲛϣⲟϫⲧ ϣⲟⲟⲡ ϩⲙ ⲡⲟⲩⲱϭ.
Ezek.40.17 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲉⲓⲥ ϩⲉⲛⲕⲁⲍⲟⲫⲩⲗⲁⲕⲓⲟⲛ ⲉⲩⲡⲟⲣϣ ⲛⲱⲛⲉ ⲉⲁⲩⲧⲁⲙⲓⲟⲟⲩ ⲛⲧⲁⲩⲗⲏ ⲙⲡⲉⲥⲕⲱⲧⲉ ⲧⲏⲣϥ ⲙⲁⲁⲃ ⲛⲅⲁⲍⲟⲫⲩⲗⲁⲕⲓⲟⲛ ϩⲁⲧⲉ ⲡⲗⲓⲑⲟⲥⲧⲣⲱⲧⲟⲛ.
Ezek.40.18 ⲁⲩⲱ ⲡⲗⲓⲑⲟⲥⲧⲣⲱⲧⲟⲛ ⲡⲉⲧϩⲓ ⲧⲡⲉ ⲛⲧⲁⲩⲗⲏ ⲉϥϣⲏϣ ⲙⲛ ⲧⲉϣⲓⲏ ⲛⲙⲡⲩⲗⲏ ⲛⲛⲁϩⲣⲙ ⲡⲗⲓⲑⲟⲥⲧⲣⲱⲧⲟⲛ ⲉⲧϩⲁ ⲡⲉⲥⲏⲧ.
Ezek.40.19 ⲁⲩⲱ ⲁϥϣⲓⲡⲟⲩⲱϣⲥ ϫⲓⲛ ϩⲓϩⲏ ⲛⲧⲡⲩⲗⲏ ⲉⲧϩⲁ ⲡⲉⲥⲏⲧ ⲉϩⲏ ⲛⲧⲁⲩⲗⲏ ⲉⲧϩⲓⲟⲩⲛ ⲉⲡⲥⲁ ⲙⲡⲃⲟⲗ ⲉϥⲛⲁⲣϣⲉ ⲙⲙⲁϩⲉ ⲉⲡⲥⲁ ⲙⲡⲓⲏⲃⲧ ⲙⲛ ⲡⲉⲙϩⲓⲧ.
Ezek.40.20 ⲁⲩⲱ ⲧⲡⲩⲗⲏ ⲉⲧϭⲱϣⲧ ⲉⲧⲉϩⲓⲏ ⲙⲡⲉⲙϩⲓⲧ ⲛⲧⲁⲩⲗⲏ ⲉⲧϩⲓⲃⲟⲗ ⲁϥϣⲓⲧⲥ ⲉⲡⲉⲥϣⲓⲁⲓ ⲁⲩⲱ ⲉⲡⲉⲥⲟⲩⲱϣⲥ.
Ezek.40.21 ⲁⲩⲱ ⲛⲉⲥⲕⲉⲙⲁ ⲉⲧⲛⲉⲥⲱⲟⲩ ϣⲟⲙⲛⲧ ⲛⲥⲁ ⲡⲁⲓ ⲁⲩⲱ ⲕⲉϣⲟⲙⲛⲧ ⲛⲥⲁ ⲡⲁⲓ ⲁⲩⲱ ⲛⲉⲥⲧⲱϣ ⲙⲛ ⲛⲉⲥⲕⲉⲡⲁⲣⲁⲥⲧⲁⲥ ⲁϥⲧⲁⲙⲓⲟⲟⲩ ⲕⲁⲧⲁ ⲡⲉⲓⲛⲉ ⲛⲧⲡⲩⲗⲏ ⲛϣⲟⲣⲡ ⲧⲁⲉⲓⲟⲩ ⲙⲙⲁϩⲉ ⲉⲡⲉⲥϣⲓⲁⲓ ⲁⲩⲱ ϫⲟⲩⲧⲏ ⲙⲙⲁϩⲉ ⲉⲡⲉⲥⲟⲩⲱϣⲥ ϩⲣⲁⲓ ϩⲙ ⲡⲙⲁϩⲉ.
Ezek.40.22 ⲁⲩⲱ ⲛⲉⲥϣⲟⲩϣⲧ ⲙⲛ ⲛⲉⲥⲕⲉⲡⲁⲣⲁⲥⲧⲁⲥ ⲁⲩⲱ ⲛⲉⲥϣⲟϫⲧ ⲕⲁⲧⲁ ⲡⲉⲓⲛⲉ ⲛⲧⲡⲩⲗⲏ ⲛϣⲟⲣⲡ ⲧⲉⲧϭⲱϣⲧ ⲉⲧⲉϩⲓⲏ ⲉⲧϫⲓ ⲉⲙⲙⲁ ⲛϣⲁ ⲁⲩⲱ ϩⲛ ⲥⲁϣϥ ⲛⲧⲱⲣⲧⲣ ⲉⲩⲉⲃⲱⲕ ⲉϩⲣⲁⲓ ⲉⲣⲟⲥ ⲁⲩⲱ ⲧⲉⲥⲡⲁⲣⲁⲥⲧⲁⲥ ⲉⲥϩⲓϩⲏ ⲙⲙⲟⲟⲩ.
Ezek.40.23 ⲁⲩⲱ ⲧⲡⲩⲗⲏ ⲛⲧⲁⲩⲗⲏ ⲉⲧϩⲓϩⲟⲩⲛ ⲙⲡⲉⲙⲧⲟ ⲉⲃⲟⲗ ⲛⲧⲁⲩⲗⲏ ⲙⲡⲉⲙϩⲓⲧ ⲛⲙⲙⲁ ⲛϣⲁ ⲁⲩⲱ ⲁϥϣⲓ ϫⲓⲛ ⲡⲩⲗⲏ ⲉⲡⲩⲗⲏ ⲛϣⲉ ⲙⲙⲁϩⲉ.
Ezek.40.24 ⲁⲩⲱ ⲁϥϫⲓⲧ ⲉⲃⲟⲗ ϩⲙ ⲡⲣⲏⲥ ⲁⲩⲱ ⲉⲓⲥ ⲟⲩⲡⲩⲗⲏ ⲙⲡⲥⲁ ⲙⲡⲣⲏⲥ ⲁϥϣⲓ ⲛⲛⲉⲥⲟⲩⲱϭ ⲙⲛ ⲛⲉⲥⲡⲁⲣⲁⲥⲧⲁⲥ ⲕⲁⲧⲁ ⲛⲉⲓϣⲓ ⲛⲟⲩⲱⲧ.
Ezek.40.25 ⲉⲣⲉϩⲉⲛϣⲟⲩϣⲧ ⲙⲙⲟⲥ ⲁⲩⲱ ⲧⲉⲥⲕⲉⲡⲁⲣⲁⲥⲧⲁⲥ ⲉⲣⲉⲟⲩⲟⲛ ⲙⲙⲟⲥ ϩⲙ ⲡⲉⲥⲕⲱⲧⲉ ⲧⲏⲣϥ ⲛⲑⲉ ⲛⲛⲉⲓϣⲟⲩϣⲧ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.26 ⲁⲩⲱ ⲥⲁϣϥ ⲛⲧⲱⲣⲧⲣ ⲉⲩϣⲟⲟⲡ ⲛⲁⲥ ⲁⲩⲱ ⲧⲉⲥⲡⲁⲣⲁⲥⲧⲁⲥ ⲉⲓⲥ ϩⲓϩⲏ ⲙⲙⲟⲟⲩ ⲁⲩⲱ ⲛⲉⲥϣⲟϫⲧ ⲟⲩⲁ ⲛⲥⲁ ⲡⲁⲓ ⲁⲩⲱ ⲟⲩⲁ ⲛⲥⲁ ⲡⲁⲓ ⲙⲙⲟⲥ ϩⲓⲧⲛ ⲛⲉⲥⲟⲩⲱϭ.
Ezek.40.27 ⲁⲩⲱ ⲧⲡⲩⲗⲏ ⲛⲧⲁⲩⲗⲏ ⲉⲧϩⲓϩⲟⲩⲛ ⲉⲡⲥⲁ ⲙⲡⲣⲏⲥ ⲁⲩⲱ ⲁϥϣⲓ ϫⲓⲛ ⲡⲩⲗⲏ ⲉⲡⲩⲗⲏ ⲉⲡⲥⲁ ⲙⲡⲣⲏⲥ ⲛϣⲉ ⲙⲙⲁϩⲉ.
Ezek.40.28 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲉⲧϩⲓϩⲟⲩⲛ ϫⲓⲛ ⲧⲡⲩⲗⲏ ⲙⲡⲣⲏⲥ ⲁⲩⲱ ⲁϥϣⲓ ⲧⲡⲩⲗⲏ ⲙⲡⲣⲏⲥ ⲕⲁⲧⲁ ⲛⲉⲓϣⲓ.
Ezek.40.29 ⲁⲩⲱ ⲛⲉⲥⲙⲁ ⲉⲧⲛⲉⲥⲱⲟⲩ ⲙⲛ ⲛⲉⲥⲟⲩⲱϭ ⲁⲩⲱ ⲛⲉⲥⲡⲁⲣⲁⲥⲧⲁⲥ ⲉⲩⲛⲏⲩ ⲕⲁⲧⲁ ⲛⲉⲓϣⲓ ⲁⲩⲱ ⲛⲉⲥϣⲟⲩϣⲧ ⲙⲛ ⲛⲉⲥⲡⲁⲣⲁⲥⲧⲁⲥ ϩⲙ ⲡⲉⲥⲕⲱⲧⲉ ⲧⲏⲣϥ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.30 ⲁⲩⲱ ⲛⲉⲥⲡⲁⲣⲁⲥⲧⲁⲥ ⲉⲧϩⲙ ⲡⲉⲥⲕⲱⲧⲉ ⲉⲩⲛⲁⲣϫⲟⲩⲧⲏ ⲙⲙⲁϩⲉ ⲛϣⲓⲏ ⲁⲩⲱ ϯⲟⲩ ⲙⲙⲁϩⲉ ⲛⲟⲩⲱϣⲥ.
Ezek.40.31 ⲁⲩⲱ ⲧⲉⲥⲡⲁⲣⲁⲥⲧⲁⲥ ⲉⲧϫⲓ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲛϣⲟϫⲧ ϩⲁⲧⲛ ⲛⲉⲥⲟⲩⲱϭ ⲁⲩⲱ ϣⲙⲟⲩⲛ ⲛⲧⲱⲣⲧⲣ ⲉⲩϣⲟⲟⲡ ⲛⲁⲥ ⲉⲃⲱⲕ ⲉϩⲣⲁⲓ ⲉⲣⲟⲥ.
Ezek.40.32 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲉⲧϩⲓϩⲟⲩⲛ ⲉⲃⲟⲗ ϩⲛ ⲧⲉϩⲓⲏ ⲉⲧϫⲓ ⲉⲙⲙⲁ ⲛϣⲁ ⲁϥϣⲓⲧⲡⲩⲗⲏ ⲕⲁⲧⲁ ⲛⲉⲓϣⲓ.
Ezek.40.33 ⲙⲛ ⲛⲉⲥⲡⲁⲣⲁⲥⲧⲁⲥ ⲙⲛ ⲛⲉⲧϩⲙ ⲡⲉⲥⲕⲱⲧⲉ ⲁⲩⲱ ⲛⲉⲥⲙⲁ ⲉⲧⲛⲉⲥⲱⲟⲩ ⲙⲛ ⲛⲉⲥⲟⲩⲱϭ ⲁⲩⲱ ⲛⲉⲥⲕⲉⲙⲁ ⲉⲧϩⲓⲣⲛ ⲛⲉⲥⲡⲩⲗⲏ ⲕⲁⲧⲁ ⲛⲉⲓϣⲓ ⲁⲩⲱ ⲛⲉⲥϣⲟⲩϣⲧ ⲙⲛ ⲛⲉⲥⲡⲣⲟⲡⲩⲗⲱⲛ ⲉⲧϩⲙ ⲡⲉⲥⲕⲱⲧⲉ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.34 ⲛⲉⲥⲡⲣⲟⲡⲩⲗⲱⲛ ⲇⲉ ⲁⲩⲱ ⲧⲁⲩⲗⲏ ⲉⲧϩⲓϩⲟⲩⲛ ⲙⲛ ⲛϣⲟϫⲧ ⲉⲧϩⲙ ⲡⲉⲥⲕⲱⲧⲉ ⲛⲥⲁ ⲡⲉⲓⲥⲁ ⲁⲩⲱ ⲛⲥⲁ ⲡⲁⲓ ⲙⲙⲟⲥ ⲡⲉⲥⲙⲁ ⲛⲃⲱⲕ ⲉϩⲣⲁⲓ ⲉⲩⲛⲁⲣϣⲙⲟⲩⲛ ⲛⲧⲱⲣⲧⲣ.
Ezek.40.35 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲙⲡⲉⲙϩⲓⲧ ⲁⲩⲱ ⲁϥϣⲓⲧⲥ ⲕⲁⲧⲁ ⲛⲉⲓϣⲓ.
Ezek.40.36 ⲁⲩⲱ ⲛⲉⲥⲙⲁ ⲉⲧⲛⲉⲥⲱⲟⲩ ⲙⲛ ⲛⲉⲥⲟⲩⲱϭ ⲁⲩⲱ ⲛⲉⲥⲡⲁⲣⲁⲥⲧⲁⲥ ⲙⲛ ⲛⲉⲥϣⲟⲩϣⲧ ϩⲙ ⲡⲉⲥⲕⲱⲧⲉ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.37 ⲁⲩⲱ ⲛⲉⲥⲟⲩⲱϭ ⲉⲩϫⲓ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲛϣⲟϫⲧ ϩⲁⲧⲛ ⲛⲉⲥⲟⲩⲱϭ ⲛⲥⲁ ⲡⲁⲓ ⲙⲛ ⲡⲁⲓ ⲙⲙⲟⲥ ⲁⲩⲱ ϣⲙⲟⲩⲛ ⲛⲧⲱⲣⲧⲣ ⲡⲉ ⲡⲉⲥⲙⲁ ⲛⲃⲱⲕ ⲉϩⲣⲁⲓ.
Ezek.40.38 ⲁⲩⲱ ⲡⲕⲁⲍⲟⲫⲩⲗⲁⲕⲓⲟⲛ ⲙⲛ ⲛⲉϥⲣⲟ ⲉⲩϩⲛ ⲛⲟⲩⲱϭ ⲛⲙⲡⲩⲗⲏ ⲉⲩⲛⲁⲉⲓⲱ ⲉⲃⲟⲗ ⲙⲡⲙⲁ ⲉⲧⲙⲙⲁⲩ ⲙⲡⲉϭⲗⲓⲗ.
Ezek.40.39 ⲁⲩⲱ ϩⲛ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲧⲣⲁⲡⲉⲍⲁ ⲥⲛⲧⲉ ⲉⲩⲕⲏ ⲉϩⲣⲁⲓ ⲛⲥⲁ ⲡⲉⲓⲥⲡⲓⲣ ⲁⲩⲱ ⲧⲣⲁⲡⲉⲍⲁ ⲥⲛⲧⲉ ⲛⲥⲁ ⲡⲁⲓ ⲉϣⲱⲱⲧ ϩⲓϫⲱⲟⲩ ⲙⲡⲉϭⲗⲓⲗ ⲕⲁⲧⲁ ⲛⲛⲟⲃⲉ ⲁⲩⲱ ⲛⲉⲑⲩⲥⲓⲁ ⲛⲧⲙⲉⲧⲁⲛⲟⲓⲁ.
Ezek.40.40 ⲁⲩⲱ ϩⲓϫⲙ ⲡⲉⲥⲡⲓⲣ ⲉⲧϩⲓⲃⲟⲗ ⲉⲧϫⲓ ⲉϩⲟⲩⲛ ⲉⲡⲣⲟ ⲛⲧⲡⲩⲗⲏ ⲙⲡⲉⲙϩⲓⲧ ⲧⲣⲁⲡⲉⲍⲁ ⲥⲛⲧⲉ ⲉⲩⲕⲏ ⲉϩⲣⲁⲓ ⲁⲩⲱ ϩⲁϩⲧⲛ ⲡⲕⲉⲥⲡⲓⲣ ⲡⲉⲧϩⲛ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲧⲣⲁⲡⲉⲍⲁ ⲥⲛⲧⲉ.
Ezek.40.41 ⲁⲩⲱ ⲕⲉϥⲧⲟ ⲛⲧⲣⲁⲡⲉⲍⲁ ⲛⲥⲁ ⲡⲁⲓ ⲁⲩⲱ ⲕⲉϥⲧⲟ ⲛⲥⲁ ⲛⲏ ⲉⲡⲉⲥⲡⲓⲣ ⲛⲧⲡⲩⲗⲏ ϣⲙⲟⲩⲛ ⲛⲧⲣⲁⲡⲉⲍⲁ ⲉⲩⲕⲏ ⲉϩⲣⲁⲓ ⲉⲧⲣⲉⲩϣⲱⲱⲧ ϩⲓϫⲱⲟⲩ.
Ezek.40.42 ⲁⲩⲱ ϥⲧⲟ ⲛⲧⲣⲁⲡⲉⲍⲁ ⲉⲡⲉϭⲗⲓⲗ ⲛϩⲉⲛⲱⲛⲉ ⲉⲩⲕⲉϩⲕⲱϩ ⲉⲩⲛⲁⲣⲟⲩⲙⲁϩⲉ ⲟⲩϭⲟⲥ ⲛϣⲓⲏ ⲁⲩⲱ ⲟⲩⲙⲁϩⲉ ⲟⲩϭⲟⲥ ⲛⲟⲩⲱϣⲥ ⲁⲩⲱ ⲟⲩⲙⲁϩⲉ ⲛϫⲓⲥⲉ ⲉⲧⲣⲉⲩⲕⲱ ⲛⲛⲉⲩⲥⲕⲉⲩⲏ ϩⲁϩⲧⲏⲩ ⲛⲁⲓ ⲉⲧⲟⲩⲛⲁϣⲱⲱⲧ ⲛϩⲏⲧⲟⲩ ⲛⲛⲉϭⲗⲓⲗ ⲛⲧⲉⲑⲩⲥⲓⲁ.
Ezek.40.43 ⲁⲩⲱ ϩⲉⲛⲥⲡⲟⲧⲟⲩ ⲉⲩⲛⲁⲣ ⲟⲩϣⲟⲡ ⲉⲩⲧⲏϣ ϩⲓϩⲟⲩⲛ ⲙⲡⲕⲱⲧⲉ ⲧⲏⲣϥ ⲉⲧⲣⲉⲩϣⲱⲡⲉ ϩⲓϫⲛ ⲛⲉⲧⲣⲁⲡⲉⲍⲁ ⲛϭⲓ ⲛⲁϥ ⲙⲡⲇⲱⲣⲟⲛ.
Ezek.40.44 ⲁⲩⲱ ⲡⲃⲟⲗ ⲙⲧⲡⲩⲗⲏ ⲉⲧϩⲓϩⲟⲩⲛ ⲅⲁⲍⲟⲫⲩⲗⲁⲕⲓⲟⲛ ⲥⲛⲁⲩ ⲛⲛⲁⲣⲭⲱⲛ ϩⲛ ⲧⲁⲩⲗⲏ ⲉⲧϩⲓϩⲟⲩⲛ ⲙⲡϩⲟ ⲛⲧⲡⲩⲗⲏ ⲙⲡⲉⲙϩⲓⲧ ⲁⲩⲱ ⲛⲉⲩϩⲟ ⲉⲩϭⲱϣⲧ ⲉⲧⲉϩⲓⲏ ⲙⲡⲣⲏⲥ ⲙⲡϩⲟⲧ ⲉⲃⲟⲗ ⲛⲧⲡⲩⲗⲏ ⲉⲧϩⲛ ⲙⲙⲁ ⲛϣⲁ ⲉϥϭⲱϣⲧ ⲉⲡⲉⲙϩⲓⲧ.
Ezek.40.45 ⲁⲩⲱ ⲁϥϣⲁϫⲉ ⲛ︤ⲙ︥ⲙⲁⲓ ⲉϥϫⲱ ⲙ̄ⲙⲟⲥ ϫⲉ ⲡⲉⲓⲅⲁⲍⲟⲫⲩⲗⲁⲕⲓⲟⲛ ⲉⲧϭⲱϣ︤ⲧ︥ ⲉⲡⲥⲁ ⲙ̄ⲡⲣⲏⲥ ⲉϥⲛⲁϣⲱⲡⲉ ⲛ̄ⲛ̄ⲟⲩⲏⲏⲃ ⲛⲉⲧⲣⲟⲉⲓⲥ ⲉⲛ̄ⲟⲩⲣ̄ϣⲉ ⲙ̄ⲡⲏⲓ̈.
Ezek.40.46 ⲁⲩⲱ ⲡⲕⲉⲅⲁⲍⲟⲫⲩⲗⲁⲕⲓⲟⲛ ⲉⲧϭⲱϣⲧ ⲉⲡⲥⲁ ⲙⲡⲉⲙϩⲓⲧ ⲉϥⲛⲁϣⲱⲡⲉ ⲛⲛⲟⲩⲏⲏⲃ ⲛⲉⲧⲣⲟⲉⲓⲥ ⲉⲡⲉⲑⲩⲥⲓⲁⲥⲧⲏⲣⲓⲟⲛ ⲉⲧⲉⲛⲧⲟⲟⲩ ⲛⲉ ⲛϣⲏⲣⲉ ⲛⲥⲁⲇⲱⲕ ⲛⲉⲧϩⲏⲛ ⲉϩⲟⲩⲛ ⲉⲡϫⲟⲉⲓⲥ ⲉⲃⲟⲗ ϩⲛ ⲛϣⲏⲣⲉ ⲛⲗⲉⲩⲉⲓ ⲉϣⲙϣⲉ ⲛⲁϥ.
Ezek.40.47 ⲁⲩⲱ ⲁϥϣⲓ ⲧϭⲟⲙ ⲉⲥⲛⲁⲣϣⲉ ⲙⲙⲁϩⲉ ⲛϣⲓⲏ ⲁⲩⲱ ϣⲉ ⲙⲙⲁϩⲉ ⲛⲟⲩⲱϣⲥ ⲉⲥⲟ ⲛⲧⲉⲧⲣⲁⲅⲱⲛⲟⲛ ⲁⲩⲱ ⲡⲉⲑⲩⲥⲓⲁⲥⲧⲏⲣⲓⲟⲛ ⲉⲧϩⲓϩⲏ ⲙⲡⲏⲓ.
Ezek.40.48 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲡⲁⲣⲁⲥⲧⲁⲥ ⲙⲏⲡⲓ ⲁϥϣⲓ ⲧⲡⲁⲣⲁⲥⲧⲁⲥ ϯⲟⲩ ⲙⲙⲁϩⲉ ⲉⲥⲟ ⲙⲙⲟⲟⲩ ⲛⲥⲁ ⲡⲁⲓ ⲁⲩⲱ ⲕⲉϯⲟⲩ ⲙⲙⲁϩⲉ ⲛⲥⲁ ⲡⲁⲓ ⲁⲩⲱ ⲡⲟⲩⲱϣⲥ ⲛⲧⲡⲩⲗⲏ ϣⲟⲙⲛⲧ ⲙⲙⲁϩⲉ ⲛⲥⲁ ⲡⲁⲓ.
Ezek.40.49 ⲁⲩⲱ ⲡⲉϣⲓⲏ ⲛⲧⲡⲁⲣⲁⲥⲧⲁⲥ ⲉϥⲛⲁⲣϫⲟⲩⲱⲧ ⲙⲙⲁϩⲉ ⲁⲩⲱ ⲡⲟⲩⲱϣⲥ ⲛⲧⲡⲁⲣⲁⲥⲧⲁⲥ ⲉϥⲛⲁⲣⲙⲛⲧⲟⲩⲉ ⲙⲙⲁϩⲉ ⲁⲩⲱ ⲡⲉⲥⲧⲱϣ ⲉϥⲥⲙⲟⲛⲧ ϩⲛ ⲙⲛⲧⲟⲩⲉ ⲛⲧⲱⲣⲧⲣ ⲉⲧⲣⲉⲩⲃⲱⲕ ⲛⲁϥ ⲉϩⲣⲁⲓ ⲛϩⲏⲧⲟⲩ ⲁⲩⲱ ϩⲉⲛⲥⲧⲩⲗⲟⲥ ϩⲁϩⲧⲛ ⲛⲟⲩⲱϭ ⲟⲩⲁ ⲛⲥⲁ ⲡⲁⲓ ⲁⲩⲱ ⲕⲉⲟⲩⲁ ⲛⲥⲁ ⲡⲁⲓ.
Ezek.41.1 ⲁⲩⲱ ⲁϥϫⲓⲧ ⲉϩⲟⲩⲛ ⲉⲡⲣⲡⲉ ⲉⲧϩⲓϩⲟⲩⲛ ⲁⲩⲱ ⲁϥϣⲓ ⲛⲟⲩⲱϭ ⲉⲩⲛⲁⲣⲥⲟⲟⲩ ⲙⲙⲁϩⲉ ⲛⲟⲩⲱϣⲥ ⲛⲥⲁ ⲡⲁⲓ.
Ezek.41.2 ⲁⲩⲱ ⲕⲉⲥⲟⲟⲩ ⲙⲙⲁϩⲉ ⲛⲟⲩⲱϣⲥ ⲛⲥⲁ ⲡⲁⲓ ⲁⲩⲱ ⲡⲟⲩⲱϣⲥ ⲛⲧⲉⲥⲕⲩⲛⲏ ⲙⲛ ⲡⲟⲩⲱϣⲥ ⲙⲡⲣⲟ ⲉϥⲛⲁⲣⲙⲏⲧ ⲙⲙⲁϩⲉ ⲁⲩⲱ ⲛⲉⲥⲡⲓⲣ ⲙⲡⲣⲟ ⲉⲩⲛⲁⲣϯⲟⲩ ⲙⲙⲁϩⲉ ⲛⲥⲁ ⲡⲁⲓ [ⲁⲩⲱ ⲕⲉϯⲟⲩ ⲙⲙⲁϩⲉ ⲛⲥⲁ ⲡⲁⲓ] ⲁⲩⲱ ⲁϥϣⲓ ⲧⲉϥϣⲓⲏ ⲉϥⲛⲁⲣϩⲙⲉ ⲙⲙⲁϩⲉ ⲁⲩⲱ ϫⲟⲩⲱⲧ ⲙⲙⲁϩⲉ ⲛⲟⲩⲱϣⲥ.
Ezek.41.3 ⲁⲩⲱ ⲁϥϫⲱⲧⲉ ⲉⲡⲥⲁ ⲛϩⲟⲩⲛ ⲁϥϣⲓ ⲛⲟⲩⲱϭ ⲙⲡⲣⲟ ⲉⲩⲛⲁⲣⲙⲁϩⲉ ⲥⲛⲁⲩ ⲁⲩⲱ ⲡⲣⲟ ⲉϥⲛⲁⲣⲥⲟⲟⲩ ⲙⲙⲁϩⲉ ⲛϣⲓⲏ ⲁⲩⲱ ⲡⲟⲩⲱϣⲥ ⲙⲡⲣⲟ ⲉϥⲛⲁⲣⲥⲁϣϥ ⲙⲙⲁϩⲉ.
Ezek.41.4 ⲁⲩⲱ ⲧⲉϥϣⲓⲏ ⲁϥϣⲓⲧⲥ ⲉⲥⲛⲁⲣϫⲟⲩⲱⲧ ⲙⲙⲁϩⲉ ⲁⲩⲱ ϫⲟⲩⲱⲧ ⲙⲙⲁϩⲉ ⲛⲟⲩⲱϣⲥ ⲙⲡϩⲟⲧ ⲉⲃⲟⲗ ⲙⲡⲣⲉ ⲁⲩⲱ ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ ⲡⲉⲧⲟⲩⲁⲁⲃ ⲛⲛⲉⲧⲟⲩⲁⲁⲃ.
Ezek.41.5 ⲁⲩⲱ ⲁϥϣⲓⲧϫⲟ ⲙⲡⲏⲓ ⲛⲥⲟⲟⲩ ⲙⲙⲁϩⲉ ⲁⲩⲱ ⲡⲟⲩⲱϣⲥ ⲙⲡⲣⲡⲉ ⲉϥⲛⲁⲣϥⲧⲟⲟⲩ ⲙⲙⲁϩⲉ ⲉϥⲕⲱⲧⲉ ⲉⲡⲏⲓ.
Ezek.41.6 ⲉⲣⲉⲛⲉⲥⲡⲓⲣⲟⲟⲩⲉ ⲕⲱⲧⲉ ⲉⲣⲟϥ ⲟⲩⲥⲡⲓⲣ ⲉϩⲟⲩⲛ ϩⲛ ⲟⲩⲥⲡⲓⲣ ⲉⲩⲛⲁⲣⲙⲁⲃϣⲟⲙⲧⲉ ⲛⲥⲟⲡ ⲥⲛⲁⲩ ⲁⲩⲱ ⲉⲩϫⲱⲧⲉ ⲉϩⲟⲩⲛ ⲉⲧϫⲟ ⲙⲡⲏⲓ ϩⲛ ⲛⲉⲥⲡⲓⲣⲟⲟⲩⲉ ⲉⲧⲕⲱⲧⲉ ⲉⲣⲟϥ ⲉⲧⲣⲉⲩϣⲱⲡⲉ ⲉⲩⲙⲏⲣ ⲉϩⲟⲩⲛ ⲉⲣⲟϥ ϩⲛ ⲧϫⲟ ⲙⲡⲏⲓ.
Ezek.41.7 ⲁⲩⲱ ⲁϥⲟⲩⲱϣⲥ ⲉⲃⲟⲗ ⲁϥⲕⲱⲧⲉ ⲉⲣⲟϥ ⲉⲧⲡⲉ ⲉⲙⲁⲧⲉ ϩⲛ ⲛⲉⲥⲡⲓⲣⲟⲟⲩⲉ ϫⲉ ⲥⲉⲕⲱⲧⲉ ⲉⲡⲕⲱⲧⲉ ⲙⲡⲏⲓ ⲉⲧⲃⲉ ⲡⲁⲓ ⲡⲟⲩⲱϣⲥ ⲙⲡⲏⲓ ⲉϥϫⲓ ⲉⲧⲡⲉ ⲁⲩⲱ ϫⲓⲛ ⲡⲉⲥⲏⲧ ⲉϥⲛⲁⲙⲟⲟϣⲉ ⲛⲥⲁ ⲧⲡⲉ ⲉⲧⲙⲏⲧⲉ.
Ezek.41.8 ⲁⲩⲱ ⲁⲓⲛⲁⲩ ⲉⲡϫⲓⲥⲉ ⲙⲡⲏⲓ ⲉⲣⲉⲛⲉϥⲥⲡⲓⲣⲟⲟⲩⲉ ⲧⲁϫⲣⲏⲩ ⲉⲩⲕⲱⲧⲉ ⲉⲣⲟϥ ⲉⲩⲙⲟⲩϩ ⲙⲡⲕⲁϣ ⲛⲥⲟⲟⲩ ⲙⲙⲁϩⲉ.
Ezek.41.9 ⲉϥϥⲏⲩ ⲙⲙⲁⲩ ⲛϭⲓ ⲡⲟⲩⲱϣⲥ ⲛⲧϫⲟ ⲉϥⲛⲏⲩ ϫⲓⲛ ⲡⲉⲥⲡⲉⲓⲣ ⲉⲡⲉⲥⲏⲧ ⲛϯⲟⲩ ⲙⲙⲁϩⲉ ⲁⲩⲱ ⲡⲉⲛⲧⲁⲩⲛⲁϩϥ ⲉⲃⲟⲗ ϩⲛ ⲧⲙⲏⲧⲉ ⲛⲛⲉⲥⲡⲓⲣⲟⲟⲩⲉ ⲉϥⲏⲡ ⲉⲡⲏⲓ.
Ezek.41.10 ⲁⲩⲱ ϩⲛ ⲧⲙⲏⲧⲉ ⲛⲛⲅⲁⲍⲟⲫⲩⲗⲁⲕⲓⲟⲛ ⲉϥⲛⲁⲣ ϫⲟⲩⲱⲧ ⲙⲙⲁϩⲉ ⲛⲟⲩⲱϣⲥ ⲉⲩⲕⲱⲧⲉ ⲉⲡⲏⲓ ⲧⲏⲣϥ.
Ezek.41.11 ⲁⲩⲱ ⲛⲣⲟ ⲙⲡⲉⲥⲡⲓⲣ ⲉⲡⲙⲁ ⲉⲧⲛⲉϩ ⲉⲃⲟⲗ ⲟⲩⲣⲟ ⲛⲟⲩⲱⲧ ⲉⲧⲉϩⲓⲏ ⲉⲧϫⲓ ⲉⲡⲉⲙϩⲓⲧ ⲁⲩⲱ ⲕⲉⲣⲟ ⲛⲟⲩⲱⲧ ⲉⲧⲉϩⲓⲏ ⲉⲧϫⲓ ⲉⲡⲣⲏⲥ ⲁⲩⲱ ⲡⲟⲩⲱϣⲥ ⲙⲡⲙⲁ ⲛⲧⲁⲩⲛⲉϩϥ ⲉⲃⲟⲗ ⲉϥⲛⲁⲣϯⲟⲩ ⲙⲙⲁϩⲉ ⲉϥⲕⲱⲧⲉ.
Ezek.41.12 ⲁⲩⲱ ⲡⲕⲱⲧ ⲉⲧⲙⲡϩⲟⲧ ⲉⲃⲟⲗ ⲙⲡⲉⲛⲧⲁⲩⲛⲉϩϥ ⲉⲃⲟⲗ ⲡⲉⲥⲡⲓⲣ ⲉⲧϫⲓ ⲉⲧⲉϩⲓⲏ ⲛⲧⲉⲑⲁⲗⲁⲥⲥⲁ ⲉϥⲛⲁⲣϣⲃⲉ ⲙⲙⲁϩⲉ ⲛⲟⲩⲱϣⲥ ⲁⲩⲱ ⲧϫⲟ ⲙⲡⲕⲱⲧ ⲉⲥⲛⲁⲣϯⲟⲩ ⲙⲙⲁϩⲉ ⲛⲟⲩⲱϣⲥ ⲉϥⲕⲱⲧⲉ ⲁⲩⲱ ⲧⲉϣⲓⲏ ⲉⲥⲛⲁⲣⲡⲥⲧⲁⲓⲟⲩ ⲙⲙⲁϩⲉ.
Ezek.41.13 ⲁⲩⲱ ⲁϥϣⲓ ⲡⲏⲓ ⲧⲉϥϣⲓⲏ ⲉⲥⲛⲁⲣϣⲉ ⲙⲙⲁϩⲉ ⲁⲩⲱ ⲡⲙⲁ ⲉⲧⲛⲉϩ ⲉⲃⲟⲗ ⲙⲡⲕⲱⲧ ⲙⲛ ⲛⲉϥⲉϫⲏ ⲉϥⲛⲁⲣϣⲉ ⲙⲙⲁϩⲉ ⲛϣⲓⲏ.
Ezek.41.14 ⲁⲩⲱ ⲧⲟⲩⲁϣⲥⲉ ⲙⲡⲉⲙⲧⲟ ⲉⲃⲟⲗ ⲙⲡⲏⲓ ⲙⲡⲙⲁ ⲉⲧⲛⲉϩ ⲉⲃⲟⲗ ⲉⲙⲙⲁ ⲛϣⲁ ⲉⲥⲛⲁⲣϣⲉ ⲙⲙⲁϩⲉ.
Ezek.41.15 ⲁⲩⲱ ⲁϥϣⲓⲧⲉϣⲓⲏ ⲙⲡⲕⲱⲧ ⲙⲡⲉⲙⲧⲟ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲉϥⲛⲏⲩ ⲛⲥⲁ ⲡⲁϩⲟⲩ ⲙⲙⲟⲥ ⲁⲩⲱ ⲛⲉϥⲉⲭⲑⲉⲧⲏⲥ ⲛⲥⲁ ⲡⲁⲓ ⲙⲛ ⲡⲁⲓ ⲙⲙⲟϥ ⲉⲩⲛⲁⲣϣⲉ ⲙⲙⲁϩⲉ ⲁⲩⲱ ⲡⲛⲁⲟⲥ ⲉⲧϩⲓϩⲟⲩⲛ ⲁⲩⲱ ⲙⲡⲁⲣⲁⲥⲧⲁⲥ ⲛⲧⲁⲩⲗⲏ.
Ezek.41.16 ⲛⲟⲩⲉϭⲣⲟ ⲙⲛ ⲛϣⲟⲩϣⲧ ⲛⲧⲁⲩϣⲟⲟⲣⲟⲩ ⲁⲩⲱ ⲛⲉⲭⲑⲉⲧⲏⲥ ⲉⲧⲕⲱⲧⲉ ⲉⲡϣⲟⲙⲛⲧ ⲛⲥⲡⲓⲣ ⲉⲧⲉⲙⲡⲉⲙⲧⲟ ⲉⲃⲟⲗ ⲙⲡϩⲁⲛⲣⲟ ⲉⲩϭⲟⲟⲗⲉ ⲛϣⲉ ⲉϥⲕⲱⲧⲉ ⲁⲩⲱ ⲡⲙⲁ ⲙⲡⲉⲥⲏⲧ ϣⲁϩⲣⲁⲓ ⲉⲛϣⲟⲩϣⲧ ⲁⲩⲱ ⲛϣⲟⲩϣⲧ ⲉⲩϩⲱⲃⲥ ⲛⲛⲟⲩⲱϭ ϩⲓ ⲧⲡⲉ ⲙⲡⲣⲟ.
Ezek.41.17 ϣⲁϩⲣⲁⲓ ⲉⲡⲏⲓ ⲉⲧϩⲓϩⲟⲩⲛ ⲁⲩⲱ ⲡⲏⲓ ⲧⲏⲣϥ ⲉⲧϩⲓⲃⲟⲗ ⲉϥⲕⲱⲧⲉ ⲉⲡⲉⲧϩⲓϩⲟⲩⲛ ⲁⲩⲱ ϩⲙ ⲡⲉⲧϩⲓⲃⲟⲗ.
Ezek.41.18 ⲉⲣⲉⲟⲩⲭⲉⲣⲟⲩⲃⲓⲛ ϣⲉⲧϣⲱⲧ ⲁⲩⲱ ⲉϥⲧⲁⲙⲓⲏⲩ ⲛϩⲏⲧϥ ⲙⲛ ϩⲉⲛⲕⲉϣⲟϫⲧ ⲉⲩϩⲛ ⲧⲙⲏⲧⲉ ⲙⲡⲉⲭⲉⲣⲟⲩⲃⲓⲛ ⲁⲩⲱ ⲡⲉⲭⲉⲣⲟⲩⲃⲓⲛ ⲛⲉⲣⲉϩⲟ ⲥⲛⲁⲩ ⲙⲙⲟϥ.
Ezek.41.19 ⲟⲩϩⲟ ⲛⲣⲱⲙⲉ ϩⲙ ⲡϣⲟϫⲧ ⲛⲥⲁ ⲡⲁⲓ ⲙⲛ ⲡⲁⲓ ⲁⲩⲱ ⲟⲩϩⲟ ⲙⲙⲟⲩⲓ ϩⲙ ⲡϣⲟϫⲧ ⲛⲥⲁ ⲡⲁⲓ ⲙⲛ ⲡⲁⲓ ⲉϥⲙⲟⲛⲅ ⲉⲡⲏⲓ ⲧⲏⲣϥ ⲉϥⲕⲱⲧⲉ.
Ezek.41.20 ϫⲓⲛ ⲡⲙⲁ ⲙⲡⲉⲥⲏⲧ ϣⲁ ⲡⲙⲁ ⲛⲧⲡⲉ ⲙⲡⲣⲟ ⲛⲉⲭⲉⲣⲟⲩⲃⲓⲛ ⲁⲩⲱ ⲛϣⲟϫⲧ ⲉⲩⲙⲟⲛⲅ.
Ezek.41.21 ⲁⲩⲱ ⲧϫⲟ ⲙⲡⲛⲁⲟⲥ ϩⲉⲛⲧⲱϣ ⲉⲩⲟ ⲛⲧⲉⲧⲣⲁⲅⲱⲛⲟⲛ ⲁⲩⲱ ⲡϩⲟ ⲙⲡⲉⲧⲟⲩⲁⲁⲃ ⲡⲉϥⲉⲓⲛⲉ ⲉϥⲟ ⲛⲑⲉ.
Ezek.41.22 ⲛⲟⲩⲑⲩⲥⲓⲁⲥⲧⲏⲣⲓⲟⲛ ⲛϣⲉ ⲉϥⲛⲁⲣϣⲟⲙⲛⲧ ⲙⲙⲁϩⲉ ⲛϫⲓⲥⲉ ⲁⲩⲱ ⲙⲁϩⲉ ⲥⲛⲁⲩ ⲛϣⲓⲏ ⲁⲩⲱ ⲛⲉϥⲕⲟⲟϩ ⲙⲛ ⲛⲉϥⲉϫⲏ ϩⲉⲛϣⲉ ⲛⲉ ⲁⲩⲱ ⲁϥϣⲁϫⲉ ⲛⲙⲙⲁⲓ ⲉϥϫⲱ ⲙⲙⲟⲥ ϫⲉ ⲧⲉⲧⲣⲁⲡⲉⲍⲁ ⲉⲧⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲉⲥⲙⲟⲛⲅ ϩⲙ ⲡⲁⲓ ⲁⲩⲱ ⲣⲟ ⲥⲛⲁⲩ ⲉⲩϣⲟⲟⲡ ⲙⲡⲛⲁⲟⲥ.
Ezek.41.23 ⲙⲛ ⲡⲉⲧⲟⲩⲁⲁⲃ ⲁⲩⲱ ⲣⲟ ⲥⲛⲁⲩ.
Ezek.41.24 ⲙⲡⲣⲟ ⲥⲛⲁⲩ ⲉⲩⲕⲧⲟ ⲙⲙⲟⲟⲩ ⲣⲟ ⲥⲛⲁⲩ ⲉⲡⲣⲟ ⲛⲟⲩⲱⲧ ⲁⲩⲱ ⲣⲟ ⲥⲛⲁⲩ ⲉⲡⲕⲉⲣⲟ.
Ezek.41.25 ⲁⲩⲱ ⲕⲉⲉⲓⲉⲡⲥⲁ ϩⲓⲣⲱⲟⲩ ⲛⲛⲉⲭⲉⲣⲟⲩⲃⲓⲛ ⲉⲛⲣⲟ ⲙⲡⲛⲁⲟⲥ ⲙⲛ ϣⲉⲛϣⲟϫⲧ ⲕⲁⲧⲁ ⲑⲉ ⲉⲛⲧⲁⲩⲧⲁⲙⲓⲟⲟⲩ ⲉⲛⲉϫⲏ ⲁⲩⲱ ⲟⲩⲟⲩⲙⲟⲧ ⲛϣⲉ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣⲁⲥⲧⲁⲥ ϩⲓⲃⲟⲗ.
Ezek.41.26 ⲁⲩⲱ ϩⲉⲛϣⲟⲩϣⲧ ⲉⲩϭⲟⲟⲗⲉ ⲧⲏⲣⲟⲩ ⲁⲩⲱ ϩⲉⲛϣⲟϫⲧ ⲛⲥⲁ ⲡⲁⲓ ⲙⲛ ⲡⲁⲓ ⲉⲛⲕⲟⲟϩ ⲛⲧⲡⲁⲣⲁⲥⲧⲁⲥ ⲁⲩⲱ ⲛⲉⲥⲡⲓⲣⲟⲟⲩⲉ ⲙⲡⲏⲓ ⲙⲛ ⲛⲉϥⲟⲩⲙⲟⲧ ⲙⲛ ⲛⲉϥϣⲓⲕ ⲏ ⲛⲉϥⲉⲓⲉⲡⲥⲁ.
Ezek.42.1 ⲁⲩⲱ ⲁϥⲛⲧ ⲉⲃⲟⲗ ⲉⲧⲁⲩⲗⲏ ⲉⲧϩⲓⲃⲟⲗ ⲉⲧⲉϩⲓⲏ ⲉⲧϫⲓ ⲉⲡⲉⲙϩⲓⲧ ⲁⲩⲱ ⲁϥϫⲓⲧ ⲉϩⲟⲩⲛ ⲉⲡⲅⲁⲍⲟⲫⲩⲗⲁⲕⲓⲟⲛ ⲉⲧⲙⲡⲉⲙⲧⲟ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲁⲩⲱ ⲡⲉⲧⲙⲡⲉⲙⲧⲟ ⲉⲃⲟⲗ ⲙⲡⲕⲱⲧⲉ ⲉⲧϩⲙ ⲡⲥⲁ ⲙⲡⲉⲙϩⲓⲧ.
Ezek.42.2 ⲉϥⲛⲁⲣϣⲉ ⲙⲙⲁϩⲉ ⲛϣⲓⲏ ⲁⲩⲱ ⲡⲣⲟ ⲙⲡⲉⲙϩⲓⲧ ⲙⲛ ⲡⲟⲩⲱϣⲥ ⲉⲩⲛⲁⲣⲧⲁⲓⲟⲩ ⲙⲙⲁϩⲉ.
Ezek.42.3 ⲙⲡⲉⲙⲧⲟ ⲉⲃⲟⲗ ⲙⲡⲉϫⲟⲩⲱⲧ ⲛⲧⲉ ⲧⲁⲩⲗⲏ ⲉⲧϩⲓϩⲟⲩⲛ ⲁⲩⲱ ⲙⲡⲉⲥⲙⲧⲟ ⲉⲃⲟⲗ ⲟⲩⲗⲓⲑⲟⲥⲧⲣⲱⲧⲟⲛ ⲉϥⲕⲏ ⲉϩⲣⲁⲓ ⲉϥϫⲓ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲉⲣⲉⲟⲩⲉⲭⲑⲉⲧⲏⲥ ⲥⲙⲟⲛⲧ ⲙⲡⲉⲙⲧⲟ ⲉⲃⲟⲗ ⲛⲕⲉⲉⲕⲑⲉⲧⲏⲥ ⲉⲩⲟ ⲛϣⲟⲙⲛⲧ ⲛⲥⲙⲟⲧ.
Ezek.42.4 ⲁⲩⲱ ϩⲓⲑⲏ ⲛⲛⲅⲁⲍⲟⲫⲩⲗⲁⲕⲓⲟⲛ ⲟⲩⲡⲉⲣⲓⲡⲁⲧⲟⲥ ⲉϥⲥⲙⲟⲛⲧ ⲉϥⲛⲁⲣⲙⲏⲧ ⲙⲙⲁϩⲉ ⲛⲟⲩⲱϣⲥ ⲉⲧⲁⲩⲗⲏ ⲉⲧϩⲓϩⲟⲩⲛ ⲁⲩⲱ ⲟⲩⲙⲁϩⲉ ⲛⲟⲩⲱⲧ ⲛϣⲓⲏ ⲁⲩⲱ ⲛⲉⲩⲣⲟ ⲉⲩϭⲱϣⲧ ⲉⲡⲥⲁ ⲙⲡⲉⲙϩⲓⲧ.
Ezek.42.5 ⲁⲩⲱ ⲛⲕⲁⲍⲟⲫⲩⲗⲁⲅⲓⲟⲛ ⲛⲉⲩϩⲓ ⲧⲡⲉ ⲉⲩⲥⲟⲃⲕ ϫⲉ ⲁⲩϥⲓ ⲉⲃⲟⲗ ⲙⲙⲟⲟⲩ ⲛϩⲉⲛⲟⲩⲱϭ ⲛⲥⲁ ⲡⲉⲥⲏⲧ ⲙⲙⲟⲟⲩ ⲁⲩⲱ ⲛⲥⲁ ⲧⲙⲏⲧⲉ ⲙⲡⲕⲱⲧ.
Ezek.42.6 ⲉⲃⲟⲗ ϫⲉ ⲉⲩⲟ ⲛϣⲟⲙⲛⲧ ⲛⲥⲙⲟⲧ ⲁⲩⲱ ⲙⲛ ⲥⲧⲩⲗⲟⲥ ϣⲟⲟⲡ ⲛⲁⲩ ⲛⲑⲉ ⲛⲛⲉⲥⲧⲩⲗⲟⲥ ⲛⲧⲁⲩⲗⲏ ⲉⲧⲃⲉ ⲡⲁⲓ ⲁⲩϥⲓ ⲉⲃⲟⲗ ⲛⲛⲥⲁ ⲙⲡⲉⲥⲏⲧ ⲁⲩⲱ ⲉⲃⲟⲗ ϩⲛ ⲛⲥⲁ ⲛⲧⲙⲏⲧⲉ ⲛⲧⲁⲓⲟⲩ ⲙⲙⲁϩⲉ ⲉⲃⲟⲗ ϩⲛ ⲧⲉϣⲓⲏ.
Ezek.42.7 ⲁⲩⲱ ⲧϫⲟ ⲉⲧϩⲓⲃⲟⲗ ⲕⲁⲧⲁ ⲛⲉⲥⲙⲟⲧ ⲛⲛⲅⲁⲍⲟⲫⲩⲗⲁⲕⲓⲟⲛ ⲉⲥⲕⲏ ⲉϩⲣⲁⲓ ϫⲓⲛ ⲧⲉϩⲓⲏ.
Ezek.42.8 […]
Ezek.42.9 ⲛⲃⲱⲕ ⲉϩⲟⲩⲛ ⲉⲙⲙⲁ ⲛϣⲁ ⲉⲩⲛⲁⲃⲱⲕ ⲉϩⲟⲩⲛ ⲉⲣⲟⲟⲩ ⲉⲃⲟⲗ ϩⲛ ⲧⲁⲩⲗⲏ ⲉⲧϩⲓⲃⲟⲗ.
Ezek.42.10 ⲉⲣⲉⲧϫⲟ ⲛⲧⲁⲩⲗⲏ ϣⲟⲟⲡ ϩⲛ ⲧⲉⲥⲟⲩⲁϣⲥⲉ ⲕⲁⲧⲁ ⲙⲙⲁ ⲛϣⲁ ⲙⲡϩⲟⲧ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲁⲩⲱ ⲙⲡϩⲟⲧ ⲉⲃⲟⲗ ⲙⲡⲕⲱⲧ ϩⲉⲛⲅⲁⲍⲟⲫⲩⲗⲁⲕⲓⲟⲛ ⲉⲩⲕⲏ ⲉϩⲣⲁⲓ.
Ezek.42.11 ⲁⲩⲱ ⲟⲩϩⲓⲏ ϩⲓϩⲏ ⲙⲙⲟⲟⲩ ⲛⲑⲉ ⲙⲡⲉⲓⲛⲉ ⲛⲛⲅⲁⲍⲟⲫⲩⲗⲁⲕⲓⲟⲛ ⲙⲛ ⲛⲉⲧϩⲙ ⲡⲥⲁ ⲙⲡⲉⲙϩⲓⲧ ⲕⲁⲧⲁ ⲛⲉⲩϣⲓⲏ ⲧⲁⲓ ⲧⲉ ⲑⲉ ⲛⲧⲉⲩⲕⲉⲟⲩⲁϣⲥⲉ ⲁⲩⲱ ⲛⲉⲩϩⲓⲟⲟⲩⲉ ⲧⲏⲣⲟⲩ ⲛⲉⲓ ⲉⲃⲟⲗ ⲕⲁⲧⲁ ⲡⲉⲩⲧⲱϣ ⲁⲩⲱ ⲕⲁⲧⲁ ⲛⲉⲩⲣⲟ.
Ezek.42.12 ⲁⲩⲱ ⲕⲁⲧⲁ ⲛⲛⲣⲟ ⲛⲛⲅⲁⲍⲟⲫⲩⲗⲁⲕⲓⲟⲛ ⲉⲧⲙⲡⲥⲁ ⲙⲡⲣⲏⲥ ⲟⲩⲣⲟ ⲉϥⲕⲏ ⲉϩⲣⲁⲓ ⲉⲧⲁⲣⲭⲏ ⲛⲧⲉϩⲓⲏ ⲉⲧⲣⲉⲩϣⲱⲡⲉ ⲙⲡϩⲟⲧ ⲉⲃⲟⲗ ⲛⲧϫⲟ ⲕⲁⲧⲁ ⲙⲙⲁ ⲛϣⲁ ϩⲛ ⲧⲉⲩϩⲓⲏ ⲛⲃⲱⲕ ⲉϩⲟⲩⲛ.
Ezek.42.13 ⲁⲩⲱ ⲡⲉϫⲁϥ ⲛⲁⲓ ϫⲉ ⲛⲅⲁⲍⲟⲫⲩⲗⲁⲕⲓⲟⲛ ⲙⲡⲉⲙϩⲓⲧ ⲁⲩⲱ ⲛⲅⲁⲍⲟⲫⲩⲗⲁⲕⲓⲟⲛ ⲙⲡⲣⲏⲥ ⲛⲉⲧⲙⲡϩⲟⲧ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲛⲧⲟⲟⲩ ⲛⲉ ⲛⲅⲁⲍⲟⲫⲩⲗⲁⲕⲓⲟⲛ ⲙⲡⲉⲧⲟⲩⲁⲁⲃ ⲛⲥⲉⲛⲁⲟⲩⲱⲙ ⲁⲛ ⲙⲡⲙⲁ ⲉⲧⲙⲙⲁⲩ ⲛϭⲓ ⲛⲟⲩⲏⲏⲃ ⲉⲧϩⲏⲛ ⲉϩⲟⲩⲛ ⲉⲡϫⲟⲉⲓⲥ ⲛⲛⲉⲧⲟⲩⲁⲁⲃ ⲛⲛⲉⲧⲟⲩⲁⲁⲃ ⲉⲩⲛⲁⲕⲱ ⲙⲡⲙⲁ ⲉⲧⲙⲙⲁⲩ ⲛⲛⲉⲧⲟⲩⲁⲁⲃ ⲛⲛⲉⲧⲟⲩⲁⲁⲃ ⲁⲩⲱ ⲧⲉⲑⲩⲥⲓⲁ ⲙⲛ ⲛⲉⲧⲟⲩⲛⲁⲧⲁⲗⲟⲟⲩ ⲉϩⲣⲁⲓ ϩⲁ ⲛⲟⲃⲉ ⲁⲩⲱ ⲧⲙⲉⲧⲁⲛⲟⲓⲁ ϫⲉ ⲡⲧⲟⲡⲟⲥ ⲡⲉ ⲛⲛⲉⲧⲟⲩⲁⲁⲃ.
Ezek.42.14 ⲛⲟⲩⲏⲏⲃ ⲇⲉ ⲉⲩϣⲁⲛⲃⲱⲕ ⲉϩⲟⲩⲛ ⲛⲛⲉⲩⲉⲓ ⲉⲃⲟⲗ ⲉⲡⲙⲁ ⲉⲧⲙⲙⲁⲩ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲉⲩⲉⲕⲱ ⲙⲡⲙⲁ ⲉⲧⲙⲙⲁⲩ ⲛⲛⲉⲩϩⲟⲉⲓⲧⲉ ⲛⲁⲓ ⲉⲧⲟⲩⲛⲁϣⲙϣⲉ ⲛϩⲏⲧⲟⲩ ϫⲉ ⲥⲉⲟⲩⲁⲁⲃ ⲁⲩⲱ ⲉⲩⲉϯ ϩⲓⲱⲟⲩ ⲛϩⲉⲛⲕⲉϩⲟⲓⲧⲉ ⲛⲥⲉϯⲡⲉⲩⲟⲩⲟⲓ ⲉⲛⲉⲧⲡⲏ ⲉⲛⲁⲡⲗⲁⲟⲥ.
Ezek.42.15 ⲁⲩⲱ ⲁϥϫⲱⲕ ⲉⲃⲟⲗ ⲛⲛϣⲓ ⲙⲡⲏⲓ ⲉⲧϩⲓϩⲟⲩⲛ ⲁⲩⲱ ⲁϥⲛⲧ ⲉⲃⲟⲗ ϩⲛ ⲧⲡⲩⲗⲏ ⲉⲧϭⲱϣⲧ ⲉⲙⲙⲁ ⲛϣⲁ ⲁϥϣⲓⲧⲥ ⲉⲡⲉⲥⲕⲱⲧⲉ ⲧⲏⲣϥ.
Ezek.42.16 ⲡⲉⲥⲡⲓⲣ ⲛⲙⲙⲁ ⲛϣⲁ ⲁϥϣⲓⲧϥ ϩⲙ ⲡⲕⲁϣ ⲉϣⲁϥϣⲓ ⲛϩⲏⲧϥ.
Ezek.42.17 ⲁⲩⲱ ⲡⲉⲥⲡⲓⲣ ⲙⲡⲉⲙϩⲓⲧ ⲁϥϣⲓⲧϥ ⲛϯⲟⲩ ⲛϣⲉ ⲛⲕⲁϣ ⲉϥⲕⲱⲧⲉ ϩⲙ ⲡⲙⲁ ⲉϣⲁϥϣⲓ ⲙⲙⲟϥ.
Ezek.42.18 ⲁⲩⲱ ⲡⲉⲥⲡⲓⲣ ⲙⲡⲣⲏⲥ ⲁϥϣⲓⲧϥ ⲛϯⲟⲩ ⲛϣⲉ ⲙⲡⲕⲁϣ ⲉϥⲕⲱⲧⲉ ϩⲙ ⲡⲕⲁϣ ⲉϣⲁϥϣⲓ ⲙⲙⲟϥ.
Ezek.42.19 ⲁⲩⲱ ⲁϥϣⲓ ⲡⲉⲥⲡⲓⲣ ⲛⲧⲉⲑⲁⲗⲁⲥⲥⲁ ⲛϯⲟⲩ ⲛϣⲉ ⲛⲕⲁϣ ⲉϥⲕⲱⲧⲉ ⲙⲡⲕⲁϣ ⲉϣⲁϥϣⲓ ⲙⲙⲟϥ.
Ezek.42.20 ⲉⲁϥϣⲓ ⲙⲡⲉϥⲧⲟⲩⲧⲏⲩ ⲛϩⲏⲧϥ ⲁⲩⲱ ⲟⲩⲥⲟⲃⲧ ⲉϥϩⲙ ⲡⲉϥⲕⲱⲧⲉ ⲉϥⲛⲁⲣϥⲧⲟⲩ ϣⲉ ⲙⲙⲁϩⲉ ⲛϣⲓⲏ ⲁⲩⲱ ϥⲧⲟⲩ ϣⲉ ⲙⲙⲁϩⲉ ⲛⲟⲩⲱϣⲥ ⲉⲡⲱⲣϫ ϩⲛ ⲧⲙⲏⲧⲉ ⲙⲡⲉⲧⲟⲩⲁⲁⲃ ⲉⲧⲃⲉ ⲟⲩϫⲱϩⲙ.
Ezek.40.2 ⲉⲡⲙⲁ ⲉⲧⲙⲙⲁⲩ ϩⲛ ϩⲉⲛϩⲟⲣⲁⲥⲓⲥ ⲛⲧⲉ ⲡⲛⲟⲩⲧⲉ ⲁⲥⲛⲧ ⲉϩⲣⲁⲓ ⲉⲡⲕⲁϩ ⲙⲡⲓⲏⲗ ⲁⲥⲙⲟⲧⲛⲉⲧ ϩⲓϫⲛ ⲟⲩⲧⲟⲟⲩ ⲉϥϫⲟⲥⲉ ⲉⲙⲁⲧⲉ ⲁⲩⲱ ⲛⲉⲣⲉⲟⲩⲧⲱϣ ⲛⲕⲱⲧ ⲙⲡⲟⲗⲓⲥ ⲙⲡⲉϥϩⲟⲧ ⲉⲃⲟⲗ ⲙⲡⲥⲁ ⲙⲡⲣⲏⲥ.
Ezek.40.3 ⲁⲩⲱ ⲁϥϫⲓⲧ ⲉϩⲟⲩⲛ ⲉⲡⲙⲁ ⲉⲧⲙⲙⲁⲩ ⲁⲩⲱ ⲉⲓⲥ ⲟⲩⲣⲱⲙⲉ ⲡⲉϥⲉⲓⲛⲉ ⲇⲉ ⲛⲉϥⲟ ⲛⲑⲉ ⲙⲡⲉⲓⲛⲉ ⲛⲟⲩϩⲟⲙⲛⲧ ⲃⲁⲣⲱⲧ ⲉⲣⲉⲟⲩⲛⲟⲩϩ ⲛⲗⲁⲥ ⲛⲧⲟⲟⲧϥ ⲉϥϣⲏϣ ⲉⲣⲉⲟⲩⲕⲁϣ ⲛϣⲓ ϩⲛ ⲧⲉϥϭⲓϫ ⲁⲩⲱ ⲛⲉϥⲁϩⲉⲣⲁⲧϥ ϩⲓⲣⲛ ⲧⲡⲩⲗⲏ.
Ezek.40.4 ⲁϥϣⲁϫⲉ ⲛⲙⲙⲁⲓ ⲛϭⲓ ⲡⲣⲱⲙⲉ ⲉϥϫⲱ ⲙⲙⲟⲥ ϫⲉ ⲡϣⲏⲣⲉ ⲙⲡⲣⲱⲙⲉ ⲁⲛⲁⲩ ϩⲛ ⲛⲉⲕⲃⲁⲗ ⲁⲩⲱ ⲛⲕⲥⲱⲧⲙ ϩⲛ ⲛⲉⲕⲙⲁⲁϫⲉ ⲛⲕϯ ⲙⲡⲉⲕϩⲏⲧ ⲉⲛⲉϯⲛⲁⲧⲥⲁⲃⲟⲕ ⲉⲣⲟⲟⲩ ⲧⲏⲣⲟⲩ ϫⲉ ⲛⲧⲁⲩⲛⲧⲕ ⲉⲡⲉⲓⲙⲁ ⲉⲧⲣⲉⲕⲛⲁⲩ ⲁⲩⲱ ⲛⲉⲧⲕⲛⲁⲛⲁⲩ ⲉⲣⲟⲟⲩ ⲧⲏⲣⲟⲩ ⲛⲕⲧⲁⲩⲟⲟⲩ ⲉⲡⲏⲓ ⲙⲡⲓⲏⲗ.
Ezek.40.5 ⲁⲩⲱ ⲉⲓⲥ ⲟⲩⲥⲟⲃⲧ ⲛⲉϥⲙⲡⲃⲟⲗ ⲙⲡⲏⲓ ⲉϥⲕⲱⲧⲉ ⲉⲣⲟϥ ⲁⲩⲱ ⲛⲉϥϩⲛ ⲧϭⲓϫ ⲙⲡⲣⲱⲙⲉ ⲛϭⲓ ⲟⲩⲕⲁϣ ⲛϣⲓ ⲉϥⲛⲁⲣⲥⲟⲟⲩ ⲙⲙⲁϩⲉ ϩⲛ ⲟⲩⲙⲁϩⲉ ⲙⲛ ⲟⲩϣⲟⲡ ⲁⲩⲱ ⲁϥϣⲓ ⲡⲟⲩⲱϣⲥ ⲙⲡⲕⲱⲧ ⲛⲟⲩⲕⲁϣ ⲛⲟⲩⲱⲧ ⲁⲩⲱ ⲡⲉϥϫⲓⲥⲉ ⲛⲉϥϣⲏϣ ⲙⲛ ⲡⲕⲁϣ ⲉⲡⲥⲁ ⲡⲥⲁ.
Ezek.40.6 ⲁⲩⲱ ⲁϥⲛⲧ ⲉϩⲣⲁⲓ ⲉⲧⲡⲩⲗⲏ ⲉⲧϭⲱϣⲧ ⲉⲡⲥⲁ ⲙⲡⲉⲓⲏⲃⲧ ⲁⲩⲱ ⲁϥⲙⲟⲟϣⲉ ϩⲣⲁⲓ ϩⲛ ⲛⲉⲥⲧⲱⲣⲧⲣ ⲁϥϣⲓ ⲙⲡϩⲁⲛⲣⲟ ⲛⲧⲡⲩⲗⲏ ⲡⲉϥⲟⲩⲱϣⲥ ⲉϥⲛⲁⲣⲟⲩⲕⲁϣ ⲛⲟⲩⲱⲧ.
Ezek.40.7 ⲁⲩⲱ ⲡϫⲓⲥⲉ ⲙⲡϩⲁⲛⲣⲟ ⲉϥⲛⲁⲣⲟⲩⲕⲁϣ ⲛⲟⲩⲱⲧ ⲁⲩⲱ ⲡⲙⲁ ⲉⲧⲛⲉⲥⲱϥ ⲉϥⲛⲁⲣⲟⲩⲕⲁϣ ⲛⲟⲩⲱⲧ ⲛⲟⲩⲁϣⲥⲉ ⲁⲩⲱ ⲧⲙⲏⲧⲉ ⲙⲡⲁ ⲉⲧⲛⲉⲥⲱϥ ⲉϥⲛⲁⲣϯⲟⲩ ⲙⲙⲁϩⲉ.
Ezek.40.8 […]
Ezek.40.9 ⲁⲩⲱ ⲡϩⲁⲛⲣⲟ ⲛⲧⲡⲩⲗⲏ ⲉⲧϩⲏⲛ ⲉⲧⲡⲁⲣⲁⲥⲧⲁⲥ ⲡϩⲟⲩⲛ ⲛⲧⲡⲩⲗⲏ ⲉϥⲛⲁⲣⲟⲩⲕⲁϣ ⲛⲟⲩⲱⲧ ⲁⲩⲱ ⲁϥϣⲓ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲉⲥⲛⲁⲣϣⲙⲟⲩⲛ ⲙⲙⲁϩⲉ ⲁⲩⲱ ⲡⲉⲥⲟⲩⲱϣⲥ ⲉϥⲛⲁⲣⲙⲁϩⲉ ⲥⲛⲁⲩ.
Ezek.40.10 ⲁⲩⲱ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲉⲧϩⲓϩⲟⲩⲛ ⲛⲙⲙⲁ ⲉⲧⲛⲉⲥⲱⲟⲩ ⲛⲧⲡⲩⲗⲏ ⲛⲧⲉϩⲓⲏ ⲉⲧϫⲓ ⲉⲙⲙⲁ ⲛϣⲁ ϣⲟⲙⲛⲧ ⲛⲥⲁ ⲡⲁⲓ ⲁⲩⲱ ϣⲟⲙⲛⲧ ⲛⲥⲁ ⲡⲁⲓ ⲉⲩϣⲓ ⲛⲟⲩⲱⲧ ⲡⲉ ⲙⲡϣⲟⲙⲛⲧ ⲁⲩⲱ ⲉⲩϣⲓ ⲛⲟⲩⲱⲧ ⲡⲉ ⲛⲛⲉⲥⲟⲩⲱϣⲥ ⲉⲡⲥⲁ ⲡⲥⲁ.
Ezek.40.11 ⲁⲩⲱ ⲁϥϣⲓⲟⲩⲱϣⲥ ⲛⲛⲣⲟ ⲛⲧⲡⲩⲗⲏ ⲙⲙⲏⲧ ⲙⲙⲁϩⲉ.
Ezek.40.12 ⲁⲩⲱ ⲡⲕⲱⲧⲉ ⲉⲧϫⲓ ⲉⲧⲉϩⲓⲏ ⲛⲙⲙⲁ ⲉⲧⲛⲉⲥⲱⲟⲩ ⲉϥⲛⲁⲣⲟⲩⲙⲁϩⲉ ⲛⲟⲩⲱⲧ ⲛⲕⲱⲧⲉ ⲛⲥⲁ ⲡⲁⲓ ⲁⲩⲱ ⲡⲙⲁ ⲉⲧⲛⲉⲥⲱϥ ⲉϥⲛⲁⲣⲥⲟⲟⲩ ⲙⲙⲁϩⲉ ⲛⲥⲁ ⲡⲁⲓ ⲁⲩⲱ ⲕⲉⲥⲟⲟⲩ ⲙⲙⲁϩⲉ ⲛⲥⲁ ⲡⲁⲓ.
Ezek.40.13 ⲁⲩⲱ ⲁϥϣⲓⲧⲡⲩⲗⲏ ϫⲓⲛ ϫⲱϥ ⲙⲡⲙⲁ ⲉⲧⲛⲉⲥⲱϥ ⲉϫⲱⲥ ⲛⲧⲡⲩⲗⲏ ⲡⲉⲥⲟⲩⲱϣⲥ ⲉϥⲛⲁⲣϫⲟⲩⲧⲏ ⲙⲙⲁϩⲉ ⲉⲣⲉⲟⲩⲣⲟ ⲙⲡϩⲟⲧ ⲉⲃⲟⲗ ⲛⲟⲩⲣⲟ.
Ezek.40.14 ⲁⲩⲱ ⲁϥⲧⲁⲙⲓⲟ ⲛⲛⲟⲩⲱϭ ⲛⲥⲉ ⲙⲙⲁϩⲉ ⲁⲩⲱ ϩⲁϩⲧⲉ ⲛⲟⲩⲱϭ ⲛⲧⲁⲩⲗⲏ ⲙⲡⲕⲱⲧⲉ ⲛⲧⲡⲩⲗⲏ ⲙⲡⲉⲥⲕⲱⲧⲉ ⲧⲏⲣϥ.
Ezek.40.15 ⲁⲩⲱ ϩⲓ ϩⲣⲁⲥ ⲛⲧⲡⲩⲗⲏ ⲉⲧϫⲟⲟⲣ ϣⲁ ϩⲓϩⲏ ⲛⲧⲡⲁⲣⲁⲥⲧⲁⲥ ⲛⲧⲡⲩⲗⲏ ϩⲓϩⲟⲩⲛ ⲉⲩⲛⲁⲣⲧⲁⲓⲟⲩ ⲙⲙⲁϩⲉ.
Ezek.40.16 ⲁⲩⲱ ϩⲉⲛϣⲟⲩϣⲧ ⲉⲩⲧⲟⲟⲙⲉ ϩⲁϩⲧⲏⲛ ⲙⲙⲁ ⲉⲧⲛⲉⲥⲱⲟⲩ ⲁⲩⲱ ϩⲁϩⲧⲏⲛ ⲛⲟⲩⲱϭ ⲛⲉⲧⲙⲡϩⲟⲩⲛ ⲛⲧⲡⲩⲗⲏ ⲙⲡⲕⲱⲧⲉ ⲧⲏⲣϥ ⲧⲁⲓ ⲧⲉ ⲑⲉ ⲉⲧⲟⲩϣⲟⲟⲡ ⲛϭⲓ ϩⲉⲛϣⲟⲩϣⲧ ⲛⲙⲡⲁⲣⲁⲥⲧⲁⲥ ⲙⲡⲉⲩⲕⲱⲧⲉ ⲧⲏⲣϥ ⲉⲣⲉϩⲉⲛϣⲟϫⲧ ϣⲟⲟⲡ ϩⲙ ⲡⲟⲩⲱϭ.
Ezek.40.17 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲉⲓⲥ ϩⲉⲛⲕⲁⲍⲟⲫⲩⲗⲁⲕⲓⲟⲛ ⲉⲩⲡⲟⲣϣ ⲛⲱⲛⲉ ⲉⲁⲩⲧⲁⲙⲓⲟⲟⲩ ⲛⲧⲁⲩⲗⲏ ⲙⲡⲉⲥⲕⲱⲧⲉ ⲧⲏⲣϥ ⲙⲁⲁⲃ ⲛⲅⲁⲍⲟⲫⲩⲗⲁⲕⲓⲟⲛ ϩⲁⲧⲉ ⲡⲗⲓⲑⲟⲥⲧⲣⲱⲧⲟⲛ.
Ezek.40.18 ⲁⲩⲱ ⲡⲗⲓⲑⲟⲥⲧⲣⲱⲧⲟⲛ ⲡⲉⲧϩⲓ ⲧⲡⲉ ⲛⲧⲁⲩⲗⲏ ⲉϥϣⲏϣ ⲙⲛ ⲧⲉϣⲓⲏ ⲛⲙⲡⲩⲗⲏ ⲛⲛⲁϩⲣⲙ ⲡⲗⲓⲑⲟⲥⲧⲣⲱⲧⲟⲛ ⲉⲧϩⲁ ⲡⲉⲥⲏⲧ.
Ezek.40.19 ⲁⲩⲱ ⲁϥϣⲓⲡⲟⲩⲱϣⲥ ϫⲓⲛ ϩⲓϩⲏ ⲛⲧⲡⲩⲗⲏ ⲉⲧϩⲁ ⲡⲉⲥⲏⲧ ⲉϩⲏ ⲛⲧⲁⲩⲗⲏ ⲉⲧϩⲓⲟⲩⲛ ⲉⲡⲥⲁ ⲙⲡⲃⲟⲗ ⲉϥⲛⲁⲣϣⲉ ⲙⲙⲁϩⲉ ⲉⲡⲥⲁ ⲙⲡⲓⲏⲃⲧ ⲙⲛ ⲡⲉⲙϩⲓⲧ.
Ezek.40.20 ⲁⲩⲱ ⲧⲡⲩⲗⲏ ⲉⲧϭⲱϣⲧ ⲉⲧⲉϩⲓⲏ ⲙⲡⲉⲙϩⲓⲧ ⲛⲧⲁⲩⲗⲏ ⲉⲧϩⲓⲃⲟⲗ ⲁϥϣⲓⲧⲥ ⲉⲡⲉⲥϣⲓⲁⲓ ⲁⲩⲱ ⲉⲡⲉⲥⲟⲩⲱϣⲥ.
Ezek.40.21 ⲁⲩⲱ ⲛⲉⲥⲕⲉⲙⲁ ⲉⲧⲛⲉⲥⲱⲟⲩ ϣⲟⲙⲛⲧ ⲛⲥⲁ ⲡⲁⲓ ⲁⲩⲱ ⲕⲉϣⲟⲙⲛⲧ ⲛⲥⲁ ⲡⲁⲓ ⲁⲩⲱ ⲛⲉⲥⲧⲱϣ ⲙⲛ ⲛⲉⲥⲕⲉⲡⲁⲣⲁⲥⲧⲁⲥ ⲁϥⲧⲁⲙⲓⲟⲟⲩ ⲕⲁⲧⲁ ⲡⲉⲓⲛⲉ ⲛⲧⲡⲩⲗⲏ ⲛϣⲟⲣⲡ ⲧⲁⲉⲓⲟⲩ ⲙⲙⲁϩⲉ ⲉⲡⲉⲥϣⲓⲁⲓ ⲁⲩⲱ ϫⲟⲩⲧⲏ ⲙⲙⲁϩⲉ ⲉⲡⲉⲥⲟⲩⲱϣⲥ ϩⲣⲁⲓ ϩⲙ ⲡⲙⲁϩⲉ.
Ezek.40.22 ⲁⲩⲱ ⲛⲉⲥϣⲟⲩϣⲧ ⲙⲛ ⲛⲉⲥⲕⲉⲡⲁⲣⲁⲥⲧⲁⲥ ⲁⲩⲱ ⲛⲉⲥϣⲟϫⲧ ⲕⲁⲧⲁ ⲡⲉⲓⲛⲉ ⲛⲧⲡⲩⲗⲏ ⲛϣⲟⲣⲡ ⲧⲉⲧϭⲱϣⲧ ⲉⲧⲉϩⲓⲏ ⲉⲧϫⲓ ⲉⲙⲙⲁ ⲛϣⲁ ⲁⲩⲱ ϩⲛ ⲥⲁϣϥ ⲛⲧⲱⲣⲧⲣ ⲉⲩⲉⲃⲱⲕ ⲉϩⲣⲁⲓ ⲉⲣⲟⲥ ⲁⲩⲱ ⲧⲉⲥⲡⲁⲣⲁⲥⲧⲁⲥ ⲉⲥϩⲓϩⲏ ⲙⲙⲟⲟⲩ.
Ezek.40.23 ⲁⲩⲱ ⲧⲡⲩⲗⲏ ⲛⲧⲁⲩⲗⲏ ⲉⲧϩⲓϩⲟⲩⲛ ⲙⲡⲉⲙⲧⲟ ⲉⲃⲟⲗ ⲛⲧⲁⲩⲗⲏ ⲙⲡⲉⲙϩⲓⲧ ⲛⲙⲙⲁ ⲛϣⲁ ⲁⲩⲱ ⲁϥϣⲓ ϫⲓⲛ ⲡⲩⲗⲏ ⲉⲡⲩⲗⲏ ⲛϣⲉ ⲙⲙⲁϩⲉ.
Ezek.40.24 ⲁⲩⲱ ⲁϥϫⲓⲧ ⲉⲃⲟⲗ ϩⲙ ⲡⲣⲏⲥ ⲁⲩⲱ ⲉⲓⲥ ⲟⲩⲡⲩⲗⲏ ⲙⲡⲥⲁ ⲙⲡⲣⲏⲥ ⲁϥϣⲓ ⲛⲛⲉⲥⲟⲩⲱϭ ⲙⲛ ⲛⲉⲥⲡⲁⲣⲁⲥⲧⲁⲥ ⲕⲁⲧⲁ ⲛⲉⲓϣⲓ ⲛⲟⲩⲱⲧ.
Ezek.40.25 ⲉⲣⲉϩⲉⲛϣⲟⲩϣⲧ ⲙⲙⲟⲥ ⲁⲩⲱ ⲧⲉⲥⲕⲉⲡⲁⲣⲁⲥⲧⲁⲥ ⲉⲣⲉⲟⲩⲟⲛ ⲙⲙⲟⲥ ϩⲙ ⲡⲉⲥⲕⲱⲧⲉ ⲧⲏⲣϥ ⲛⲑⲉ ⲛⲛⲉⲓϣⲟⲩϣⲧ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.26 ⲁⲩⲱ ⲥⲁϣϥ ⲛⲧⲱⲣⲧⲣ ⲉⲩϣⲟⲟⲡ ⲛⲁⲥ ⲁⲩⲱ ⲧⲉⲥⲡⲁⲣⲁⲥⲧⲁⲥ ⲉⲓⲥ ϩⲓϩⲏ ⲙⲙⲟⲟⲩ ⲁⲩⲱ ⲛⲉⲥϣⲟϫⲧ ⲟⲩⲁ ⲛⲥⲁ ⲡⲁⲓ ⲁⲩⲱ ⲟⲩⲁ ⲛⲥⲁ ⲡⲁⲓ ⲙⲙⲟⲥ ϩⲓⲧⲛ ⲛⲉⲥⲟⲩⲱϭ.
Ezek.40.27 ⲁⲩⲱ ⲧⲡⲩⲗⲏ ⲛⲧⲁⲩⲗⲏ ⲉⲧϩⲓϩⲟⲩⲛ ⲉⲡⲥⲁ ⲙⲡⲣⲏⲥ ⲁⲩⲱ ⲁϥϣⲓ ϫⲓⲛ ⲡⲩⲗⲏ ⲉⲡⲩⲗⲏ ⲉⲡⲥⲁ ⲙⲡⲣⲏⲥ ⲛϣⲉ ⲙⲙⲁϩⲉ.
Ezek.40.28 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲉⲧϩⲓϩⲟⲩⲛ ϫⲓⲛ ⲧⲡⲩⲗⲏ ⲙⲡⲣⲏⲥ ⲁⲩⲱ ⲁϥϣⲓ ⲧⲡⲩⲗⲏ ⲙⲡⲣⲏⲥ ⲕⲁⲧⲁ ⲛⲉⲓϣⲓ.
Ezek.40.29 ⲁⲩⲱ ⲛⲉⲥⲙⲁ ⲉⲧⲛⲉⲥⲱⲟⲩ ⲙⲛ ⲛⲉⲥⲟⲩⲱϭ ⲁⲩⲱ ⲛⲉⲥⲡⲁⲣⲁⲥⲧⲁⲥ ⲉⲩⲛⲏⲩ ⲕⲁⲧⲁ ⲛⲉⲓϣⲓ ⲁⲩⲱ ⲛⲉⲥϣⲟⲩϣⲧ ⲙⲛ ⲛⲉⲥⲡⲁⲣⲁⲥⲧⲁⲥ ϩⲙ ⲡⲉⲥⲕⲱⲧⲉ ⲧⲏⲣϥ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.30 ⲁⲩⲱ ⲛⲉⲥⲡⲁⲣⲁⲥⲧⲁⲥ ⲉⲧϩⲙ ⲡⲉⲥⲕⲱⲧⲉ ⲉⲩⲛⲁⲣϫⲟⲩⲧⲏ ⲙⲙⲁϩⲉ ⲛϣⲓⲏ ⲁⲩⲱ ϯⲟⲩ ⲙⲙⲁϩⲉ ⲛⲟⲩⲱϣⲥ.
Ezek.40.31 ⲁⲩⲱ ⲧⲉⲥⲡⲁⲣⲁⲥⲧⲁⲥ ⲉⲧϫⲓ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲛϣⲟϫⲧ ϩⲁⲧⲛ ⲛⲉⲥⲟⲩⲱϭ ⲁⲩⲱ ϣⲙⲟⲩⲛ ⲛⲧⲱⲣⲧⲣ ⲉⲩϣⲟⲟⲡ ⲛⲁⲥ ⲉⲃⲱⲕ ⲉϩⲣⲁⲓ ⲉⲣⲟⲥ.
Ezek.40.32 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲉⲧϩⲓϩⲟⲩⲛ ⲉⲃⲟⲗ ϩⲛ ⲧⲉϩⲓⲏ ⲉⲧϫⲓ ⲉⲙⲙⲁ ⲛϣⲁ ⲁϥϣⲓⲧⲡⲩⲗⲏ ⲕⲁⲧⲁ ⲛⲉⲓϣⲓ.
Ezek.40.33 ⲙⲛ ⲛⲉⲥⲡⲁⲣⲁⲥⲧⲁⲥ ⲙⲛ ⲛⲉⲧϩⲙ ⲡⲉⲥⲕⲱⲧⲉ ⲁⲩⲱ ⲛⲉⲥⲙⲁ ⲉⲧⲛⲉⲥⲱⲟⲩ ⲙⲛ ⲛⲉⲥⲟⲩⲱϭ ⲁⲩⲱ ⲛⲉⲥⲕⲉⲙⲁ ⲉⲧϩⲓⲣⲛ ⲛⲉⲥⲡⲩⲗⲏ ⲕⲁⲧⲁ ⲛⲉⲓϣⲓ ⲁⲩⲱ ⲛⲉⲥϣⲟⲩϣⲧ ⲙⲛ ⲛⲉⲥⲡⲣⲟⲡⲩⲗⲱⲛ ⲉⲧϩⲙ ⲡⲉⲥⲕⲱⲧⲉ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.34 ⲛⲉⲥⲡⲣⲟⲡⲩⲗⲱⲛ ⲇⲉ ⲁⲩⲱ ⲧⲁⲩⲗⲏ ⲉⲧϩⲓϩⲟⲩⲛ ⲙⲛ ⲛϣⲟϫⲧ ⲉⲧϩⲙ ⲡⲉⲥⲕⲱⲧⲉ ⲛⲥⲁ ⲡⲉⲓⲥⲁ ⲁⲩⲱ ⲛⲥⲁ ⲡⲁⲓ ⲙⲙⲟⲥ ⲡⲉⲥⲙⲁ ⲛⲃⲱⲕ ⲉϩⲣⲁⲓ ⲉⲩⲛⲁⲣϣⲙⲟⲩⲛ ⲛⲧⲱⲣⲧⲣ.
Ezek.40.35 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲁⲩⲗⲏ ⲙⲡⲉⲙϩⲓⲧ ⲁⲩⲱ ⲁϥϣⲓⲧⲥ ⲕⲁⲧⲁ ⲛⲉⲓϣⲓ.
Ezek.40.36 ⲁⲩⲱ ⲛⲉⲥⲙⲁ ⲉⲧⲛⲉⲥⲱⲟⲩ ⲙⲛ ⲛⲉⲥⲟⲩⲱϭ ⲁⲩⲱ ⲛⲉⲥⲡⲁⲣⲁⲥⲧⲁⲥ ⲙⲛ ⲛⲉⲥϣⲟⲩϣⲧ ϩⲙ ⲡⲉⲥⲕⲱⲧⲉ ⲉⲩⲛⲁⲣⲧⲁⲓⲟⲩ ⲙⲙⲁϩⲉ ⲛϣⲓⲏ ⲁⲩⲱ ϫⲟⲩⲧⲏ ⲙⲙⲁϩⲉ ⲛⲟⲩⲱϣⲥ.
Ezek.40.37 ⲁⲩⲱ ⲛⲉⲥⲟⲩⲱϭ ⲉⲩϫⲓ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲛϣⲟϫⲧ ϩⲁⲧⲛ ⲛⲉⲥⲟⲩⲱϭ ⲛⲥⲁ ⲡⲁⲓ ⲙⲛ ⲡⲁⲓ ⲙⲙⲟⲥ ⲁⲩⲱ ϣⲙⲟⲩⲛ ⲛⲧⲱⲣⲧⲣ ⲡⲉ ⲡⲉⲥⲙⲁ ⲛⲃⲱⲕ ⲉϩⲣⲁⲓ.
Ezek.40.38 ⲁⲩⲱ ⲡⲕⲁⲍⲟⲫⲩⲗⲁⲕⲓⲟⲛ ⲙⲛ ⲛⲉϥⲣⲟ ⲉⲩϩⲛ ⲛⲟⲩⲱϭ ⲛⲙⲡⲩⲗⲏ ⲉⲩⲛⲁⲉⲓⲱ ⲉⲃⲟⲗ ⲙⲡⲙⲁ ⲉⲧⲙⲙⲁⲩ ⲙⲡⲉϭⲗⲓⲗ.
Ezek.40.39 ⲁⲩⲱ ϩⲛ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲧⲣⲁⲡⲉⲍⲁ ⲥⲛⲧⲉ ⲉⲩⲕⲏ ⲉϩⲣⲁⲓ ⲛⲥⲁ ⲡⲉⲓⲥⲡⲓⲣ ⲁⲩⲱ ⲧⲣⲁⲡⲉⲍⲁ ⲥⲛⲧⲉ ⲛⲥⲁ ⲡⲁⲓ ⲉϣⲱⲱⲧ ϩⲓϫⲱⲟⲩ ⲙⲡⲉϭⲗⲓⲗ ⲕⲁⲧⲁ ⲛⲛⲟⲃⲉ ⲁⲩⲱ ⲛⲉⲑⲩⲥⲓⲁ ⲛⲧⲙⲉⲧⲁⲛⲟⲓⲁ.
Ezek.40.40 ⲁⲩⲱ ϩⲓϫⲙ ⲡⲉⲥⲡⲓⲣ ⲉⲧϩⲓⲃⲟⲗ ⲉⲧϫⲓ ⲉϩⲟⲩⲛ ⲉⲡⲣⲟ ⲛⲧⲡⲩⲗⲏ ⲙⲡⲉⲙϩⲓⲧ ⲧⲣⲁⲡⲉⲍⲁ ⲥⲛⲧⲉ ⲉⲩⲕⲏ ⲉϩⲣⲁⲓ ⲁⲩⲱ ϩⲁϩⲧⲛ ⲡⲕⲉⲥⲡⲓⲣ ⲡⲉⲧϩⲛ ⲧⲡⲁⲣⲁⲥⲧⲁⲥ ⲛⲧⲡⲩⲗⲏ ⲧⲣⲁⲡⲉⲍⲁ ⲥⲛⲧⲉ.
Ezek.40.41 ⲁⲩⲱ ⲕⲉϥⲧⲟ ⲛⲧⲣⲁⲡⲉⲍⲁ ⲛⲥⲁ ⲡⲁⲓ ⲁⲩⲱ ⲕⲉϥⲧⲟ ⲛⲥⲁ ⲛⲏ ⲉⲡⲉⲥⲡⲓⲣ ⲛⲧⲡⲩⲗⲏ ϣⲙⲟⲩⲛ ⲛⲧⲣⲁⲡⲉⲍⲁ ⲉⲩⲕⲏ ⲉϩⲣⲁⲓ ⲉⲧⲣⲉⲩϣⲱⲱⲧ ϩⲓϫⲱⲟⲩ.
Ezek.40.42 ⲁⲩⲱ ϥⲧⲟ ⲛⲧⲣⲁⲡⲉⲍⲁ ⲉⲡⲉϭⲗⲓⲗ ⲛϩⲉⲛⲱⲛⲉ ⲉⲩⲕⲉϩⲕⲱϩ ⲉⲩⲛⲁⲣⲟⲩⲙⲁϩⲉ ⲟⲩϭⲟⲥ ⲛϣⲓⲏ ⲁⲩⲱ ⲟⲩⲙⲁϩⲉ ⲟⲩϭⲟⲥ ⲛⲟⲩⲱϣⲥ ⲁⲩⲱ ⲟⲩⲙⲁϩⲉ ⲛϫⲓⲥⲉ ⲉⲧⲣⲉⲩⲕⲱ ⲛⲛⲉⲩⲥⲕⲉⲩⲏ ϩⲁϩⲧⲏⲩ ⲛⲁⲓ ⲉⲧⲟⲩⲛⲁϣⲱⲱⲧ ⲛϩⲏⲧⲟⲩ ⲛⲛⲉϭⲗⲓⲗ ⲛⲧⲉⲑⲩⲥⲓⲁ.
Ezek.40.43 ⲁⲩⲱ ϩⲉⲛⲥⲡⲟⲧⲟⲩ ⲉⲩⲛⲁⲣ ⲟⲩϣⲟⲡ ⲉⲩⲧⲏϣ ϩⲓϩⲟⲩⲛ ⲙⲡⲕⲱⲧⲉ ⲧⲏⲣϥ ⲉⲧⲣⲉⲩϣⲱⲡⲉ ϩⲓϫⲛ ⲛⲉⲧⲣⲁⲡⲉⲍⲁ ⲛϭⲓ ⲛⲁϥ ⲙⲡⲇⲱⲣⲟⲛ.
Ezek.40.44 ⲁⲩⲱ ⲡⲃⲟⲗ ⲙⲧⲡⲩⲗⲏ ⲉⲧϩⲓϩⲟⲩⲛ ⲅⲁⲍⲟⲫⲩⲗⲁⲕⲓⲟⲛ ⲥⲛⲁⲩ ⲛⲛⲁⲣⲭⲱⲛ ϩⲛ ⲧⲁⲩⲗⲏ ⲉⲧϩⲓϩⲟⲩⲛ ⲙⲡϩⲟ ⲛⲧⲡⲩⲗⲏ ⲙⲡⲉⲙϩⲓⲧ ⲁⲩⲱ ⲛⲉⲩϩⲟ ⲉⲩϭⲱϣⲧ ⲉⲧⲉϩⲓⲏ ⲙⲡⲣⲏⲥ ⲙⲡϩⲟⲧ ⲉⲃⲟⲗ ⲛⲧⲡⲩⲗⲏ ⲉⲧϩⲛ ⲙⲙⲁ ⲛϣⲁ ⲉϥϭⲱϣⲧ ⲉⲡⲉⲙϩⲓⲧ.
Ezek.40.45 ⲁⲩⲱ ⲁϥϣⲁϫⲉ ⲛ︤ⲙ︥ⲙⲁⲓ ⲉϥϫⲱ ⲙ̄ⲙⲟⲥ ϫⲉ ⲡⲉⲓⲅⲁⲍⲟⲫⲩⲗⲁⲕⲓⲟⲛ ⲉⲧϭⲱϣ︤ⲧ︥ ⲉⲡⲥⲁ ⲙ̄ⲡⲣⲏⲥ ⲉϥⲛⲁϣⲱⲡⲉ ⲛ̄ⲛ̄ⲟⲩⲏⲏⲃ ⲛⲉⲧⲣⲟⲉⲓⲥ ⲉⲛ̄ⲟⲩⲣ̄ϣⲉ ⲙ̄ⲡⲏⲓ̈.
Ezek.40.46 ⲁⲩⲱ ⲡⲕⲉⲅⲁⲍⲟⲫⲩⲗⲁⲕⲓⲟⲛ ⲉⲧϭⲱϣⲧ ⲉⲡⲥⲁ ⲙⲡⲉⲙϩⲓⲧ ⲉϥⲛⲁϣⲱⲡⲉ ⲛⲛⲟⲩⲏⲏⲃ ⲛⲉⲧⲣⲟⲉⲓⲥ ⲉⲡⲉⲑⲩⲥⲓⲁⲥⲧⲏⲣⲓⲟⲛ ⲉⲧⲉⲛⲧⲟⲟⲩ ⲛⲉ ⲛϣⲏⲣⲉ ⲛⲥⲁⲇⲱⲕ ⲛⲉⲧϩⲏⲛ ⲉϩⲟⲩⲛ ⲉⲡϫⲟⲉⲓⲥ ⲉⲃⲟⲗ ϩⲛ ⲛϣⲏⲣⲉ ⲛⲗⲉⲩⲉⲓ ⲉϣⲙϣⲉ ⲛⲁϥ.
Ezek.40.47 ⲁⲩⲱ ⲁϥϣⲓ ⲧϭⲟⲙ ⲉⲥⲛⲁⲣϣⲉ ⲙⲙⲁϩⲉ ⲛϣⲓⲏ ⲁⲩⲱ ϣⲉ ⲙⲙⲁϩⲉ ⲛⲟⲩⲱϣⲥ ⲉⲥⲟ ⲛⲧⲉⲧⲣⲁⲅⲱⲛⲟⲛ ⲁⲩⲱ ⲡⲉⲑⲩⲥⲓⲁⲥⲧⲏⲣⲓⲟⲛ ⲉⲧϩⲓϩⲏ ⲙⲡⲏⲓ.
Ezek.40.48 ⲁⲩⲱ ⲁϥϫⲓⲧ ⲉϩⲟⲩⲛ ⲉⲧⲡⲁⲣⲁⲥⲧⲁⲥ ⲙⲏⲡⲓ ⲁϥϣⲓ ⲧⲡⲁⲣⲁⲥⲧⲁⲥ ϯⲟⲩ ⲙⲙⲁϩⲉ ⲉⲥⲟ ⲙⲙⲟⲟⲩ ⲛⲥⲁ ⲡⲁⲓ ⲁⲩⲱ ⲕⲉϯⲟⲩ ⲙⲙⲁϩⲉ ⲛⲥⲁ ⲡⲁⲓ ⲁⲩⲱ ⲡⲟⲩⲱϣⲥ ⲛⲧⲡⲩⲗⲏ ϣⲟⲙⲛⲧ ⲙⲙⲁϩⲉ ⲛⲥⲁ ⲡⲁⲓ.
Ezek.40.49 ⲁⲩⲱ ⲡⲉϣⲓⲏ ⲛⲧⲡⲁⲣⲁⲥⲧⲁⲥ ⲉϥⲛⲁⲣϫⲟⲩⲱⲧ ⲙⲙⲁϩⲉ ⲁⲩⲱ ⲡⲟⲩⲱϣⲥ ⲛⲧⲡⲁⲣⲁⲥⲧⲁⲥ ⲉϥⲛⲁⲣⲙⲛⲧⲟⲩⲉ ⲙⲙⲁϩⲉ ⲁⲩⲱ ⲡⲉⲥⲧⲱϣ ⲉϥⲥⲙⲟⲛⲧ ϩⲛ ⲙⲛⲧⲟⲩⲉ ⲛⲧⲱⲣⲧⲣ ⲉⲧⲣⲉⲩⲃⲱⲕ ⲛⲁϥ ⲉϩⲣⲁⲓ ⲛϩⲏⲧⲟⲩ ⲁⲩⲱ ϩⲉⲛⲥⲧⲩⲗⲟⲥ ϩⲁϩⲧⲛ ⲛⲟⲩⲱϭ ⲟⲩⲁ ⲛⲥⲁ ⲡⲁⲓ ⲁⲩⲱ ⲕⲉⲟⲩⲁ ⲛⲥⲁ ⲡⲁⲓ.
Ezek.41.1 ⲁⲩⲱ ⲁϥϫⲓⲧ ⲉϩⲟⲩⲛ ⲉⲡⲣⲡⲉ ⲉⲧϩⲓϩⲟⲩⲛ ⲁⲩⲱ ⲁϥϣⲓ ⲛⲟⲩⲱϭ ⲉⲩⲛⲁⲣⲥⲟⲟⲩ ⲙⲙⲁϩⲉ ⲛⲟⲩⲱϣⲥ ⲛⲥⲁ ⲡⲁⲓ.
Ezek.41.2 ⲁⲩⲱ ⲕⲉⲥⲟⲟⲩ ⲙⲙⲁϩⲉ ⲛⲟⲩⲱϣⲥ ⲛⲥⲁ ⲡⲁⲓ ⲁⲩⲱ ⲡⲟⲩⲱϣⲥ ⲛⲧⲉⲥⲕⲩⲛⲏ ⲙⲛ ⲡⲟⲩⲱϣⲥ ⲙⲡⲣⲟ ⲉϥⲛⲁⲣⲙⲏⲧ ⲙⲙⲁϩⲉ ⲁⲩⲱ ⲛⲉⲥⲡⲓⲣ ⲙⲡⲣⲟ ⲉⲩⲛⲁⲣϯⲟⲩ ⲙⲙⲁϩⲉ ⲛⲥⲁ ⲡⲁⲓ [ⲁⲩⲱ ⲕⲉϯⲟⲩ ⲙⲙⲁϩⲉ ⲛⲥⲁ ⲡⲁⲓ] ⲁⲩⲱ ⲁϥϣⲓ ⲧⲉϥϣⲓⲏ ⲉϥⲛⲁⲣϩⲙⲉ ⲙⲙⲁϩⲉ ⲁⲩⲱ ϫⲟⲩⲱⲧ ⲙⲙⲁϩⲉ ⲛⲟⲩⲱϣⲥ.
Ezek.41.3 ⲁⲩⲱ ⲁϥϫⲱⲧⲉ ⲉⲡⲥⲁ ⲛϩⲟⲩⲛ ⲁϥϣⲓ ⲛⲟⲩⲱϭ ⲙⲡⲣⲟ ⲉⲩⲛⲁⲣⲙⲁϩⲉ ⲥⲛⲁⲩ ⲁⲩⲱ ⲡⲣⲟ ⲉϥⲛⲁⲣⲥⲟⲟⲩ ⲙⲙⲁϩⲉ ⲛϣⲓⲏ ⲁⲩⲱ ⲡⲟⲩⲱϣⲥ ⲙⲡⲣⲟ ⲉϥⲛⲁⲣⲥⲁϣϥ ⲙⲙⲁϩⲉ.
Ezek.41.4 ⲁⲩⲱ ⲧⲉϥϣⲓⲏ ⲁϥϣⲓⲧⲥ ⲉⲥⲛⲁⲣϫⲟⲩⲱⲧ ⲙⲙⲁϩⲉ ⲁⲩⲱ ϫⲟⲩⲱⲧ ⲙⲙⲁϩⲉ ⲛⲟⲩⲱϣⲥ ⲙⲡϩⲟⲧ ⲉⲃⲟⲗ ⲙⲡⲣⲉ ⲁⲩⲱ ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ ⲡⲉⲧⲟⲩⲁⲁⲃ ⲛⲛⲉⲧⲟⲩⲁⲁⲃ.
Ezek.41.5 ⲁⲩⲱ ⲁϥϣⲓⲧϫⲟ ⲙⲡⲏⲓ ⲛⲥⲟⲟⲩ ⲙⲙⲁϩⲉ ⲁⲩⲱ ⲡⲟⲩⲱϣⲥ ⲙⲡⲣⲡⲉ ⲉϥⲛⲁⲣϥⲧⲟⲟⲩ ⲙⲙⲁϩⲉ ⲉϥⲕⲱⲧⲉ ⲉⲡⲏⲓ.
Ezek.41.6 ⲉⲣⲉⲛⲉⲥⲡⲓⲣⲟⲟⲩⲉ ⲕⲱⲧⲉ ⲉⲣⲟϥ ⲟⲩⲥⲡⲓⲣ ⲉϩⲟⲩⲛ ϩⲛ ⲟⲩⲥⲡⲓⲣ ⲉⲩⲛⲁⲣⲙⲁⲃϣⲟⲙⲧⲉ ⲛⲥⲟⲡ ⲥⲛⲁⲩ ⲁⲩⲱ ⲉⲩϫⲱⲧⲉ ⲉϩⲟⲩⲛ ⲉⲧϫⲟ ⲙⲡⲏⲓ ϩⲛ ⲛⲉⲥⲡⲓⲣⲟⲟⲩⲉ ⲉⲧⲕⲱⲧⲉ ⲉⲣⲟϥ ⲉⲧⲣⲉⲩϣⲱⲡⲉ ⲉⲩⲙⲏⲣ ⲉϩⲟⲩⲛ ⲉⲣⲟϥ ϩⲛ ⲧϫⲟ ⲙⲡⲏⲓ.
Ezek.41.7 ⲁⲩⲱ ⲁϥⲟⲩⲱϣⲥ ⲉⲃⲟⲗ ⲁϥⲕⲱⲧⲉ ⲉⲣⲟϥ ⲉⲧⲡⲉ ⲉⲙⲁⲧⲉ ϩⲛ ⲛⲉⲥⲡⲓⲣⲟⲟⲩⲉ ϫⲉ ⲥⲉⲕⲱⲧⲉ ⲉⲡⲕⲱⲧⲉ ⲙⲡⲏⲓ ⲉⲧⲃⲉ ⲡⲁⲓ ⲡⲟⲩⲱϣⲥ ⲙⲡⲏⲓ ⲉϥϫⲓ ⲉⲧⲡⲉ ⲁⲩⲱ ϫⲓⲛ ⲡⲉⲥⲏⲧ ⲉϥⲛⲁⲙⲟⲟϣⲉ ⲛⲥⲁ ⲧⲡⲉ ⲉⲧⲙⲏⲧⲉ.
Ezek.41.8 ⲁⲩⲱ ⲁⲓⲛⲁⲩ ⲉⲡϫⲓⲥⲉ ⲙⲡⲏⲓ ⲉⲣⲉⲛⲉϥⲥⲡⲓⲣⲟⲟⲩⲉ ⲧⲁϫⲣⲏⲩ ⲉⲩⲕⲱⲧⲉ ⲉⲣⲟϥ ⲉⲩⲙⲟⲩϩ ⲙⲡⲕⲁϣ ⲛⲥⲟⲟⲩ ⲙⲙⲁϩⲉ.
Ezek.41.9 ⲉϥϥⲏⲩ ⲙⲙⲁⲩ ⲛϭⲓ ⲡⲟⲩⲱϣⲥ ⲛⲧϫⲟ ⲉϥⲛⲏⲩ ϫⲓⲛ ⲡⲉⲥⲡⲉⲓⲣ ⲉⲡⲉⲥⲏⲧ ⲛϯⲟⲩ ⲙⲙⲁϩⲉ ⲁⲩⲱ ⲡⲉⲛⲧⲁⲩⲛⲁϩϥ ⲉⲃⲟⲗ ϩⲛ ⲧⲙⲏⲧⲉ ⲛⲛⲉⲥⲡⲓⲣⲟⲟⲩⲉ ⲉϥⲏⲡ ⲉⲡⲏⲓ.
Ezek.41.10 ⲁⲩⲱ ϩⲛ ⲧⲙⲏⲧⲉ ⲛⲛⲅⲁⲍⲟⲫⲩⲗⲁⲕⲓⲟⲛ ⲉϥⲛⲁⲣ ϫⲟⲩⲱⲧ ⲙⲙⲁϩⲉ ⲛⲟⲩⲱϣⲥ ⲉⲩⲕⲱⲧⲉ ⲉⲡⲏⲓ ⲧⲏⲣϥ.
Ezek.41.11 ⲁⲩⲱ ⲛⲣⲟ ⲙⲡⲉⲥⲡⲓⲣ ⲉⲡⲙⲁ ⲉⲧⲛⲉϩ ⲉⲃⲟⲗ ⲟⲩⲣⲟ ⲛⲟⲩⲱⲧ ⲉⲧⲉϩⲓⲏ ⲉⲧϫⲓ ⲉⲡⲉⲙϩⲓⲧ ⲁⲩⲱ ⲕⲉⲣⲟ ⲛⲟⲩⲱⲧ ⲉⲧⲉϩⲓⲏ ⲉⲧϫⲓ ⲉⲡⲣⲏⲥ ⲁⲩⲱ ⲡⲟⲩⲱϣⲥ ⲙⲡⲙⲁ ⲛⲧⲁⲩⲛⲉϩϥ ⲉⲃⲟⲗ ⲉϥⲛⲁⲣϯⲟⲩ ⲙⲙⲁϩⲉ ⲉϥⲕⲱⲧⲉ.
Ezek.41.12 ⲁⲩⲱ ⲡⲕⲱⲧ ⲉⲧⲙⲡϩⲟⲧ ⲉⲃⲟⲗ ⲙⲡⲉⲛⲧⲁⲩⲛⲉϩϥ ⲉⲃⲟⲗ ⲡⲉⲥⲡⲓⲣ ⲉⲧϫⲓ ⲉⲧⲉϩⲓⲏ ⲛⲧⲉⲑⲁⲗⲁⲥⲥⲁ ⲉϥⲛⲁⲣϣⲃⲉ ⲙⲙⲁϩⲉ ⲛⲟⲩⲱϣⲥ ⲁⲩⲱ ⲧϫⲟ ⲙⲡⲕⲱⲧ ⲉⲥⲛⲁⲣϯⲟⲩ ⲙⲙⲁϩⲉ ⲛⲟⲩⲱϣⲥ ⲉϥⲕⲱⲧⲉ ⲁⲩⲱ ⲧⲉϣⲓⲏ ⲉⲥⲛⲁⲣⲡⲥⲧⲁⲓⲟⲩ ⲙⲙⲁϩⲉ.
Ezek.41.13 ⲁⲩⲱ ⲁϥϣⲓ ⲡⲏⲓ ⲧⲉϥϣⲓⲏ ⲉⲥⲛⲁⲣϣⲉ ⲙⲙⲁϩⲉ ⲁⲩⲱ ⲡⲙⲁ ⲉⲧⲛⲉϩ ⲉⲃⲟⲗ ⲙⲡⲕⲱⲧ ⲙⲛ ⲛⲉϥⲉϫⲏ ⲉϥⲛⲁⲣϣⲉ ⲙⲙⲁϩⲉ ⲛϣⲓⲏ.
Ezek.41.14 ⲁⲩⲱ ⲧⲟⲩⲁϣⲥⲉ ⲙⲡⲉⲙⲧⲟ ⲉⲃⲟⲗ ⲙⲡⲏⲓ ⲙⲡⲙⲁ ⲉⲧⲛⲉϩ ⲉⲃⲟⲗ ⲉⲙⲙⲁ ⲛϣⲁ ⲉⲥⲛⲁⲣϣⲉ ⲙⲙⲁϩⲉ.
Ezek.41.15 ⲁⲩⲱ ⲁϥϣⲓⲧⲉϣⲓⲏ ⲙⲡⲕⲱⲧ ⲙⲡⲉⲙⲧⲟ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲉϥⲛⲏⲩ ⲛⲥⲁ ⲡⲁϩⲟⲩ ⲙⲙⲟⲥ ⲁⲩⲱ ⲛⲉϥⲉⲭⲑⲉⲧⲏⲥ ⲛⲥⲁ ⲡⲁⲓ ⲙⲛ ⲡⲁⲓ ⲙⲙⲟϥ ⲉⲩⲛⲁⲣϣⲉ ⲙⲙⲁϩⲉ ⲁⲩⲱ ⲡⲛⲁⲟⲥ ⲉⲧϩⲓϩⲟⲩⲛ ⲁⲩⲱ ⲙⲡⲁⲣⲁⲥⲧⲁⲥ ⲛⲧⲁⲩⲗⲏ.
Ezek.41.16 ⲛⲟⲩⲉϭⲣⲟ ⲙⲛ ⲛϣⲟⲩϣⲧ ⲛⲧⲁⲩϣⲟⲟⲣⲟⲩ ⲁⲩⲱ ⲛⲉⲭⲑⲉⲧⲏⲥ ⲉⲧⲕⲱⲧⲉ ⲉⲡϣⲟⲙⲛⲧ ⲛⲥⲡⲓⲣ ⲉⲧⲉⲙⲡⲉⲙⲧⲟ ⲉⲃⲟⲗ ⲙⲡϩⲁⲛⲣⲟ ⲉⲩϭⲟⲟⲗⲉ ⲛϣⲉ ⲉϥⲕⲱⲧⲉ ⲁⲩⲱ ⲡⲙⲁ ⲙⲡⲉⲥⲏⲧ ϣⲁϩⲣⲁⲓ ⲉⲛϣⲟⲩϣⲧ ⲁⲩⲱ ⲛϣⲟⲩϣⲧ ⲉⲩϩⲱⲃⲥ ⲛⲛⲟⲩⲱϭ ϩⲓ ⲧⲡⲉ ⲙⲡⲣⲟ.
Ezek.41.17 ϣⲁϩⲣⲁⲓ ⲉⲡⲏⲓ ⲉⲧϩⲓϩⲟⲩⲛ ⲁⲩⲱ ⲡⲏⲓ ⲧⲏⲣϥ ⲉⲧϩⲓⲃⲟⲗ ⲉϥⲕⲱⲧⲉ ⲉⲡⲉⲧϩⲓϩⲟⲩⲛ ⲁⲩⲱ ϩⲙ ⲡⲉⲧϩⲓⲃⲟⲗ.
Ezek.41.18 ⲉⲣⲉⲟⲩⲭⲉⲣⲟⲩⲃⲓⲛ ϣⲉⲧϣⲱⲧ ⲁⲩⲱ ⲉϥⲧⲁⲙⲓⲏⲩ ⲛϩⲏⲧϥ ⲙⲛ ϩⲉⲛⲕⲉϣⲟϫⲧ ⲉⲩϩⲛ ⲧⲙⲏⲧⲉ ⲙⲡⲉⲭⲉⲣⲟⲩⲃⲓⲛ ⲁⲩⲱ ⲡⲉⲭⲉⲣⲟⲩⲃⲓⲛ ⲛⲉⲣⲉϩⲟ ⲥⲛⲁⲩ ⲙⲙⲟϥ.
Ezek.41.19 ⲟⲩϩⲟ ⲛⲣⲱⲙⲉ ϩⲙ ⲡϣⲟϫⲧ ⲛⲥⲁ ⲡⲁⲓ ⲙⲛ ⲡⲁⲓ ⲁⲩⲱ ⲟⲩϩⲟ ⲙⲙⲟⲩⲓ ϩⲙ ⲡϣⲟϫⲧ ⲛⲥⲁ ⲡⲁⲓ ⲙⲛ ⲡⲁⲓ ⲉϥⲙⲟⲛⲅ ⲉⲡⲏⲓ ⲧⲏⲣϥ ⲉϥⲕⲱⲧⲉ.
Ezek.41.20 ϫⲓⲛ ⲡⲙⲁ ⲙⲡⲉⲥⲏⲧ ϣⲁ ⲡⲙⲁ ⲛⲧⲡⲉ ⲙⲡⲣⲟ ⲛⲉⲭⲉⲣⲟⲩⲃⲓⲛ ⲁⲩⲱ ⲛϣⲟϫⲧ ⲉⲩⲙⲟⲛⲅ.
Ezek.41.21 ⲁⲩⲱ ⲧϫⲟ ⲙⲡⲛⲁⲟⲥ ϩⲉⲛⲧⲱϣ ⲉⲩⲟ ⲛⲧⲉⲧⲣⲁⲅⲱⲛⲟⲛ ⲁⲩⲱ ⲡϩⲟ ⲙⲡⲉⲧⲟⲩⲁⲁⲃ ⲡⲉϥⲉⲓⲛⲉ ⲉϥⲟ ⲛⲑⲉ.
Ezek.41.22 ⲛⲟⲩⲑⲩⲥⲓⲁⲥⲧⲏⲣⲓⲟⲛ ⲛϣⲉ ⲉϥⲛⲁⲣϣⲟⲙⲛⲧ ⲙⲙⲁϩⲉ ⲛϫⲓⲥⲉ ⲁⲩⲱ ⲙⲁϩⲉ ⲥⲛⲁⲩ ⲛϣⲓⲏ ⲁⲩⲱ ⲛⲉϥⲕⲟⲟϩ ⲙⲛ ⲛⲉϥⲉϫⲏ ϩⲉⲛϣⲉ ⲛⲉ ⲁⲩⲱ ⲁϥϣⲁϫⲉ ⲛⲙⲙⲁⲓ ⲉϥϫⲱ ⲙⲙⲟⲥ ϫⲉ ⲧⲉⲧⲣⲁⲡⲉⲍⲁ ⲉⲧⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲉⲥⲙⲟⲛⲅ ϩⲙ ⲡⲁⲓ ⲁⲩⲱ ⲣⲟ ⲥⲛⲁⲩ ⲉⲩϣⲟⲟⲡ ⲙⲡⲛⲁⲟⲥ.
Ezek.41.23 ⲙⲛ ⲡⲉⲧⲟⲩⲁⲁⲃ ⲁⲩⲱ ⲣⲟ ⲥⲛⲁⲩ.
Ezek.41.24 ⲙⲡⲣⲟ ⲥⲛⲁⲩ ⲉⲩⲕⲧⲟ ⲙⲙⲟⲟⲩ ⲣⲟ ⲥⲛⲁⲩ ⲉⲡⲣⲟ ⲛⲟⲩⲱⲧ ⲁⲩⲱ ⲣⲟ ⲥⲛⲁⲩ ⲉⲡⲕⲉⲣⲟ.
Ezek.41.25 ⲁⲩⲱ ⲕⲉⲉⲓⲉⲡⲥⲁ ϩⲓⲣⲱⲟⲩ ⲛⲛⲉⲭⲉⲣⲟⲩⲃⲓⲛ ⲉⲛⲣⲟ ⲙⲡⲛⲁⲟⲥ ⲙⲛ ϣⲉⲛϣⲟϫⲧ ⲕⲁⲧⲁ ⲑⲉ ⲉⲛⲧⲁⲩⲧⲁⲙⲓⲟⲟⲩ ⲉⲛⲉϫⲏ ⲁⲩⲱ ⲟⲩⲟⲩⲙⲟⲧ ⲛϣⲉ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣⲁⲥⲧⲁⲥ ϩⲓⲃⲟⲗ.
Ezek.41.26 ⲁⲩⲱ ϩⲉⲛϣⲟⲩϣⲧ ⲉⲩϭⲟⲟⲗⲉ ⲧⲏⲣⲟⲩ ⲁⲩⲱ ϩⲉⲛϣⲟϫⲧ ⲛⲥⲁ ⲡⲁⲓ ⲙⲛ ⲡⲁⲓ ⲉⲛⲕⲟⲟϩ ⲛⲧⲡⲁⲣⲁⲥⲧⲁⲥ ⲁⲩⲱ ⲛⲉⲥⲡⲓⲣⲟⲟⲩⲉ ⲙⲡⲏⲓ ⲙⲛ ⲛⲉϥⲟⲩⲙⲟⲧ ⲙⲛ ⲛⲉϥϣⲓⲕ ⲏ ⲛⲉϥⲉⲓⲉⲡⲥⲁ.
Ezek.42.1 ⲁⲩⲱ ⲁϥⲛⲧ ⲉⲃⲟⲗ ⲉⲧⲁⲩⲗⲏ ⲉⲧϩⲓⲃⲟⲗ ⲉⲧⲉϩⲓⲏ ⲉⲧϫⲓ ⲉⲡⲉⲙϩⲓⲧ ⲁⲩⲱ ⲁϥϫⲓⲧ ⲉϩⲟⲩⲛ ⲉⲡⲅⲁⲍⲟⲫⲩⲗⲁⲕⲓⲟⲛ ⲉⲧⲙⲡⲉⲙⲧⲟ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲁⲩⲱ ⲡⲉⲧⲙⲡⲉⲙⲧⲟ ⲉⲃⲟⲗ ⲙⲡⲕⲱⲧⲉ ⲉⲧϩⲙ ⲡⲥⲁ ⲙⲡⲉⲙϩⲓⲧ.
Ezek.42.2 ⲉϥⲛⲁⲣϣⲉ ⲙⲙⲁϩⲉ ⲛϣⲓⲏ ⲁⲩⲱ ⲡⲣⲟ ⲙⲡⲉⲙϩⲓⲧ ⲙⲛ ⲡⲟⲩⲱϣⲥ ⲉⲩⲛⲁⲣⲧⲁⲓⲟⲩ ⲙⲙⲁϩⲉ.
Ezek.42.3 ⲙⲡⲉⲙⲧⲟ ⲉⲃⲟⲗ ⲙⲡⲉϫⲟⲩⲱⲧ ⲛⲧⲉ ⲧⲁⲩⲗⲏ ⲉⲧϩⲓϩⲟⲩⲛ ⲁⲩⲱ ⲙⲡⲉⲥⲙⲧⲟ ⲉⲃⲟⲗ ⲟⲩⲗⲓⲑⲟⲥⲧⲣⲱⲧⲟⲛ ⲉϥⲕⲏ ⲉϩⲣⲁⲓ ⲉϥϫⲓ ⲉϩⲟⲩⲛ ⲉⲧⲁⲩⲗⲏ ⲉⲧϩⲓⲃⲟⲗ ⲉⲣⲉⲟⲩⲉⲭⲑⲉⲧⲏⲥ ⲥⲙⲟⲛⲧ ⲙⲡⲉⲙⲧⲟ ⲉⲃⲟⲗ ⲛⲕⲉⲉⲕⲑⲉⲧⲏⲥ ⲉⲩⲟ ⲛϣⲟⲙⲛⲧ ⲛⲥⲙⲟⲧ.
Ezek.42.4 ⲁⲩⲱ ϩⲓⲑⲏ ⲛⲛⲅⲁⲍⲟⲫⲩⲗⲁⲕⲓⲟⲛ ⲟⲩⲡⲉⲣⲓⲡⲁⲧⲟⲥ ⲉϥⲥⲙⲟⲛⲧ ⲉϥⲛⲁⲣⲙⲏⲧ ⲙⲙⲁϩⲉ ⲛⲟⲩⲱϣⲥ ⲉⲧⲁⲩⲗⲏ ⲉⲧϩⲓϩⲟⲩⲛ ⲁⲩⲱ ⲟⲩⲙⲁϩⲉ ⲛⲟⲩⲱⲧ ⲛϣⲓⲏ ⲁⲩⲱ ⲛⲉⲩⲣⲟ ⲉⲩϭⲱϣⲧ ⲉⲡⲥⲁ ⲙⲡⲉⲙϩⲓⲧ.
Ezek.42.5 ⲁⲩⲱ ⲛⲕⲁⲍⲟⲫⲩⲗⲁⲅⲓⲟⲛ ⲛⲉⲩϩⲓ ⲧⲡⲉ ⲉⲩⲥⲟⲃⲕ ϫⲉ ⲁⲩϥⲓ ⲉⲃⲟⲗ ⲙⲙⲟⲟⲩ ⲛϩⲉⲛⲟⲩⲱϭ ⲛⲥⲁ ⲡⲉⲥⲏⲧ ⲙⲙⲟⲟⲩ ⲁⲩⲱ ⲛⲥⲁ ⲧⲙⲏⲧⲉ ⲙⲡⲕⲱⲧ.
Ezek.42.6 ⲉⲃⲟⲗ ϫⲉ ⲉⲩⲟ ⲛϣⲟⲙⲛⲧ ⲛⲥⲙⲟⲧ ⲁⲩⲱ ⲙⲛ ⲥⲧⲩⲗⲟⲥ ϣⲟⲟⲡ ⲛⲁⲩ ⲛⲑⲉ ⲛⲛⲉⲥⲧⲩⲗⲟⲥ ⲛⲧⲁⲩⲗⲏ ⲉⲧⲃⲉ ⲡⲁⲓ ⲁⲩϥⲓ ⲉⲃⲟⲗ ⲛⲛⲥⲁ ⲙⲡⲉⲥⲏⲧ ⲁⲩⲱ ⲉⲃⲟⲗ ϩⲛ ⲛⲥⲁ ⲛⲧⲙⲏⲧⲉ ⲛⲧⲁⲓⲟⲩ ⲙⲙⲁϩⲉ ⲉⲃⲟⲗ ϩⲛ ⲧⲉϣⲓⲏ.
Ezek.42.7 ⲁⲩⲱ ⲧϫⲟ ⲉⲧϩⲓⲃⲟⲗ ⲕⲁⲧⲁ ⲛⲉⲥⲙⲟⲧ ⲛⲛⲅⲁⲍⲟⲫⲩⲗⲁⲕⲓⲟⲛ ⲉⲥⲕⲏ ⲉϩⲣⲁⲓ ϫⲓⲛ ⲧⲉϩⲓⲏ.
Ezek.42.8 […]
Ezek.42.9 ⲛⲃⲱⲕ ⲉϩⲟⲩⲛ ⲉⲙⲙⲁ ⲛϣⲁ ⲉⲩⲛⲁⲃⲱⲕ ⲉϩⲟⲩⲛ ⲉⲣⲟⲟⲩ ⲉⲃⲟⲗ ϩⲛ ⲧⲁⲩⲗⲏ ⲉⲧϩⲓⲃⲟⲗ.
Ezek.42.10 ⲉⲣⲉⲧϫⲟ ⲛⲧⲁⲩⲗⲏ ϣⲟⲟⲡ ϩⲛ ⲧⲉⲥⲟⲩⲁϣⲥⲉ ⲕⲁⲧⲁ ⲙⲙⲁ ⲛϣⲁ ⲙⲡϩⲟⲧ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲁⲩⲱ ⲙⲡϩⲟⲧ ⲉⲃⲟⲗ ⲙⲡⲕⲱⲧ ϩⲉⲛⲅⲁⲍⲟⲫⲩⲗⲁⲕⲓⲟⲛ ⲉⲩⲕⲏ ⲉϩⲣⲁⲓ.
Ezek.42.11 ⲁⲩⲱ ⲟⲩϩⲓⲏ ϩⲓϩⲏ ⲙⲙⲟⲟⲩ ⲛⲑⲉ ⲙⲡⲉⲓⲛⲉ ⲛⲛⲅⲁⲍⲟⲫⲩⲗⲁⲕⲓⲟⲛ ⲙⲛ ⲛⲉⲧϩⲙ ⲡⲥⲁ ⲙⲡⲉⲙϩⲓⲧ ⲕⲁⲧⲁ ⲛⲉⲩϣⲓⲏ ⲧⲁⲓ ⲧⲉ ⲑⲉ ⲛⲧⲉⲩⲕⲉⲟⲩⲁϣⲥⲉ ⲁⲩⲱ ⲛⲉⲩϩⲓⲟⲟⲩⲉ ⲧⲏⲣⲟⲩ ⲛⲉⲓ ⲉⲃⲟⲗ ⲕⲁⲧⲁ ⲡⲉⲩⲧⲱϣ ⲁⲩⲱ ⲕⲁⲧⲁ ⲛⲉⲩⲣⲟ.
Ezek.42.12 ⲁⲩⲱ ⲕⲁⲧⲁ ⲛⲛⲣⲟ ⲛⲛⲅⲁⲍⲟⲫⲩⲗⲁⲕⲓⲟⲛ ⲉⲧⲙⲡⲥⲁ ⲙⲡⲣⲏⲥ ⲟⲩⲣⲟ ⲉϥⲕⲏ ⲉϩⲣⲁⲓ ⲉⲧⲁⲣⲭⲏ ⲛⲧⲉϩⲓⲏ ⲉⲧⲣⲉⲩϣⲱⲡⲉ ⲙⲡϩⲟⲧ ⲉⲃⲟⲗ ⲛⲧϫⲟ ⲕⲁⲧⲁ ⲙⲙⲁ ⲛϣⲁ ϩⲛ ⲧⲉⲩϩⲓⲏ ⲛⲃⲱⲕ ⲉϩⲟⲩⲛ.
Ezek.42.13 ⲁⲩⲱ ⲡⲉϫⲁϥ ⲛⲁⲓ ϫⲉ ⲛⲅⲁⲍⲟⲫⲩⲗⲁⲕⲓⲟⲛ ⲙⲡⲉⲙϩⲓⲧ ⲁⲩⲱ ⲛⲅⲁⲍⲟⲫⲩⲗⲁⲕⲓⲟⲛ ⲙⲡⲣⲏⲥ ⲛⲉⲧⲙⲡϩⲟⲧ ⲉⲃⲟⲗ ⲙⲡⲙⲁ ⲉⲧⲛⲉϩ ⲉⲃⲟⲗ ⲛⲧⲟⲟⲩ ⲛⲉ ⲛⲅⲁⲍⲟⲫⲩⲗⲁⲕⲓⲟⲛ ⲙⲡⲉⲧⲟⲩⲁⲁⲃ ⲛⲥⲉⲛⲁⲟⲩⲱⲙ ⲁⲛ ⲙⲡⲙⲁ ⲉⲧⲙⲙⲁⲩ ⲛϭⲓ ⲛⲟⲩⲏⲏⲃ ⲉⲧϩⲏⲛ ⲉϩⲟⲩⲛ ⲉⲡϫⲟⲉⲓⲥ ⲛⲛⲉⲧⲟⲩⲁⲁⲃ ⲛⲛⲉⲧⲟⲩⲁⲁⲃ ⲉⲩⲛⲁⲕⲱ ⲙⲡⲙⲁ ⲉⲧⲙⲙⲁⲩ ⲛⲛⲉⲧⲟⲩⲁⲁⲃ ⲛⲛⲉⲧⲟⲩⲁⲁⲃ ⲁⲩⲱ ⲧⲉⲑⲩⲥⲓⲁ ⲙⲛ ⲛⲉⲧⲟⲩⲛⲁⲧⲁⲗⲟⲟⲩ ⲉϩⲣⲁⲓ ϩⲁ ⲛⲟⲃⲉ ⲁⲩⲱ ⲧⲙⲉⲧⲁⲛⲟⲓⲁ ϫⲉ ⲡⲧⲟⲡⲟⲥ ⲡⲉ ⲛⲛⲉⲧⲟⲩⲁⲁⲃ.
Ezek.42.14 ⲛⲟⲩⲏⲏⲃ ⲇⲉ ⲉⲩϣⲁⲛⲃⲱⲕ ⲉϩⲟⲩⲛ ⲛⲛⲉⲩⲉⲓ ⲉⲃⲟⲗ ⲉⲡⲙⲁ ⲉⲧⲙⲙⲁⲩ ⲉⲧⲁⲩⲗⲏ ⲉⲧϩⲓⲃⲟⲗ ⲁⲩⲱ ⲉⲩⲉⲕⲱ ⲙⲡⲙⲁ ⲉⲧⲙⲙⲁⲩ ⲛⲛⲉⲩϩⲟⲉⲓⲧⲉ ⲛⲁⲓ ⲉⲧⲟⲩⲛⲁϣⲙϣⲉ ⲛϩⲏⲧⲟⲩ ϫⲉ ⲥⲉⲟⲩⲁⲁⲃ ⲁⲩⲱ ⲉⲩⲉϯ ϩⲓⲱⲟⲩ ⲛϩⲉⲛⲕⲉϩⲟⲓⲧⲉ ⲛⲥⲉϯⲡⲉⲩⲟⲩⲟⲓ ⲉⲛⲉⲧⲡⲏ ⲉⲛⲁⲡⲗⲁⲟⲥ.
Ezek.42.15 ⲁⲩⲱ ⲁϥϫⲱⲕ ⲉⲃⲟⲗ ⲛⲛϣⲓ ⲙⲡⲏⲓ ⲉⲧϩⲓϩⲟⲩⲛ ⲁⲩⲱ ⲁϥⲛⲧ ⲉⲃⲟⲗ ϩⲛ ⲧⲡⲩⲗⲏ ⲉⲧϭⲱϣⲧ ⲉⲙⲙⲁ ⲛϣⲁ ⲁϥϣⲓⲧⲥ ⲉⲡⲉⲥⲕⲱⲧⲉ ⲧⲏⲣϥ.
Ezek.42.16 ⲡⲉⲥⲡⲓⲣ ⲛⲙⲙⲁ ⲛϣⲁ ⲁϥϣⲓⲧϥ ϩⲙ ⲡⲕⲁϣ ⲉϣⲁϥϣⲓ ⲛϩⲏⲧϥ.
Ezek.42.17 ⲁⲩⲱ ⲡⲉⲥⲡⲓⲣ ⲙⲡⲉⲙϩⲓⲧ ⲁϥϣⲓⲧϥ ⲛϯⲟⲩ ⲛϣⲉ ⲛⲕⲁϣ ⲉϥⲕⲱⲧⲉ ϩⲙ ⲡⲙⲁ ⲉϣⲁϥϣⲓ ⲙⲙⲟϥ.
Ezek.42.18 ⲁⲩⲱ ⲡⲉⲥⲡⲓⲣ ⲙⲡⲣⲏⲥ ⲁϥϣⲓⲧϥ ⲛϯⲟⲩ ⲛϣⲉ ⲙⲡⲕⲁϣ ⲉϥⲕⲱⲧⲉ ϩⲙ ⲡⲕⲁϣ ⲉϣⲁϥϣⲓ ⲙⲙⲟϥ.
Ezek.42.19 ⲁⲩⲱ ⲁϥϣⲓ ⲡⲉⲥⲡⲓⲣ ⲛⲧⲉⲑⲁⲗⲁⲥⲥⲁ ⲛϯⲟⲩ ⲛϣⲉ ⲛⲕⲁϣ ⲉϥⲕⲱⲧⲉ ⲙⲡⲕⲁϣ ⲉϣⲁϥϣⲓ ⲙⲙⲟϥ.
Ezek.42.20 ⲉⲁϥϣⲓ ⲙⲡⲉϥⲧⲟⲩⲧⲏⲩ ⲛϩⲏⲧϥ ⲁⲩⲱ ⲟⲩⲥⲟⲃⲧ ⲉϥϩⲙ ⲡⲉϥⲕⲱⲧⲉ ⲉϥⲛⲁⲣϥⲧⲟⲩ ϣⲉ ⲙⲙⲁϩⲉ ⲛϣⲓⲏ ⲁⲩⲱ ϥⲧⲟⲩ ϣⲉ ⲙⲙⲁϩⲉ ⲛⲟⲩⲱϣⲥ ⲉⲡⲱⲣϫ ϩⲛ ⲧⲙⲏⲧⲉ ⲙⲡⲉⲧⲟⲩⲁⲁⲃ ⲉⲧⲃⲉ ⲟⲩϫⲱϩⲙ.
Type
Allusion
Edition
Boud’hors, Anne. Le Canon 8 de Chénouté. Introduction, Édition Critique. Vol. 1. 2 vols. Le Caire, 2013, 80:FL 26-81:FL 27